Published:Updated:

மீண்டும் செழிக்கட்டும்!

மீண்டும் செழிக்கட்டும்!
பிரீமியம் ஸ்டோரி
மீண்டும் செழிக்கட்டும்!

மீண்டும் செழிக்கட்டும்!

மீண்டும் செழிக்கட்டும்!

மீண்டும் செழிக்கட்டும்!

Published:Updated:
மீண்டும் செழிக்கட்டும்!
பிரீமியம் ஸ்டோரி
மீண்டும் செழிக்கட்டும்!

னைவருக்கும் பசுமை வணக்கம்!

‘ஹார்ட்டிகல்ச்சரல் தெரப்பி’ என்ற முறை வெளிநாடுகளில் பிரபலமாகி வருகிறது. அதாவது, வீட்டுத்தோட்டம், மாடித்தோட்டத்தில் தினமும் சில மணி நேரங்கள் செலவிட்டால் உடலும் உள்ளமும் உற்சாகம் அடையும் என்று இதன் மூலம் கண்டுபிடித்துள்ளார்கள். கிராமங்களில் பல ஏக்கர் கணக்கில் நிலம் இருந்தாலும், வீட்டின் புழக்கடையில் அவரை, பரங்கி, பூசணி... என்று வீட்டுத்தோட்டம் வளர்ப்பதைச் சிலர் வாழ்வியல் முறையாகக் கொண்டுள்ளனர். கிராமத்தைக் காட்டிலும் கான்கிரீட் காட்டில் வாழும் நகர மக்களுக்கு வீட்டுத்தோட்டம், மாடித்தோட்டம் அவசியமாகும். இதனால், உடல் நலன் காக்கப்படுவதோடு நஞ்சில்லா காய்கறிகளையும் விளைவிக்க முடியும். மாடித்தோட்டம் அமைந்துள்ள வீட்டின் வெப்பநிலையும் வெகுவாகக் குறையும். ஆக, ஒரே கல்லில் இரண்டு, மூன்று மாங்காய்களை அடிக்கலாம்.

கடந்த சில ஆண்டுகளாகத் தொடர்ந்து ‘வீட்டுத்தோட்டம்’, ‘மாடித்தோட்டம்’ அமைப்பது குறித்த பயிற்சியை ‘பசுமை விகடன்’ இதழ் பல்வேறு அமைப்புகளுடன் நடத்தி வருகிறது.

இந்தத் தாக்கத்தின் மூலம், மூன்று ஆண்டுகளுக்கு முன்பு தமிழக அரசு, ‘நீங்களே செய்து பாருங்கள்’ என்ற பெயரில் மாடித்தோட்டம் அமைக்கும் திட்டத்தை அறிவித்திருந்தது.

சென்னை, கோயம்புத்தூர், மதுரை, திருச்சி ஆகிய நகரங்களில் இந்தத் திட்டம் செயல்பட்டு வந்தது. ஏராளமானவர்கள் இதன் மூலம் பயன்பெற்றனர். “தற்போது நிர்வாகக் காரணங்களால், இந்தத் திட்டம் செயல்படாமல் உள்ளது...’’ என மாடித்தோட்ட ஆர்வலர்கள் குரல் எழுப்பி வருகின்றனர். அவசியமான, அத்தியாவசியமான இத்திட்டத்தைக் குறிப்பிட்ட சில நகரங்களோடு மட்டும் குறுக்கிக் கொள்ளாமல், தமிழகம் முழுக்க விரைந்து செயல்படுத்த வேண்டும். கூடவே, இந்தத் திட்டத்தின் மூலம் வழங்கப்படும் இடுபொருள்கள் முற்றிலும் இயற்கையானதாகவும், காய்கறி விதைகள் நாட்டு ரகங்களாகவும் இருக்கட்டும். மீண்டும் மாடித்தோட்டங்கள் செழிக்கட்டும்!

- ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism