Published:Updated:

பலே லாபம் கொடுக்கும் பச்சைப் பயறு

பலே லாபம் கொடுக்கும் பச்சைப் பயறு
பிரீமியம் ஸ்டோரி
பலே லாபம் கொடுக்கும் பச்சைப் பயறு

சந்தைக்கேற்ற சாகுபடி! லாப ஊருக்கு ஒரு வழிகாட்டி! துரை.நாகராஜன், படங்கள்: தே.சிலம்பரசன்

பலே லாபம் கொடுக்கும் பச்சைப் பயறு

சந்தைக்கேற்ற சாகுபடி! லாப ஊருக்கு ஒரு வழிகாட்டி! துரை.நாகராஜன், படங்கள்: தே.சிலம்பரசன்

Published:Updated:
பலே லாபம் கொடுக்கும் பச்சைப் பயறு
பிரீமியம் ஸ்டோரி
பலே லாபம் கொடுக்கும் பச்சைப் பயறு
பலே லாபம் கொடுக்கும் பச்சைப் பயறு

*வயது 60 நாட்கள்.

*ஆடி, சித்திரை மற்றும் புரட்டாசிப்பட்டங்களில் விதைக்கலாம்.

*மணல் கலந்த செம்மண் மற்றும் களிமண் நிலங்கள் ஏற்றவை.

யல் விளைச்சலை அள்ளிக் கொடுத்திருந்தாலும்... சந்தையில் விலைகிடைத்தால்தான், லாபம் கிடைக்கும். ஒவ்வொரு பயிருக்கும் எந்தப் பருவத்தில் நல்ல விலை கிடைக்கும்... சந்தையின் தேவை என்ன? என்பது போன்ற அடிப்படையான சில தகவல்களைத் தெரிந்துகொண்டால், ‘விலை இல்லை’ என்ற கவலையே இருக்காது. ஒவ்வொரு பயிருக்குமான சந்தைத் தகவல்களை அலசுகிறது, இத்தொடர். இந்த இதழில், பச்சைப்பயறுக்கான சந்தை வாய்ப்புகள் இடம்பிடிக்கின்றன.

பயறு என்பது தமிழில் காணப்படும் பொதுப்பெயராகும். பயறு வகைகளில் பச்சைப்பயறு, முக்கியமான உணவுப்பொருள். இது, ‘பாசிப்பயறு’ எனவும் அழைக்கப்படுகிறது. புரதம் நிறைந்ததாகவும், ஆரோக்கியத்துக்கு உறுதுணையாகவும் இருக்கும் உணவு வகைகளில் பாசிப்பயறு சிறப்பான இடத்தைப் பெற்றுள்ளது. ‘லெக்யூம்’ குடும்பத்தைச் சேர்ந்த காய்கறி விதைகளே ‘பயறுகள்’ என்று அழைக்கப்படுகின்றன. கடினமான மேற்புறத்தோலைக் கொண்ட விதைகளை ஆங்கிலத்தில் ‘பல்ஸ்’ என குறிப்பிடுகின்றனர்.

பச்சைப்பயறு மாமிச உணவுக்கு இணையான புரதச்சத்துக்களைக் கொண்டது. ஆகவே, இதை உண்பதால் உடலுக்கு அதிகப் புரதம் கிடைக்கிறது. பொதுவாகவே மற்ற தாவரங்களை விட பயறு வகைகளில் சத்துக்கள் கூடுதலாகவும், ஈரப்பதம் குறைந்தும் காணப்படும். எனவே, பயறு வகைகளை பல நாட்கள் பாதுகாப்பாக வைத்திருக்க முடியும். பச்சைப்பயறு உலர்ந்து விதைகயாக மாறுவதற்கு முன்னரே உண்ண ஏற்றது என்றாலும், நன்கு முதிர்ந்தால்தான் அதிக சத்துக்கள் கிடைக்கும். புன்செய் நிலங்களில் விளையக்கூடிய தானியங்களில் பச்சைப்பயறு முக்கியமானதாக இருக்கிறது. மருத்துவ ரீதியாக முதிராத பயறில் வைட்டமின் மற்றும் மாவுச்சத்து அதிகமாக காணப்படுகிறது. முதிர்ந்த பயறுகளில் 20 முதல் 28% புரதச்சத்தும் 60% கார்போ-ஹைட்ரேட் எனும் மாவுச்சத்தும் காணப்படுகின்றன. இதனால் நுகர்வோரால் அதிகம் விரும்பி உண்ணப்படுகிறது.

தமிழ்நாடு வேளாண்மைப் பல்கலைக்கழகத்தில் இயங்கி வரும், உள்நாட்டு மற்றும் ஏற்றுமதிச் சந்தைத் தகவல் மையம், வேளாண் மற்றும் ஊரக மேம்பாட்டு மையத்தின் பின்புல அலுவலகம் நமக்கு கொடுத்த தகவலின்படி... பச்சைப்பயறுக்கு கிடைக்கும் விலை மற்றும் விற்பனையான அளவு ஆகியவற்றின் ஆய்வை அடிப்படையாகக் கொண்டு பார்க்கும்போது, தமிழ்நாட்டில் உள்ள சந்தைகளில் விழுப்புரம் ஒழுங்குமுறை விற்பனைக்கூடம் முக்கியமானதாக விளங்குகிறது.

ஒட்டுமொத்த விகடனுக்கும் ஒரே ஷார்ட்கட்!

பலே லாபம் கொடுக்கும் பச்சைப் பயறு

ஐக்கிய நாடுகள் சபை, பருப்பு வகைகளின் ஊட்டச்சத்து நன்மைகள் குறித்து விழிப்பு உணர்வு ஏற்படுத்த... 2016-ம் ஆண்டை ‘பருப்பு வகைகளின் சர்வதேச ஆண்டு’ என அறிவித்துள்ளது. வேளாண் அமைச்சகத்தின் தகவல்படி, 2014-15-ம் ஆண்டில் பச்சைப்பயறு 3.4 மில்லியன் ஹெக்டேர் நிலத்தில் பயிரிடப்பட்டு 1.39 மில்லியன் டன் அளவுக்கு  உற்பத்தி செய்யப்பட்டுள்ளது. இந்தியாவின் நுகர்வுத் தேவை 1.60 மில்லியன் டன் என்ற அளவில் இருந்ததால், 0.20 மில்லியன் டன் பச்சைப்பயறு  இறக்குமதி செய்யப்பட்டது. மியான்மர், சீனா உள்ளிட்ட நாடுகள் அதிக அளவில் பச்சைப்பயறை இறக்குமதி செய்கின்றன. இந்தியாவில் ராஜஸ்தான், மகாராஷ்டிரா, ஒடிசா, கர்நாடகா, ஆந்திரா, தமிழ்நாடு, மற்றும் உத்தரப்பிரதேசம் ஆகிய மாநிலங்கள் பச்சைப்பயறு உற்பத்தி செய்யும் முக்கியமான மாநிலங்களாகும். தற்போதுள்ள நிலையில், புதிய பயறு வரத்து காரணமாக பச்சைப்பயறு விலை குறைய வாய்ப்பு உள்ளது.

2014-15-ம் ஆண்டில், தமிழ்நாட்டில் 2.3 லட்சம் ஹெக்டேர் நிலத்தில் பச்சைப்பயறு பயிரிடப்பட்டு 1.23 லட்சம்  டன் அளவு உற்பத்தி செய்யப்பட்டுள்ளது. டெல்டா பகுதிகளில் நெல் தரிசாக, பயறு வகை சாகுபடி முறையை பாரம்பர்யமாகப் பின்பற்றி வருகின்றனர். நாகப்பட்டினம், திருவாரூர், திருவள்ளூர், தூத்துக்குடி மற்றும் சேலம் ஆகிய மாவட்டங்கள் பச்சைப்பயறை விளைவிக்கும் முக்கிய மாவட்டங்களாகும்.

பலே லாபம் கொடுக்கும் பச்சைப் பயறு

தமிழ்நாட்டில் ஏ.டி.டி-3 மற்றும் வம்பன் ஜி.ஜி-3 அதிகளவில் பயிரிடப்படும் ரகங்களாகும். பச்சைப் பயறு விற்பனையில் சரியான முடிவை எடுத்து விவசாயிகளுக்கு உதவ, தமிழ்நாடு வேளாண்மைப் பல்கலைக்கழகத்தில் வேளாண்மை மற்றும் ஊரக மேம்பாட்டு ஆய்வக மையத்தின் பின்புல அலுவலகம், விழுப்புரம் ஒழுங்குமுறை விற்பனைக்கூடத்தில் கடந்த 11 வருடங்களாக நிலவிய பச்சைப்பயறு விலைகளை ஆய்வு செய்தது.

ஆய்வின் முடிவில், இந்தாண்டு பச்சைப்பயறு அறுவடையின்போது பண்ணை விலையாக கிலோவுக்கு  57 ரூபாய் முதல் 60 ரூபாய் வரை கிடைக்கும் எனக் கணித்திருக்கிறது. உளுந்துக்கு அடுத்த முக்கியமான பயிராக பச்சைப்பயறு கருதப்படுகிறது. பச்சை பயறுக்கான சராசரி விலை, வம்பன் ஆராய்ச்சி நிலைய விஞ்ஞானிகளின் ஆலோசனை, விவசாயிகளின் கருத்து ஆகியவை அடுத்த இதழில்...

-லாபம் பெருகும்

பச்சைப்பயறின் வயது 60 நாட்கள். ஆடிப் பட்டம், புரட்டாசிப் பட்டம், கோடைப்பருவம் ஆகியவற்றில் பயிர் செய்ய ஏற்றது. தவிர, நெல் அறுவடைக்குப்பிறகு நெல் தரிசுகளில் பயிர் செய்யவும் உகந்தது. ஊடுபயிராக பழ மரங்களுக்கு இடையிலும் பயிர் செய்யலாம். இது, அதிகசத்து நிறைந்ததாகவும், எளிதில் செரிக்கும் தன்மை உடையதாகவும் இருக்கிறது. மணல் கலந்த செம்மண் அல்லது மணல் கலந்த களிமண் நிலங்கள் சாகுபடிக்கு ஏற்றவை