Published:Updated:

அதிகாரிகளின் அலட்சியம்... அணை நீர் வெளியேறிய அவலம்!

எம்.கார்த்தி, படங்கள்: ஆர்.எம்.முத்துராஜ்

அதிகாரிகளின் அலட்சியம்... அணை நீர் வெளியேறிய அவலம்!

எம்.கார்த்தி, படங்கள்: ஆர்.எம்.முத்துராஜ்

Published:Updated:

விருதுநகர் மாவட்டம், சிவகாசி அருகேயுள்ளது ஆனைக்குட்டம் அணை. மேற்குத்தொடர்ச்சி மலைப்பகுதியில் மழை பெய்து, பிளவக்கல் அணை நிரம்பியதும்... அங்கிருந்து வரும் உபரி தண்ணீர் இந்த ஆனைக்குட்டம் அணையை வந்தடையும். 1989-ம் ஆண்டு கட்டிய இந்த அணையின் கொள்ளளவு 26 மில்லியன் கன அடி. விருதுநகர், திருத்தங்கல் நகராட்சிகளில் வசிக்கும் 4 லட்சத்துக்கும் அதிகமான மக்களின் குடிநீர் தேவை மற்றும் 3 ஆயிரத்து 558 ஏக்கர் விவசாய நிலங்களின் பாசன வசதிக்கு ஆதாரமாக இருப்பது இந்த அணைதான்.

அதிகாரிகளின் அலட்சியம்... அணை நீர் வெளியேறிய அவலம்!

சமீபத்தில் பெய்த கனமழையால் அணை நிரம்பி, டிசம்பர் 2-ம் தேதி, அணையில் 24 மில்லியன் கன அடி தண்ணீர் நிரம்பியது. 10 ஆண்டுகளுக்குப் பிறகு, அணை நிரம்பியதால், விவசாயிகள் மகிழ்ச்சியில் பூரித்துப் போனார்கள். ஆனால், அதிகாரிகளின் செயல்பாட்டால் அந்த மகிழ்ச்சியிலும் மண் விழுந்தது. அணை நிரம்பத் தொடங்கியதை அடுத்து... அதிகாரிகள் அணையின் 4 ஷட்டர்களையும் அவசர அவசரமாகத் திறந்து விட்டனர். நீர்வரத்து குறையத் தொடங்கியதும் ஷட்டரை மூட முயற்சிக்கும்போது... இரண்டு ஷட்டர்கள் கீழே இறங்காமல் போக, இரவுக்குள் அணையில் இருந்த தண்ணீர் முழுவதும் வெளியேறியது.

ஒட்டுமொத்த விகடனுக்கும் ஒரே ஷார்ட்கட்!

அதிகாரிகளின் அலட்சியம்... அணை நீர் வெளியேறிய அவலம்!

முதல் நாள் கடல் போல் காட்சியளித்த அணை, அடுத்த நாள் கட்டாந்தரையாக காட்சியளித்தைப் பார்த்து கொதித்துப்போன விவசாயிகளும் பொதுமக்களும் பொதுப்பணித்துறை அதிகாரிகளைக் கண்டித்து சாலை மறியலில் ஈடுபட்டனர். மறியலில் ஈடுபட்ட சிவகாசி ஒன்றியக்குழு உறுப்பினர்கள் செல்வம், காசி உட்பட 100 பேர் மீது காவல்துறையினர் வழக்கு பதிவு செய்துள்ளனர். கைது நடவடிக்கைக்குப் பயந்து பல விவசாயிகள் தலைமறைவாக உள்ளனர்.

வைப்பாறு வடிநில வட்டத்தின் கண்காணிப்புப் பொறியாளர் (பொதுப்பணித்துறை) சந்திரமோகனிடம் கேட்டபோது, “கிராமங்களுக்குள் வெள்ளம் புகுந்துடும்கிறதால ஷட்டரைத் திறந்து விட்டோம். தண்ணீர் வரத்து குறையத் தொடங்கவும் ஷட்டரை மூடும்போது, ரெண்டு ஷட்டர்ல திடீர் கோளாறு ஏற்பட்டு மூட முடியலை.

அதிகாரிகளின் அலட்சியம்... அணை நீர் வெளியேறிய அவலம்!

அணையில் இருந்து 70% நீர் வெளியேறிடுச்சு. ஆனால், கோல்வார்பட்டி, இருக்கண்குடி அணைகளுக்குத்தான் போய் சேர்ந்திருக்கு. ஆனைக்குட்டம் அணையில் 14 அடி உயரத்துக்கு தண்ணீர் தேங்கியிருக்கு அணைக்கு, தொடர்ந்து தண்ணீர் வந்துக்கிட்டுதான் இருக்கு. சீக்கிரமே அணை நிரம்பிடும்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism