Published:Updated:

விலை இருக்கு... விளைச்சல் இல்லை... மானாவாரி கொண்டைக்கடலை..!

விலை இருக்கு... விளைச்சல் இல்லை... மானாவாரி கொண்டைக்கடலை..!
பிரீமியம் ஸ்டோரி
விலை இருக்கு... விளைச்சல் இல்லை... மானாவாரி கொண்டைக்கடலை..!

சந்தைக்கேற்ற சாகுபடி! லாப ஊருக்கு ஒரு வழிகாட்டி!துரை.நாகராஜன், படங்கள்: வீ.சிவக்குமார்

விலை இருக்கு... விளைச்சல் இல்லை... மானாவாரி கொண்டைக்கடலை..!

சந்தைக்கேற்ற சாகுபடி! லாப ஊருக்கு ஒரு வழிகாட்டி!துரை.நாகராஜன், படங்கள்: வீ.சிவக்குமார்

Published:Updated:
விலை இருக்கு... விளைச்சல் இல்லை... மானாவாரி கொண்டைக்கடலை..!
பிரீமியம் ஸ்டோரி
விலை இருக்கு... விளைச்சல் இல்லை... மானாவாரி கொண்டைக்கடலை..!
விலை இருக்கு... விளைச்சல் இல்லை... மானாவாரி கொண்டைக்கடலை..!

*கரிசல் மண்ணில் நல்ல மகசூல் கொடுக்கும்

*90 முதல் 100 நாட்களில் அறுவடை

*ஏக்கருக்கு 500 கிலோ மகசூல்

*புரட்டாசி, ஐப்பசி மாதங்களில் பயிரிடப்பட்டு தை, மாசி மாதங்களில் அறுவடை செய்யப்படுகிறது.

*மண்ணில் பனித்துளி படரும் பிரதேசங்களில் நல்ல மகசூல் கிடைக்கும்.

*ஒரு கிலோ 60 ரூபாயிலிருந்து 70 ரூபாய் வரை விற்கப்படுகிறது

யல், விளைச்சலை அள்ளிக் கொடுத்திருந்தாலும்... சந்தையில் விலைகிடைத்தால்தான், லாபம் கிடைக்கும். ஒவ்வொரு பயிருக்கும் எந்தப் பருவத்தில் நல்ல விலை கிடைக்கும்... சந்தையின் தேவை என்ன? என்பது போன்ற அடிப்படையான சிலதகவல்களைத் தெரிந்துகொண்டால், ‘விலை இல்லை’ என்ற கவலையே இருக்காது. ஒவ்வொரு பயிருக்குமான சந்தைத் தகவல்களை அலசுகிறது, இத்தொடர். இந்த இதழில் கொண்டைக்கடலைக்கான சந்தை வாய்ப்புகள் இடம்பிடிக்கின்றன. கடந்த இதழில் இடம்பிடித்திருந்த கொண்டைக்கடலை குறித்த தகவல்களின் தொடர்ச்சி இங்கே...

கொண்டைக்கடலைக்கான விற்பனை வாய்ப்பு குறித்த தகவல்களை, உடுமலைப்பேட்டை ஒழுங்குமுறை விற்பனைக்கூட கண்காணிப்பாளர் அழகிரி நம்மிடம் பகிர்ந்துகொண்டார்.

‘‘தமிழ்நாட்டில் மேற்கு மாவட்டங்களான கோயம்புத்தூர், திருப்பூர், ஆகிய பகுதிகளில் இருந்து பரவலாக

விலை இருக்கு... விளைச்சல் இல்லை... மானாவாரி கொண்டைக்கடலை..!

ஒட்டுமொத்த விகடனுக்கும் ஒரே ஷார்ட்கட்!

இந்த விற்பனைக்கூடத்துக்கு கொண்டைக்கடலை வருகிறது. கடந்த 2014-ம் ஆண்டுக்குப் பிறகு, வரத்து குறைந்துள்ளது. தற்போது 16 டன் மட்டுமே விற்பனைக்கு இருக்கிறது. தமிழ்நாட்டில் பயிரிடப்படும் அளவும் குறைந்து வருகிறது.

இது கரிசல் மண்ணில் நன்றாக வளரும். பனிக்காலத்தில் பயிரிடப்படும் பயிராகும். ஆனால், அதிக உறைபனி, பயிரைப் பாதிக்கும். புரட்டாசி, ஐப்பசி மாதங்களில் பயிரிடப்பட்டு தை, மாசி மாதங்களில் அறுவடை செய்யப்படுகிறது. அந்த மாதங்களில் பனியின் ஈரப்பதத்திலேயே கொண்டைக்கடலை வளர்ந்து விடும்.

“ஒரு ஏக்கருக்கு 40 கிலோ விதைகள் தேவைப்படும். அறுவடையாகும்போது 5 முதல் 6 குவிண்டால் வரை மகசூல் கிடைக்கும். மானாவாரியில் விதைக்கும்போது தொடர்ந்து ஈரப்பதம் இல்லாமல் இருந்தால் மகசூல் குறைவாகக் கிடைக்க வாய்ப்பு இருக்கிறது.

வியாபாரிகள் பூச்சித் தாக்காமல் இருக்கக்கூடிய, மாவுத்தன்மை அதிகமாகவும் இருக்கும் கொண்டைக்கடலையைத்தான் விரும்புகிறார்கள். இப்போது சந்தையில் கிலோ 63 ரூபாய் முதல் 65 ரூபாய் வரை விற்பனையாகிறது. குறிப்பாக கொண்டைக்கடலையை குளிர்பதனக் கிட்டங்கியில் வைத்து விற்பனை செய்தால் லாபம் அதிகமாக கிடைக்கும்.

2014-ம் ஆண்டு ஒழுங்குமுறை விற்பனைக்கூடத்தில் குவிண்டாலுக்கு 5 ஆயிரத்து 200 முதல் 5 ஆயிரத்து 500 ரூபாய் வரை விலைபோனது. அதன்பிறகு 6 ஆயிரத்து 350 முதல் 6 ஆயிரத்து 500 ரூபாய் வரை விற்பனையானது.

இப்போது வரத்து இல்லை, இனி, வரும் காலங்களில் வரத்து இருக்கும். சந்தையில் கொண்டைக்கடலைக்கு நல்ல விற்பனை வாய்ப்பு இருக்கிறது.  நல்ல நிறம் மற்றும் தரம் இருந்தால், விற்பனையில் விவசாயிகளுக்கும், வியாபாரிகளுக்கும் எந்த பாதிப்பும் இல்லை” என்றார்.

அதிக தண்ணீர் தேவையில்லை!

கோயம்புத்தூர், தமிழ்நாடு வேளாண் பல்கலைக்கழகம், பயறுவகைத்துறை பேராசிரியர் மற்றும் தலைவர், கண்ணன் பாபு கொண்டைக்கடலை குறித்து பேசும்போது,  மண்ணில் பனிதுளி படரும் பிரதேசங்களில் நல்ல மகசூலைக் கொடுக்கும். அக்டோபர் முதல் நவம்பர் வரை விதைக்கலாம். களிமண் பாங்கான நிலத்தில் நல்ல மகசூலைக் கொடுக்கும். கோயம்புத்தூர், தர்மபுரி, கிருஷ்ணகிரி ஆகிய மாவட்டங்களில் அதிகமாக சாகுபடி செய்யப்படுகிறது. தென் மாவட்டங்களில் விருதுநகர் மாவட்டத்தில் அதிகமாக விளைகிறது. தஞ்சாவூர் உள்ளிட்ட டெல்டா மாவட்டங்களில் கொண்டைக்கடலை பயிரிட முடியாது.

இது மானாவாரியில் மட்டுமே பயிரிடப்படுகிறது. இதற்கு அதிகம் தண்ணீர் தேவையில்லை. முக்கியமாக கொண்டைக்கடலை தண்ணீர் பாய்ச்சினால், நோய்த்தாக்குதல் ஏற்பட்டு பயிர் வாடிவிடும்.தமிழ்நாட்டில் 10 ஆயிரம் ஹெக்டேரில் கொண்டைக்கடலை பயிரிடப்படுகிறது. தமிழ்நாட்டில் நாட்டு ரக கொண்டைக்கடலை அதிகமாகப் பயிரிடப்படுகிறது. வெளிமாநிலங்களில் ‘காபுலி’ வகை பயிரிடப்படுகிறது. தமிழ்நாடு வேளாண் பல்கலைக்கழகத்தால் அறிமுகப்படுத்தப்பட்ட, கோ-4 ரக கடலை வகையும் தமிழ்நாட்டில் அதிகமாக பயிரிடப்படுகிறது. இந்த ரகமானது சற்றுத் திரட்சியாக இருப்பதால், விவசாயிகளுக்கும், வியாபாரிகளுக்கும் லாபம் கொடுக்கக்கூடியதாக இருக்கிறது.

தேவை இருக்கு... உற்பத்தி இல்லை!                      

கொண்டைக்கடலைக்கு ஏற்றுமதி வாய்ப்பு அதிகமாக இருக்கிறது. நாம் அன்றாடம் சமையலுக்குப் பயன்படுத்துவதில் கொண்டைக்கடலை முக்கியப்பங்கு வகிக்கிறது. தேவை அதிகமாக இருப்பதால், ஏற்றுமதி செய்யப்படுவதில்லை. தமிழகத்தின் தேவைக்கு அரசே இறக்குமதி செய்துகொண்டிருக்கிறது.

தமிழ்நாட்டில் கொண்டைக் கடலைக்கான  உள்நாட்டுத் தேவை அதிகமாகவும், உற்பத்தியாகும் அளவு குறைவாகவும் இருக்கிறது என்று சொன்னார்.

தொடர்புக்கு,
பயறு வகைத்துறை, தமிழ்நாடு வேளாண்மைப் பல்கலைக்கழகம். கோயம்புத்தூர்-1
தொலைபேசி: 0422-2450498.

ஏக்கருக்கு 22 ஆயிரத்து 500 ரூபாய்!

விலை இருக்கு... விளைச்சல் இல்லை... மானாவாரி கொண்டைக்கடலை..!

கோயம்புத்தூர் மாவட்டம், கிணத்துக்கடவு ஊரைச் சேர்ந்த விவசாயி விவேகானந்தனிடம் கேட்டப்போது.

‘‘கொண்டைக்கடலை கரிசல் மண்ணுல நல்லா வளரும். மானாவாரியா சாகுபடி செய்யும்போது, கோ-3, கோ-4 ரகங்களைத் தேர்வு செய்றது நல்லது. ஏக்கருக்கு 50 கிலோ விதை தேவைப்படும். மொத்தம் 90 நாள்ல இருந்து 100 நாட்களுக்குள்ள அறுவடை செஞ்சிடலாம். மானாவாரியில ஏக்கருக்கு 500 முதல் 600 கிலோ மகசூல் கிடைக்கும். ஐப்பசி மாசம் மழை முடிஞ்ச உடனேயே விதைச்சு, தை மாசத்துல அறுவடை செஞ்சிடுவோம். இப்போ எங்க பக்கம், பொரிகடலை
(பொட்டுக்கடலை)னு சொல்ற திரட்சியான கொண்டைக்கடலை ரகத்தைத்தான் பயிரிடுறாங்க.

அறுவடை காலத்துல ஒரு குவிண்டாலுக்கு 4 ஆயிரத்து 500 ரூபாய்ல இருந்து 5 ஆயிரம் ரூபாய் வரைக்கும் விலை கிடைக்கும். அறுவடை இல்லாம இருப்பு வெச்சு விற்பனை செய்தா, 6 ஆயிரம் ரூபாய் வரைக்கும் விலை போகும். பொதுவா, ஒரு குவிண்டால் 4 ஆயிரத்து 500 ரூபாய்னு வெச்சுகிட்டாலும், ஏக்கருக்கு 22 ஆயிரத்து 500 ரூபாய் வருமானமா கிடைக்கும். இதுல செலவு 10 ஆயிரம் ரூபாய் போனாலும், 12 ஆயிரத்து 500 ரூபாய் லாபமா நிக்கும்’’ என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism