Published:Updated:

கிராமத்தை அழித்து விரிவாக்கப் பணிகள்... பறிபோகும் நிலங்கள்... பதறும் விவசாயிகள்!

கிராமத்தை அழித்து விரிவாக்கப் பணிகள்...  பறிபோகும் நிலங்கள்... பதறும் விவசாயிகள்!
பிரீமியம் ஸ்டோரி
கிராமத்தை அழித்து விரிவாக்கப் பணிகள்... பறிபோகும் நிலங்கள்... பதறும் விவசாயிகள்!

பிரச்னைகு. ராமகிருஷ்ணன், படங்கள்: ம.அரவிந்த்

கிராமத்தை அழித்து விரிவாக்கப் பணிகள்... பறிபோகும் நிலங்கள்... பதறும் விவசாயிகள்!

பிரச்னைகு. ராமகிருஷ்ணன், படங்கள்: ம.அரவிந்த்

Published:Updated:
கிராமத்தை அழித்து விரிவாக்கப் பணிகள்...  பறிபோகும் நிலங்கள்... பதறும் விவசாயிகள்!
பிரீமியம் ஸ்டோரி
கிராமத்தை அழித்து விரிவாக்கப் பணிகள்... பறிபோகும் நிலங்கள்... பதறும் விவசாயிகள்!
கிராமத்தை அழித்து விரிவாக்கப் பணிகள்...  பறிபோகும் நிலங்கள்... பதறும் விவசாயிகள்!

விவசாயத்தை நேசிப்பவர்கள் உணவு கொடுக்கும் விளைநிலங்களை, உயிருள்ள ஜீவனாகவே கருதிப் போற்றுவர். அதனால்தான் விளைநிலங்களை வேறு பயன்பாட்டுக்கு மாற்றுவதற்குப் பல கட்டுப்பாடுகளை வைத்திருக்கிறது, அரசு. ஆனால், அரசு அதிகாரிகளே இந்தக் கட்டுப்பாடுகளை மீறி, செழிப்பான விவசாய நிலங்களை அழித்து அரசு அலுவலகங்கள், தொழிற்சாலைகள் எனக் கட்டி வருவது வேதனையான விஷயம். தஞ்சாவூர் மாவட்டத்தில் ஒரு செழிப்பான விவசாயக் கிராமத்தில் இதேபோன்ற ஒரு கொடுமைதான் அரங்கேறி வருகிறது.

கிராமத்தை அழித்து விரிவாக்கப் பணிகள்...  பறிபோகும் நிலங்கள்... பதறும் விவசாயிகள்!

ஒட்டுமொத்த விகடனுக்கும் ஒரே ஷார்ட்கட்!

திருவையாற்றில் இருந்து 4 கிலோமீட்டர் தூரத்தில் உள்ளது, கடுவெளி கிராமம். காவிரி-கொள்ளிடம் ஆறுகளுக்கு இடையே அமைந்துள்ள படுகை கிராமம் என்பதால், இங்குள்ள நிலங்கள் அனைத்துமே மிகவும் வளமானவை. 30 அடி ஆழத்திலேயே நிலத்தடி நீர் கிடைப்பதால், நெல், வாழை, கருணைக் கிழங்கு, வெங்காயம், தென்னை எனச் செழிப்பாக விவசாயம் நடந்து வருகிறது. இப்படிப்பட்ட விளைநிலங்களைத்தான் அபகரிக்க முயற்சி செய்கிறது, தஞ்சாவூர் மாவட்ட நிர்வாகம். அரசு அதிகாரிகளின் இச்செயலை எதிர்த்து மக்கள் போராட்டத்தைத் துவக்கியி ருக்கிறார்கள்.

கிராமத்தை அழித்து விரிவாக்கப் பணிகள்...  பறிபோகும் நிலங்கள்... பதறும் விவசாயிகள்!

இதுகுறித்துப் பேசிய போராட்ட ஒருங்கிணைப்பாளர் சுந்தரமூர்த்தி, “திருவையாற்றின் விரிவாக்கப்பகுதியா எங்களோட கடுவெளி கிராமத்தை மாத்துறதுக்கான முயற்சிகள் தொடர்ச்சியா நடந்துகிட்டு இருக்கு. எங்க ஊர்ல விவசாயிகளுக்கு சொந்தமான அனுபவ உரிமையில் 95 ஏக்கர் விவசாய நிலம் இருக்கு. எல்லாருமே சிறு, குறு விவசாயிகள். பரம்பரை பரம்பரையா இந்த நிலங்கள்ல விவசாயம் செஞ்சிட்டு இருக்காங்க. அதுக்கு வரிகளையும் முறையா கட்டிட்டிருக்காங்க. இலவச மின்சார இணைப்பும் இருக்கு. இந்த நிலங்கள்ல சாகுபடி செய்யப் பயிர்க்கடனும் வாங்கிட்டிருக்காங்க. மேற்படி நிலங்களுக்குப் பட்டா வாங்கறதுக்கான முயற்சிகளும் நடந்திட்டிருக்கு.

கிராமத்தை அழித்து விரிவாக்கப் பணிகள்...  பறிபோகும் நிலங்கள்... பதறும் விவசாயிகள்!

மூணு வருஷத்துக்கு முன்னாடி எங்க ஊர்ல 5 ஏக்கர்ல விளைஞ்சிருந்த வாழையை அழிச்சிட்டு அரசுப் போக்குவரத்துக் கழகப் பணிமனை கட்டினாங்க. அடுத்ததா 5 ஏக்கர் வாழையை அழிச்சு,

கிராமத்தை அழித்து விரிவாக்கப் பணிகள்...  பறிபோகும் நிலங்கள்... பதறும் விவசாயிகள்!

அரசுத் தொழிற்பயிற்சி மையம் கட்டினாங்க. ஒட்டு மொத்த விவசாயிகளும் சேர்ந்து போராடியும் எங்களைக் கண்டுக்கவேயில்லை அரசு. இப்போ, அடுத்ததா பள்ளிக்கூடத்தையும், ஆரம்பச் சுகாதார மையத்தையும் கட்டுறதுக்காக ஏற்பாடுகள் நடந்திட்டிருக்கு. விவசாய நிலங்களுக்கு இடையில பெரிய பெரிய கட்டடங்களைக் கட்டுறதால நீர் வழிகள் தடைப்படுது. திருவையாறு பகுதியை ஒட்டி விவசாயத்துக்கு உதவாத புறம்போக்கு நிலங்கள் நிறைய இருக்கு. ஆனா, அதையெல்லாம் விட்டுட்டு இந்தக் கிராமத்துல, செழிப்பான விவசாய நிலங்களை அழிச்சு அரசு அலுவலகங்களைக் கட்டுறதுலதான் அதிகாரிகள் குறியா இருக்கிறாங்க. ஊராட்சியின் அனுமதி பெறாமலேயே இந்த வேலைகளைச் செய்றது, இன்னமும் வேதனை” என்று ஆதங்கப்பட்டார். ஆகாசபுரீஸ்வரர் ஆலயத்தின் கோயில் நிலத்தையும், ஏராளமான செழிப்பான விவசாய நிலங்களையும் அழிச்சு அரசு அலுவலகங்கள் கட்டப்படுகின்றன.

தஞ்சாவூர் மாவட்ட ஆட்சியர் அண்ணாதுரையைத் தொடர்புகொண்டு விவசாயிகள் சொன்ன தகவல்களைத் தெரியப்படுத்தினோம். அனைத்தையும் கேட்டவர், “கண்டிப்பாக விவசாயிகளின் நலனைக் கருத்தில்கொண்டுதான் அடுத்தகட்ட நடவடிக்கைகள் எடுக்கப்படும்” என உறுதியளித்தார்.

ஆட்சியர் தனது வாக்குறுதியை கண்டிப்பாக நிறைவேற்றுவார் என நம்பிக்கையுடன் இருக்கிறார்கள், கடுவெளி கிராம மக்கள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism