Published:Updated:

வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!

வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!
பிரீமியம் ஸ்டோரி
வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!

கூட்டம்த.ஜெயகுமார்

வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!

கூட்டம்த.ஜெயகுமார்

Published:Updated:
வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!
பிரீமியம் ஸ்டோரி
வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!

டந்த பிப்ரவரி மாதம் சென்னை, தரமணியில் உள்ள எம்.எஸ்.சுவாமிநாதன் ஆராய்ச்சி மையத்தில் நெல் குறித்த கருத்தரங்கு நடைபெற்றது. கருத்தரங்கில், பிலிப்பைன்ஸ் நாட்டில் இயங்கிவரும் சர்வதேச நெல் ஆராய்ச்சி நிலையத்தின் (IRRI) தலைமை இயக்குநர் டாக்டர் மாத்யூ மோரல் கலந்துகொண்டு உரையாற்றினார். இந்தச் சர்வதேச நெல் ஆராய்ச்சி நிலையம்தான், 1960-களில் பிரபலமாக இருந்த ஐ.ஆர்-8 என்ற நெல் ரகத்தை உருவாக்கியது என்பது குறிப்பிடத் தகுந்த விஷயம். 

வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!

கருத்தரங்கில் பேசிய மோரல், “1950-களில் நகரங்களைவிட கிராமங்களின் எண்ணிக்கை அதிகமாக இருந்தது. அதனால், அப்போதைய தேவைக்கான உற்பத்தியைப் பெருக்குவது எளிதாக இருந்தது. இன்று நகரங்கள் பெருகி கிராமங்களும் நகரங்களும் சரிவிகிதத்தில் இருப்பதால், உற்பத்தியைப் பெருக்குவது சவாலாக உள்ளது.

தவிர மழை, வறட்சி போன்ற பருவநிலை பிரச்னைகளும் விவசாயத்துக்கு மிகப் பெரிய சவாலாக இருந்து வருகின்றன. கடும் மழையால் ஏற்படும் வெள்ளத்தில் நெற்பயிர்கள்தான் அதிகமாகப் பாதிப்படைகின்றன. இதைக் கருத்தில் கொண்டு கடும் மழையையும் தாங்கி வளரக்கூடிய ‘ஸ்வர்ணா சப் 1’

(Swarna Sub-1) என்ற பெயரில் புதிய நெல் ரகத்தைக் கண்டுபிடித்துள்ளோம். பொதுவாகத் தொடர்ந்து 17 நாள்கள் கடுமையான மழை பெய்தால் நெற்பயிர்கள் அழிந்துவிடும். இந்தப் புதிய ரகம், 17 நாள்களுக்குப் பிறகும், மழையைத் தாங்கி வளரும் தன்மையுடையதாக இருக்கும். அதேபோன்று வறட்சியைத் தாங்கி வளரக்கூடிய ‘சபாகி தன்’ (Sahbhagi dhan) என்ற ரகத்தையும் உருவாக்கியுள்ளோம். இதற்கான ஆராய்ச்சியை இந்தியாவில் உள்ள உத்தரப்பிரதேச மாநிலத்தில்தான் மேற்கொண்டோம். 

ஒட்டுமொத்த விகடனுக்கும் ஒரே ஷார்ட்கட்!

வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!

அதேபோல, கடற்கரைப் பகுதியில் உப்புத் தண்ணீரில் வளரக்கூடிய பி.ஆர்.ஆர்.ஐ 55 மற்றும் பி.ஆர்.ஆர்.ஐ 28 ஆகிய நெல் ரகங்களையும் கண்டுபிடித்துள்ளோம். இது சம்பந்தமான தொழில்நுட்பங்களை இந்தியாவுக்கு வழங்கவும் தயாராக உள்ளோம். இங்கே செயல்பட்டு வரும் கே.வி.கே மையங்கள் மூலமாக விவசாயிகளிடத்தில் இந்த விதைகளை எளிதாகக் கொண்டு சேர்க்க முடியும்.

ஆசியா, ஆப்பிரிக்கா, தென் அமெரிக்கா போன்ற கண்டங்களிலிருந்து சேகரித்த
1 லட்சத்து 27 ஆயிரம் வகையான பாரம்பர்ய நெல் ரகங்கள் எங்கள் ‘ஜீன் பேங்க்’கில் சேகரிக்கப்பட்டுள்ளன. ஆனால், அவற்றில் 5 சதவிகித அளவை மட்டுமே ஆராய்ச்சிக்குப் பயன்படுத்தியிருக்கிறோம். இன்னும்
பல ரகங்களின் சிறப்புத் தன்மைகள் பயன்படுத்தபடாமல் இருக்கின்றன. நமக்குத் தேவையான ரகங்களை உருவாக்குவதற்கான வாய்ப்புகள் நிறையவே உள்ளன. அதிக ஊட்டச்சத்துகளைக் கொன்டு உடலுக்கு ஆரோக்கியம் தரும் வகையிலான நெல் ரகங்களை உருவாக்க வேண்டியது அவசியம். அதை நோக்கமாகக் கொண்டுதான் தற்போது செயல்பட்டு வருகிறோம். நெல் உற்பத்தி, லாபமாக இருக்க வேண்டுமென்றால், இடுபொருள், கூலி போன்ற செலவுகளைக் குறைக்க வேண்டியது அவசியம். அப்போதுதான் நெல் விவசாயத்தில் விவசாயிகள் நிலைத்து, நீடிக்க முடியும்” என்றார்.

கருத்தரங்கில் நிறைவாகப் பேசிய வேளாண் விஞ்ஞானி எம்.எஸ்.சுவாமிநாதன், “1960-களில் ஐ.ஆர்.ஆர்.ஐ விவசாய அறிவியலில் ஒரு முன்னோடியாகச் செயல்பட்டது. அதனால், அப்போதைய பஞ்சம் ஒழிக்கப்பட்டது.  தற்போதைய சூழலில் சர்வதேச ஆராய்ச்சி நிலையத்தோடு இணைந்து செயல்படுவது மிகவும் அவசியம். 

வறட்சி, மழையைத் தாங்கும் நெல் ரகங்கள்... - சர்வதேச நெல் ஆராய்ச்சி நிலையத்தின் கண்டுபிடிப்பு!

அரிசியில் இரண்டு விதமான வருமானம் கிடைக்க வாய்ப்பிருக்கிறது. நெல்லுக்கு ஒரு விலை என்றால், அதன்மூலம் கிடைக்கும் வைக்கோலுக்கும் ஒரு விலை இருக்கிறது. நெல்லைத் தொடர்ந்து பயறு வகைகளைச் சாகுபடி செய்தால், அதிலிருந்தும் வருமானம் எடுக்கலாம். நெல்லுக்குக் கொடுக்கும் இடுபொருளிலிலேயே பயறு வகைகளும் விளைந்துவிடும். பயறு வகைகளைச் சாகுபடி செய்வதால் மண்ணுக்கு உயிர்ச்சத்துக் கிடைக்கிறது. அதனால் நிலம் வளமாக இருக்கும். நெல்லைப் பயிரிடுவதால் பல நன்மைகள் இருக்கின்றன. தற்போது இந்தியாவில் 40 மில்லியன் ஹெக்டேர் அளவில் நெல் சாகுபடி நடைபெற்றுவருகிறது. இதை அதிகரிக்க விவசாயிகள் முன்வர வேண்டும்” என்றார்.

அரிசி பயன்பாடு

“உலகளவில் 4 பில்லியன் (400 கோடி) மக்கள் அரிசியைப் பயன்படுத்தி வருகிறார்கள். அதாவது, உலக மக்கள் தொகையில் இது 56 சதவிகிதம். உலகளவில் 14 கோடியே 40 லட்சம் விவசாயக் குடும்பங்கள் நெல் உற்பத்தியில் ஈடுபட்டு வருகின்றன. 2015-ம் ஆண்டில் 48 கோடி டன் அரிசி உலகளவில் பயன்படுத்தப் பட்டுள்ளது. 2040-ம் ஆண்டில், கூடுதலாக 9 கோடியே 60 லட்சம் டன் அரிசி தேவைப்படும் வாய்ப்பிருக்கிறது” என்கிறார் டாக்டர் மாத்யூ மோரல்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism