Published:Updated:

வாருங்கள் சுவாமிநாதன்!

வாருங்கள் சுவாமிநாதன்!
பிரீமியம் ஸ்டோரி
வாருங்கள் சுவாமிநாதன்!

வாருங்கள் சுவாமிநாதன்!

வாருங்கள் சுவாமிநாதன்!

வாருங்கள் சுவாமிநாதன்!

Published:Updated:
வாருங்கள் சுவாமிநாதன்!
பிரீமியம் ஸ்டோரி
வாருங்கள் சுவாமிநாதன்!

அனைவருக்கும் பசுமை வணக்கம்!

‘‘விவசாயிகளின் வருமானத்தை 2022-ம் ஆண்டுக்குள் இரண்டு மடங்காகப் பெருக்க வேண்டும் என்று மத்திய அரசு அறிவித்துள்ளது. இந்த இலக்கை அடைய, சரியான திட்டமிடல் வேண்டும். தமிழ்நாட்டை எடுத்துக்கொண்டால், சங்க காலத்திலேயே ஐந்து வகை நிலங்களாகப் பிரித்து குறிஞ்சி, முல்லை, மருதம், நெய்தல், பாலை என நிலத்துக்குத் தக்கப்படி வாழ்ந்துள்ளனர். மலை, கடற்கரை என ஒவ்வொரு பகுதிக்கும் ஏற்ற பயிர்களைத் தேர்ந்தெடுத்து, நுட்பமாக விவசாயம் செய்து வந்தார்கள். அத்தகைய அற்புதமான நுட்பங்களை மீண்டும் பின்பற்றினால்தான், விவசாயிகளின் வருமானம் பெருகும்’’ என்றெல்லாம் பேசி ஆச்சர்யத்தைக் கூட்டியிருக்கிறார் வேளாண் விஞ்ஞானி எம்.எஸ்.சுவாமிநாதன்.

‘பசுமைப் புரட்சி’ என்கிற பெயரில் இந்திய விவசாயத்தில் நவீனத்தைப் புகுத்தியவர்களில் முக்கியமானவர் சுவாமிநாதன். ஆனால், இந்தப் பசுமைப் புரட்சியின் பாதிப்புகள் வெளியில் தெரிய ஆரம்பித்ததும் ‘இயற்கை வேளாண் விஞ்ஞானி’ நம்மாழ்வார், ‘ஜீரோ பட்ஜெட் பிதாமகர்’ சுபாஷ் பாலேக்கர் உள்ளிட்டோர் பல ஆண்டுகளாகவே, பாரம்பர்ய விவசாய நுட்பங்களை நாடு முழுக்க, ஏன் உலகம் முழுக்கவே பரவவிட்டுள்ளனர்.

இத்தகைய சூழலில், கடந்த சில ஆண்டுகளாகப் பாரம்பர்ய இயற்கை விவசாய நுட்பங்களே ஜெயிக்கும் என்று அவ்வப்போது சொல்லிக் கொண்டு வருகிறார் 90 வயதைக் கடந்தும், விவசாயத்துக்காகக் குரல் கொடுத்துவரும் சுவாமிநாதன். இவர், ஆட்சியாளர்களிடையே தாக்கத்தை உருவாக்கக்கூடியவர்களில் ஒருவர். ‘பாரம்பர்ய வேளாண்மையே வெற்றிபெறும்’ என்பதை, அவர் ஆட்சியாளர்களின் மனதில் அழுத்தமாகப் பதித்தால், நிச்சயமாக நாட்டின் விவசாயத்தில் பெரும் மாற்றம் நிகழக்கூடும். இதன் மூலமாகப் பசுமைப் புரட்சியால் விளைந்த சோகங்களும் மெள்ள மறைந்தோடக் கூடும்!

- ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism