Published:Updated:

‘கேன்சர்’ எக்ஸ்பிரஸ்!

‘கேன்சர்’ எக்ஸ்பிரஸ்!
பிரீமியம் ஸ்டோரி
‘கேன்சர்’ எக்ஸ்பிரஸ்!

‘பசுமைப் புரட்சி’ பூமியில் ஒரு பரிதாபப் பயணம்மரங்களை மாய்த்த பசுமைப்புரட்சி!குறுந்தொடர் த.ஜெயகுமார்

‘கேன்சர்’ எக்ஸ்பிரஸ்!

‘பசுமைப் புரட்சி’ பூமியில் ஒரு பரிதாபப் பயணம்மரங்களை மாய்த்த பசுமைப்புரட்சி!குறுந்தொடர் த.ஜெயகுமார்

Published:Updated:
‘கேன்சர்’ எக்ஸ்பிரஸ்!
பிரீமியம் ஸ்டோரி
‘கேன்சர்’ எக்ஸ்பிரஸ்!

*அழிந்து போன பாரம்பர்ய மரங்கள்

*அதிகரித்த கடன்... தற்கொலையை நாடும் விவசாயிகள்.

*விவசாயத்தை சீரழித்த ஒற்றைப் பயிர் சாகுபடி முறை.

*காணாமல் போன கால்நடைகள்.

சுமைப் புரட்சியால் விலங்குகள், பறவைகளுக்கு ஏற்பட்ட பாதிப்புகள் குறித்து கடந்த இதழில் பார்த்தோம். “கால்நடைகளை மட்டுமல்ல... எங்கள் பாரம்பர்ய மரங்களையும் காவு வாங்கி விட்டது, இந்த பசுமைப் புரட்சி” என ஆதங்கப்படுகிறார், ‘ஈஸ்வர் ஆஷே மெமோரியல் சுற்றுச்சூழல் மைய’த்தின் ஒருங்கிணைப்பாளர், சுரிந்தர் பால் கவுஷல்.

‘கேன்சர்’ எக்ஸ்பிரஸ்!

“வூடா என்ற மரவகை, வட இந்தியாவில் பெரும்பான்மையாக வளரும். இந்த மரத்தில்தான் ராட்டை செய்வார்கள். இந்த மரம் பஞ்சாப் மாநிலத்தில் தற்போது அடியோடு இல்லாமல் போய்விட்டது. பசுமைப் புரட்சிக்கு முன் பஞ்சாப் மாநிலத்தில் 70 வகையான பாரம்பர்ய மரங்கள் இருந்தன. இன்று, அவற்றில் பெரும்பான்மையான மரங்களை அரசு அலுவலகங்களிலும், பழைய கட்டடங்களில் மட்டும்தான் பார்க்க முடிகிறது. வயல்களிலோ, தோட்டங்களிலோ பார்ப்பதற்கில்லை. மரம் வளர்ப்பே இல்லாமல் போய்விட்டது.
ஒற்றைப் பயிர் சாகுபடி முறையைக் கொண்டு வந்து, அனைத்து நிலங்களும் விவசாய நிலங்களாக மாற்றப்பட்டன. ஃபர்னிச்சர், விறகு தேவைகளுக்காக மரங்கள் அழிக்கப்பட்டன. ஆனால், அவற்றை மீண்டும் வளர்க்க எந்தவித முயற்சியும் அரசுகள் எடுக்கவில்லை. தற்போதைக்கு தைல மரங்கள்தான் சாலைகளையும், வயல்களையும் அலங்கரிக்கின்றன. பஞ்சாப் மாநிலத்தை அலங்கரித்த நாட்டு ரக மரங்களான இலந்தை, அரசு, நாவல், கருவேல், நெல்லி, ஆலமரம்... போன்ற நாட்டு ரக மரங்களை அடியோடு இழந்துவிட்டு தவிக்கிறோம். இதை எப்படியாவது மீட்டு எடுக்க வேண்டும் என்ற முயற்சியில், தற்போது ஒரு லட்சம் மரங்களை, எங்கள் அறக்கட்டளை மூலம் நட்டு வளர்த்து வருகிறோம்” என்று சோகத்தோடு சொன்னார், சுரிந்தர் பால் கவுஷல்.

ஓய்வில்லா இயந்திரங்களான நிலங்கள்!

பத்திண்டா மாவட்டம், திக் கிராமத்தில் விவசாயம் செய்து வரும் அமர்நாத் சிங், “எனக்கு மொத்தம் 26 ஏக்கர் நிலம் இருக்கு. இதில் 11 ஏக்கர் நிலத்தில் இயற்கை விவசாய முறையிலும், 14 ஏக்கர் நிலத்தில் குறைந்த ரசாயனங்களைப் போட்டும் விவசாயம் செய்து வருகிறேன். கோதுமை, நெல், கடுகு, ஓட்ஸ்தான் அதிகளவில் பயிர் செய்து வருகிறேன். வீட்டுக்குத் தேவையான காய்கறிகளை ஒரு ஏக்கர் நிலத்தில் பயிர் செய்து வருகிறேன். பூச்சிக்கொல்லி, ரசாயன உரங்கள் இல்லா காய்கறிகளை சாப்பிட வேண்டும் என்ற விழிப்பு உணர்வு வந்தபிறகுதான் இயற்கை விவசாயத்துக்கு மாறினேன்.

எங்கள் தாத்தா காலத்தில், 6 மாதங்கள்தான் நிலங்களில் விவசாயம் நடக்கும். மீதி 6 மாதங்கள் நிலங்கள் ஓய்வு எடுக்கும். அந்த 6 மாதங்களில் விளைந்ததையே ஆண்டு முழுவதும் சாப்பிடுவோம். பசுமைப் புரட்சிக்கு பிறகு, ஆண்டு முழுவதும் விவசாயம் நடக்கிறது. நிலங்களுக்கு ஓய்வே இல்லை. இதனால், மண்ணின் கரிமத்தன்மை கெட்டு, வளமில்லாத மண்ணாக மாறிவிட்டது. ஓய்வில்லாமல் உழைக்கும் இயந்திரங்கள் போன்று பஞ்சாப் நிலங்கள் மாறிவிட்டன”  என்று சாடினார், அமர்நாத் சிங்.

ஒட்டுமொத்த விகடனுக்கும் ஒரே ஷார்ட்கட்!

‘கேன்சர்’ எக்ஸ்பிரஸ்!

தொடர்ந்து பேசியவர் “பசுமைப் புரட்சியால் எங்களுக்கு கிடைத்த பலன், வங்கிகளில் எளிதாகக் கிடைக்கும் கடன் வசதிதான். அதன் மூலம் விவசாயப் பணிகளுக்கான, பண்ணைக் கருவிகளை வாங்கிப் பயன்படுத்தினோம். இதனால், பஞ்சாபில் இருந்த கூலித் தொழிலாளர்கள் மற்ற வேலைகளுக்குப் போய் விட்டனர். விவசாயத்தை நம்பி கூலித் தொழிலாளர்களாக இருப்பவர்களின் எண்ணிக்கையும் குறைந்து விட்டது. இப்போது, நெல் நடவு  உள்ளிட்ட சாதாரண வேலைகளுக்குக் கூட பீஹார், உத்தரப்பிரதேசம் ஆகிய மாநிலங்களிலிருந்து  ஆட்களை அழைத்து வருகிற சூழலுக்கு பஞ்சாப் போய்க் கொண்டிருக்கிறது” என்று வருத்தப்பட்டார்.

மண்ணைப் பற்றி கவலையில்லை!

‘பஞ்சாப் விவசாயிகளின் தனிநபர் வருமானம் உயர்ந்திருக்கிறது. அவர்களின் வாழ்க்கைத்தரம் உயர்ந்திருக்கிறது’ என்று ஆட்சியாளர்களின் அறைகூவல் பரவலாக ஒலிப்பதைக் கேட்டு இருக்கிறோம். இதுகுறித்து பஞ்சாப் விவசாயிகள் என்ன சொல்கிறார்கள் என்று பார்ப்போம்.

‘கேன்சர்’ எக்ஸ்பிரஸ்!

“பஞ்சாப் மாநிலத்தில் 80 சதவிகிதம், சிறு, குறு விவசாயிகள்தான். கடந்த 5 ஆண்டுகளில் 5 ஆயிரம் விவசாயிகள் தற்கொலை செய்து கொண்டிருக்கிறார்கள். 10 ஆண்டுகளில் 2 லட்சம் விவசாயிகள் விவசாயத்தை விட்டு வெளியேறியிருக்கிறார்கள். விவசாயம் லாபகரமாக இருந்தால், ஏன் வெளியேறுகிறார்கள்?. நிலத்தை சும்மா போட்டு வைக்கக்கூடாது என்பதற்காக விவசாயம் செய்து வருகிறோம். பசுமைப் புரட்சிக்கு முன்பு மண்ணைப் பற்றி கவலைப்பட்டோம். அதன் பிறகு, பயிர்களைப் பற்றிதான் கவலைப்படுகிறோம். யாரும் மண்ணை பற்றி கவலைப்படுவதில்லை” என்கிறார், பர்னாலா மாவட்டம், டபா கிராமத்தைச் சேர்ந்த விவசாயியும், இயற்கை ஆர்வலருமான ராஜீந்தர் சிங்.

அதே கிராமத்தைச் சேர்ந்த சிறு விவசாயி வேத பிரகாஷ், “பசுமைப் புரட்சி அறிமுகப்படுத்தப்பட்டபோது, எங்க தாத்தாவிடம் 30 ஏக்கர் நிலமிருந்தது. அப்பா காலத்தில் அது 7 ஏக்கர் நிலமாகச் சுருங்கி, தற்போது ஒரு ஏக்கராக மாறி இருக்கிறது. உண்மையிலேயே பசுமைப்புரட்சி உதவியது என்றால், இன்னும் நாங்கள் நிலங்களை வாங்கியிருக்க வேண்டுமே... இது, எனக்கு மட்டும் நடந்தது அல்ல. ஒட்டுமொத்த சிறு விவசாயிகளும் இந்த நிலையில்தான் இருக்கிறார்கள்” என்றார், வேதனையுடன்.

‘கேன்சர்’ எக்ஸ்பிரஸ்!

மாடுகள் இருந்திருந்தால், எங்களைக் காப்பாற்றி இருக்கும்!

“எனக்கு நான்கு குழந்தைகள் இருக்கிறார்கள். இரண்டு ஏக்கர் நிலத்திலிருந்து நெல், கோதுமையில் ஓர் அறுவடைக்கு 30 ஆயிரம் ரூபாய்தான் லாபமாகக் கிடைக்கிறது.

நான் டிரைவர் வேலைக்குப் போய்க் கொண்டிருக்கிறேன். அந்த வருமானத்தை வைத்துத்தான் குடும்பம் மற்றும் இதரத் தேவைகளைப் பூர்த்தி செய்து கொள்ள முடிகிறது.

நாங்கள் காளை மாடுகளை வைத்து உழவு ஓட்டுவதை 20 ஆண்டுகளுக்கு முன்பே நிறுத்திவிட்டோம். இன்றைக்கு காளைகளை வைத்து உழவு ஓட்டலாம் என்று நினைப்பது கூட சாத்தியமில்லை.

ஒருவேளை பசுமைப் புரட்சி அறிமுகப்படுத்தப்படாமல் இருந்திருந்தால், எங்களிடம் மாடுகள் இருந்திருக்கும். அவை கொடுக்கும் சாணம் உரமாக இருந்திருக்கும். இந்த செலவுகளைக் கட்டுப்படுத்தியிருந்தாலே, விவசாயத்தில் இன்னும் லாபம் கூடியிருக்கும். இப்போது உணர்ந்து என்ன செய்வது?” என்று நொந்துக் கொள்கிறார், என்று சொல்கிறார் டபா கிராமத்தைச் சேர்ந்த பியாந்த் சிங்.

ஒரு பானை சோற்றுக்கு ஒரு சோறு பதம் என்பது போல, இந்த விவசாயிகளின் நிலைதான், பெரும்பாலான பஞ்சாப் விவசாயிகளின் நிலையும்.  ‘பசுமைப் புரட்சியால் பஞ்சாப் விவசாயிகள் வாழ்வில் தேனும் பாலும் ஓடுகிறது’ என்று சொல்லி அவர்களை ஹீரோவாக்கிய ஆட்சியாளர்களின் கூற்றைப் பொய்யாக்கியுள்ளது இந்த விவசாயிகளின் வாக்குமூலங்கள். இந்த நிலையில்தான்  ‘இரண்டாவது பசுமைப் புரட்சியைக் கொண்டு வந்து மாற்றம் நிகழ்த்தி காட்டுவோம்’  என்று மார்தட்டி கொண்டிருக்கிறது அரசாங்கம் உஷார் மக்களே!. 

-பயணம் தொடரும்

30 ஆயிரம் விவசாயிகள் தற்கொலை

‘1990-ம் ஆண்டு  முதல் 2012-ம் ஆண்டு வரை 30 ஆயிரம் விவசாயிகள் பஞ்சாப் மாநிலத்தில் தற்கொலை செய்து உயிரை மாய்த்துக்கொண்டார்கள்’ என, பஞ்சாப் விவசாய சங்கத்தினர் சொல்கிறார்கள். பஞ்சாப் மாநில அரசு 2000-ம் ஆண்டுக்கு பிறகு இறந்த 4 ஆயிரத்து 688 குடும்பங்களுக்கு மட்டும், 1 லட்சம், 2 லட்சம்னு 96 கோடியை 2014-ம் ஆண்டில் இழப்பீடாக வழங்கியுள்ளது. பத்திண்டா, சங்ரூர் போன்ற மாவட்டங்களில்தான் அதிகளவில் தற்கொலைச் சம்பவங்கள் நிகழ்ந்துள்ளதாகச் சொல்லப்படுகிறது.

விவசாயிகளின் மாத வருமானம்!

 2012-13- ஆண்டில், மத்திய புள்ளியியல் துறை அமைச்சகத்தின் அங்கமான என்.எஸ்.எஸ்.ஓ வெளியிட்டுள்ள கணக்கெடுப்பின்படி... இந்திய விவசாயிகளின் சராசரி மாத வருமானம் 6 ஆயிரத்து 426 ரூபாய். இந்த வருமானத்தில் சாகுபடி, கால்நடை, கூலித் தொழில் செய்வது ஆகிய அனைத்தும் அடங்கும்.

 பஞ்சாப் மாநிலத்தில் உள்ள விவசாய குடும்பத்தின் சராசரி மாத வருமானம் 18 ஆயிரத்து 59 ரூபாய். அதேபோன்று பஞ்சாப் மாநிலத்தில் உள்ள ஒரு குடும்பம் விவசாயத்துக்காக ஒரு மாதத்தில் செலவழிக்கும் சராசரி தொகை 11ஆயிரத்து 768 ரூபாய். விவசாயத்தில் அதிக வருவாய் உள்ள மாநிலங்களில் பஞ்சாப் மாநிலத்துக்கு அடுத்து கேரளா, ஜம்மு-காஷ்மீர் ஆகியவை உள்ளன என்பது குறிப்பிடத்தக்கது.

 தமிழகத்தில் ஒரு விவசாயக் குடும்பத்தின் சராசரி மாத வருமானம் 6 ஆயிரத்து 980 ரூபாய். அதேசமயம் ஒரு குடும்பம் விவசாயத்துக்காக செலவழிக்கும் சராசரி தொகை 2 ஆயிரத்து 538 ரூபாய்.

89% குடும்பங்கள் கடனில்!

சண்டிகரில் உள்ள கிராம மற்றும் தொழில்துறை மேம்பாட்டு ஆராய்ச்சி மையம் எடுத்துள்ள ஆய்வின்படி, 2004-ம் ஆண்டில் ஒரு குடும்பத்தின் சராசரி பண்ணைக்கடன் 0.25 லட்சம் என்று இருந்தது. 2014-ம் ஆண்டு 5.6 லட்சமாக உயர்ந்துள்ளது. பஞ்சாபில் உள்ள 89 சதவிகித விவசாயக் குடும்பங்கள் கடனில்தான் உள்ளன.