Published:Updated:

ஊருணிகளைத் தூர்வாரும் பாரத் பெட்ரோலியம்..!

ஊருணிகளைத் தூர்வாரும் பாரத் பெட்ரோலியம்..!
பிரீமியம் ஸ்டோரி
ஊருணிகளைத் தூர்வாரும் பாரத் பெட்ரோலியம்..!

மக்கள் பங்களிப்புடன் ஒரு பசுமை முயற்சி!இ.கார்த்திகேயன், படங்கள்: ஆர்.எம்.முத்துராஜ்

ஊருணிகளைத் தூர்வாரும் பாரத் பெட்ரோலியம்..!

மக்கள் பங்களிப்புடன் ஒரு பசுமை முயற்சி!இ.கார்த்திகேயன், படங்கள்: ஆர்.எம்.முத்துராஜ்

Published:Updated:
ஊருணிகளைத் தூர்வாரும் பாரத் பெட்ரோலியம்..!
பிரீமியம் ஸ்டோரி
ஊருணிகளைத் தூர்வாரும் பாரத் பெட்ரோலியம்..!
ஊருணிகளைத் தூர்வாரும் பாரத் பெட்ரோலியம்..!

திக மாசுக்களை வெளியிடும் தொழிற்சாலைகள், இயற்கை வளங்களை எடுக்கும் தொழிற்சாலைகள் போன்றவை அதற்கு நிகராகச் சுற்றுச்சூழலை மேம்படுத்தும் பணிகள், சமூகப் பங்களிப்புப் பணிகளில் ஈடுபட வேண்டும் என்பது விதி. ஆனால் பல தொழிற்சாலைகள், நிறுவனங்கள் இவ்விதியைக் காற்றில் பறக்க விட்டுவிடுகின்றன. ஆனால், சமூக அக்கறையுடன் சூழல் சார்ந்த பணிகளில் ஈடுபடும் நிறுவனங்களும் உண்டு. அப்படிப்பட்ட நிறுவனங்களில் ஒன்றுதான், ‘பாரத் பெட்ரோலியம் கார்ப்பரேஷன்’. இந்நிறுவனம், ‘தானம் அறக்கட்டளை’யுடன் இணைந்து மக்கள் பங்களிப்போடு நீர்நிலைகளைத் தூர்வாரும் மகத்தான பணியில் ஈடுபட்டு வருகிறது.

இப்பணிகள் குறித்து, தானம் அறக்கட்டளை தன்னார்வ அமைப்பின் திட்ட அலுவலர், சதீஸ் பாண்டியனிடம் பேசினோம். “மதுரையைத் தலைமையகமாகக் கொண்டு, தூத்துக்குடி மாவட்டத்தில் 2003-ம் ஆண்டில் இந்த அறக்கட்டளை தொடங்கப்பட்டது. தூத்துக்குடி மாவட்டத்தில் புதூர், விளாத்திகுளம், ஓட்டப்பிடாரம், கருங்குளம், கயத்தாறு ஆகிய ஐந்து யூனியன்களில் விவசாயிகள் குழுக்களை உருவாக்கி ‘வயலகம்’ என்ற அமைப்பை உருவாக்கியிருக்கிறோம். அதன் மூலம், விவசாயத்தில் நீர் மேலாண்மை, ஊருணிகளை ஆழப்படுத்துதல், விவசாயக் கருவிகளை வாங்கிக் கொடுத்தல், வேலிக்கருவையை அகற்றுதல் போன்ற பணிகளைச் செய்து வருகிறோம். மும்பையில் உள்ள பாரத் பெட்ரோலியம் கார்ப்பரேஷன் லிமிடெட், சமுதாயப் பங்களிப்புத் திட்டத்தின் கீழ் மக்களின் பங்களிப்புடன் ஊருணிகளைத் தூர்வாரிக் கொடுத்து வருகிறோம்.

ஊருணிகளைத் தூர்வாரும் பாரத் பெட்ரோலியம்..!

ஒட்டுமொத்த விகடனுக்கும் ஒரே ஷார்ட்கட்!

அதிக மக்கள்தொகை உள்ள பஞ்சாயத்துகளில் உள்ள ஊருணிகளைத் தேர்ந்தெடுத்து நாங்களே பஞ்சாயத்துத் தலைவரிடம் பேசி ஊர் மக்களிடம் நிதி வசூல் செய்து தூர்வாரி வருகிறோம். பஞ்சாயத்துத் தலைவர்கள் எங்களை அணுகி விவரம் சொன்னாலும் அந்த ஊருணியைப் பார்வையிட்டுத் தூர்வாரித் தருவோம். மாவட்ட ஆட்சியர், பொதுப்பணித்துறை அதிகாரிகளிடம் அனுமதி பெற்றுத்தான் பணிகளைத் தொடங்குவோம்.  

பொதுப்பணித்துறை வழங்கும் திட்ட மதிப்பு அடிப்படையில், 75% தொகையை பாரத் பெட்ரோலியம் வழங்கிவிடும். மீதித் தொகையை ஊர் மக்களிடம் பெற்றுப் பணிகளைத் துவங்குவோம். அதற்கு முன்னதாக, தேர்ந்தெடுக்கப்பட்டிருக்கும் கிராமத்தில் 25 பேரைத் தேர்வு செய்வோம். அவர்களில் 3 பேரைப் பொறுப்பாளர்களாகத் தேர்ந்தெடுத்து வங்கியில் ‘ஜாய்ன்ட் அக்கவுண்ட்’ தொடங்குவோம். அந்தக்கணக்கில் பணத்தைச் செலுத்தி அவர்கள் மூலமாகத்தான் செலவு செய்வோம். உள்ளூர் விவசாயிகளின் டிராக்டர், ஜே.சி.பிக்களையே வேலைகளுக்குப் பயன்படுத்திக் கொள்வோம். ஆட்கள் தேவைக்கு உள்ளூர் மக்களையே பயன்படுத்திக்கொண்டு அவர்களுக்கான சம்பளத்தை வழங்கி விடுவோம். இதுவரை, புதூர் யூனியனில் 33 ஊருணிகளைத் தூர்வாரி ஆழப்படுத்தி இருக்கிறோம். கடந்த மாதம், சென்னம்பட்டி கிராமத்தில் உள்ள ஊருணியைத் தூர்வாரி முடித்துள்ளோம். அடுத்து முத்தையாபுரம், இடைச்சியூரணி, கீழக்கல்லூரணி, எல்.வெங்கடேஷ்வராபுரம், குமாரசித்தம்பட்டி, சுப்புலாபுரம், வடக்கு முத்தையாபுரம் ஆகிய 7 கிராமங்களிலுள்ள ஊருணிகளைத் தூர்வார இருக்கிறோம்” என்றார்.

ஊருணிகளைத் தூர்வாரும் பாரத் பெட்ரோலியம்..!

இதுகுறித்துப் பேசிய சென்னம்பட்டி கிராம பஞ்சாயத்து தலைவர் ராஜேந்திரன், “ரெண்டு வருஷத்துக்கு முன்னால எங்க பக்கத்து கிராமத்துல ஊருணியைத் தூர்வாருற பணி நடந்துக்கிட்டு இருந்துச்சு. அதைப் பார்த்துட்டுதான், தானம் அறக்கட்டளைக்காரங்ககிட்ட பேசினேன். அவங்க சொன்ன விவரத்தை வெச்சு... ஊர்க் கூட்டம் போட்டு நம்ம ஊருணியையும் தூர் வாரலாமானு கேட்டேன். ஊர்ல எல்லாம் ஒத்துக்கிட்டாங்க. அப்புறம் எங்க கிராமத்துல வயலகம் அமைப்பைத் துவங்கி ஒன்றரை லட்சம் ரூபாய் செலவில் ஊருணியைத் தூர் வாரியிருக்கோம். அதுக்கு ஊர் மக்கள் பங்களிப்புத் தொகையாக 37 ஆயிரத்து 500 ரூபாய் போட்டோம். இன்னொரு ஊருணியையும் இதேமாதிரி ஆறடி ஆழத்துக்குத் தூர் வாரியிருக்கோம். மழைக்கு முன்னாடி தூர் வாரிட்டதால, இந்த வருஷம் தண்ணீர்ப் பிரச்னை எங்களுக்கு இருக்காது. இப்போ மழைக்காகத்தான் காத்துட்டிருக்கோம்” என்றார் மகிழ்ச்சியுடன்.

தொடர்புக்கு,
செல்போன்:
சதீஷ் பாண்டியன்: 77082 18042
ராஜேந்திரன் : 94864 70011

‘‘அனைத்து ஊருணிகளும் தூர்வரப்படும்’’

ஊருணிகளைத் தூர்வாரும் பாரத் பெட்ரோலியம்..!



தூத்துக்குடி மாவட்ட ஆட்சியர் ரவிக்குமாரிடம் ஊருணிகளைத் தூர்வாருவது குறித்துப் பேசினோம். “மகாத்மா காந்தி தேசிய ஊரக வேலைவாய்ப்புத் திட்டத்தின் கீழ் கிராமத்து மக்களே அவரவர் பகுதியிலுள்ள நீர் ஆதாரமான ஊருணிகளைத் தூர்வாரிக்கொள்ள முடியும்.

பொதுப்பணித்துறைக்குச் சொந்தமான ஊருணியாக இருந்தால் தூர்வாருவதற்கான செலவுத்தொகையில் 50 சதவிகிதத் தொகையைக் கிராம மக்கள் வழங்க வேண்டும். இது பாரத் பெட்ரோலியம் கார்ப்பரேஷன் நிறுவனத்தின் சமுகப் பங்களிப்புத் திட்டத்தில் செயல்படுத்தப்பட்டு வருகிறது. இதில்லாமல், ‘தாய் திட்டத்தின் கீழ் தமிழகத்திலுள்ள 385 யூனியன்களுக்குட்பட்ட 1,200 ஊருணிகள், குளங்கள் தூர்வாரப்படும்’ என்று முதல்வர் சட்டசபையில் அறிவித்துள்ளார். அத்திட்டத்தின் மூலமும் இனி ஊருணிகள் தூர்வாரப்பட இருக்கின்றன” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism