Published:Updated:

முதல்வரிடம் ஓர் எதிர்பார்ப்பு !

முதல்வரிடம் ஓர் எதிர்பார்ப்பு !

முதல்வரிடம் ஓர் எதிர்பார்ப்பு !

முதல்வரிடம் ஓர் எதிர்பார்ப்பு !

Published:Updated:

அனைவருக்கும் பசுமை வணக்கம் !

##~##

'தஞ்சாவூர் மாவட்டம், ஒரத்தநாட்டில் கால்நடை மருத்துவக் கல்லூரி அமைக்கப்படும். அடுத்தக் கல்வியாண்டில் 40 மாணவர்கள் சேர்க்கப்படுவார்கள்’ என்று முதல்வர் ஜெயலலிதா அறிவித்துள்ளார்!

ஒட்டுமொத்த விகடனுக்கும் ஒரே ஷார்ட்கட்!

தமிழக கால்நடைப் பராமரிப்புத்துறை சார்பில், ஒரத்தநாட்டில் ஏக்கர் கணக்கில் நிலத்தை வளைத்து, ஒரு காலத்தில் ஆரம்பிக்கப்பட்ட கால்நடைப் பண்ணை, சமீப ஆண்டுகளாக பெரும் பயன் இன்றியேதான் கிடக்கிறது. அந்த இடத்தில்தான் இப்போது 'கால்நடை மருத்துவக் கல்லூரி' வரவிருக்கிறது.

இந்த முயற்சியை வரவேற்கும் அதேவேளையில், 'இதுவாவது முழுமையானப் பலனைத் தரவேண்டும்' என்கிற எதிர்பார்ப்பும் விவசாயிகளிடம் எழுந்து உள்ளது!

'கல்லூரி என்கிற பெயரில், கட்டடத்துக்குள் ஏட்டுச்சுரைக்காய் கணக்காக பாடத்தை மட்டுமே நடத்திக் கொண்டிருக்காமல், சுற்றியிருக்கும் நிலத்தில் பண்ணைகளை அமைத்து, விவசாயிகள் மற்றும் மாணவர்களை ஒருங்கிணைக்கும்போதுதான்... உண்மையிலேயே அந்த நிலம் பயன்பாட்டுக்கு வரும்' என்பதுதான் விவசாயிகளின் கருத்து.

ஒரத்தநாட்டில் மட்டுமல்ல... மாநிலம் முழுக்கவே... ஓசூர், தலைவாசல், காட்டுப்பாக்கம்... என்று பல ஊர்களிலும் இப்படி ஆயிரக்கணக்கான ஏக்கர் நிலங்கள் வளைத்துப் போடப்பட்டு, தரிசாகத்தான் கிடக்கின்றன. அத்தகைய இடங்களையும் கண்டறிந்து... அங்கெல்லாம் விவசாயக் கல்லூரி, கால்நடை மருத்துவக்கல்லூரி, விவசாயப் பயிற்சி நிலையங்கள் என்று அமைத்து, விவசாயிகளையும் மாணவர்களையும் ஒருங்கிணைக்கும்போது... நிச்சயமாக அந்த முயற்சிக்கு நல்ல பலன் இருக்கும் என நினைக்கிறார்கள் விவசாயிகள்.

'தமிழகத்தை விவசாய உற்பத்தியில் முதலிடத்துக்குக் கொண்டு வருவேன்' என்று சபதமேற்று செயல்பட்டுக் கொண்டிருக்கும் தமிழக முதல்வர் ஜெயலலிதா, விவசாயிகளின் எதிர்பார்ப்பில் இருக்கும் உண்மையை உணர்ந்தால்... அது உணவு உற்பத்தியை உயர்த்துவதற்கு உறுதுணையாக இருக்கும் என்றே தோன்றுகிறது!

நேசத்துடன்,
ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism