Published:Updated:

ஏக்கருக்கு 35 குவிண்டால்... மக்காச்சோளத்தில் மகத்தான லாபம்!

ஏக்கருக்கு  35 குவிண்டால்... மக்காச்சோளத்தில் மகத்தான லாபம்!
பிரீமியம் ஸ்டோரி
ஏக்கருக்கு 35 குவிண்டால்... மக்காச்சோளத்தில் மகத்தான லாபம்!

காசி.வேம்பையன்சந்தைக்கேற்ற சாகுபடி! லாப ஊருக்கு ஒரு வழிகாட்டி!

ஏக்கருக்கு 35 குவிண்டால்... மக்காச்சோளத்தில் மகத்தான லாபம்!

காசி.வேம்பையன்சந்தைக்கேற்ற சாகுபடி! லாப ஊருக்கு ஒரு வழிகாட்டி!

Published:Updated:
ஏக்கருக்கு  35 குவிண்டால்... மக்காச்சோளத்தில் மகத்தான லாபம்!
பிரீமியம் ஸ்டோரி
ஏக்கருக்கு 35 குவிண்டால்... மக்காச்சோளத்தில் மகத்தான லாபம்!

*110 முதல் 115 நாட்கள் வயது
*வடிகால் வசதியுள்ள நிலத்தில் நன்றாக வளரும்
*ஜனவரி மாதம் முதல் ஏப்ரல் மாதம் வரை விலை குறையும்
*ஜுன் மாதம் முதல் அக்டோபர் மாதம் வரை அதிக விலை கிடைக்கும்.
*சித்திரைப் பட்டத்தில் சாகுபடி செய்தால், நல்ல விலை கிடைக்கும்.

யல், விளைச்சலை அள்ளிக் கொடுத்திருந்தாலும்... சந்தையில் விலை கிடைத்தால்தான், லாபம் கிடைக்கும். ஒவ்வொரு பயிருக்கும் எந்தப் பருவத்தில் நல்ல விலை கிடைக்கும்... சந்தையின் தேவை என்ன? என்பது போன்ற அடிப்படையான சில தகவல்களைத் தெரிந்து கொண்டால், விலை இல்லையே என்ற கவலையே இருக்காது. ஒவ்வொரு பயிருக்குமான சந்தைத் தகவல்களை அலசுகிறது, இத்தொடர். முதல் பயிராக இடம் பிடிக்கிறது, மக்காச்சோளம்.

ஏக்கருக்கு  35 குவிண்டால்... மக்காச்சோளத்தில் மகத்தான லாபம்!

மக்காச்சோளத்தின் தாயகம், தெற்கு மெக்ஸிகோ மற்றும் மத்திய அமெரிக்கா என்று சொல்லப்படுகிறது. 17-ம் நூற்றாண்டில் கிழக்கு இந்திய கம்பெனி மூலமாக, இந்தியாவில் அறிமுகப்படுத்தப்பட்ட பயிர் இது. நேரடியாக உண்பதற்கு, சோளப்பொறி தயாரிக்க, மாவுப்பொருட்கள் தயாரிக்க என மக்காச்சோளம் பயன்படுத்தப்படுவதுடன்... சில ஆலைகளின் மூலப்பொருளாகவும், கோழித் தீவனம் மற்றும் மாட்டுத் தீவனம் தயாரிக்கவும் பயன்படுகிறது.

மக்காச்சோளத்துக்கு எந்த சந்தையில் அதிகமான விற்பனை வாய்ப்பு உள்ளது என்பது குறித்து... பல்வேறு சந்தைகளில் மக்காச்சோளம் விற்பனையான அளவு, உடுமலைப்பேட்டை சந்தையில் நீண்ட காலமாக மக்காச்சோளத்துக்குக் கிடைத்த விலை ஆகியவற்றின் அடிப்படையில் ஆய்வு முடிவுகளை நமக்கு அளித்துள்ளது, தமிழ்நாடு வேளாண்மைப் பல்கலைக்கழகத்தில் இயங்கி வரும், உள்நாட்டு மற்றும் ஏற்றுமதி சந்தை தகவல் மையம், வேளாண் மற்றும் ஊரகமேம்பாட்டு ஆய்வு மையம்.

49% மகசூல் கோழித் தீவனத்துக்குத்தான்!


இந்திய அளவில் 2014-15-ம் ஆண்டில் 7.8 மில்லியன் ஹெக்டேர் பரப்பில் மக்காச்சோளம் பயிரிடப்பட்டு... 16.03 மில்லியன் டன் அளவு உற்பத்தி செய்யப்பட்டது. தமிழ்நாட்டில், 0.33 மில்லியன் ஹெக்டேர் பரப்பில் சாகுபடி செய்யப்பட்டு, 1.81 மில்லியன் டன் அளவு உற்பத்தி செய்யப்பட்டது. மொத்த விளைச்சலில் 25 சதவிகிதம் கால்நடைத் தீவனமாகவும், 49 சதவிகிதம் கோழித்தீவனத் தயாரிப்புக்கும், 12 சதவிகிதம் தொழிற்சாலைகளுக்கான மூலப் பொருட்களாகவும் பயன்படுத்தப்படுகிறது.

தமிழ்நாட்டில் பரவலாக மக்காச்சோளம் பயிரிடப்பட்டாலும்... பெரம்பலூர், அரியலூர், திருப்பூர், கோயம்புத்தூர், திண்டுக்கல், தேனி, சேலம் மற்றும் தூத்துக்குடி ஆகிய மாவட்டங்கள் உற்பத்தியில் கணிசமான பங்கு வகிக்கின்றன.

தமிழ்நாட்டைப் பொறுத்தவரை... ஆடிப்பட்டம், தைப்பட்டம் ஆகிய பட்டங்களில் அதிகமான அளவுக்கு மக்காச்சோளம் சாகுபடி செய்யப்படுகிறது. ஆடிப்பட்டத்தில் விதைக்கும்போது கிடைக்கும் மகசூலை விட தைப்பட்டத்தில் விதைக்கும்போது கூடுதல் மகசூல் கிடைக்கிறது.

விலையைத் தீர்மானிக்கும் உடுமலைப்பேட்டை சந்தை!


தமிழ்நாட்டில் பரவலாகப் பல இடங்களில் மக்காச்சோளம் கொள்முதல் செய்யப்படுகிறது. ஆனால், உடுமலைப்பேட்டை, பல்லடம் பகுதிகளில் அதிகளவு கோழிப்பண்ணைகளும்; ஈரோடு, கோயம்புத்தூர் பகுதிகளில் மாட்டுத் தீவன உற்பத்தி நிறுவனங்கள் மற்றும் மக்காச்சோளத்தை மூலப்பொருட்களாகப் பயன்படுத்தும் தொழிற்சாலைகளும் உள்ளதால்... மக்காச்சோளத்தின் விலையைத் தீர்மானிப்பதில் ‘உடுமலைப்பேட்டை ஒழுங்குமுறை விற்பனைக்கூடம்’ முக்கியப் பங்கு வகிக்கிறது. இந்த சந்தையின் விலை அடிப்படையில்தான் மற்ற இடங்களில் மக்காச்சோளம் கொள்முதல் செய்யப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

ஏக்கருக்கு  35 குவிண்டால்... மக்காச்சோளத்தில் மகத்தான லாபம்!

தீவனப்பற்றாக்குறை போக்கும் அண்டை மாநிலங்கள்!

டிசம்பர் மாதம் முதல் மார்ச் மாதம் வரையில் மக்காச்சோளம் அதிகமாக விற்பனைக்கு வரும். ஜுன் மாதம் முதல் செப்டம்பர் மாதம் வரை வரத்து குறையும். ஜனவரி மாதம் முதல் ஏப்ரல் மாதம் வரை வட மாநிலங்களில் இருந்து வரத்து இருக்கும் என்பதால், தமிழ்நாட்டில் விலை குறையும். ஜூன் மாதம் முதல் அக்டோபர் மாதம் வரை விலை அதிகரிக்கும். தமிழ்நாட்டுக்கான தேவையில் 50 சதவிகிதம் அளவுக்கு மட்டுமே, இங்கு விளைச்சல் உள்ளது. ஆகையால், கோழிப் பண்ணைகள், தீவனப் பற்றாக்குறை காலங்களில் கர்நாடகா, ஆந்திரா, பீகார் போன்ற மாநிலங்களில் இருந்து கொள்முதல் செய்கின்றனர்.

விற்பனைக்கு ஏற்ற 12% ஈரப்பதம்!


மஞ்சள் நிற மக்காச்சோளம், முட்டையில் மஞ்சள் கருவின் தரத்தை மேம்படுத்தி விலையை அதிகரிக்கச் செய்வதுடன், கோழியின் உடல் எடையை அதிகரிக்கச் செய்கிறது. ஆகையால், அதிக நார்ச்சத்துள்ள பெரிய மணிகள், 12 சதவிகிதம் மிகாத ஈரப்பதம், சேதமில்லாத விதை, பூஞ்சணம் மற்றும் பிறபொருட்கள் கலப்பு இல்லாத தரமான மக்காச்சோள விதைகளையே நுகர்வோர் விரும்புகின்றனர். இந்தியாவிலிருந்து, இந்தோனேசியா, வியட்நாம், ஜப்பான், சிங்கப்பூர், மலேசியா மற்றும் இலங்கை ஆகிய நாடுகளுக்கு ஏற்றுமதியும் செய்யப்படுகிறது. தமிழ்நாட்டில், தூத்துக்குடி மற்றும் சென்னை ஆகிய துறைமுகங்கள் வழியாக இலங்கைக்கு அதிக அளவு ஏற்றுமதி செய்யப்படுகிறது. 

உடுமலைப்பேட்டை ஒழுங்குமுறை விற்பனைக்கூட கண்காணிப்பாளர் தரும் ஆலோசனைகள், பொருளீட்டுக்கடன், ஏக்கருக்கு 54 குவிண்டால் மகசூல் கொடுக்கும் ரகம் போன்ற தகவல்கள்...அடுத்த இதழில். 

-லாபம் பெருகும்

சித்திரையில் கூடுதல் விலை!

ஏக்கருக்கு  35 குவிண்டால்... மக்காச்சோளத்தில் மகத்தான லாபம்!



தமிழ்நாடு வேளாண்மைப் பல்கலைக்கழகத்தின் முன்னாள் பேராசிரியரும், வேளாண் பொருளியியல் நிபுணருமான முனைவர் ரவீந்திரன், “நாம் செய்கிற விவசாயத்துக்குப் போட்டி மாநிலம்  என்றால், அது கர்நாடக மாநிலமாகத்தான் இருக்கும். அவர்கள் சித்திரைப் பட்டத்தில் மக்காச்சோளம் சாகுபடி செய்வதில்லை. ஆகையால், அங்கிருந்து ஜூன், ஜூலை, ஆகஸ்ட் மாதங்களில் நம்முடைய சந்தைக்கு மக்காச்சோள வரத்து இருக்காது. நாம் சித்திரைப் பட்டத்தில் மக்காச்சோளம் சாகுபடி செய்தால் நமக்கு நல்ல விலை கிடைக்கும்” என்று ஆலோசனை சொல்கிறார்.

ஏக்கருக்கு 35 குவிண்டால்!

15 ஆண்டு காலமாகத் தொடர்ந்து மக்காச்சோள சாகுபடியில் ஈடுபட்டு வரும் கோயம்புத்தூர் மாவட்டம், பல்லடம் அருகே இருக்கும் ஜெ.கிருஷ்ணாபுரத்தைச் சேர்ந்த கோவிந்தராஜ், “நான், ஒவ்வொரு வருஷமும் புரட்டாசிப் பட்டத்தில ரெண்டு ஏக்கர் அளவுக்கு மக்காச்சோளம் சாகுபடி செய்றேன். மக்காச்சோளத்தின் வயது 110 நாள்ல இருந்து 115 நாள். இந்தப் பட்டத்துல விதைச்சா, தை மாதம் அறுவடைக்கு வந்துடும். தனியார் கம்பெனி விதைகளைத்தான் பயன்படுத்துறேன். ஏக்கருக்கு 27 குவிண்டால்ல இருந்து
35 குவிண்டால் மகசூல் கிடைக்குது.

பல்லடம் பக்கம் அதிகமான கோழிப்பண்ணைகள் இருக்கிறதால, வியாபாரிகளும் அதிகமா இருக்கிறாங்க. அவங்களே நேரடியா தோட்டத்துக்கு வந்து, விலையைப் பேசி வாங்கிட்டுப் போயிடுறாங்க. இந்த வருஷம் ஒரு குவிண்டால் 1,450 ரூபாய்னு வியாபாரிங்க கொள்முதல் செய்றாங்க. ஏக்கருக்கு 20 ஆயிரம் ரூபாய் செலவு போனாலும், 15 ஆயிரம் ரூபாய்ல இருந்து 20 ஆயிரம் ரூபாய் வரை  லாபமா கிடைக்கும். எங்க பகுதியில என்னிக்குமே மக்காச்சோளத்துக்கான விலையிலயும் விற்பனையிலயும் பிரச்னை வர்றதில்லை” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism