Published:Updated:

கரும்பு விதைப்பெட்டி... செலவு குறையுது... மகசூல் கூடுது!

கரும்பு விதைப்பெட்டி... செலவு குறையுது... மகசூல் கூடுது!
பிரீமியம் ஸ்டோரி
கரும்பு விதைப்பெட்டி... செலவு குறையுது... மகசூல் கூடுது!

தொழில்நுட்பம்ஆர்.குமரேசன், படங்கள்: எஸ். சாய் தர்மராஜ்

கரும்பு விதைப்பெட்டி... செலவு குறையுது... மகசூல் கூடுது!

தொழில்நுட்பம்ஆர்.குமரேசன், படங்கள்: எஸ். சாய் தர்மராஜ்

Published:Updated:
கரும்பு விதைப்பெட்டி... செலவு குறையுது... மகசூல் கூடுது!
பிரீமியம் ஸ்டோரி
கரும்பு விதைப்பெட்டி... செலவு குறையுது... மகசூல் கூடுது!
கரும்பு விதைப்பெட்டி... செலவு குறையுது... மகசூல் கூடுது!

ரும்பு விவசாயிகளின் மிகப்பெரிய பிரச்னை... டன் கணக்கிலான விதைக்கரணைகளை நடவு வயலுக்கு எடுத்துச் செல்வதுதான். கரணைகளை வயலில் கொட்டி, அதை கூடைகளிலோ அல்லது பைகளிலோ அள்ளிச் செல்லும் போது, கரணைகளில் பருக்கள் சேதாரமாகும் வாய்ப்புகள் அதிகம். இப்பிரச்னைக்கு தீர்வு சொல்லும் விதமாக...  பிரத்யேகமாக ஒரு பெட்டியை வடிவமைத்து இருக்கிறார், சிவகங்கை மாவட்டம், திருமலை என்ற ஊரைச் சேர்ந்த அழகுசுந்தரம்.

“பெரும்பாலான விவசாயிகள், விதைக்கரணையை நேரடியா வயலுக்கு எடுத்துட்டுப் போய்தான் நடவு செய்வாங்க. அதுக்காக விதைக்கரணைகளை வெட்டி, ஒர் இடத்துல குவிச்சு வெப்பாங்க. அங்க இருந்து கூடையில அள்ளிக்கிட்டுப் போய் விதைப்பாங்க. இப்படி கொட்டி வெக்கிறப்போ, கரணைகள் வெயில்ல, மழையில பாதிக்கப்படுற வாய்ப்பும் உண்டு. கூடையில எடுத்துக்கிட்டுப் போகும்போது பருக்கள் உடைஞ்சிடும். இப்படி உடைஞ்சா கரும்பு முளைச்சு வராது. இதுக்கெல்லாம் தீர்வு சொல்ற வகையிலதான் இந்த விதைப்பெட்டியை வடிவமைச்சிருக்கேன்” என்று முன்னுரை கொடுத்த அழகுசுந்தரம் தொடர்ந்தார்.

கரும்பு விதைப்பெட்டி... செலவு குறையுது... மகசூல் கூடுது!

ஒட்டுமொத்த விகடனுக்கும் ஒரே ஷார்ட்கட்!

தக்காளிப் பெட்டிதான்!

“தக்காளியை அறுவடை பண்ணி மார்க்கெட்டுக்கு கொண்டு போற பெட்டிதான் இது. அந்தப் பெட்டிக்குள்ள இரும்பு வலையிலான 5 தட்டுகளை அமைச்சிருக்கேன். ஒவ்வொரு தட்டையும் சுலபமா வெளிய எடுக்குற மாதிரி, கைப்பிடி அமைச்சிருக்கேன். விதைக்கரணைகளை வெட்டி, இந்தப் பெட்டிக்குள்ள அஞ்சு நாள் வெச்சிருந்தா, முளைச்சுடும். அந்த நாத்தை எடுத்துக்கிட்டுப் போய் வயல்ல சுலபமா நடலாம். இதனால, கரணை சேதாரம், செலவு, கூலி ஆள் செலவு ரொம்ப குறையுது. இந்த முறையில வழக்கமா தேவைப்படுற அளவுல மூணுல ஒரு பங்கு விதைக்கரணையே போதுமானது” என்ற அழகுசுந்தரம் இந்தப் பெட்டியைப் பயன்படுத்தும் முறையைச் சொல்ல ஆரம்பித்தார்.

கரும்பு விதைப்பெட்டி... செலவு குறையுது... மகசூல் கூடுது!

விதைநேர்த்தி அவசியம்!

“விதைக்கரணைக்காக தேர்வு செய்யப்படுற கரும்பு ஆறு மாத வயதுக்கு மேல் இருக்கணும். கரும்பில் ஒரு பரு கரணையா 3 சென்டி மீட்டர் அளவுல துண்டு துண்டா வெட்டிக்கணும். இப்படி ஒரு பரு கரணையா வெட்டுறதுக்காக தனிக் கருவி இருக்கு. இதன் மூலமா வெட்டினா பருக்கள் சேதமாகாம இருக்கும். வெட்டுன விதைக்கரணைகளை... டிரைக்கோடெர்மா விரிடி, சூடோமோனஸ் கலவையில் நனைத்து, விதைநேர்த்தி செய்யணும். பிறகு விதைக்கரணைகளை இரும்பு வலை தட்டுகள்ல, வரிசையாக அடுக்கி, பெட்டிக்குள் வெச்சு... பருக்கள் தெரியாத அளவுக்கு, தென்னை நார்க்கழிவைக் கொட்டி மூடி பெட்டியை ஒரு சாக்கினால் இறுக்கமாகக் கட்டி வெச்சிடணும். 5 நாட்கள்ல பெட்டிக்குள்ள விதைக்கரணைகள் முளைவிட்டுடும்.

கரும்பு விதைப்பெட்டி... செலவு குறையுது... மகசூல் கூடுது!

ஒரு பெட்டியில் 750 கரணைகள்!

ஒரு தட்டில் 150 விதைக்கரணைகள்ங்கிற கணக்குல 5 தட்டுலயும் சேர்த்து ஒரு பெட்டியில 750 விதைக்கரணைகளை வைக்கலாம். பெட்டியை அப்படியே வயலுக்கு எடுத்துக்கிட்டுப் போய் நடவு செய்யலாம். நாத்து விடணும்னு நினைக்கிறவங்க, முளை விட்ட கரணையை குழித்தட்டுல வெச்சு நாத்தா வளர்த்துக்கலாம். ஏற்கெனவே முளைவிட்ட விதைக்கரணைகள்ங்கிறதால சரியாக முளைக்காதுங்கிற கவலையேயில்லை. வழக்கமா கரும்பு நடவு செய்த பின்னாடி, சரியா முளைக்காத இடங்கள்ல திரும்பவும் கரணைகளை மறு நடவு செய்வாங்க. அந்த வேலை, இந்த முறையில இல்லை” என்ற அழகுசுந்தரம், பெட்டியில் விதைக்கரணைகளை அடுக்கும் முறையைச் செய்து காண்பித்தார்.

கரும்பு விதைப்பெட்டி... செலவு குறையுது... மகசூல் கூடுது!

நிறைவாகப் பேசிய அழகுசுந்தரம், “இந்தத் தொழில்நுட்பம் மூலம் நடவு செய்ய 7 ஆயிரம் முதல் 8 ஆயிரம் எண்ணிக்கையில் ‘ஒரு பரு கரணை’யே போதுமானது. அதனால ஒரு ஏக்கருக்கு ஒரு டன் விதைக்கரும்பு போதுமானது. வழக்கமான நடவு முறைக்கு ஏக்கருக்கு 3 டன் விதைக்கரும்பு தேவைப்படும். இதே தொழில்நுட்பத்தை மஞ்சள்லயும், மத்த கிழங்கு வகைகள்லயும் பயன்படுத்தலாம்” என்றார். 

தொடர்புக்கு,
அழகுசுந்தரம்,
செல்போன்: 95858-74197.

குழித்தட்டு நாற்று உற்பத்திக்கும் இம்முறை ஏற்றது!

விதைப்பெட்டியை குழித்தட்டு நாற்று உற்பத்திக்குப் பயன்படுத்தி அழகுசுந்ததரம் சொன்ன விஷயங்கள் இங்கே...

கரும்பு விதைப்பெட்டி... செலவு குறையுது... மகசூல் கூடுது!

விதைக்கரணையில் இருந்து ஒரு பருக்கரணைகளாக நறுக்கி விதைநேர்த்தி செய்து சணல் சாக்கில் 6 நாட்கள் வைத்திருந்து... முளைத்த பிறகு அதை எடுத்து குழித்தட்டுகளில் வைத்து தென்னை நார்க்கழிவை நிரப்பி நாற்று உற்பத்தி செய்வார்கள். இப்படி செய்வதால், சாக்கின் நடுப்பகுதியில் உள்ள விதைப்பருக்கள், சூடேறி முளைப்புத்திறன் பாதிக்கப்படும். சணல் சாக்கில் உள்ள விதைப்பருக்களை 6 நாட்களுக்குள் பிரித்து எடுக்காவிட்டால், விதைப்பருக்களில் உள்ள வேர்களும், முளைப்பேறிய முத்துக்களும் ஒன்றையொன்று பின்னிக்கொள்ளும். அதை வெளியில் எடுக்கும்போது, முளைக்குருத்து உடைந்து விட வாய்ப்புகள் அதிகம். இதனால் சாக்கில் உள்ள பெரும்பாலான விதைப்பருக்கள் பாதிக்கப்படுகின்றன. இந்தப் பிரச்னைக்கு விதைப்பெட்டி நல்ல தீர்வாக இருக்கிறது.

தவறும், திருத்தமும்!

கடந்த இதழில் ‘உள்ளே...’ பகுதியில் 30-ம் பக்கம் ‘மணத்தக்காளி... தினம்தோறும் தருமே வரும்படி!’ என்று இருப்பதற்கு பதில் ‘‘நாட்டுக் காய்கறி விதைகள் இலவசம்..!’’ என்ற தகவல் தவறுதலாக இடம் பெற்றுவிட்டது. 

இதேபோல், 17-ம் பக்கம், ‘ஆஸ்பத்திரி செலவைக் குறைக்கும் வீட்டுத்தோட்டம்!’ கட்டுரையில் இடம் பெற்ற புகைப்பட குறிப்பில் பிரேமா நடராஜன் என்பதற்கு பதிலாக, பிரேமா நாராயணன் என்று  இடம் பெற்றுள்ளது.  மேலும் 65-ம் பக்கத்தில் புகைப்பட குறிப்பில் ‘சர்க்கரை’ ராமசாமி, குமார், கோட்டைச்சாமி என்ற வரிசையில் பெயர் இடம் பெற்றிருக்க வேண்டும். தவறான தகவல்கள் இடம் பெற்றமைக்கு மிகவும் வருந்துகிறோம்.

-ஆசிரியர்