Published:Updated:

‘சீமைக்கருவேல மரங்களை அகற்றினால்தான் ஜாமீன்’ - அரியலூர் நீதிமன்றத்தின் அதிரடி தீர்ப்பு!

‘சீமைக்கருவேல மரங்களை அகற்றினால்தான் ஜாமீன்’ - அரியலூர் நீதிமன்றத்தின் அதிரடி தீர்ப்பு!
பிரீமியம் ஸ்டோரி
‘சீமைக்கருவேல மரங்களை அகற்றினால்தான் ஜாமீன்’ - அரியலூர் நீதிமன்றத்தின் அதிரடி தீர்ப்பு!

தீர்ப்புஎம்.திலீபன் - படங்கள்: ராபர்ட்

‘சீமைக்கருவேல மரங்களை அகற்றினால்தான் ஜாமீன்’ - அரியலூர் நீதிமன்றத்தின் அதிரடி தீர்ப்பு!

தீர்ப்புஎம்.திலீபன் - படங்கள்: ராபர்ட்

Published:Updated:
‘சீமைக்கருவேல மரங்களை அகற்றினால்தான் ஜாமீன்’ - அரியலூர் நீதிமன்றத்தின் அதிரடி தீர்ப்பு!
பிரீமியம் ஸ்டோரி
‘சீமைக்கருவேல மரங்களை அகற்றினால்தான் ஜாமீன்’ - அரியலூர் நீதிமன்றத்தின் அதிரடி தீர்ப்பு!

சீமைக்கருவேல (வேலிக்காத்தான்) மரத்தை ஒழிப்பதில், சென்னை உயர் நீதிமன்ற மதுரைக் கிளை நீதிபதிகள் அதிக அக்கறை காட்டி வருவதோடு, மாவட்ட ஆட்சியர்களுக்கு அதுகுறித்த சில உத்தரவுகளையும் பிறப்பித்துள்ளனர். சீமைக்கருவேல மரங்கள் ஒழிப்பைத் தொடர்ந்து கண்காணித்தும் வருகிறார்கள், உயர் நீதிமன்ற நீதிபதிகள். 

‘சீமைக்கருவேல மரங்களை அகற்றினால்தான் ஜாமீன்’ - அரியலூர் நீதிமன்றத்தின் அதிரடி தீர்ப்பு!

இதைத் தொடர்ந்து தமிழகத்தில் உள்ள சில மாவட்ட நீதிமன்றங்கள் மற்றும் குற்றவியல் நடுவர் நீதிமன்றங்களில் விசாரணைக்கு வரும் வழக்குகளில் சம்பந்தப் பட்டவர்களுக்குச் சீமைக் கருவேல மரத்தை அகற்றுவது தண்டணையாக வழங்கப்பட்டும் வருகின்றன.

சமீபத்தில், அரியலூர் மாவட்ட முதன்மை நீதிமன்றத்தில் இதுபோல ஒரு தீர்ப்பு வழங்கப்பட்டிருப்பது, பரபரப்பைக் கிளப்பியுள்ளது. அரியலூர் மாவட்ட முதன்மை நீதிமன்றத்தில் முன்ஜாமீன் கேட்டு விண்ணப்பத்திருக்கிறார், ராஜேந்திரன் என்பவர். இவருடைய வழக்கை விசாரித்த மாவட்ட முதன்மை நீதிபதி ரகுமான், குற்றம் சாட்டப்பட்டவருக்கு நிபந்தனை ஜாமீன் வழங்கினார்.

வழக்கமாக, நிபந்தனை ஜாமீன் அளிக்கும்போது, ஜாமீன் கோரியவரை காவல்நிலையம் அல்லது நீதிமன்றத்தில் தினமும் கையெழுத்திடச் சொல்வது; நீதிமன்றத்தில் உத்தரவாதத் தொகை கட்டச் சொல்வது; சம்பந்தப்பட்ட காவல் நிலைய எல்லையைத் தாண்டி வெளியே செல்லாமல் இருப்பது... எனச் சில நிபந்தனைகளை நீதிபதிகள் விதிப்பார்கள். கொஞ்சம் வித்தியாசமாக, ராஜேந்திரனுக்குச் சீமைக்கருவேல மரத்தை அகற்றுவதை நிபந்தனையாக விதித்திருக்கிறார், நீதிபதி ரகுமான்.

அதாவது, ‘ஜாமீன் கோரியவர், அவர் வசிக்கும் கிராமத்தில் 20 நாள்களுக்கு 100 சீமைக்கருவேல மரங்களை அகற்ற வேண்டும். அகற்றிய பிறகு, சம்பந்தப்பட்ட கிராம நிர்வாக அலுவலரிடம் அகற்றியதற்கான சான்று பெற்று நீதிமன்றத்தில் சமர்ப்பிக்க வேண்டும்’ என்று உத்தரவிட்டிருப்பதோடு, ‘அரியலூர் மாவட்டத்தில், ஜாமீன் கோரும் அனைவருக்கும் இதுதான் நிபந்தனை’ என்றும் அறிவித்திருக்கிறார்.

இந்த உத்தரவுக்குப் பல்வேறு தரப்பினர் ஆதரவு தெரிவித்துவரும் சூழ்நிலையில் சில எதிர்ப்புகளும் கிளம்பியுள்ளன. 

ஒட்டுமொத்த விகடனுக்கும் ஒரே ஷார்ட்கட்!

‘சீமைக்கருவேல மரங்களை அகற்றினால்தான் ஜாமீன்’ - அரியலூர் நீதிமன்றத்தின் அதிரடி தீர்ப்பு!

இதுகுறித்து நம்மிடம் பேசிய வழக்கறிஞர் ஜெயகுமார், “இது நல்ல தீர்ப்பு. தமிழகத்தில் பெரும்பாலான நீர்நிலைகள் கருவேல மரக்காடுகளாகத் தான் உள்ளன. இதனால், மழை குறைவது மட்டுமல்லாமல், காற்றில் உள்ள ஈரப்பதம்கூட குறைந்து போய்விடுகிறது. விவசாயம் வெகுவாகப் பாதிக்கப்படுகிறது. நிலத்தடி நீர்மட்டமும் குறைகிறது. ஏற்கெனவே சீமைக் கருவேல மரத்தை அழிப்பது குறித்த விழிப்பு உணர்வு துண்டுப் பிரசுரங்களை நீதிபதி ரகுமான் அனைவருக்கும் வழங்கினார். அதன் அடுத்தகட்டம்தான் இந்தத் தீர்ப்பு” என்றார்.

எது எப்படியோ... சீமைக்கருவேல மரங்கள் அகற்றப்பட்டால் நீர்நிலைகளுக்கு விடுதலை கிடைக்கும் என்பது உண்மை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism