Published:Updated:

குறைந்த செலவில்... நிறைவான லாபம் கொடுக்கும் கேழ்வரகு!

குறைந்த செலவில்... நிறைவான லாபம் கொடுக்கும் கேழ்வரகு!
பிரீமியம் ஸ்டோரி
குறைந்த செலவில்... நிறைவான லாபம் கொடுக்கும் கேழ்வரகு!

சந்தைக்கேற்ற சாகுபடி! லாப ஊருக்கு ஒரு வழிகாட்டி!துரை.நாகராஜன், படங்கள்: தே.சிலம்பரசன்

குறைந்த செலவில்... நிறைவான லாபம் கொடுக்கும் கேழ்வரகு!

சந்தைக்கேற்ற சாகுபடி! லாப ஊருக்கு ஒரு வழிகாட்டி!துரை.நாகராஜன், படங்கள்: தே.சிலம்பரசன்

Published:Updated:
குறைந்த செலவில்... நிறைவான லாபம் கொடுக்கும் கேழ்வரகு!
பிரீமியம் ஸ்டோரி
குறைந்த செலவில்... நிறைவான லாபம் கொடுக்கும் கேழ்வரகு!
குறைந்த செலவில்... நிறைவான லாபம் கொடுக்கும் கேழ்வரகு!

யல் விளைச்சலை அள்ளிக் கொடுத் திருந்தாலும்... சந்தையில் விலை கிடைத்தால்தான், லாபம் கிடைக்கும். ‘ஒவ்வொரு பயிருக்கும் எந்தப் பருவத்தில் நல்ல விலை கிடைக்கும்... சந்தையின் தேவை என்ன?’ என்பது போன்ற அடிப்படையான சில தகவல்களைத் தெரிந்துகொண்டால், ‘விலை இல்லை’ என்ற கவலையே இருக்காது. ஒவ்வொரு பயிருக்குமான சந்தைத் தகவல்களை அலசுகிறது, இத்தொடர். கடந்த இதழில் இடம்பிடித்திருந்த கேழ்வரகு குறித்த தகவல்களின் தொடர்ச்சி இங்கே...

 சிறுதானிய மகத்துவ மையத்தின் பேராசிரியை டாக்டர்.நிர்மலகுமாரி, கேழ்வரகினை பற்றி கூடுதல் தகவல்களை நம்மிடம் பகிர்ந்துகொண்டார். ‘‘முன்பெல்லாம் இத்தனை நோய்களோ, நோயாளிகளோ இல்லை. தற்போது பிணிகள் அதிகரிக்க காரணம் நமது உணவு முறை தான். தினமும் உணவுடன் கேழ்வரகை சேர்த்துக் கொண்டால் சர்க்கரை வியாதி, இதயநோய் மற்றும் சுண்ணாம்புச்சத்து பற்றாக்குறை போன்ற நோய்களில் இருந்து விடுபடலாம். மருத்துவர்களும் நோயாளிகளுக்கு கேழ்வரகு போன்ற சிறுதானியங்களையே பரிந்துரை செய்கிறார்கள். கேழ்வரகில் மற்ற தானியங்களைக் காட்டிலும் சுண்ணாம்புச்சத்து(கால்சியம்), இரும்புச்சத்து, புரதச்சத்து மற்றும் நார்ச்சத்து ஆகியவை அதிகமாக இருக்கின்றன. விவசாயிகள் பருவம் பார்த்து பயிரிட்டால் கேழ்வரகு இறவையைக் காட்டிலும், மானாவாரியில் அதிக லாபத்தைக் கொடுக்கும். ஆடி மற்றும் புரட்டாசி பட்டங்களில் கேழ்வரகை மானாவாரியாக பயிரிடலாம். செம்மண் மற்றும் இருமண் கலந்த மண்வகைகள் கேழ்வரகு பயிரிட மிகவும் ஏற்றவை. இயற்கை உரங்களைப் பயன்படுத்தி சாகுபடி செய்யும்போது நிலத்தின் ஈரப்பதம் நீண்டநாட்களுக்கு இருக்கும்.

குறைந்த செலவில்... நிறைவான லாபம் கொடுக்கும் கேழ்வரகு!

ஒட்டுமொத்த விகடனுக்கும் ஒரே ஷார்ட்கட்!

கதிர்கள் நன்கு காய்ந்து மணிகள் முற்றிய பிறகு அறுவடை செய்து, கதிர்களைக் களத்தில் காயவைத்து விதைகளைப் பிரித்தெடுக்கலாம். பின்னர், விதைகளை நன்றாக காயவைத்து சுத்தம் செய்து சேமித்து வைக்க வேண்டும். மேற்சொன்ன முறைகளில் உயர் விளைச்சல் ரகங்களைப் பயன்படுத்தி முறையான சாகுபடி முறைகளைக் கையாண்டால், விவசாயிகள் அதிக மகசூல் மற்றும் அதிக லாபத்தை பெறலாம். கேழ்வரகில் மகசூலை அதிகரிக்க தூர்களின் எண்ணிக்கையை அதிகரிக்க வேண்டும். அதற்கு சரியான பயிர் இடைவெளியைக் கடைப்பிடிக்க வேண்டும். கேழ்வரகை நாற்றாங்கால் முறையில் பயிரிட ஹெக்டேருக்கு 5 கிலோ விதையும், நேரடி விதைப்புக்கு 10 முதல் 15 கிலோ விதையும் தேவைப்படும்” என்றார்.

இடுபொருள் செலவும், பராமரிப்பு செலவும் குறைவு!   
        

திண்டிவனம், விக்கிரவாண்டி ஒழுங்குமுறை விற்பனைக்கூடத்தின் கண்காணிப்பாளர் சரவணன் கேழ்வரகு குறித்த தகவல்களை நம்மிடம் பகிர்ந்து கொண்டார். “கடந்த 2015-16ம் நிதியாண்டில் மார்ச் மாத நிலவரத்தின் படி, விழுப்புரம் மாவட்டம் முழுவதும் 2,147 டன் விற்பனையாகியுள்ளது. மொத்தம் 3 கோடியே 40 லட்ச ரூபாய் அளவுக்கு விற்பனையாகி இருக்கிறது. இதில் குவிண்டாலுக்கு, 2,800 ரூபாய் குறைந்தபட்ச விலையாகவும், 3,100 ரூபாய் அதிகபட்ச விலையாகவும் விற்பனையாகியுள்ளது. மார்ச் முதல் இதுவரை 803 டன் விற்பனையாகியுள்ளது. இப்போது இந்த ஒழுங்குமுறை விற்பனைக்கூடத்துக்கு வரத்து அதிகரிக்க ஆரம்பித்திருக்கிறது. திருவண்ணாமலை, கடலூர் ஆகிய மாவட்டங்களில் பரவலாகவும், விழுப்புரம் மாவட்டத்தில் அதிகமாகவும் கேழ்வரகைப் பயிரிடுகிறார்கள். கேழ்வரகை அதிக அளவில் சேமித்து வைத்து விற்பனை செய்கிறார்கள். கேழ்வரகில் இடுபொருள் செலவும், பராமரிப்பு செலவும் குறைவு. இந்த பகுதியில் சித்திரைப் பட்டத்தில் இறவையில் சாகுபடி செய்வதால் ஆடி மாதம் முடிந்தும் தற்போது விற்பனைக்கு வருகிறது. விவசாயிகள் அதிக அளவில் கேழ்வரகைப் பயிர் செய்ய ஆரம்பித்துள்ளனர். இதற்கு காரணம், சிறுதானியம் பற்றிய விழிப்பு உணர்வு மக்களிடையே அதிகரித்து இருப்பதுதான். இனி வரும் காலங்களில் இதன் விலை அதிகரிக்க வாய்ப்பு உள்ளது.

குறைந்த செலவில்... நிறைவான லாபம் கொடுக்கும் கேழ்வரகு!

பெரும்பாலும் நாட்டு கேழ்வரகுதான் இங்கு அதிக அளவில் விற்பனைக்கு வருகிறது. இந்த ஒழுங்குமுறை விற்பனைக்கூடத்துக்கு கேழ்வரகை கொண்டு வரும் விவசாயிகள், அவர்களின் தேவைக்கேற்ப வைத்துக்கொண்டு மீதத்தை எடுத்து வருகிறார்கள். விவசாயிகளும், வியாபாரிகளும் விற்பனைக் கூடத்தில் விற்பனைக்காகவும், விதைகளுக்காகவும் வாங்கிச் செல்கின்றனர். சில விவசாயிகள் மேல்தோல்நீக்கி கொண்டு வந்து விற்பனை செய்கிறார்கள். சிலர் அப்படியே கொண்டு வந்தும் விற்பனை செய்கிறார்கள். கேழ்வரகின் தேவை நகரங்களில் அதிகமாக இருப்பதால், உள்ளூர் வியாபாரிகள் அதிக அளவில் வாங்கி, சென்னையில் விற்பனை செய்கின்றனர். மேலும் இங்கே விவசாயிகள் தரம்பிரிக்க, காயவைக்க ஏதுவாக இடங்களும் அமைக்கப்பட்டுள்ளன.

குறைந்த செலவில்... நிறைவான லாபம் கொடுக்கும் கேழ்வரகு!

ஒழுங்குமுறை விற்பனைக் கூடமானது விவசாயிகளுக்கும், வியாபாரிகளுக்கும் சரியான முறையில் பயன்படக்கூடிய வகையில் இருக்க வேண்டும். இங்கே விளைபொருட்களை விற்பனை செய்ய வரும் விவசாயிகளுக்கு, பதிவு செய்யப்பட்ட ரசீது கொடுக்கப்படும். அதன்படி, அவர்கள் விற்பனை செய்துக்கொள்ளலாம். விவசாயிகளுக்கு கட்டுப்படியான விலை கிடைத்தால் மட்டுமே விற்பனை செய்வார்கள். விவசாயிகளை கட்டாயப்படுத்தி வியாபாரிகள் இங்கே வாங்க முடியாது. விற்பனையான உடனே பணம் பட்டுவாடா செய்யப்படும். விவசாயிகள் 15 நாட்கள் வரை விற்பனைக்கூடத்தில் இலவசமாக வைத்து, பிறகு விற்பனை செய்துகொள்ளலாம். மூன்று வாரம் வரை வைத்திருந்தால் அவர்களுக்கு பொருளீட்டுக்கடன் கொடுக்கிறோம். பொருளின் மொத்த மதிப்பில் 75 சதவிகிதத் தொகையை, 5 சதவிகித வட்டியில் விவசாயிகள் கடனாக பெற்றுக்கொள்ளலாம். இப்போது விவசாயிகளுக்கு ‘கிசான் சுவிதா’ செயலி மூலம் சந்தை நிலவரம் பற்றி பயிற்சியும் கொடுக்கிறோம். இதன்படியே விற்பனை செய்யவும் அறிவுரை வழங்கப்படுகிறது. இதனால் விவசாயிகள் அவரவர் பொருட்களுக்குரிய விலையை தெரிந்துகொண்டு விற்பனை செய்ய முடியும்” என்றார்.

- லாபம் பெருகும்

ஏக்கருக்கு 12 குவிண்டால்!

விவசாயி பூராசாமி, விக்கிரவாண்டி: “இருபத்தஞ்சு வருஷமா விவசாயம் செய்துட்டு வர்றேன். ஒவ்வொரு வருஷமும் தவறாம கேழ்வரகை பயிர் செஞ்சுடுவேன். பங்குனியில நாத்துவிட்டு, 25-ம் நாள் நடவு செய்வேன். ஆடி மாச கடைசியில அறுவடைக்கு வந்துடும். கேழ்வரகுக்கு நல்ல கிராக்கி இருக்குது. கேழ்வரகு வண்டல் கலந்த களிமண்ணுல நல்லா வரும். ஏக்கருக்கு சராசரியா 10 முதல் 12 குவிண்டால் வரை மகசூல் கிடைக்கும்” என்றார்.

சரியான நேரத்துல வித்துடணும்!     

குறைந்த செலவில்... நிறைவான லாபம் கொடுக்கும் கேழ்வரகு!



விக்கிரவாண்டி, கேழ்வரகு வியாபாரி பாலகிருஷ்ணனிடம் பேசியபோது,“சந்தை நிலவரத்தைப் பொறுத்து கேழ்வரகு விலை தினமும் வித்தியாசப்படும். குவிண்டாலுக்கு 100 ரூபாய் முன் பின் இருக்கும். விவசாயிங்க கொண்டு வந்து கொடுக்குற கேழ்வரகோட தரத்தைப் பொறுத்து விலை கிடைக்கும். தூசி, தும்பு நீக்கி சுத்தப்படுத்தி கொண்டு வந்தா நல்ல விலை கிடைக்கும். கேழ்வரகை அதிக நாள் இருப்பு வெச்சிருந்தா கறுத்துப் போகும். விலையும் கிடைக்காது. அதுனால சரியான நேரத்துல வித்துடணும். என்கிட்ட கூழ் காய்ச்சி விற்பனை செய்றவங்க, உணவுப்பண்டம் தயாரிக்குறவங்கதான் அதிகமாக கேழ்வரகை வாங்குறாங்க. இப்போதைக்கு குவிண்டால் 3,000 முதல் 3,200 ரூபாய் வரை விற்பனையாகுது” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism