Published:Updated:

‘நாட்டை விட்டு வெளியேறிவிடுவோம்’ மிரட்டும் மான்சான்டோ!

‘நாட்டை விட்டு வெளியேறிவிடுவோம்’ மிரட்டும் மான்சான்டோ!
பிரீமியம் ஸ்டோரி
‘நாட்டை விட்டு வெளியேறிவிடுவோம்’ மிரட்டும் மான்சான்டோ!

அனந்து, (ஒருங்கிணைப்பாளர், பாதுகாப்பான உணவுக்கான கூட்டமைப்பு)

‘நாட்டை விட்டு வெளியேறிவிடுவோம்’ மிரட்டும் மான்சான்டோ!

அனந்து, (ஒருங்கிணைப்பாளர், பாதுகாப்பான உணவுக்கான கூட்டமைப்பு)

Published:Updated:
‘நாட்டை விட்டு வெளியேறிவிடுவோம்’ மிரட்டும் மான்சான்டோ!
பிரீமியம் ஸ்டோரி
‘நாட்டை விட்டு வெளியேறிவிடுவோம்’ மிரட்டும் மான்சான்டோ!

• 1,200 பெயர்களில் பி.டி. பருத்தி விதை விற்பனை

• ஒரு கிலோ நாட்டுப் பருத்தி விதை 30 ரூபாய்... ஒரு கிலோ பி.டி பருத்தி விதை 3 ஆயிரம் ரூபாய்

• ஒரு நிறுவனத்தின் ராயல்டி தொகை 160 கோடி ரூபாய்

ந்தியாவில் 2002-ம் ஆண்டு வரை ஒரு கிலோ பருத்தி விதை, 20 ரூபாய் முதல் 30 ரூபாய் வரை கிடைத்து வந்தது. ஆனால், அமெரிக்காவின் மான்சான்டோ உள்ளிட்ட நிறுவனங்கள், ‘பி.டி தொழில்நுட்பம்’ என்ற பெயரில் மரபணு மாற்றப்பட்ட விதையை விற்பனைக்குக் கொண்டு வந்த பிறகு... ஒரு கிலோ விதையின் விலை 3 ஆயிரம் ரூபாயாக உயர்ந்தது.

ஒட்டுமொத்த விகடனுக்கும் ஒரே ஷார்ட்கட்!

‘நாட்டை விட்டு வெளியேறிவிடுவோம்’ மிரட்டும் மான்சான்டோ!

‘அதிக மகசூல்’ என்ற மகுடிக்கு கட்டுப்பட்ட விவசாயிகள், விலையைப் பற்றியெல்லாம் கவலைப்படாமல் வாங்கி விதைத்து, கடைசியில் மண்ணை மலடாக்கி, மகசூலையும் இழந்து கண்ணீர் சிந்தும் காட்சிகள் நாடு முழுவதும் உண்டு. விவசாயிகளின் தற்கொலை தொடர்கதையாகிவிட்டது. தற்கொலை செய்துகொண்டோரின் எண்ணிக்கை லட்சங்களில் உயர்ந்து கொண்டிருக்கிறது.

இதற்கு நடுவேயும் இந்திய விதைச் சந்தையை தனதாக்கிக் கொள்ள மான்சான்டோ துடித்துக் கொண்டிருப்பது உலகுக்கே தெரியும். அப்படியிருக்கும்போது, ‘பி.டி விதை விற்பனை தொடர்பாக எங்களுக்குப் பிரச்னைகள் எழுந்துள்ளன. இதைத் தீர்த்து வைக்காவிட்டால், இந்தியாவில் இருந்து பி.டி. விதைகளை வாபஸ் வாங்கிக் கொள்வோம்’ என்று அரசாங்கத்தை நோக்கி மிரட்டல் அறிவிப்பை வெளியிட்டுள்ளது மான்சான்டோ. 

இந்தியாவைப் பொறுத்தவரை சுமார் 1,200  நிறுவன பெயர்களில் பி.டி பருத்தி விதைகள் விற்பனை செய்யப்படுகின்றன. ‘பி.டி. பருத்தி விதையை எந்த நிறுவனம் விற்பனை செய்தாலும், அதில் மான்சான்டோவுக்கு ராயல்டி கொடுத்தாக வேண்டும்’ என்பது இந்திய நிறுவனங்களுக்கும் மான்சான்டோவுக்குமான உள் ஒப்பந்தம். இதில் பல நிறுவனங்கள், பல ஆண்டுகளாக ராயல்டி கொடுக்காமல் இழுத்தடித்துள்ளன. ஒரு நிறுவனத்தின் ஓர் ஆண்டு ராயல்டி தொகை மட்டும் 160 கோடி ரூபாயாம்.

‘நாட்டை விட்டு வெளியேறிவிடுவோம்’ மிரட்டும் மான்சான்டோ!

‘ராயல்டி தர முடியாது’ என இந்திய நிறுவனங்கள், நீதிமன்றத்தை அணுகி இருக்கின்றன. இந்திய வேளாண் அமைச்சகத்திடம் இது குறித்த புகார் தெரிவிக்கப்பட்டவுடன்... இது தொடர்பான விசாரணை கமிஷனை அமைத்தது, அரசு. அந்த கமிட்டி, ‘ராயல்டி தொகையை70% வரை குறைக்க வேண்டும்’ என பரிந்துரை செய்துள்ளது. இதனால் திகைத்துப் போன மான்சான்டோ, ‘இந்தியாவை விட்டு வெளியேற வேண்டி வரலாம்’ என்ற செய்தியைச் கசிய விட்டுள்ளது.

அவர்கள் உண்மையில் போய்விட்டால் நமக்கு நல்ல நேரம்தான். ஆனால், அவர்களா போவார்கள்? பிரேசில் நாட்டிலும் இதே பிரச்னையைச் சந்தித்தது, மான்சான்டோ. வழக்கை விசாரித்த நீதிமன்றம், ‘மான்சான்டோ, இதுவரை வசூலித்த ராயல்டியை திருப்பி கொடுக்க வேண்டும்’ எனத் தீர்ப்பு சொன்னது.  ஆனாலும், அந்த நாட்டை விட்டு இன்னும் வெளியேறவில்லை மான்சான்டோ.

ஒரு வேளை இந்தியாவில் ராயல்டி தொகை குறைந்தால், விதை விலை குறைய வாய்ப்புண்டு. அதற்காக, ‘விஷத்தின் விலை குறைகிறதே’ எனக் கொண்டாடவா முடியும்? உண்மையில் இந்த விலை குறைப்பு, நமது விவசாயிகளை பல்வேறு இன்னல்களில் கொண்டு விட்டுவிடுமோ என அச்சமாக இருக்கிறது.

இதற்கெல்லாம் ஒரே தீர்வு, இயற்கை முறையில் நமது பாரம்பர்ய ரக பருத்தியை மீண்டும் கையில் எடுப்பதுதான்!