Published:Updated:

பட்டு வளர்க்க வாரீயளா!

படங்கள்: எம். தமிழ்ச்செல்வன் ஆறுச்சாமி

பட்டு வளர்க்க வாரீயளா!

படங்கள்: எம். தமிழ்ச்செல்வன் ஆறுச்சாமி

Published:Updated:

வழிகாட்டி 

##~##

கோயம்புத்தூர், தமிழ்நாடு வேளாண் பல்கலைக்கழகத்தில் செயல்பட்டு வரும் துறைகளின் வரிசையில்... இந்த இதழில் நம்முடன் பேசுகிறார் பட்டு வளர்ப்புத் துறையின் பேராசிரியர் மற்றும் தலைவர் முனைவர். ஆர். பிலிப் ஸ்ரீதர்.

ஒட்டுமொத்த விகடனுக்கும் ஒரே ஷார்ட்கட்!

''பட்டு வளர்ப்பில் பாரம்பரியமிக்க நாடு நம்முடையது. உலக அளவில் பட்டு உற்பத்தியில் சீனா, ஜப்பான், இந்தியா என்ற இந்த மூன்று நாடுகள்தான் முன்னிலை வகிக்கின்றன. சுனாமிக்கு பிறகு, ஜப்பானில் பட்டு உற்பத்தி குறைந்துவிட்டது. அடுத்து, சீனாதான் நமக்குப் போட்டியாக உள்ளது. ஆனால், உலக அளவில் வரவேற்பு பெற்றுள்ள வெண்பட்டு... இந்தியாவில்தான் அதிகம் உற்பத்தியாகிறது. குறிப்பாக, தமிழ்நாட்டில்தான் வெண்பட்டு உற்பத்திக்கு ஏற்ற காலநிலை நிலவுகிறது.

மஞ்சள் நிறப் பட்டு, ஆட்டோமேட்டிக் இயந்திரம் மூலம் துணி நெய்வதற்கு உகந்தபடியாக இல்லை. வெண்பட்டுதான் ஏற்றதாக உள்ளது. எனவேதான் அந்தப் பட்டு உற்பத்தியை இங்கே ஊக்கப்படுத்தி வருகிறோம். பட்டுப்புழு வளர்ப்புக்கு வேலை ஆட்கள் அதிகம் தேவைப்படாது. ஒரு ஏக்கர் நிலத்தில் மல்பெரி பயிரிட்டு, பட்டு வளர்த்தால்... இரண்டு ஆட்கள் போதும். அதன் மூலம் ஆண்டுக்கு ஒரு லட்ச ரூபாய் லாபம் கிடைக்கும்.

பட்டு வளர்க்க வாரீயளா!

மல்பெரி என்பது... மர வகைப்பயிர். நம் பகுதிகளில் குட்டைச் செடியாக வளர்த்து, இலைகளை அறுவடை செய்து வருகிறோம். வெளிநாடுகளில் மல்பெரியை மரமாக வளர்க்கிறார்கள். இந்த மரத்தில் இருந்து சுவையான பழங்களும் கிடைக்கும். அதிலிருந்து ஜாம், ஜெல்லி... போன்ற உணவுப் பொருட்களைத் தயாரிக்கலாம். தமிழகத்திலும் இதை முயற்சிக்கலாம்.

தமிழ்நாட்டில் கோவை, சேலம், தர்மபுரி, விருதுநகர், திருநெல்வேலி... போன்ற மாவட்டங்களில் பட்டு வளர்ப்புக்கு ஏற்ற தட்வெப்ப நிலை நிலவுகிறது. தமிழ்நாடு பட்டு வளர்ச்சித் துறை மூலம், பட்டு வளர்க்கும் விவசாயிகளுக்கு மானியம் வழங்கப்படுகிறது. ஆமணக்கு, பப்பாளி, மரவள்ளி இலைகளைப் பயன்படுத்தியும் பட்டுப்புழு வளர்க்கலாம். அதற்கு எரிப்பட்டு என்று பெயர்.

பட்டுப்புழு வளர்ப்புக்கு எங்கள் துறையில் பயிற்சி கொடுக்கிறோம். சந்தேகங்கள் எதுவாக இருந்தாலும், எங்கள் துறையை விவசாயிகள் தொடர்பு கொள்ளலாம்'' என்றார் மகிழ்ச்சியாக.

தொடர்புக்கு, தொலைபேசி: 0422-6611296.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism