Published:Updated:

கிலோ 4 ரூபாய்... வரலாறு காணாத விலை வீழ்ச்சி...

கிலோ 4 ரூபாய்...  வரலாறு காணாத விலை வீழ்ச்சி...
பிரீமியம் ஸ்டோரி
கிலோ 4 ரூபாய்... வரலாறு காணாத விலை வீழ்ச்சி...

வேதனையில் வாழை விவசாயிகள்!ஆர்.குமரேசன், கு.ராமகிருஷ்ணன்

கிலோ 4 ரூபாய்... வரலாறு காணாத விலை வீழ்ச்சி...

வேதனையில் வாழை விவசாயிகள்!ஆர்.குமரேசன், கு.ராமகிருஷ்ணன்

Published:Updated:
கிலோ 4 ரூபாய்...  வரலாறு காணாத விலை வீழ்ச்சி...
பிரீமியம் ஸ்டோரி
கிலோ 4 ரூபாய்... வரலாறு காணாத விலை வீழ்ச்சி...

• உற்பத்தி அதிகமானதால் குறைந்த விலை.

• ஆந்திர வாழை வரத்தும் விலை குறைவுக்குக் காரணம்.

• உற்பத்திச் செலவுக்கே கட்டுபடியாகாத நிலை.

வாழையில் பல்வேறு ரகங்கள் இருந்தாலும், பச்சை வாழை எனப்படும் ஜி-9 எனும் வீரிய ரக வாழைப்பழம்தான் சில்லறை விற்பனையில் அதிகம் விற்பனையாகும் ரகம். ஒரு பழம் 5 ரூபாய் வரை விற்பனையான இந்த ரக பழம் தற்போது கிலோ 20 ரூபாய் என்ற அளவில் சில்லறை விலையில் விற்பனை செய்யப்படுகிறது. விவசாயிகளிடம் கிலோ 4 ரூபாய் முதல் 8 ரூபாய் வரைதான் கொள்முதல் செய்யப்படுகிறது. இந்த விலை வீழ்ச்சி, வாழை விவசாயிகளை அதிர்ச்சியில் ஆழ்த்தியுள்ளது.

ஒட்டுமொத்த விகடனுக்கும் ஒரே ஷார்ட்கட்!

கிலோ 4 ரூபாய்...  வரலாறு காணாத விலை வீழ்ச்சி...

தமிழகத்தில் வாழை உற்பத்தியில் முதலிடத்தில் உள்ள தேனி மாவட்டத்தில் பெரும்பாலான விவசாயிகள் பயிரிடுவது, ஜி-9 ரக வாழையைத்தான். தற்போதைய விலை வீழ்ச்சி குறித்து குச்சனுரைச் சேர்ந்த முன்னோடி வாழை விவசாயி கோட்டைச்சாமியிடம் பேசினோம்.

“இந்த வருஷம், இந்த ரக வாழையை அதிகமா உற்பத்தி செஞ்சுட்டாங்க. அதோட, ஆந்திராவுல இருந்தும் இந்த ரகம் அதிகமா வந்துக்கிட்டிருக்கு. அதனாலதான் இவ்வளவு விலை குறைஞ்சு போச்சு. பூவன், செவ்வாழை, நேந்திரம் ரக பழங்கள்தான் அதிகம் விற்பனையாகிற ரகங்கள். ஜி-9, நாலாவது இடத்துலதான் இருக்கு. கோடைக்காலமான பங்குனி, சித்திரை, வைகாசி மாசங்கள்ல பொதுவா வாழைப்பழத்துக்கு விலை குறையும். இந்த மாசங்கள்ல திராட்சை, கொய்யா, தர்பூசணினு பல பழங்கள் மார்க்கெட்டுக்கு வரும். அதனாலதான் வாழைப்பழத்துக்கு விலை குறையும். ஆனா, இந்த வருஷம் மாசி மாசமே இவ்வளவு விலை குறைஞ்சு போச்சு. இப்போ, கிலோ 4 ரூபாய்ல இருந்து 8 ரூபாய் வரைதான் விற்பனையாகுது. உற்பத்திச் செலவுக்கே கட்டுப்படியாகலை” என்ற கோட்டைச்சாமி,“ஒவ்வொரு மாவட்டத்துலயும் அரசாங்கமே ஒரு தகவல் மையம் அமைச்சு, ஒவ்வொரு பயிரோட உற்பத்தி அளவு, சாகுபடிப் பரப்பையெல்லாம் கண்காணிச்சு விவசாயிகளுக்குச் சொன்னா... விவசாயிகள் தேவைக்கேத்த அளவுக்கு பயிர் பண்ணுவாங்க. ஓரளவுக்குக் கட்டுபடியான விலையும் கிடைக்கும்” என்ற யோசனையையும் முன்வைத்தார்.

கிலோ 4 ரூபாய்...  வரலாறு காணாத விலை வீழ்ச்சி...

திருச்சி மாவட்டத்தைச் சேர்ந்த முன்னோடி வாழை விவசாயியும் தமிழ்நாடு தோட்டக்கலைப் பயிர்கள் உற்பத்தியாளர்கள் சங்கத்தின் செயலாளருமான ‘புலியூர்’ நாகராஜன், “திருச்சியைப் பொறுத்தவரைக்கும்

கிலோ 4 ரூபாய்...  வரலாறு காணாத விலை வீழ்ச்சி...

பூவன், நெய் பூவன், கற்பூரவல்லி, ரஸ்தாலி ரகங்கள்தான் அதிகமா சாகுபடியாகுது. ஆனா, எந்த ரகத்துக்குமே சொல்லிக்கிற மாதிரி விலையில்லை. ஒரு தார் 50 ரூபாயிலிருந்து அதிகபட்சம் 100 ரூபாய் வரைதான் விற்பனையாகுது. ஒரு வாழைத்தாரை அறுவடை செஞ்சு வண்டியில் ஏத்தி அனுப்பவே 50 ரூபாய் வரை செலவு செஞ்சாகணும். ஒரு வாழைத் தாரை உற்பத்தி செய்ய 150 ரூபாயிலிருந்து 200 ரூபாய் வரைக்கும் செலவு செய்யணும். ஒரு தாருக்கு குறைந்தபட்சம் 250 ரூபாய்க்கு மேல விலை கிடைச்சாத்தான், உற்பத்தி செலவுக்காவது கட்டுப்படியாகும். ஒரு ஏக்கர் நிலத்துல வாழை சாகுபடி செஞ்சா இரண்டரை லட்சம் ரூபாயிலிருந்து 3 லட்சம் ரூபாய் வருமானம் கிடைச்சாத்தான் கட்டுபடியாகும். ஆனா இன்னைக்கு உள்ள நிலைமையில ஏக்கருக்கு ஒரு லட்ச ரூபாய் வருமானம் கிடைக்கிறதே குதிரை கொம்பா இருக்கு.

தமிழ்நாட்டுல உற்பத்தி செய்யப்படுற வாழைத்தார்களுக்கு, கர்நாடகா, ஆந்திரா, கேரளா போன்ற வெளிமாநிலங்கள்தான் முதன்மையான மார்க்கெட்டா இருந்துச்சு. ஆனா, இந்த வருஷம் அந்த மூன்று மாநிலங்கள்லயுமே வழக்கத்தைவிட அதிகமா வாழை உற்பத்தியாகியிருக்கு. அதனால அந்த மாநிலங்களுக்கு வாழையை அனுப்ப முடியலை. அதை விட கொடுமை... ஆந்திராவில் இருந்து தமிழ்நாட்டுக்கு பழங்கள் விற்பனைக்கு வர ஆரம்பிச்சதுதான்.

கிலோ 4 ரூபாய்...  வரலாறு காணாத விலை வீழ்ச்சி...

இனிமேலாவது, தமிழ்நாட்டில் உள்ள வாழை விவசாயிகளுக்கு நிரந்தமான லாபகரமான விலை கிடைக்கணும்னா ஆட்சியாளர்கள்தான், ஆக்கப்பூர்வமான நடவடிக்கைகள் எடுக்கணும். சத்துணவு திட்டத்துல வாழைப்பழங்கள் கொடுக்கிறது, வாழைப்பழத்தில் இருந்து ஒயின் மாதிரியான மதிப்புக் கூட்டப்பட்ட பொருட்கள் தயாரிக்கிறதுனு ஊக்கப்படுத்துற திட்டங்களை முன்னெடுத்தா... வாழைக்கு நிலையான விலை கிடைக்கும்” என்றார்.

விலை வீழ்ச்சி குறித்து தமிழ்நாடு தோட்டக்கலைத் துறையின் திருச்சி மாவட்ட துணை இயக்குநர் தமிழ்க்களஞ்சியத்திடம் பேசியபோது, “பக்கத்து மாநிலங்கள்ல வாழை உற்பத்தி அதிகமானதால்தான், இங்க வாழைத்தார்களின் விலை குறைஞ்சது. எப்பவும் பொங்கலுக்குப் பின்னாடி பெருசா பண்டிகைகள் இருக்காது. அதனால கொஞ்சம் விலை குறையும். அடுத்து கொஞ்சம் கொஞ்சமா விலை ஏற ஆரம்பிச்சுடும். விவசாயிகள் இப்படி விலை குறையுற மாதங்கள்ல அறுவடைக்கு வராம, விலை கிடைக்கிற காலங்கள்ல அறுவடைக்கு வர்ற மாதிரி திட்டமிட்டு நடவு செய்தா விலை வீழ்ச்சி பாதிப்புல இருந்து தப்பிக்க முடியும்” என்றார்.