Published:Updated:

தமிழ்நாட்டில் தேவை அதிகம்... உற்பத்தி குறைவு!

தமிழ்நாட்டில் தேவை அதிகம்... உற்பத்தி குறைவு!
பிரீமியம் ஸ்டோரி
தமிழ்நாட்டில் தேவை அதிகம்... உற்பத்தி குறைவு!

சந்தைக்கேற்ற சாகுபடி! லாப ஊருக்கு ஒரு வழிகாட்டி!துரை.நாகராஜன், படங்கள்: தே.சிலம்பரசன்

தமிழ்நாட்டில் தேவை அதிகம்... உற்பத்தி குறைவு!

சந்தைக்கேற்ற சாகுபடி! லாப ஊருக்கு ஒரு வழிகாட்டி!துரை.நாகராஜன், படங்கள்: தே.சிலம்பரசன்

Published:Updated:
தமிழ்நாட்டில் தேவை அதிகம்... உற்பத்தி குறைவு!
பிரீமியம் ஸ்டோரி
தமிழ்நாட்டில் தேவை அதிகம்... உற்பத்தி குறைவு!
தமிழ்நாட்டில் தேவை அதிகம்... உற்பத்தி குறைவு!

*ஆண்டு முழுவதும் விற்பனை

*சேமித்து வைக்க ஏதுவானது

*அதிக சத்துக்கள் உள்ளன

*மானாவாரிப் பயிர்

யல் விளைச்சலை அள்ளிக் கொடுத்திருந்தாலும்... சந்தையில் விலைகிடைத்தால்தான், லாபம் கிடைக்கும். ஒவ்வொரு பயிருக்கும் எந்தப் பருவத்தில் நல்ல விலை கிடைக்கும்... சந்தையின் தேவை என்ன? என்பது போன்ற அடிப்படையான சில தகவல்களைத் தெரிந்துகொண்டால், ‘விலை இல்லை’ என்ற கவலையே இருக்காது. ஒவ்வொரு பயிருக்குமான சந்தைத் தகவல்களை அலசுகிறது, இத்தொடர். இந்த இதழில், கேழ்வரகு குறித்த தகவல்கள் இடம்பிடிக்கின்றன.

‘ராகி’ என்று பொதுவாக அழைக்கப்படும் கேழ்வரகு, தென் இந்தியாவில் முக்கிய உணவாகப் பயன்படுகிறது. கேழ்வரகில்... கூழ், புட்டு, கேக் போன்ற உணவுகள் அதிக அளவில் தயார் செய்யப்படுகின்றன. ஆண்டுக்கு ஒரு முறை விளையும் தானியமான கேழ்வரகு, வெப்ப மண்டலம் மற்றும் மித வெப்ப மண்டலப் பகுதிகளில் விளையும். இதை, தமிழகத்தில் ஆரியம், கேப்பை என்றும் சொல்வர். கர்நாடகா மற்றும் தமிழ்நாடு ஆகிய மாநிலங்கள் கேழ்வரகு சாகுபடியில் முக்கிய பங்கு வகிக்கின்றன. இந்தியாவின் மொத்த உற்பத்தியில் 67 சதவிகிதம் கர்நாடக மாநிலத்தில்தான் விளைகிறது. அடுத்தபடியாக 17 சதவிகிதம் தமிழ்நாட்டில் விளைகிறது. தவிர, ஆந்திரா, உத்தரப்பிரதேசம், பீஹார் ஆகிய மாநிலங்களிலும் சாகுபடி செய்யப்படுகிறது.  

இப்பயிரில், இரண்டு இனங்கள் உள்ளன.  ஒன்று காட்டு வகை (எல்லூசின் இண்டிகா). மற்றொன்று பயிர் செய்யக்கூடிய வகை (எல்லூசின் கோரகானா). கேழ்வரகு சிறுதானியப்பயிர்களில் முக்கியமான பயிர். சேமித்து வைக்க ஏதுவானது. ஊட்டச்சத்து மிக்கது.

தமிழ்நாடு வேளாண்மைப் பல்கலைக் கழகத்தில் இயங்கி வரும், உள்நாட்டு மற்றும் ஏற்றுமதி சந்தைத் தகவல் மையம், வேளாண் மற்றும் ஊரக மேம்பாட்டு மையம் நமக்கு கொடுத்த தகவலின்படி, தமிழ்நாட்டில் உள்ள சந்தைகளில் திண்டிவனம் ஒழுங்கு முறை விற்பனைக்கூடம் முக்கியமானதாக உள்ளது. கேழ்வரகு சிங்கப்பூர், மலேசியா, இந்தோனேசியா, இலங்கை, ஆப்பிரிக்கா போன்ற நாடுகளுக்கு ஆண்டு முழுவதும் ஏற்றுமதியாகிறது. இந்திய தேசிய வேளாண்மை அமைச்சகத்தின் அறிக்கையின்படி, 2014-15-ம் ஆண்டில்... தமிழ்நாட்டில் ஒரு லட்சத்து 10 ஆயிரம் ஹெக்டேர் நிலத்தில் பயிரிடப்பட்டு 3 லட்சம் டன் அளவு உற்பத்தி செய்யப்பட்டுள்ளது. தமிழ்நாட்டில் கிருஷ்ணகிரி, சேலம், ஈரோடு மற்றும் வேலூர் மாவட்டங்களில் அதிகமாக உற்பத்தி செய்யப்படுகிறது. அதிக வெப்பம் காரணமாக நடப்பாண்டில் உற்பத்தி குறைந்துள்ளது.

தமிழ்நாட்டில் தேவை அதிகம்... உற்பத்தி குறைவு!

ஒட்டுமொத்த விகடனுக்கும் ஒரே ஷார்ட்கட்!

பொதுவாக, கேழ்வரகு ஆடிப்பட்டத்தில் மானாவாரியாக பயிர் செய்யப்படுகிறது. டிசம்பர் மாத இறுதியில் அறுவடையாகி சந்தைக்கு வரத்துவங்கும். அப்படி வரும் தானியங்களைச் சேமித்துவைத்து ஆண்டு முழுவதும் விற்பனை செய்கிறார்கள். கேழ்வரகு உற்பத்தியில் தமிழ்நாடு தன்னிறைவை அடையவில்லை. அதனால், கர்நாடகா மற்றும் ஆந்திராவில் இருந்துதான் நம் தேவை பூர்த்தி செய்யப்படுகிறது.

தமிழ்நாடு வேளாண்மைப் பல்கலைக் கழகத்தின் வேளாண் விற்பனைத்தகவல் மற்றும் வணிக ஊக்குவிப்பு மையத்தின் பின்புல மையம் கடந்த 12 ஆண்டுகளாக திண்டிவனம் ஒழுங்குமுறை விற்பனைக்கூடத்தில் நிலவிய கேழ்வரகு விலையை ஆய்வுசெய்து... ‘வருங்காலங்களில் கேழ்வரகின் பண்ணை விலை ஒரு கிலோ 16 ரூபாய் முதல் 18 ரூபாய் வரை இருக்கும் என எதிர்பார்க்கப்படுகிறது. அதனால், விவசாயிகள் இந்த விலை விவரத்தை கணக்கில் கொண்டு விற்பனை முடிவுகளை எடுக்கவேண்டும்’ என்று பரிந்துரைத்துள்ளது.

கேழ்வரகின் ரகங்கள், ஒழுங்குமுறை விற்பனைக்கூட இயக்குநர்களின் தகவல்கள், தமிழ்நாடு வேளாண் பல்கலைக்கழக சிறுதானியத்துறையின் இயக்குநர், வியாபாரிகள், விவசாயிகள் ஆகியோரின் யோசனைகள், அடுத்த இதழில்...

-லாபம் பெருகும்

பயன்பாடுகள் பலவிதம்!

கேழ்வரகைக் கொண்டு ‘கட்டி’ என்ற ஒரு வகை உணவுப்பண்டம் கேரளாவில் தயார் செய்யப்படுகிறது. அம்மாநில மக்கள் இதை விரும்பி சாப்பிடுகின்றனர். தலையணை மற்றும் மெத்தைகள் தயாரிக்க கேழ்வரகு உமி,  பயன்படுகிறது. கேழ்வரகு வைக்கோல் மாட்டுத்தீவனமாகப் பயன்படுகிறது. தவிர, விலங்குகளுக்கு படுக்கை அமைக்கவும் பயன்படுகிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism