Published:Updated:

மாடித்தோட்டம்: தெர்மாகூல் பெட்டி... இனி மாடித்தோட்ட தொட்டி!

மாடித்தோட்டம்: தெர்மாகூல் பெட்டி... இனி மாடித்தோட்ட தொட்டி!
பிரீமியம் ஸ்டோரி
மாடித்தோட்டம்: தெர்மாகூல் பெட்டி... இனி மாடித்தோட்ட தொட்டி!

அசத்தும் ஆட்டோ ஓட்டுநர்! இ.கார்த்திகேயன், படங்கள்: ஈ.ஜெ.நந்தகுமார்

மாடித்தோட்டம்: தெர்மாகூல் பெட்டி... இனி மாடித்தோட்ட தொட்டி!

அசத்தும் ஆட்டோ ஓட்டுநர்! இ.கார்த்திகேயன், படங்கள்: ஈ.ஜெ.நந்தகுமார்

Published:Updated:
மாடித்தோட்டம்: தெர்மாகூல் பெட்டி... இனி மாடித்தோட்ட தொட்டி!
பிரீமியம் ஸ்டோரி
மாடித்தோட்டம்: தெர்மாகூல் பெட்டி... இனி மாடித்தோட்ட தொட்டி!

ன்றாடம் அதிகரித்துவரும் மட்காத குப்பைகளில் தெர்மாகூலும் ஒன்று.  

 பிளாஸ்டிக் கூட்டுப்பொருளான ‘பினைல் ஈத்தேன்’ எனப்படும் வேதிப்பொருள் கொண்டதுதான் தெர்மாகூல். இந்தப்பொருளாலான பெட்டிக்கு வெப்பநிலையைக் காக்கும்தன்மை உள்ளதால், பனிக்கட்டிகள் வைக்க, மலர்களை அடைத்து அனுப்ப என பல வகைகளில் பயன்படுகிறது. ஆனால் ஒரு தடவை பயன்படுத்தியதும் தூக்கி வீசப்படுவதுதான் அதிகம். இப்படி வீசப்படும் இந்த தெர்மாகூல் குப்பை பிளாஸ்டிக்குகளுக்கு இணையாக சுற்றுச்சூழலுக்கு சவால் விட்டுக்கொண்டு நிற்கிறது.

மாடித்தோட்டம்: தெர்மாகூல் பெட்டி... இனி மாடித்தோட்ட தொட்டி!

இதோ, தன்னால் முடிந்த அளவுக்கு இந்த தெர்மாகூல் கழிவுகளுக்கு ஒரு வழியைக் கண்டறிந்திருக்கிறார், மதுரை, ஜவகர்புரத்தைச்  சேர்ந்த ஆட்டோ டிரைவர் ராம் பிரசாத். தெர்மாகூல் பெட்டிகளைச் சேகரித்து, அவற்றில் செடிகளை வளர்த்து மாடித்தோட்டம் அமைத்திருக்கிறார்.
செடிகளுக்கு தண்ணீர் ஊற்றிக்கொண்டிருந்த ராம் பிரசாத்தைச் சந்தித்தோம், “எனக்கு சின்னவயசுல இருந்தே செடிகள் வளர்க்குறதுனா ரொம்ப பிடிக்கும். தொட்டி வாங்கி வளர்க்க காசு அதிகம் செலவாகுமேனு யோசிச்சப்போதான் தெர்மாகூல் பெட்டி யோசனை வந்தது. இதை மறுசுழற்சியும் பண்ண முடியாது. எரிச்சா நச்சுப்புகை வரும். அது நுரையீரலுக்கு ரொம்ப கெடுதல். அதனால அதையே மறுபயன்பாட்டுக்குக் கொண்டு வந்து சூழல் மாசைக் குறைக்கலாம்னு முடிவு பண்ணிட்டேன்.  ரெண்டு தெர்மாகூல் பெட்டிகளை கொண்டு வந்து பொன்னாங்கண்ணி, புதினா கீரைகளை வளர்த்துப் பார்த்தேன். ரெண்டுமே நல்லா வளரவும்... கத்திரி, தக்காளி, வெண்டை, முள்ளங்கி, சீனி அவரை, பாகல், பொன்னாங்கண்ணி, சிறுகீரை, பாலக்கீரைனு தனித்தனி பெட்டிகள்ல வளர்க்க ஆரம்பிச்சேன். ரெண்டு வருஷமா தெர்மாகூல் பெட்டிகள்லதான் செடிகளை வளர்த்துட்டு இருக்கேன்” என்ற ராம் பிரசாத், தொடர்ந்தார்.

“ரசாயன உரங்களால் அதிக பாதிப்பு வரும்னு செய்திகள்ல படிச்சதுல இருந்து மாடித் தோட்டத்துக்கு இயற்கை உரம்தான் போடணும்னு முடிவு செஞ்சுட்டேன். காய்கறிக் கழிவுகள் மூலமா நானே உரம் தயாரிக்கிறேன். பெரிய தெர்மாகூல் பெட்டியில் மண், காய்கறிக் கழிவுகள், முட்டை ஓடு, நிலக்கடலைத் தோல், வெங்காயச் சருகுனு சமையலறைக் கழிவுகள் எல்லாத்தையும் போட்டு மேல கொஞ்சம் மண் போட்டு வெச்சுடுவேன். தினமும் இந்தப் பெட்டியில கொஞ்சம் தண்ணீர் விட்டு கிளறிக்கிட்டே இருந்தா, 20 நாள்ல அதெல்லாம் மட்கி உரமாகிடுது. இந்த இயற்கை உரத்தை செடிகளுக்குப் போடுறப்போ நல்லா வளருது. அதோட மண்புழு உரத்தையும் போடுறேன். பூச்சிகளை விரட்ட வேப்பெண்ணெய், மாட்டுச் சிறுநீர் பயன்படுத்துறேன்.

ஒட்டுமொத்த விகடனுக்கும் ஒரே ஷார்ட்கட்!

மாடித்தோட்டம்: தெர்மாகூல் பெட்டி... இனி மாடித்தோட்ட தொட்டி!

தெர்மாகூல் பெட்டியில் செம்மண், மணல், கொஞ்சம் மட்கிய சாணத்தையும் போட்டு விதைச்சுடுவேன். பெட்டியில் தண்ணீர் வெளியேற சின்னத்துளை போடணும். இதுல செடிகளை வளர்க்கிறப்போ தண்ணீர் சீக்கிரம் ஆவியாகுறதில்லை. எடை குறைவா இருக்குறதால இடம் மாத்துறது சுலபம். அகலமா இருக்குறதால கொடி வகைகள் படர்ந்து வளருது. காய்கறிகள் மட்டுமில்லாமல் பூச்செடிகள், குரோட்டன்ஸ் செடிகளையும் வளர்க்கிறேன்” என்ற ராம் பிரசாத் நிறைவாக,

“ஆட்டோவில் சவாரி போறப்போ வர்றப்போ எல்லாம் ரோடுகள்ல எங்காவது தெர்மாகூல் பெட்டி கிடக்குதானு பார்த்துக்கிட்டே இருப்பேன். கண்ல தென்பட்டா எடுத்து வண்டிக்குள்ள வெச்சுக்குவேன். இதுக்கு கொஞ்சம்கூட வெட்கப்பட மாட்டேன். சில கடைகள்ல சொல்லி வெச்சும் பெட்டிகளை வாங்கிக்குவேன். பெட்டி கிடைச்சவுடனே அதுல ஒரு செடியை வெச்சுடுவேன். இப்போ மொத்தம் 52 பெட்டிகள்ல செடிகளை வளர்த்துட்டு இருக்கேன்.

ஒரே கல்லுல ரெண்டு மாங்காய்ங்கிற மாதிரி... சுற்றுச்சூழல் மாசு படுறதையும் தடுக்க முடியுது. அதோட எங்க வீட்டுக்கும் விஷமில்லாத காய் கிடைக்குது” என்றவர் “நேரம் ஆச்சு...  பள்ளிக்கூடத்துக்கு சவாரி இருக்கு” என்று சொல்லி ஆட்டோவைக் கிளப்பினார்.

தொடர்புக்கு,
ராம் பிரசாத்,
செல்போன்: 90959-73986

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism