Published:Updated:

‘‘கைவிட்டது, ஆங்கில மருத்துவம்... காப்பாற்றியது, சித்த மருத்துவம்!’’

‘‘கைவிட்டது, ஆங்கில மருத்துவம்... காப்பாற்றியது, சித்த மருத்துவம்!’’
பிரீமியம் ஸ்டோரி
‘‘கைவிட்டது, ஆங்கில மருத்துவம்... காப்பாற்றியது, சித்த மருத்துவம்!’’

நாட்டுநடப்பு அ.பா.சரவணகுமார், படங்கள்: அ.சரண்குமார்

‘‘கைவிட்டது, ஆங்கில மருத்துவம்... காப்பாற்றியது, சித்த மருத்துவம்!’’

நாட்டுநடப்பு அ.பா.சரவணகுமார், படங்கள்: அ.சரண்குமார்

Published:Updated:
‘‘கைவிட்டது, ஆங்கில மருத்துவம்... காப்பாற்றியது, சித்த மருத்துவம்!’’
பிரீமியம் ஸ்டோரி
‘‘கைவிட்டது, ஆங்கில மருத்துவம்... காப்பாற்றியது, சித்த மருத்துவம்!’’

சென்னை, லயோலா கல்லூரியில் உள்ள தாவரவியல் மற்றும் உயிரித்தொழில்நுட்பவியல் துறை மற்றும் பூச்சியியல் ஆய்வு நிறுவனம் சார்பில், பேராசிரியர் ச.இன்னாசிமுத்து, பெ.பாண்டிக்குமார் மற்றும் சு.முத்தீசுவரன் ஆகியோர் இணைந்து எழுதிய ‘அனுபவ சித்த மருத்துவ முறைகள்’ நூல் வெளியீட்டு விழா சமீபத்தில் நடைபெற்றது.

அவ்விழாவில் பேசிய பேராசிரியர் ச. இன்னாசிமுத்து, ‘‘ கடந்த 12 ஆண்டுகளாக, அனுபவ சித்தர் மருத்துவர்களிடமிருந்து சேகரித்த, எளிய சித்த மருத்துவ முறைகள் நூலைத் தொகுத்து வெளியிட்டுள்ளோம். இந்த நூலில் உள்ள மருத்துவ முறைகள் தமிழ் மண்ணின் அரியச் சொத்து’’ என்றார்.

‘‘கைவிட்டது, ஆங்கில மருத்துவம்... காப்பாற்றியது, சித்த மருத்துவம்!’’

கல்லூரியின் முதல்வர் ஆரோக்கியசாமி பேசும் போது, “சிறிய வயதில் மஞ்சள்காமாலை நோயால் நான் பாதிக்கப்பட்டேன். ஆங்கில மருத்துவர்கள், ‘இனி பிழைப்பதற்கு வாய்ப்பில்லை’ எனக் கைவிட்டு விட்டார்கள். எங்கள் கிராமத்துக்கு அருகில் அனுபவம் வாய்ந்த சித்த மருத்துவர் ஒருவரிடம் என்னை அழைத்துக்கொண்டு போன போது, அவர் கையில் ஒரு வேரைக் கட்டிவிட்டார். 15 நாட்களுக்கு உணவில் பத்தியம் இருக்கச் சொன்னார். அடுத்த ஒரு மாதத்தில் மஞ்சள் காமாலை என்னை விட்டு ஓடிவிட்டது.  அனுபவ சித்த மருத்துவம்தான் சிறந்தது, உயர்ந்தது என்பதற்கு நானே வாழும் சாட்சி” என்றார்.

தொடர்ந்து பேசிய மத்திய சித்த மருத்துவ ஆராய்ச்சிக் குழுமத் தலைமை இயக்குநர் ராமசுவாமி, “பன்னாட்டு மருந்து நிறுவனங்கள் தங்களது வணிக நலனுக்காக, ‘ஆங்கில மருந்துகள்தான் சிறந்தவை’ என்ற மாயத் தோற்றத்தை மக்களிடையே ஏற்படுத்தியுள்ளன. நமது சித்தமருத்துவ முறை ஐந்தாயிரம் ஆண்டுகளுக்கு மேல் பழமையானது. நாம்தான் அதன் பெருமையை உணராமல் இருக்கிறோம். அண்டை நாடான இலங்கையில், சித்த மருத்துவம் இன்னும் உயிர்ப்போடு இருக்கிறது. உலகம் முழுக்கவே சித்த மருத்துவத்தின் அருமை, பெருமையை உணரத் தொடங்கியுள்ளார்கள்”  என்றார்.

விழாவில், தமிழகத்தின் பல்வேறு பகுதிகளிலிருந்து வந்திருந்த அனுபவ சித்த மருத்துவர்களுக்கு நினைவுப் பரிசுகள் வழங்கப்பட்டன.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism