Published:Updated:

ஆகாயத்தாமரை அகற்றும் கருவி! - மாணவனின் அசத்தல் முயற்சி!

ஆகாயத்தாமரை அகற்றும் கருவி! - மாணவனின் அசத்தல் முயற்சி!
பிரீமியம் ஸ்டோரி
ஆகாயத்தாமரை அகற்றும் கருவி! - மாணவனின் அசத்தல் முயற்சி!

கண்டுபிடிப்பு மு.ராஜேஷ், படங்கள்: க.மணிவண்ணன்

ஆகாயத்தாமரை அகற்றும் கருவி! - மாணவனின் அசத்தல் முயற்சி!

கண்டுபிடிப்பு மு.ராஜேஷ், படங்கள்: க.மணிவண்ணன்

Published:Updated:
ஆகாயத்தாமரை அகற்றும் கருவி! - மாணவனின் அசத்தல் முயற்சி!
பிரீமியம் ஸ்டோரி
ஆகாயத்தாமரை அகற்றும் கருவி! - மாணவனின் அசத்தல் முயற்சி!
ஆகாயத்தாமரை அகற்றும் கருவி! - மாணவனின் அசத்தல் முயற்சி!

* இது முழுக்க முழுக்க சூரிய ஒளியில் இயங்கும்படி வடிவமைக்கப்பட்டிருக்கிறது. 

* இந்தக் கருவி மூலமாக பிளாஸ்டிக் கழிவுகளையும் அகற்றலாம்.

ரி, குளம், குட்டை உள்ளிட்ட நீர்நிலைகளில் ஆகாயத்தாமரை அடர்ந்து இருப்பதைப் பார்த்திருப்போம். இதை அகற்றுவதற்கு அரசு சார்பில் பல முயற்சிகள் எடுக்கப்பட்டாலும், பெரும் பொருட்செலவு காரணமாக ஆகாயத்தாமரையை அகற்றுவதில் பின்னடைவு ஏற்படுகிறது.

இந்நிலையில், நீர்நிலைகளில் உள்ள ஆகாயத்தாமரையை அகற்றுவதற்காக கருவி ஒன்றைக் கண்டுபிடித்து அசத்தி இருக்கிறார் ஊட்டியைச் சேர்ந்த 11-ம் வகுப்பு மாணவர் அருண். இது சம்பந்தமாக அவரிடம் பேசியபோது, ‘‘புதுசு புதுசா ஏதாவது பொருளைக் கண்டுபிடிக்கறதுல எனக்கு ஆர்வம் அதிகம். இதுக்கு முன்ன பெட்ரோல், டீசலுக்கு பதிலா தண்ணியிலேயே இயங்குற மாதிரியான வாகனத்தை உருவாக்கினேன். இந்த வாகனத்துல பொருத்துற இன்ஜின், தண்ணியில் இருக்கிற ஹைட்ரஜன், ஆக்சிஜன் மூலக்கூறுகளைப் பிரிச்சு, இயங்குற மாதிரி வடிவமைச்சிருந்தேன். இந்தக் கண்டுபிடிப்புக்கு, மாவட்ட அளவுல நடந்த அறிவியல் கண்காட்சியில் முதல் பரிசும், மாநில அளவுல ரெண்டாவது பரிசும் கிடைச்சது.

இதேபோல, கடல்ல மீன்பிடிக்கப் போற மீனவர்கள் எல்லை தாண்டுறதைத் தடுக்கக் கூடிய கருவியையும் கண்டுபிடிச்சிருக்கேன். இதுக்கு, மாநில அளவுல நாலாவது பரிசும், மாவட்ட அளவுல ரெண்டாவது பரிசும் கிடைச்சது’’ என்று தனது கண்டுபிடிப்புகள் பற்றி பேசியவர், ஆகாயத்தாமரை அகற்றும் கருவி பற்றிச் சொல்லத் தொடங்கினார்.

ஆகாயத்தாமரை அகற்றும் கருவி! - மாணவனின் அசத்தல் முயற்சி!

ஒட்டுமொத்த விகடனுக்கும் ஒரே ஷார்ட்கட்!

செலவைக் குறைக்க சோலார்!

‘‘ஒருமுறை கோயம்புத்தூர்ல நடந்த கண்காட்சிக்குப் போனபோது, வழியில  ஒரு குளத்தைப் பார்த்தேன். குளம் முழுக்க தண்ணியே தெரியாத அளவுக்கு ஆகாயத்தாமரை அடைஞ்சு கிடந்தது. இப்படி அடைஞ்சு இருக்கிறதால, நீர்வாழ் உயிரினங்களுக்கு பாதிப்பு ஏற்படும்னு எப்பவோ படிச்சது நினைவுக்கு வந்துச்சு. இவ்வளவு கெடுதி செய்ற ஆகாயத்தாமரையை ஏன் அகற்றாம இருக்காங்கன்னு எங்க சார்கிட்ட கேட்டேன். ‘ஆகாயத்தாமரைகளைச் சுலபத்துல அகற்ற முடியாது. அதுக்கு நிறைய செலவாகும்’னு சொன்னாரு. அப்பத்தான் ‘இதை அகற்றுவதற்கு ஒரு கருவியை உருவாக்கினா என்ன’ன்னு தோணுச்சு. உடனே அது சம்பந்தமான தகவல்களை சேகரிச்சு, ஆய்வு பண்ணி, கருவியை உருவாக்குற முயற்சியில இறங்கினேன்.

பல சோதனைகளுக்குப் பிறகு, ஆசிரியர்கள் உதவியோட ஆகாயத்தாமரை அகற்றுற கருவியை வடிவமைச்சேன். இது முழுக்க முழுக்க சூரிய ஒளியில இயங்குற மாதிரியாவும் வடிவமைச்சிருக்கேன். இதுமூலமா ஆகாயத்தாமரையை அகற்றும்போது செலவு குறையும். இதை ரிமோட் மூலமாவும் இயக்கலாம்ங்கிறது, கூடுதல் சிறப்பு. தூரத்துல இருந்தே திசையையும் சுலபமா மாத்தி அமைக்கலாம்’’ என்ற அருண், கருவி செயல்படும் விதம் குறித்து விளக்கினார்.

ஆகாயத்தாமரை அகற்றும் கருவி! - மாணவனின் அசத்தல் முயற்சி!

எப்படி இயங்குகிறது..?

‘‘இந்தக் கருவியில ரெண்டு முக்கியமான பகுதி இருக்கு. முன்பகுதியில இருக்கற ஒரு அமைப்பு ஆகாயத்தாமரைகளைச் சின்னச் சின்ன துண்டுகளா வெட்டும். ரெண்டாவது, பெல்ட் மூலமா சுழலக்கூடிய பக்கெட். இது, வெட்டுன துண்டுகளை சேகரிச்சு, கழிவுகளை சேமிக்குற இடத்துல கொட்டும். இது முழுக்க முழுக்க சூரிய ஒளியிலேயே இயங்கும்.

இந்தக் கருவி மூலமா நீர்நிலைகள்ல இருக்கிற பிளாஸ்டிக் கழிவுகளையும் அகற்றலாம். இதை ஊட்டி படகு இல்லத்துல என்னோட ஆசிரியர் சுந்தரம் உதவியோட செயல்படுத்தி காட்டியிருக்கேன். இதே கருவியை பெருசா செஞ்சு, பயன்படுத்தினா ஆகாயத்தாமரைகளை சுலபமா அகற்றலாம். அரசாங்கமோ, தனிநபர்களோ நிதியுதவி செஞ்சா, இதேபோல பல கருவிகளை என்னால கண்டுபிடிக்க முடியும்’’ என்று கண்களில் நம்பிக்கை மின்ன சொல்கிறார் அருண்.

நீர்நிலைகளில் உள்ள ஆகாயத்தாமரைகளை அகற்றுவதற்கு அரசு பல லட்சங்களை செலவிட்டு வரும்நிலையில் ஒரு மாணவர், எடுத்துள்ள இந்த முயற்சி பாராட்டத்தக்கது. இதுபோன்ற மாணவர்களைக் கண்டறிந்து அவர்களுக்கு நிதி உதவியுடன், பயிற்சியும் அளித்தால் எதிர்காலத்தில் தமிழகத்தில் இருந்து நிறைய விஞ்ஞானிகளை உருவாக்கலாம்.

தொடர்புக்கு,
மணி,
செல்போன்: 91592 96232.

அண்ணனை மிஞ்சிய தம்பி!

அருணின் தம்பி கோகுலும் குட்டி விஞ்ஞானிதான். வாகன விபத்து அதிகரித்து வரும் சூழலில் வாகன விபத்தைத் தடுக்கும் வகையில் கோகுல் உருவாக்கியுள்ள கருவி மாநில அளவிலான அறிவியல் கண்காட்சியில் முதல் பரிசு பெற்றிருக்கிறது.

ஆகாயத்தாமரை அகற்றும் கருவி! - மாணவனின் அசத்தல் முயற்சி!

இதுதொடர்பாக பேசிய கோகுல், ‘‘நான் பத்தாம் வகுப்பு படிக்கிறேன். என் அண்ணனை மாதிரியே எனக்கும் அறிவியல் கண்டுபிடிப்புகள்ல ஆர்வம் அதிகம். தமிழ்நாட்டுல விபத்து நடக்காத நாளே இல்லைனு சொல்ற அளவுக்குத் தினமும் விபத்து நடக்குது. இது மனசுக்கு ரொம்ப கஷ்டமா இருந்துச்சு. அதனால விபத்தை தடுக்குற கருவியை வடிவமைக்க முடிவு பண்ணி, ஒரு வழியா இந்த முயற்சியில வெற்றியும் அடைஞ்சுட்டேன். நான் வடிவமைச்ச இந்தக் கருவியில பல தொழில்நுட்பங்கள் இருக்கு.

ஆகாயத்தாமரை அகற்றும் கருவி! - மாணவனின் அசத்தல் முயற்சி!

வாகனம் ஓட்டும்போது, டிரைவர் ரெண்டு விநாடிக்கு மேல, கண்ணை மூடுனா, இது எச்சரிக்கை கொடுக்கும். அதுக்கு மேலயும் தொடர்ந்து தூங்குனா, இன்ஜின் வேகம் குறைஞ்சு வாகனம் நின்னுடும். அதேபோல, போதையில் வாகனம் ஒட்டுவதை தடுக்கற ஆல்கஹால் உணரி, வாகனம் ஒட்டும்போது செல்போன்ல பேசுறதை தடுக்குற உணரி, வேகத்தடை வருவதை பத்து அடிக்கு முன்னாலயே எச்சரிக்கை செய்யுற தொழில்நுட்பம் எல்லாம் இந்தக் கருவியில் இருக்கு.

இந்தக் கண்டுபிடிப்புக்கு மாநில அளவுல முதல் பரிசு கிடைச்சதோட, தேசிய அளவுல நடந்த கண்காட்சியில கலந்துக்கற வாய்ப்பும் கிடைச்சது. இந்த கண்டுப்பிடிப்புக்கான மரியாதையாக, துணை ஜனாதிபதி கொடுத்த தேநீர் விருந்துலயும் கலந்துகிட்டேன்’’ என்கிறார் கோகுல்.

அரசாங்கம் உதவணும்!

தனது குழந்தைகளின் அறிவியல் ஆர்வம் குறித்து பேசிய அருணின் தந்தை மணி, ‘‘நான் டீத்தூள் விற்பனை செய்ற கடையில வேலை பாக்குறேன். என்னோட மாத வருமானம் ரொம்ப கம்மிதான். இருந்தாலும் பசங்களோட அறிவியல் ஆர்வத்தை புரிஞ்சு கிட்டு, அவங்களை ஊக்கு விச்சேன். ஆசிரியர்களும், என்னோட நண்பர்களும் உதவியா இருக்காங்க. அரசாங்கமும் உதவி செஞ்சா, இன்னமும் பல கண்டுபிடிப்புகளை உருவாக்குவாங்க’’ என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism