Published:Updated:

‘‘மாசியில் கோட்டை கட்டணும், ஆடியில் விதைக்கணும்..!’’

‘‘மாசியில் கோட்டை கட்டணும், ஆடியில் விதைக்கணும்..!’’
பிரீமியம் ஸ்டோரி
‘‘மாசியில் கோட்டை கட்டணும், ஆடியில் விதைக்கணும்..!’’

இ.கார்த்திகேயன், படங்கள்: எல்.ராஜேந்திரன்

‘‘மாசியில் கோட்டை கட்டணும், ஆடியில் விதைக்கணும்..!’’

இ.கார்த்திகேயன், படங்கள்: எல்.ராஜேந்திரன்

Published:Updated:
‘‘மாசியில் கோட்டை கட்டணும், ஆடியில் விதைக்கணும்..!’’
பிரீமியம் ஸ்டோரி
‘‘மாசியில் கோட்டை கட்டணும், ஆடியில் விதைக்கணும்..!’’

ண்மையில் ‘பாரம்பர்ய இயற்கை விவசாயமும் மருந்தில்லா மக்கள் நல வாழ்க்கையும்’ என்ற தலைப்பில் கருத்தரங்கு திருநெல்வேலியில் நடைபெற்றது. நிகழ்ச்சியை ‘நெல்லை இயற்கை விவசாயிகள் கூட்டமைப்பு’, ‘நல்லமுத்து இயற்கை வேளாண் ஆய்வு மையம்’ மற்றும் ‘புளியங்குடி தங்கம்மாள் அறக்கட்டளை’ ஆகியவை இணைந்து ஏற்பாடு செய்திருந்தன. கருத்தரங்கில், தெலங்கானா மாநிலத்தைச் சேர்ந்த முன்னோடி இயற்கை விவசாயி நாகரத்தின நாயுடு, தென் மண்டல காவல்துறைத் தலைவர் முருகன், மாவட்ட ஆட்சித்தலைவர் கருணாகரன் ஆகியோர் கலந்து கொண்டனர்.

கருத்தரங்கில் பேசிய காவல்துறைத் தலைவர் முருகன், ‘இப்போ யாருமே பாரம்பர்ய நெல் ரகங்களை அதிகம் சாகுபடி செய்யுறதில்லை. அந்த அரிசியில இயற்கையாவே நோய் எதிர்ப்புச் சக்தி அதிகம். ‘பாரம்பர்ய நெல் ரகங்களின் கதிர்களே கத்தி மாதிரி கூர்மையா இருக்கிறதுனால பூச்சித்தாக்குதல் வராது’னு ‘பசுமை விகடன்’ல வந்த ‘பூச்சிகளும் நண்பர்களே’ தொடர்ல விரிவா எழுதியிருக்காங்க.

‘‘மாசியில் கோட்டை கட்டணும், ஆடியில் விதைக்கணும்..!’’

இருபது, இருபத்தஞ்சு வருஷத்துக்கு முன்னாடி... தை மாதம் நெல் அறுவடை முடிஞ்சதும் களத்துலேயே விதைநெல்லை விதை உறக்கத்துல வெச்சு, மாசி மக நாளில் விதைநெல்லை கோட்டை கட்டுவாங்க. ஆடி மாதம் கோட்டையை குட்டையில போட்டு ஊற விட்டு எடுத்து அது மேல தண்ணீர் ஊத்துவாங்க. அப்போ சாணி கரைஞ்சு விதைநெல்லில் இறங்கும்போதே ‘விதைநேர்த்தி’ முடிஞ்சுடும். அடுத்த ரெண்டாம் நாள் முளைப்பு எடுத்த உடனே விதைப்பாங்க. பழுதில்லாம விளைஞ்சுடும். இப்போதெல்லாம் இதை விவசாயிகள் கடைப்பிடிக்கிறதேயில்லை’’ என்று வருத்தப்பட்டார்.

தொடர்ந்து பேசிய நாகரத்தின நாயுடு, ‘‘நல்ல உணவைக் கொடுத்து மக்களோட ஆரோக்கியத்தைக் காப்பாத்துற புனிதமான பணி விவசாயிகள்ட்ட ஒப்படைக்கப்பட்டிருக்கு. அதனால, நிலத்தையும், உடல் ஆரோக்கியத்தையும் சீரழிக்கிற ரசாயன உரத்தைப் பயன்படுத்தாம இயற்கை முறையில விவசாயம் செய்யணும். எப்பவுமே கலப்புப் பயிர் சாகுபடிதான் நல்லது. விளைபொருட்களை மதிப்புக் கூட்டி நேரடி விற்பனை செய்தா கண்டிப்பா லாபம் சம்பாதிக்க முடியும்’’ என்றவர், இயற்கை விளைபொருட்களை நேரடியாக விற்பனை செய்ய திருநெல்வேலி மாவட்ட விவசாயிகளுக்கு ஒரு இடம் ஒதுக்கி தருமாறு, மாவட்ட ஆட்சித்தலைவரிடம் கோரிக்கை வைத்தார். நிறைவாகப் பேசிய மாவட்ட ஆட்சித்தலைவர் கருணாகரன், நாகரத்தின நாயுடுவின் கோரிக்கையை ஏற்று பரிசீலனை செய்வதாக உறுதியளித்தார்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism