Published:Updated:

சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!

சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!
பிரீமியம் ஸ்டோரி
சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!

தண்ணீரின் அளவுக்கேற்ற சொட்டுவான்கள்! பாசனம்ஆர்.குமரேசன், படங்கள்: வீ.சிவக்குமார்

சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!

தண்ணீரின் அளவுக்கேற்ற சொட்டுவான்கள்! பாசனம்ஆர்.குமரேசன், படங்கள்: வீ.சிவக்குமார்

Published:Updated:
சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!
பிரீமியம் ஸ்டோரி
சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!
சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!

ண்ணீருக்காக ‘மூன்றாம் உலகப்போர் மூளும்’ என விஞ்ஞானிகள் எச்சரித்துள்ளார்கள். ஆனால், நம் நாட்டில் மாநிலங்களுக்கு இடையிலேயே தண்ணீருக்காகப் போர் மூண்டு கொண்டிருக்கிறது. இந்தச் சம்பவங்களெல்லாம் நாம் விழித்துக்கொள்வதற்கான சமிக்ஞைகள்தான். இனியாவது தண்ணீரைப் பணத்தைப் போல எண்ணி எண்ணிச் செலவழிக்க வேண்டும். அதற்கு முறையான சொட்டுநீர்ப் பாசனம், அதற்கான கருவிகள், கருவிகளைப் பராமரிக்கும் முறைகள் போன்றவை குறித்து அலசுகிறது, இக்குறுந்தொடர். சொட்டுநீர்ப் பாசன முறைகள் குறித்து, திண்டுக்கல்லைச் சேர்ந்த வேளாண் பொறியாளரும் நீரியல் வல்லுநருமான இளமுருகு பகிர்ந்துகொண்ட தகவல்கள் தொடர்கின்றன.

சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!

ஒட்டுமொத்த விகடனுக்கும் ஒரே ஷார்ட்கட்!

“பயிருக்குத் தேவையான தண்ணீர் கிடைக்காமல் போனால் பயிர்கள் வாடிவிடும். அதே நேரத்தில் தேவைக்கு அதிகமான தண்ணீர் கொடுத்தாலும் வேர்ப்பகுதிகள் அழுகி, பல நோய்கள் தாக்க வாய்ப்பு உண்டு. வேர்ப் பகுதியைச் சுற்றி அளவுக்கதிகமான தண்ணீர் தேங்கி நின்றால், காற்றோட்டம் தடைப்பட்டு வேர்கள் சுவாசிப்பதில் சிக்கல் ஏற்படும். அதனால், வளர்ச்சி பாதிக்கப்படும். இவற்றுக்கெல்லாம் தீர்வுதான் சொட்டுநீர்ப் பாசனம். பயிருக்குத் தேவையான தண்ணீரைக் கணக்கிட்டு, அதைக் குழாய் வழியாக வேருக்கு அருகிலேயே கொடுக்கும்போது, பயிர் வளர்ச்சி சீராக இருக்கும். இப்படித் தண்ணீரைத் தேவைப்படும் அளவில் சொட்ட வைப்பவைதான் சொட்டுவான்கள் (டிரிப்பர்). சொட்டுநீர் அமைப்பில் முக்கியமானவை இவை. எவ்வளவு நீர் வெளியேற்றப்பட வேண்டும் என்பதைத் தீர்மானித்து அதற்கேற்ற சொட்டுவான்களைப் பொருத்திக்கொள்ள முடியும். ஒரு மணி நேரத்துக்கு வெளியேற்றப்படும் தண்ணீர் அளவை மையமாகக் கொண்டு வெவ்வேறு அளவுகளில் சொட்டுவான்கள் தயாரிக்கப்படுகின்றன. சொட்டுவான்களிலேயே அந்த அளவு குறிப்பிடப்பட்டிருக்கும். ஆன்லைன், இன்லைன், ஏரோ ஜெட் என மூன்று வகைகளில் சொட்டுவான்களைப் பொருத்தி சொட்டுநீர்ப் பாசனம் அமைக்கப்படுகிறது” என்ற இளமுருகு மூன்று வகைகள் குறித்து விளக்கினார்.

ஆன்லைன் டிரிப்பர்!

“சொட்டுநீர்க் குழாயில் (லேட்ரல்) வெளிப்புறமாகச் சொட்டுவான்களைப் பொருத்தினால் அது ‘ஆன்லைன் டிரிப்பர்’. பாசனம் செய்யவுள்ள பயிர், அதன் தினசரி தண்ணீர்த் தேவைக்கு ஏற்ப சொட்டுவான்களைத் தேர்ந்தெடுக்க வேண்டும். பொதுவாக, இம்முறையில், குழாயின் வெளிப்புறத்தில் சொட்டுவான்கள் பொருத்தி இருப்பதால், அடிக்கடி குழாய்களைச் சுருட்டி வைக்க முடியாது. சுருட்டும் போது சொட்டுவான்கள் கழன்று விழுந்துவிடும். எனவே, ஆன்லைன் டிரிப்பர் முறை, தென்னை, மா, வாழை போன்ற நீண்ட காலப் பயிர்களுக்கு ஏற்றது. குறிப்பாக, நான்கு அடிக்கு மேல்  இடைவெளியுள்ள பயிர்களுக்கு இதை அமைக்கலாம். இதில் அழுத்தத்தைச் சமமாகப் பகிர்ந்தளிக்கும் சொட்டுவான்களும் உண்டு. ஒரு மணி நேரத்துக்கு 2, 4 மற்றும் 8 லிட்டர் என்ற அளவில், தண்ணீர் சொட்டும் வகையில் சொட்டுவான்கள் கிடைக்கின்றன.

சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!

இன்லைன் டிரிப்பர்!

சொட்டுநீர்க் குழாயின் (லேட்ரல்) உள்பகுதியிலேயே சொட்டுவான்களை அமைப்பது ‘இன்லைன் டிரிப்பர்’. இது, சுலபமாகச் சுருட்டி வைத்துக்கொள்ள ஏற்றது. காய்கறி போன்ற குறுகிய காலப் பயிர்களுக்கு இம்முறை ஏற்றது. குறிப்பாக, 30, 40, 50, 60 மற்றும் 90 சென்டிமீட்டர் இடைவெளியுள்ள பயிர்களுக்கு ஏற்றது. இந்த வகையில், ஒரு மணி நேரத்துக்கு 2 மற்றும் 4 லிட்டர் அளவில், தண்ணீர் சொட்டும் வகையில் சொட்டுவான்கள் கிடைக்கின்றன.

சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!

ஏரோ ஜெட்!

பசுமைக்குடில் விவசாயத்துக்கு இம்முறை பயன்படுத்தப்படுகிறது. பசுமைக்குடிலில், பெரும்பாலும் ‘பாலிபேக்’ எனப்படும் பைகளில்தான் விதைகளை ஊன்றி விவசாயம் செய்கிறார்கள். அந்தப் பைகளில் பாசனம் செய்வதற்கு ‘ஏரோ ஜெட் முறை’ ஏற்றது. பாய்ச்சப்படும் தண்ணீரின் அளவுக்கு ஏற்ற சொட்டுவான்களைக் குச்சி போன்ற அமைப்பில் பொருத்தி பையின் உள்பகுதியில் குத்தி வைத்து விடுவார்கள். இதுதான் ஏரோ ஜெட் முறை. இதன் மூலமாகப் பையில் உள்ள பயிருக்குப் பாசனம் நடக்கும்” என்ற இளமுருகு,
 
“நிலத்தில் சொட்டுநீர்ப் பாசனம் அமைக்கும் முன் மண் பரிசோதனை, நீர் பரிசோதனை, மின் மோட்டாரின் அழுத்தம் ஆகியவற்றைத் தெரிந்துகொள்ள வேண்டியது அவசியம். அதிக உப்புத் தண்ணீர் உள்ள நிலங்களுக்கு டிரிப்பர் பயன்படுத்துவது சரியாக இருக்காது. அதுபோன்ற பகுதிகளில் ‘மைக்ரோ டியூப்’ எனப்படும் சிறிய குழாய்கள் மூலமான பாசன வசதியைச் செய்து கொள்ளலாம்” என்றார்.

சொட்டு நீர் அமைப்பு செயல்படும் நுட்பங்கள், அரசு மானியங்கள் ஆகியவை அடுத்த இதழில்...

- தண்ணீர் சொட்டும்

தொடர்புக்கு,  இளமுருகு,  செல்போன்: 98421 15657 ஸ்ரீராம் சுரேஷ், செல்போன்: 98940 71746

வளர்ச்சிக்கு ஏற்ற அளவில் தண்ணீர்!

சொட்டுநீர்ப் பாசனம்... 3 - சொட்டுச் சொட்டாக நீர்... கட்டுக் கட்டாக லாபம்!

சொட்டுநீர்ப் பாசனத்தினால் உண்டாகும் நன்மைகள் குறித்து, திண்டுக்கல் மாவட்ட தோட்டக்கலை இணை இயக்குனர் ஸ்ரீராம் சுரேஷ் பகிர்ந்துகொண்ட தகவல்கள் இங்கே...
 
“மனுசனுக்கு எப்படி உயிர் வாழ தண்ணீர் அவசியமோ, அதேமாதிரி பயிர்களுக்கும் தினமும் தண்ணீர் அவசியம். ஆனா, அதுக்கும் அளவு உண்டு. தினமும் தேவையான அளவு தண்ணீர் கொடுக்காம வாரம் ஒரு தடவையோ, நாலு நாளைக்கு ஒரு தடவையோ அதிகத் தண்ணீரை சிலர் பாய்ச்சுவாங்க. எவ்வளவு தண்ணீர் கொடுத்தாலும் அன்னிக்குத் தேவையான அளவைத்தான் செடி எடுத்துக்கும். ஒரே நேரத்துல அதிகத் தண்ணீர் வேரைச் சுத்தி இருக்கிறப்போ சுவாசம் தடைபடுறதோட அந்தத் தண்ணீர் வீணா ஆவியாகித்தான் போகும். அப்படித் தினமும் தேவையான அளவு தண்ணீரைக் கொடுக்கும் அமைப்புதான் சொட்டுநீர்ப் பாசனம். வளர்ச்சிப் பருவத்துக்கு ஏத்த மாதிரி தேவையான அளவு தண்ணீரைக் கொடுக்கிறப்போ, ஆரோக்கியமா செடி வளரும். தேவையான அளவு தண்ணீரைக் கொடுக்கிறது சொட்டுநீர்ப் பாசன முறையிலதான் சாத்தியம்.

ஒரு எடுத்துக்காட்டுக்குப் பார்த்தோம்னா... தக்காளிச் செடி இளம்பயிரா இருக்குறப்போ தினமும் கால் லிட்டர் தண்ணீர் போதுமானது. அதுவே கொஞ்சம் வளர்ந்த பிறகு, தினமும் 2 லிட்டர் தண்ணீர் தேவை. அதுக்கப்புறம் 3 லிட்டர், 5 லிட்டர்னு கொஞ்சம் கொஞ்சமா அதிகரிச்சு மகசூலுக்கு வர்றப்போ தினமும் 20 லிட்டர் தண்ணீர் தேவை. வாய்க்கால் பாசனத்துல இப்படித் தேவையான அளவை தினமும் கொடுக்க முடியாது. மடையைத் திறந்துவிட்டா ஒரே அளவுலதான் பாயும். ஆனா, சொட்டுநீர்ப் பாசன முறையில தேவையான அளவுல சரியா கொடுக்க முடியும். வாய்க்கால் பாசனம் மூலமா ஒரு ஏக்கருக்குப் பாய்ச்சுற தண்ணீரை சொட்டுநீர் மூலமா 3 ஏக்கருக்குப் பாய்ச்ச முடியும். அதேபோல சொட்டுநீர் முறையில உரங்களைக் கரைச்சுக் கொடுக்கும்போது, நேரடியாக வேருக்குப் பக்கத்துல போய்ச் சேர்றதால, முழுமையா பலன் கிடைக்கும். தவிர களைகள் அதிகமா வராது. பயிர்கள்ல ஒரே சீரான வளர்ச்சி இருக்கறதால மகசூல் அதிகமா கிடைக்கும். அதனால பல வகைகள்ல சொட்டுநீர்ப் பாசனம் நமக்கு லாபமா இருக்கும்” என்றார்.