Published:Updated:

“இந்த பட்ஜெட்... விவசாயிகளுக்கல்ல... கம்பெனிகளுக்கு!”

 “இந்த பட்ஜெட்... விவசாயிகளுக்கல்ல... கம்பெனிகளுக்கு!”
பிரீமியம் ஸ்டோரி
“இந்த பட்ஜெட்... விவசாயிகளுக்கல்ல... கம்பெனிகளுக்கு!”

ஜி.பழனிச்சாமி, கு.ராமகிருஷ்ணன், த.ஜெயகுமார்

“இந்த பட்ஜெட்... விவசாயிகளுக்கல்ல... கம்பெனிகளுக்கு!”

ஜி.பழனிச்சாமி, கு.ராமகிருஷ்ணன், த.ஜெயகுமார்

Published:Updated:
 “இந்த பட்ஜெட்... விவசாயிகளுக்கல்ல... கம்பெனிகளுக்கு!”
பிரீமியம் ஸ்டோரி
“இந்த பட்ஜெட்... விவசாயிகளுக்கல்ல... கம்பெனிகளுக்கு!”

• பட்ஜெட்டில் 2 சதவிகிதம் கூட விவசாயத்துக்கு ஒதுக்கப்படவில்லை.

• இந்தியாவில் 52% முதல் 55 % மக்கள் விவசாயத்தைத்தான் நம்பியுள்ளார்கள்.

• டிராக்டர் கம்பெனிகள், உரம், விதை கம்பெனிகள்தான் பலன் அடையும்.

ஒட்டுமொத்த விகடனுக்கும் ஒரே ஷார்ட்கட்!

• இது விவசாயிகள் நலன் சார்ந்த பட்ஜெட் என்பது உண்மையல்ல.

த்திய நிதியமைச்சர் அருண் ஜெட்லி, 2016-17ம் ஆண்டுக்கான நிதிநிலை அறிக்கையை பிப்ரவரி, 29-ம் தேதி நாடாளுமன்றத்தில் தாக்கல் செய்தபோது, ‘இது விவசாயம் மற்றும் விவசாயிகள் நலன் சார்ந்த பட்ஜெட்’ என புகழாரம் சூட்டியுள்ளார். இதையடுத்து, பலவிதமான கருத்துக்கள் வெளியிடப்பட்டாலும், எங்கு திரும்பினாலும் விவசாய பட்ஜெட் என்கிற பரப்புரையே எதிரொலிக்கிறது.

 “இந்த பட்ஜெட்... விவசாயிகளுக்கல்ல... கம்பெனிகளுக்கு!”

‘உண்மையில் இது விவசாயிகளின் வாழ்க்கையைச் செழிக்க வைக்கும் பட்ஜெட்தானா... விவசாயத்தை வளப்படுத்துமா...’ என்பது குறித்து இதோ பேசுகிறார்கள் விவசாயிகள் மற்றும் விவசாயப் பிரதிநிதிகள்...

ஆறுபாதி கல்யாணம், பொதுச்செயலாளர், டெல்டா மாவட்ட விவசாய சங்கங்களின் கூட்டமைப்பு: “2016-17ம் ஆண்டுக்கான மொத்த நிதி ஒதுக்கீடு 19.78 லட்சம் கோடி. இதில் விவசாயம் மற்றும் விவசாயிகள் நலன் சார்ந்தவற்றுக்கான ஒதுக்கீடு 35 ஆயிரத்து 984 கோடி ரூபாய்தான். மொத்த பட்ஜெட்டில் 2 சதவிகிதம் கூட விவசாயத்துக்கு ஒதுக்கப்படவில்லை. இந்தியாவில் 52% முதல் 55 % மக்கள் விவசாயத்தைத்தான் நம்பியுள்ளார்கள். குறைந்தபட்சம் 20 சதவிகிதமாவது ஒதுக்கினால்தான் போதுமானதாக இருக்கும். நீர்ப் பாசனத் திட்டங்களுக்கு நிதி ஒதுக்கீடு செய்யப்பட்டுள்ளது. இதை வரவேற்கிறோம். அதேசமயம் நதிநீர் இணைப்பு குறித்தோ, தேசிய நீர்வழிச்சாலைத் திட்டங்கள் குறித்தோ, பாரம்பர்ய பசுவினங்கள் வளர்ப்பு குறித்தோ எந்த அறிவிப்பும் இல்லாதது ஏமாற்றம் அளிக்கிறது.”

 “இந்த பட்ஜெட்... விவசாயிகளுக்கல்ல... கம்பெனிகளுக்கு!”
 “இந்த பட்ஜெட்... விவசாயிகளுக்கல்ல... கம்பெனிகளுக்கு!”

கி.வெங்கட்ராமன், வேளாண் பொருளியல் நிபுணர் மற்றும் ஆலோசகர்: ‘‘இது விவசாயிகள் நலன் சார்ந்த பட்ஜெட் என பிரதமர் மோடியும் நிதியமைச்சர் அருண் ஜெட்லியும் சொல்வது உண்மையல்ல. விவசாயிகள் நேரடியாகப் பயனடையக்கூடிய துல்லியமான நிதி ஒதுக்கீடுகளோ, ஆக்கப்பூர்வமான திட்டங்களோ இதில் இல்லை. விவசாயத்துறைக்கு ஒதுக்கப்பட்டுள்ள நிதி என்பது விவசாயத்துக்கு மட்டுமே முழுமையாகப் போய் சேராது. இதில் பெருமளவு பணம், வேளாண் சார்ந்த தொழில்கள் என்ற போர்வையில் உள்ள பெரும் நிறுவனங்களுக்குத்தான் வழக்கம்போல தாரை வார்க்கப்படும். நொறுக்குத் தீனி தயாரிக்கும் இந்துஸ்தான் லீவர்’ போன்ற பெரும் நிறுவனங்கள், ஜாம் உள்ளிட்ட உணவுப் பதப்படுத்தும் நிறுவனங்கள், டிராக்டர் கம்பெனிகள், உரம் மற்றும் விதை கம்பெனிகள்தான் அதிகளவில் பலன் அடையும்.

மானியக்கடன், வரிச்சலுகை, வரிவிலக்கு, குறைந்த வட்டியில் கடன் என பலவிதமான சலுகைகள் இந்நிறுவனங்களுக்கு வழங்கப்படும். இவை அனைத்துமே வேளாண்மைக்கான நிதி ஒதுக்கீட்டில் இருந்தே செலவளிக்கப்படும். இயற்கை விவசாய சாகுபடி இரு மடங்காக உயர்த்தப்படும் என சொல்லப்பட்டுள்ளது. இதுவும் கண்துடைப்புதான். இயற்கை விவசாய விளைபொருட்களுக்கு சந்தை உத்தரவாதம் உருவாக்கித் தருவது குறித்து எதுவும் சொல்லப்படவில்லை.

இயற்கை வேளாண்மைக்கு ஒதுக்கப்படும் நிதி என்பது, இயற்கை இடுபொருட்கள் தயாரிக்கக்கூடிய ரிலையன்ஸ் போன்ற நிறுவனங்களுக்குத்தான் போய் சேரும். இதுபோன்ற நிறுவனங்களுக்காகத்தான் இத்தகைய கவர்ச்சிகரமான அறிவிப்பே வெளியிடப்பட்டுள்ளது.

விவசாயிகளின் வருமானம் இன்னும் 3 ஆண்டுகளில் 50 சதவிகிதமாக உயர்த்தப்படும் என பட்ஜெட் அறிவிப்பில் சொல்லப்பட்டுள்ளது. ஆனால் இதற்கான திட்டங்கள் குறித்தோ, நிதி ஒதுக்கீடு குறித்தோ எதுவும் சொல்லப்படவில்லை. விளைபொருட்களுக்கு லாபகரமான விலை கிடைத்தாலே விவசாயிகளின் வருமானம் தானாக உயர்ந்துவிடும்

 “இந்த பட்ஜெட்... விவசாயிகளுக்கல்ல... கம்பெனிகளுக்கு!”

”அனந்து, ஒருங்கிணைப்பாளர், பாதுகாப்பான உணவுக்கான கூட்டமைப்பு: “பட்ஜெட்டில் வார்த்தைஜாலம்தான் இருக்கிறது. உருப்படியாக எதுவும் இல்லை. விவசாயிகளின் வருமானம் இரட்டிப்பாக்கப்படும் என்கிறார்கள். தற்போது மாதத்துக்கு ஒரு விவசாயக் குடும்பம் 6 ஆயிரம் ரூபாய் சம்பாதிக்கிறது என்கிறது, அரசின் புள்ளிவிவரம். 2022-ல் இவர்களின் வருமானம் இரட்டிப்பாகும் என்கிற பட்சத்தில் 12 ஆயிரம் ரூபாயாக வளரும். தற்போது ஒரு கடைநிலை ஊழியரின் சம்பளமே 15 ஆயிரம் ரூபாய்க்கு மேல் என்கிற நிலையில், இன்னும் 5 ஆண்டுகள் கழித்து, 12 ஆயிரம் ரூபாயை வைத்துக் கொண்டு அந்தக் குடும்பம் எப்படி பிழைக்கும்?

இயற்கை விவசாய நிலங்கள் 5 லட்சம் ஏக்கராக மாற்றப்படும் என்கிறார்கள். ஏற்கெனவே இந்தியாவின் இயற்கை விவசாய நிலங்களின் எண்ணிகை 5 லட்சம் ஏக்கராகத்தான் இருக்கிறது. உலக நாடுகள், பருவநிலை மாற்றம் குறித்து என்ன நடவடிக்கை எடுக்கப்பட்டுள்ளது என்று இந்தியாவுக்குத் தொடர்ந்து நெருக்கடி கொடுத்து வருகின்றன. அதற்காகவே போடப்பட்ட பட்ஜெட்தானோ என்று தோன்றுகிறது. மொத்த நிதியும் எங்கெங்கு செல்கிறது என்பதைக் கூர்ந்து கவனித்தாலே, இது விவசாயிகளின் பட்ஜெட்தானா என்பதைத் தெரிந்து கொள்ளலாம்.’’

 “இந்த பட்ஜெட்... விவசாயிகளுக்கல்ல... கம்பெனிகளுக்கு!”

சி.வையாபுரி, தலைவர், ஐக்கிய விவசாயிகள் சங்கம்: “பாசனத் திட்டங்களுக்கு முன்னுரிமை என்பது வரவேற்கத்தக்கது. அதேசமயம் பயிர்வாரி முறை அமல்படுத்தபட வேண்டும். நஞ்சைப் பயிரை, புஞ்சை நிலத்தில் செய்ய வைத்த பசுமைப் புரட்சி முறைதான் தண்ணீர் பிரச்னைக்கு காரணம். அந்தந்த மண்ணுக்கு ஏற்ற விவசாயம் செய்தால் நிலத்தடி நீர் எப்போதும் குறையாது. இயற்கை வேளாண்மையை ஊக்கப்படுத்தும் அதேவேளையில் அரசு விருந்துகளில் 70 சதவிகிதம் சிறுதானிய உணவுகள் கட்டாயமாக்கப்பட வேண்டும். மானாவாரி விவசாயம்தான், 100 சதவிகித இயற்கை விவசாயம். அந்த விவசாயம் செய்பவர்களுக்கு மானியம் வழங்கியிருக்க வேண்டும். இதுபோன்ற பல அறிவிப்புகளை எதிர்பார்த்தேன். ஏமாற்றம்தான் மிஞ்சியது.”

2016-17ம் ஆண்டுக்கான நிதிநிலை அறிக்கையின் அறிவிப்புகள் மற்றும் நிதி ஒதுக்கீடுகள்:

• ‘பிரதான் மந்திரி கிருஷி சிச்சாய் யோஜனா’ திட்டத்தின் கீழ் 28.5 லட்சம் ஹெக்டேர் விளைநிலங்களுக்கு நீர்ப்பாசன வசதி.

• விவசாயம் சார்ந்த கடன் உதவிக்கு `9 லட்சம் கோடி ஒதுக்கீடு செய்யப்பட்டுள்ளது.

• விவசாயிகள் வருமானத்தை அடுத்த 5 ஆண்டுகளில் இரட்டிப்பாக்க இலக்கு. அதற்கேற்ப விவசாயக் கொள்கைகளில் திருத்தம் மேற்கொள்ளப்படும்.

• நீர்ப்பாசனத் திட்டங்களுக்காக நபார்டு வங்கியில் பிரத்யேகமாக 20 ஆயிரம் கோடி ரூபாய் முதலீட்டில் நீர்ப் பாசன நிதியம்.

• இயற்கை வேளாண் முறையை ஊக்குவிக்க 412 கோடி ரூபாய் ஒதுக்கீடு.

• இயற்கை விவசாய நிலங்கள் 5 லட்சம் ஏக்கராக மாற்றப்படும்

• மழை வளம் நிறைந்த பகுதிகளில் இயற்கை வேளாண் முறையில் மகசூலைப் பெருக்க இரண்டு திட்டங்கள்.


• 100 நாள் வேலைத் திட்டத்துக்கு 38 ஆயிரத்து

• 500 கோடி நிதி ஒதுக்கீடு.

• 89 நீர்ப்பாசனத் திட்டங்கள் விரைந்து நிறைவேற்றப்படும்.

• பிரதமரின் புதிய பயிர்க் காப்பீட்டுத் திட்டத்துக்கு

• 5 ஆயிரத்து 500 கோடி ரூபாய் ஒதுக்கீடு.

• வேளாண் பொருட்களுக்கான ‘ஆன்லைன் சந்தை’ அம்பேத்கர் பிறந்தநாளன்று தொடங்கப்படும்.

• வேளாண் சந்தைகள் இணையதளம் மூலம் இணைக்கப்படும்.

• ‘பிரதான் மந்திரி கிருஷி விகாஸ் யோஜனா’ திட்டத்தின் கீழ் அடுத்த 3 ஆண்டுகளில் 5 லட்சம் ஏக்கர் நிலத்தில் இயற்கை விவசாயம் செய்யப்படும்

• விவசாயத்துறைக்கு 35 ஆயிரத்து 984 கோடி ரூபாய் ஒதுக்கீடு.

• விவசாயிகளுக்கு உர மானியம் நேரடியாக வங்கிக் கணக்கில் செலுத்தப்படும்.

• உள்நாட்டுக் கலப்பின பசுக்களை உருவாக்கவும், கால்நடை நலத்தைப் பாதுகாக்கவும் 4 புதிய சிறப்புத் திட்டங்களின் கீழ் `850 கோடி ஒதுக்கீடு .

• தேசிய வேலை உறுதியளிப்புத் திட்டத்தின் கீழ் 5 லட்சம் பண்ணைக்குட்டைகள், ஆழ்கிணறுகள், இயற்கை உரம் தயாரிக்க 10 லட்சம் உரக்குழிகள்  அமைக்கப்படும்.

• மூன்று ஆண்டுகளில் உர நிறுவனங்களின் உதவியுடன் 2 ஆயிரம் மாதிரி மண்வளப் பரிசோதனை மற்றும் விதைப் பரிசோதனை மையங்கள்  தொடங்கப்படும்.

 “இந்த பட்ஜெட்... விவசாயிகளுக்கல்ல... கம்பெனிகளுக்கு!”

‘அறச்சலூர்’ செல்வம், மாநில ஒருங்கிணைப்பாளர், தமிழ்நாடு இயற்கை விவசாயிகள் கூட்டமைப்பு: “விவசாயிகள் தற்கொலை செய்து கொள்வதற்கும், விவசாயத்திலிருந்து வெளியேறுவதற்கும் காரணம்... விவசாயத்தில் வருவாய் உத்தரவாதம் இல்லாததுதான். உத்தரவாதத்தை உருவாக்கும் உறுதியான எந்தத் திட்டங்களும் இல்லை.”

கு.செல்லமுத்து, தலைவர், உழவர் உழைப்பாளர் கட்சி: “விவசாயிகள் தற்கொலைகளைத் தடுக்கும் ஒரே தீர்வு... கடன் தள்ளுபடி மட்டும்தான். அதுகுறித்து எந்த அறிவிப்பும் இல்லாதது ஏமாற்றம் அளிக்கிறது.”

 “இந்த பட்ஜெட்... விவசாயிகளுக்கல்ல... கம்பெனிகளுக்கு!”

செ.நல்லசாமி, ஒருங்கிணைப்பாளர், தமிழ்நாடு கள் இயக்கம்: “2022-ம் ஆண்டில் விவசாயிகளின் வருமானம் இருமடங்கு ஆக்கப்படும், கிராமப்புற வேலை வாய்ப்புக்களை உருவாக்கிக் கொடுப்போம்- என்கிற அறிவிப்புகளெல்லாம் சாத்தியமில்லாத ஒன்று.”