Published:Updated:

பத்து ஏக்கரில் பசுமைத்தோட்டம்... - அழிக்கத் துடிக்கும் எமன்!

பத்து ஏக்கரில் பசுமைத்தோட்டம்... - அழிக்கத் துடிக்கும்  எமன்!
பிரீமியம் ஸ்டோரி
பத்து ஏக்கரில் பசுமைத்தோட்டம்... - அழிக்கத் துடிக்கும் எமன்!

பிரச்னைசி.ய.ஆனந்தகுமார் - படங்கள்: எஸ்.சாய்தர்மராஜ் - ம.அரவிந்த்

பத்து ஏக்கரில் பசுமைத்தோட்டம்... - அழிக்கத் துடிக்கும் எமன்!

பிரச்னைசி.ய.ஆனந்தகுமார் - படங்கள்: எஸ்.சாய்தர்மராஜ் - ம.அரவிந்த்

Published:Updated:
பத்து ஏக்கரில் பசுமைத்தோட்டம்... - அழிக்கத் துடிக்கும்  எமன்!
பிரீமியம் ஸ்டோரி
பத்து ஏக்கரில் பசுமைத்தோட்டம்... - அழிக்கத் துடிக்கும் எமன்!

புதுக்கோட்டை மாவட்டம், நெடுவாசல் பகுதியில், ‘ஹைட்ரோ கார்பன்’ திட்டத்தைச் செயல்படுத்தப் போவதாக மத்திய அரசு அறிவித்ததில் இருந்து அப்பகுதியில் தொடர் போராட்டங்கள் நடந்து வருகின்றன. ஆரம்பத்தில் ஐந்து இடங்களுக்கு மேல் தனித்தனியாகப் நடந்து வந்தன. இந்த போராட்டத்தை ஒடுக்கும் விதமாகக் காவல்துறையினர் பல்வேறு நெருக்கடிகளைக் கொடுக்க ஆரம்பித்ததால் இளைஞர்கள், மாணவர்கள், பெண்கள் என அனைவரும் ஒன்றிணைந்து தற்போது நல்லாண்டார் கொல்லை மற்றும் வடகாடு ஆகிய இடங்களில் மட்டும் போராட்டங்கள் நடத்தி வருகிறார்கள். சேறு பூசும் போராட்டம், ஒப்பாரி போராட்டம் என நாளுக்கு நாள் போராட்டங்கள் தீவிரமடைந்து கொண்டே வருகின்றன. 

பத்து ஏக்கரில் பசுமைத்தோட்டம்... - அழிக்கத் துடிக்கும்  எமன்!

இந்நிலையில், இத்திட்டம் செயல்படுத்தப்பட்டால் தனது பத்து ஏக்கர் நிலத்தில் வளர்ந்துள்ள கோடிக்கணக்கான மதிப்புள்ள மரங்கள் அழிந்து போகும் எனக் கவலை தெரிவிக்கிறார், இப்பகுதியைச் சேர்ந்த ராமநாதன்.

இதுகுறித்து நம்மிடம் பேசிய ராமநாதன், “இருபது வருஷத்துக்கு முன்னாடி மரம் வளர்க்க ஆரம்பிச்சேன். அப்படியே ஆர்வம் அதிகமானதால, என்னோட 10 ஏக்கர் நிலம் முழுக்க மரங்களை வெச்சுட்டேன். அதில்லாம பொது இடங்கள்லயும் மரங்களை நட்டு வெச்சு பராமரிச்சுட்டு இருக்கேன். நிறைய பேருக்கு மரக்கன்றுகளை இலவசமாகக் கொடுத்திட்டும் இருக்கேன். 

ஒட்டுமொத்த விகடனுக்கும் ஒரே ஷார்ட்கட்!

பத்து ஏக்கரில் பசுமைத்தோட்டம்... - அழிக்கத் துடிக்கும்  எமன்!

என்னோட 10 ஏக்கர் நிலத்துல 380 வகை மரங்கள் இருக்கு. மொத்த எண்ணிக்கை பத்தாயிரத்தைத் தாண்டும். மூலிகைச் செடிகள், வாசனைச் செடிகள், மரங்கள்னு காடு மாதிரி உருவாக்கியிருக்கேன். அப்துல் கலாம் ஐயா குடியரசுத் தலைவரா இருந்தப்போ அவர் அனுப்பின குழு, என் தோட்டத்தை வந்து பார்வையிட்டாங்க. அதுக்கப்புறம், என்னை டெல்லிக்கு வரவழைச்சு விருது கொடுத்து 5 லட்சம் ரூபாய் பணமும் கொடுத்தாங்க. அவர்தான் பண்ணைக்கு ‘பசுமைத் தோட்டம்’னு பேர் வெச்சார்.

கல்லூரி மாணவர்கள், பேராசியர்கள், பள்ளி மாணவர்கள்னு ஏராளமானவங்க என் தோட்டத்தைப் பார்வையிட வந்துக்கிட்டே இருக்காங்க. பல பேர் ஆராய்ச்சிகள் மேற்கொள்றாங்க. இயற்கை வேளாண் விஞ்ஞானி நம்மாழ்வார் ஐயாகூட தோட்டத்துக்கு வந்திருக்கார். நானும் அந்த மரங்களோடதான் வாழ்ந்துட்டு இருக்கேன். என் தோட்டத்துல இருக்கிற மரங்களோட மதிப்பு 25 கோடி ரூபாய் இருக்கும்னு வனத்துறைக்காரங்க மதிப்பீடு செஞ்சிருக்காங்க. ஆனா, அதுலதான் இடியை இறக்கியிருக்கு மத்திய அரசாங்கம். என் தோட்டத்துல இருந்து 300 அடி தூரத்துலதான் ஹைட்ரோ கார்பன் எடுக்குறதுக்கான இடத்தைத் தேர்வு செஞ்சிருக்காங்க” என்று கண் கலங்கிய ராமநாதன் நிறைவாக, 

பத்து ஏக்கரில் பசுமைத்தோட்டம்... - அழிக்கத் துடிக்கும்  எமன்!

“அறிவிப்பு வந்த நாள்ல இருந்து குடும்பத்தோடு வீதியில நின்னு போராடிக்கிட்டு இருக்கேன். நிலத்துக்கு இழப்பீடு தர்றோம். 500 பேருக்கு வேலை கொடுக்கிறோம்னு சொல்லிட்டு இருக்காங்க. இவங்க பணம் யாருக்கு வேணும்... இவங்களோட வேலையும் எங்களுக்கு வேணாம். நாங்க 50 ஆயிரம் பேருக்கு விவசாய வேலை தர்றோம். என்ன நடந்தாலும் சரி.. எங்க ஊர்ல இந்தத் திட்டத்தை வர விட மாட்டோம்” என்று உறுதியாகச் சொன்னார், ராமநாதன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism