Published:Updated:

காய்கறிவிதை கொடுக்கும் தானியங்கி இயந்திரம்...

அசத்தும் வேளாண் பல்கலைக்கழகம்!காசி.வேம்பையன், படங்கள்: கா.முரளி

காய்கறிவிதை கொடுக்கும் தானியங்கி இயந்திரம்...

அசத்தும் வேளாண் பல்கலைக்கழகம்!காசி.வேம்பையன், படங்கள்: கா.முரளி

Published:Updated:

வீட்டுத்தோட்டம் அமைக்கும் பலருக்கும், தரமான விதைகளைத் தேடிப்பிடித்து வாங்குவது பெரும்

காய்கறிவிதை கொடுக்கும் தானியங்கி இயந்திரம்...

சவாலாகத்தான் இருக்கிறது. இந்தப் பிரச்னையைத் தீர்க்கும்விதமாக...

ஒட்டுமொத்த விகடனுக்கும் ஒரே ஷார்ட்கட்!

10 ரூபாய்க்கு தரமான, காய்கறி விதைகளை வழங்கும் தானியங்கி இயந்திரத்தை, தேவை அடிப்படையில் மாவட்ட வாரியாக நிறுவி வருகிறது, தமிழ்நாடு வேளாண் பல்கலைக்கழகம்.

கடந்த 2014-ம் ஆண்டு வேளாண் பல்கலைக்கழகத்தில் நடந்த ‘உழவர் தின விழா’வில் இந்த இயந்திரம் அறிமுகப்படுத்தப்பட்டது. இதுகுறித்து, 10.02.2014 தேதியிட்ட ‘பசுமை விகடன்’ இதழில் பதிவு செய்திருந்தோம். இந்த தானியங்கி விதை வழங்கும் இயந்திரத்தை அடுத்தடுத்து ஒவ்வொரு மாவட்டத்திலும் நிறுவி, திட்டத்தை விரிவுபடுத்தி வருகிறது, வேளாண் பல்கலைக்கழகம். தற்போது, திருச்சி, புதுக்கோட்டை, மதுரை, தேனி, திருநெல்வேலி, சேலம், திருவண்ணாமலை ஆகிய மாவட்டங்களில் தலா ஓர் இடத்திலும்... சென்னையில் இரண்டு இடங்களிலும் இந்த இயந்திரங்கள் பயன்பாட்டில் உள்ளன.

காய்கறிவிதை கொடுக்கும் தானியங்கி இயந்திரம்...

திருவண்ணாமலை மாவட்ட ஆட்சியர் அலுவலகத்தில் செயல்பட்டு வரும் தானியங்கி விதை வழங்கும் இயந்திரத்தின் பொறுப்பாளர், சிறுதானிய மகத்துவ மையத்தின் தலைவர் மற்றும் பேராசிரியருமான ஜெயச்சந்திரனிடம் இந்த இயந்திரம் குறித்து கேட்டபோது, ‘‘துணைவேந்தர் கு.ராமசாமியின் ஆலோசனைப்படி, தானியங்கி விதை வழங்கும் இயந்திரம் தமிழகத்தின் பல பகுதிகளுக்கும் விரிவுபடுத்தப்பட்டுள்ளது. 2 லட்சம் ரூபாய் செலவில் அமைக்கப்பட்டுள்ள இந்த இயந்திரத்தில், ஒரு வரிசைக்கு 6 பாக்கெட்டுகள் வீதம் 900 முதல் 1,000 விதை பாக்கெட்டுகளை நிரப்பலாம். ஒவ்வொரு பாக்கெட்டும், 10 கிராம் முதல் 100 கிராம் எடையுள்ளதாக இருக்கும். இதில் கத்திரி, தக்காளி, மிளகாய், கொத்தவரை, வெண்டை, பீன்ஸ் மாதிரியான காய்கறி விதைகள் மற்றும் மலர் விதைகளும் இருக்கும். 10 ரூபாய் நோட்டை நீளவாக்கில் இயந்திரத்தில் விட்டு, நமக்குத் தேவையான காய்கறி விதை அடுக்கப்பட்டுள்ள வரிசை எண்ணைப் பதிவு செய்தால், விதை பாக்கெட், பெட்டியின் அடியில் வந்து விழும். இந்த இயந்திரத்தைப் பயன்படுத்துவது மிகவும் சுலபம்.

திருவண்ணாமலையில் மாவட்ட ஆட்சியர் அலுவலகத்தில் இந்த இயந்திரம் இருக்கிறது. இதற்கு நல்ல வரவேற்பும் கிடைத்துள்ளது. துவக்கப்பட்ட ஆறு மாதத்தில் சுமார் 5 ஆயிரம் விதை பாக்கெட்டுகள் விற்பனையாகி உள்ளன” என்று பெருமையோடு சொன்னார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism