Published:Updated:

நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...
பிரீமியம் ஸ்டோரி
நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

மகசூல்துரை.நாகராஜன் - படங்கள்: கா.முரளி

நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

மகசூல்துரை.நாகராஜன் - படங்கள்: கா.முரளி

Published:Updated:
நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...
பிரீமியம் ஸ்டோரி
நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

“விளைவிச்சுட்டு அறுவடை பண்ண மாசக்கணக்குல காத்திருக்கிறது; அறுவடை செஞ்ச பிறகு, விலை கிடைக்குமானு எதிர்பார்த்துக்கிட்டு இருக்குறது மாதிரியான வேலையெல்லாம் மலர் சாகுபடியில் கிடையாது. இதுல, தினமும் நிச்சயமான வருமானத்துக்கு உத்தரவாதம் உண்டு. பெரும்பாலும் பூச்சிகளும் வர்றதில்லை. அதனால பாடுபடாம வருமானம் பார்க்க முடியுது” என்று மலர் சாகுபடிக்குக் கட்டியம் கூறுகிறார், காஞ்சிபுரம் மாவட்டத்தைச் சேர்ந்த பரசுராமன். 

நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

செங்கல்பட்டிலிருந்து காஞ்சிபுரம் செல்லும் சாலையில் களியபேட்டை எனும் கிராமத்தில் இருக்கிறது, பரசுராமனின் தோட்டம். பூக்களைப் பறித்துக் கொண்டிருந்த பரசுராமனைச் சந்தித்துப் பேசினோம்.

“எனக்கு விவசாயம் பூர்வீகத் தொழில். பாட்டன் காலத்திலிருந்தே இயற்கை விவசாயம்தான் செஞ்சோம். சின்ன வயசுலேயே அப்பாகிட்ட விவசாயத்தைக் கத்துக்கிட்டேன். நான்தான் இடையில் அதிக விளைச்சலுக்கு ஆசைப்பட்டு ரசாயன உரத்தைப் பயன்படுத்த ஆரம்பிச்சேன். அதுல கொஞ்சம் அடிபட்டதுக்குப் பிறகுதான், இயற்கை பாதி ரசாயனம் பாதின்னு விவசாயம் செஞ்சிட்டு வர்றேன்.

ஆறு வருஷத்துக்கு முன்னால பிரஜ்வல் ரகச் சம்பங்கியைத் துறையூர்ல இருந்து வாங்கிட்டு வந்து நட்டேன். இந்தப் பகுதியில முதன்முதல்ல பிரஜ்வல் சம்பங்கி விதைக்கிழங்கை நட்டது நான்தான்.

ஆரம்பத்துல கொஞ்ச நிலத்துல மட்டும் நட்டேன். அதுல நல்லா வருமானம் கிடைக்கவும் கொஞ்சம் கொஞ்சமா அதிகரிச்சு இப்போ 2 ஏக்கர் நிலத்துல சம்பங்கி இருக்கு. இதில்லாம, 25 சென்ட் நிலத்துல பட்டன் ரோஜா, 40 சென்ட் நிலத்துல மல்லிகை, 15 சென்ட் நிலத்துல பீர்க்கங்காய், 1 ஏக்கர் நிலத்துல வாழைனு விவசாயம் செஞ்சுட்டு இருக்கேன். புயல்ல, வாழை மரங்கள்ல நிறைய சேதம் ஏற்பட்டுடுச்சு. ஆனாலும், எனக்கு நஷ்டம் வராம காப்பாத்திட்டு இருக்குறது இந்தப் பூக்கள்தான். வேலையாள்களை நாங்க எதிர்பார்க்கிறதில்லை. குடும்பம் முழுக்கவே நிலத்துல வேலை செய்றோம். 

ஒட்டுமொத்த விகடனுக்கும் ஒரே ஷார்ட்கட்!

நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

ரசாயனம் பயன்படுத்தினப்போ, வேகமா பூ எடுக்கும். ஆனா, செடி சீக்கிரமே காய்ஞ்சுடும். இப்போ இயற்கைக்கு மாறி, தொழுவுரம், பஞ்சகவ்யா, ஹியூமிக் அமிலம் (பயோ உரம்)னு பயன்படுத்த ஆரம்பிச்ச பிறகு அந்தப் பிரச்னை இல்லை” என்ற பரசுராமன் தொடர்ந்தார்.

“பட்டன் ரோஜா, நாத்து நட்ட 45-ம் நாள்ல இருந்து பூக்க ஆரம்பிச்சிடும். இதை முறையாப் பராமரிச்சா 8 வருஷத்துக்கு மேல பலன் கொடுக்கும். சம்பங்கி, விதைச்ச 90-ம் நாள்ல இருந்து பூக்க ஆரம்பிக்கும். இதுவும் 6 வருஷத்துக்கு மேல பலன் கொடுக்குற பயிர்.

இது இல்லாம மல்லிகை, பீர்க்கன், வாழைனு சாகுபடி செஞ்சாலும் இருக்கிறதுலேயே அதிக வருமானம் கொடுக்குறது, சம்பங்கிதான். இந்தப் பிரஜ்வல் ரகத்துல அதிக மகசூல் கிடைக்குது. பூக்களும் திரட்சியா இருக்குது. பொதுவா செம்மண், கரிசல் மண் ரெண்டுலயும் சம்பங்கி நல்லா வளரும். என்னோட நிலம் கரிசல் மண்ணுங்கிறதால நல்ல மகசூல் கிடைச்சுட்டு இருக்குது” என்ற பரசுராமன், மகசூல் மற்றும் வருமானம் குறித்த தகவல்களைப் பகிர்ந்து கொண்டார். 

நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

“சம்பங்கி மகசூல் கிடைக்க ஆரம்பிச்சு நாலு மாசம்தான் ஆகுது. 2 ஏக்கர்ல சம்பங்கி இருந்தாலும் கொஞ்சம் கொஞ்சமா சாகுபடிப் பரப்பை அதிகரிச்சதால இன்னும் முழு மகசூல் ஆரம்பிக்கலை. இப்போதைக்குத் தினமும் 20 கிலோவுக்குக் குறையாம பூ கிடைச்சிட்டு இருக்கு. செங்கல்பட்டு மார்க்கெட்லதான் பூவை விற்பனை செய்றேன். ஒரு கிலோ பூ 50 ரூபாய்க்கு குறையாம விற்பனையாகிட்டு இருக்கு. அந்தக்கணக்குல தினமும் 1,000 ரூபாய்க்கு குறையாம வருமானம் கிடைச்சிட்டு இருக்கு. இன்னும் ரெண்டு மூணு மாசத்துல முழு மகசூல் எடுக்க ஆரம்பிச்சுட்டா, எப்படியும் தினமும் 60 கிலோவுக்கு மேல பூ கிடைக்க வாய்ப்பு இருக்கு. அப்போ வருமானமும் கூடிடும்.

25 சென்ட் நிலத்துல தினமும் 4 கிலோ வரை பட்டன் ரோஜா கிடைக்குது. அதுக்கும் ஒரு கிலோவுக்கு 100 ரூபாய்ல இருந்து 200 ரூபாய் வரை விலை கிடைக்குது. அந்த வகையில தினமும் 400 ரூபாய் கிடைச்சுடும். 40 சென்ட் நிலத்துல இருக்குற மல்லிகை மூலமா தினசரி 300 ரூபாய் அளவுக்கு வருமானம் கிடைக்குது. மூணு பூக்கள்லயும் சேர்த்து தினமும், 1,700 ரூபாய் வருமானம் கிடைச்சுட்டு இருக்கு. இதுல இடுபொருளுக்கான செலவு அதிகபட்சமா 200 ரூபாய்னு வெச்சுகிட்டாலும் மீதி 1,500 ரூபாய் தினமும் லாபமா நிக்கும்” என்ற பரசுராமன் நிறைவாக, 

நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

“எனக்கு ஒரு பையன், ஒரு பொண்ணு இருக்காங்க. ரெண்டு பேரும் படிச்சுட்டு இருந்தாலும், ஓய்வு நேரத்துல விவசாய வேலைகளைச் செய்றதுக்கு வந்துடுவாங்க. இப்படி நாங்க குடும்பமா எல்லா வேலைகளையும் செஞ்சுக்கிறதால செலவு குறைஞ்சுடுது. அதில்லாம ஒரே பூவை மட்டும் சாகுபடி செய்யாம, மூணு பூக்களைச் சாகுபடி செய்றப்போ ஒண்ணுக்கு விலை குறைஞ்சாலும் இன்னொண்ணை வெச்சு ஈடுகட்ட முடியுது. அதனால வருமானம் குறைவதேயில்லை. மண்வளமும் ஓரளவு தண்ணீர் வளமும் இருந்தா பூ சாகுபடியில் தாராளமா இறங்கலாம். இதுல நஷ்டங்கிற பேச்சுக்கே இடமில்லை” என்று நம்பிக்கையோடு சொல்லி விடைகொடுத்தார்.

தொடர்புக்கு, பரசுராமன், செல்போன்: 90926 24445

இரண்டு அடி மேட்டுப்பாத்தி... இரண்டு அடி இடைவெளி 

நிச்சய வருமானம் கொடுக்கும் மலர் சாகுபடி! - சம்பங்கி... ரோஜா... மல்லி...

ரு ஏக்கர் நிலத்தில் சம்பங்கி சாகுபடி செய்யும் விதம் குறித்துப் பரசுராமன் பகிர்ந்துகொண்ட தகவல்கள் பாடமாக இங்கே...

தேர்வு செய்த ஒரு ஏக்கர் நிலத்தை நன்றாக உழுது, 3 டன் தொழுவுரத்தைக் கொட்டிப் பரப்பி, மண் பொலபொலவென ஆகுமாறு மீண்டும் நன்றாக உழ வேண்டும். பிறகு 2 அடி அகலத்தில் மேட்டுப்பாத்தி அமைக்க வேண்டும். பாத்திகளுக்கான இடைவெளி இரண்டு அடி இருக்க வேண்டும். பாத்திகளின் இரு ஓரங்களிலும் இரண்டு அடி இடைவெளியில் மூன்று அங்குல அளவுக்குக் குழி பறித்துக் கிழங்கின் முளைப்பு பகுதி மேல் நோக்கி இருக்குமாறு நடவு செய்ய வேண்டும். விதைக்கிழங்கை நல்ல பருமனாக இருக்குமாறு தேர்வு செய்ய வேண்டும்.

நடவு செய்யும்முன் 10 லிட்டர் தண்ணீரில் 300 மில்லி பஞ்சகவ்யாவைக் கலந்து அக்கலவையில் சிறிது நேரம் விதைக் கிழங்குகளை ஊற வைத்து, எடுத்து உலர்த்தி நடவு செய்ய வேண்டும். இப்படி விதைநேர்த்தி செய்தால், வேர் சம்பந்தமான நோய்கள் வராது. நடவு செய்ததில் இருந்து பதினைந்து நாள்கள் வரை தினமும் தண்ணீர் பாய்ச்ச வேண்டும்.

பதினைந்து நாள்களில் முளைப்பு எடுக்கும். அதன் பிறகு நிலத்தைக் காயவிடாத அளவுக்குத் தண்ணீர் பாய்ச்சி வர வேண்டும். களைகள் முளைப்பதைப் பொறுத்து அவ்வப்போது அகற்றி வர வேண்டும். மாதம் ஒருமுறை 10 லிட்டர் தண்ணீருக்கு 300 மில்லி பஞ்சகவ்யா என்ற விகிதத்தில் கலந்து செடிகள் மீது தெளிக்க வேண்டும். இரண்டு மாதங்களுக்கு ஒருமுறை பத்து லிட்டர் தண்ணீருக்கு 100 மில்லி ஹியூமிக் அமிலம் என்ற விகிதத்தில் கலந்து தெளிக்க வேண்டும்.

90-ம் நாளில் பூக்கள் பறிப்புக்கு வந்து விடும். 120-ம் நாளுக்கு மேல் முழு அளவில் மகசூல் கிடைக்கும். பூக்கள் பறிக்க ஆரம்பித்த பிறகு, மூன்று மாதங்களுக்கு ஒருமுறை ஒவ்வொரு செடியின் தூரிலும் இரண்டு கைப்பிடி அளவு தொழுவுரம் வைத்து வர வேண்டும். இதேபோலப் பராமரித்து வந்தால் 6 ஆண்டுகள் வரை பூ பறிக்கலாம். இயற்கை இடுபொருள்களைப் பயன்படுத்தினால், நோய்கள், பூச்சிகள் தாக்குவதில்லை. தவிர, பூக்களும் திரட்சியாக நறுமணத்துடன் இருக்கின்றன. பறித்த பிறகும் நீண்டநேரம் வாடுவதில்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism