Published:Updated:

ஏக்கருக்கு 15 ஆயிரம் நஷ்டஈடு வேண்டும் !

படங்கள்: எல். ராஜேந்திரன் என்.சுவாமிநாதன்

ஏக்கருக்கு 15 ஆயிரம் நஷ்டஈடு வேண்டும் !

படங்கள்: எல். ராஜேந்திரன் என்.சுவாமிநாதன்

Published:Updated:

பிரச்னை

##~##

சுழற்றி சுழற்றி அடித்துக் கொண்டிருக்கும் வடகிழக்குப் பருவ மழை... தமிழ்நாட்டையே வெள்ளக்காடாக மாற்றிக் கொண்டிருக்கிறது. இதில் சிக்கி, விழிபிதுங்கிக் கொண்டிருக்கின்றன திருநெல்வேலி, தூத்துக்குடி மற்றும் கன்னியாகுமரி ஆகிய மாவட்டங்கள். இங்குள்ள பெரும்பாலான விளைநிலங்கள் நீரில் மூழ்கிக் கிடக்கின்றன.

ஒட்டுமொத்த விகடனுக்கும் ஒரே ஷார்ட்கட்!

தாமிரபரணி ஆற்றுப் பாசனத்தில் திருநெல்வேலி, தூத்துக்குடி மாவட்டங்களில் ஏறக்குறைய இரண்டு லட்சம் ஏக்கர் நிலங்கள் பாசனம் பெற்று வருகின்றன. அறுவடை நேரத்தில் அடித்துக் கொட்டும் மழைக்கு... பத்தாயிரம் ஏக்கர் நிலத்தில் விளைந்து நிற்கும் நெற்பயிர்கள் பலியாகிக் கிடப்பதால்... நொந்துபோய் அரசு அதிகாரிகளிடம் நிவாரணம் கேட்டு மனு கொடுத்து கொண்டுள்ளனர் விவசாயிகள்.

ஏக்கருக்கு 15 ஆயிரம் நஷ்டஈடு வேண்டும் !

பாளையங்கோட்டை தாலூகா, குன்னத்தூர் பகுதி விவசாயிகளின் பிரதிநிதியான சமுத்திரம், ''அடைமழையில் நெற்பயிர்கள் முளை விட்டுருச்சு. எங்க பகுதியில் மட்டும் 1,500 ஏக்கருக்கும் மேல காலி. அம்பாசமுத்திரம் பகுதியில் சூறைக்காத்தோட பெஞ்ச மழையில் பிரம்மதேசம், கௌதமபுரி, வீரவநல்லூர் பகுதிகள்ல ஆயிரக்கணக்கான ஏக்கர் வாழைத்தோப்புகளும் தண்ணீரில் முங்கியிருக்கு. பாதிக்கப்பட்ட விவசாயிகளுக்கு உடனடியாக நிவாரணம் கொடுக்கணும்னு கலெக்டர்கிட்ட மனு கொடுத்திருக்கோம். ஏக்கருக்கு குறைந்தபட்சம் 15 ஆயிரம் ரூபாயாவது நஷ்டஈடு கொடுத்தாத்தான் கட்டுப்படியாகும்'' என்று சொன்னார்.

ஏக்கருக்கு 15 ஆயிரம் நஷ்டஈடு வேண்டும் !

இந்நிலையில், மழையால் பாதிக்கப்பட்ட ஆலங்குளம் தொகுதிக்குட்பட்ட அம்பாசமுத்திரம், ஆம்பூர், ஆழ்வார்குறிச்சி, சம்பங்குளம் பகுதிகளை கடந்த 2-ம் தேதி கதர் மற்றும் கிராமியத் தொழில் வாரியத்துறை அமைச்சர் பி.   செந்தூர்பாண்டியன், மாவட்ட ஆட்சியர் செல்வராஜ், சட்டமன்ற உறுப்பினர் ராஜேந்திரன், மற்றும் வேளாண் அதிகாரிகள் ஆகியோர் பார்வையிட்டனர்.

அப்போது செய்தியாளர்களிடம் பேசிய அமைச்சர், ''நெல்லை மாவட்டத்தில் 3,198 ஏக்கரில் நெற்பயிர் நீரில் மூழ்கி மீண்டும் முளைத்துள்ளது. அம்பாசமுத்திரம் வட்டத்தில் மழையால் ஐம்பதாயிரத்துக்கும் மேற்பட்ட வாழைகளும் சேதமடைந்துள்ளன. விவசாயிகளுக்கு போர்க்கால அடிப்படையில் உடனடியாக நிவாரணம் வழங்கப்படும்'' என்று சொன்னார்.

இதையடுத்து, 'பாதிக்கப்பட்ட நெல் விவசாயிகளுக்கு, முதற்கட்டமாக ஏக்கருக்கு 4,000 ரூபாய் நிவாரணம் வழங்கப்படும்' என்று அறிவித்திருக்கிறார் மாவட்ட ஆட்சியர் செல்வராஜ்.

அடுத்தக் கட்ட நிவாரண உதவிகளையும் உடனடியாக வழங்குவதுதான், பாதிக்கப்பட்டவர்களுக்குப் பயனுள்ளதாக இருக்கும். எனவே, இந்த விஷயத்திலும் அரசு இயந்திரம் சுறுசுறுப்பைக் காட்டினால், விவசாயிகள் மனதார வாழ்த்துவார்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism