Published:Updated:

டெல்லியில் கவனம் ஈர்த்த விவசாயிகள் போராட்டம்... - அமைச்சர் பேச்சுவார்த்தை!

டெல்லியில்  கவனம் ஈர்த்த  விவசாயிகள்  போராட்டம்... - அமைச்சர் பேச்சுவார்த்தை!
பிரீமியம் ஸ்டோரி
டெல்லியில் கவனம் ஈர்த்த விவசாயிகள் போராட்டம்... - அமைச்சர் பேச்சுவார்த்தை!

பிரச்னைகு. ராமகிருஷ்ணன்

டெல்லியில் கவனம் ஈர்த்த விவசாயிகள் போராட்டம்... - அமைச்சர் பேச்சுவார்த்தை!

பிரச்னைகு. ராமகிருஷ்ணன்

Published:Updated:
டெல்லியில்  கவனம் ஈர்த்த  விவசாயிகள்  போராட்டம்... - அமைச்சர் பேச்சுவார்த்தை!
பிரீமியம் ஸ்டோரி
டெல்லியில் கவனம் ஈர்த்த விவசாயிகள் போராட்டம்... - அமைச்சர் பேச்சுவார்த்தை!

“தமிழ்நாட்டுக்கு வறட்சி நிவாரணமாக 40 ஆயிரம் கோடி ரூபாயை உடனே வழங்க வேண்டும்; அனைத்து விவசாயக் கடன்களையும் தள்ளுபடி செய்ய வேண்டும்; காவிரி மேலாண்மை வாரியம் உடனே அமைக்க வேண்டும்” போன்ற கோரிக்கைகளை வலியுறுத்தி... தமிழ்நாட்டைச் சேர்ந்த தென்னிந்திய நதிகள் இணைப்பு விவசாயிகள் சங்கத்தைச் சேர்ந்த 174 பேர் மார்ச் 14-ம் தேதியன்று டெல்லி ஜந்தர்மந்தரில் போராட்டத்தைத் துவக்கினர். 

டெல்லியில்  கவனம் ஈர்த்த  விவசாயிகள்  போராட்டம்... - அமைச்சர் பேச்சுவார்த்தை!

அரை நிர்வாணமாகவும், இலைதழைகளை ஆடையாக அணிந்தும், மண்டை ஓடுகளை மாலையாக அணிந்தும், பட்டை நாமம் போட்டுக் கொண்டும் தொடர் போராட்டங்களை நடத்தி வந்தனர் இவர்கள். ஒரு வாரமாக நடந்த இப்போராட்டம், சமூக வலைதளங்களிலும் டெல்லி ஊடகங்களிலும் பரவலாகப் பேசப்பட்டது. இதையடுத்து கடந்த 20-ம் தேதி தற்காலிகமாக இந்த போராட்டத்தை வாபஸ்பெற்றுள்ளனர் விவசாயிகள்..

போராட்டத்தைத் தலைமை தாங்கி நடத்திய தென்னிந்திய நதிகள் இணைப்பு விவசாயிகள் ்சங்கத்தின் தலைவர் அய்யாக்கண்ணுவிடம் பேசினோம். “பிரதமர் மோடி, விவசாயிகளைத் தொடர்ந்து வஞ்சித்து வருகிறார். தமிழ்நாட்டில் நூற்றுக்கணக்கான விவசாயிகள் வறட்சியால் உயிரிழந்துள்ளார்கள்.

மத்திய அரசிடம் தமிழக அரசு வறட்சி நிவாரணம் கேட்டு 70 நாள்கள் கடந்தும், மோடி கண்டுகொள்ளவில்லை. தமிழ்நாட்டைப் பாலைவனமாக மாற்றி மீத்தேன், ஹைட்ரோ கார்பன் போன்ற திட்டங்களைச் செயல்படுத்த முயற்சிக்கிறார். ‘நாங்கள் ஆட்சிக்கு வந்தால் நதிகளை இணைப்போம், விளைப் பொருள்களுக்கு இரு மடங்கு லாபம் தருவோம்’ என பா.ஜ.க.வின் தேர்தல் வாக்குறுதியில் சொல்லப்பட்டது. ஆனால், எதையுமே செயல்படுத்தவில்லை.

வறட்சியால் பாதிக்கப்பட்ட தமிழக விவசாயிகளுக்கு ஒரு ஏக்கர் நெல்லுக்கு 25 ஆயிரம் ரூபாயும் கரும்புக்கு 50 ஆயிரம் ரூபாயும் மஞ்சள், வாழை, வெற்றிலை ஆகியவற்றுக்கு 1 லட்சம் ரூபாயும் நிவாரணமாக வழங்க வேண்டும். 60 வயதைக் கடந்த அனைத்து விவசாயிகளுக்கும் ஓய்வூதியமாக மாதம் 5 ஆயிரம் ரூபாய் வழங்க வேண்டும். இந்தக் கோரிக்கைகளை வலியுறுத்திதான் போராட்டங்களை நடத்தி வருகிறோம்” என்றார்.

இந்நிலையில், அ.தி.மு.க நாடாளுமன்ற உறுப்பினர்கள் சிலர், போராட்டத்தில் ஈடுபட்டிருந்த தமிழக விவசாயிகளைச் சந்தித்துப் பேசினர். தொடர்ந்து, மத்திய இணை அமைச்சர் பொன்.ராதாகிருஷ்ணன் விவசாயிகளுடன் பேச்சுவார்த்தை நடத்தினார். பிரதமரிடம் தமிழக விவசாயிகள் குறித்துப் பேசுவதாகப் பொன்.ராதாகிருஷ்ணன் அளித்த வாக்குறுதியையடுத்து, தமிழக விவசாயிகள் தங்கள் போராட்டத்தைத் வாபஸ் பெற்றுள்ளனர்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism