Published:Updated:

கால்நடைகளுக்கு வரவேற்பு... இயற்கை விவசாயத்துக்கு கைவிரிப்பு!

கால்நடைகளுக்கு வரவேற்பு... இயற்கை விவசாயத்துக்கு கைவிரிப்பு!
பிரீமியம் ஸ்டோரி
கால்நடைகளுக்கு வரவேற்பு... இயற்கை விவசாயத்துக்கு கைவிரிப்பு!

தமிழக அரசின் நிதிநிலை அறிக்கைஅலசல்துரை.நாகராஜன்.

கால்நடைகளுக்கு வரவேற்பு... இயற்கை விவசாயத்துக்கு கைவிரிப்பு!

தமிழக அரசின் நிதிநிலை அறிக்கைஅலசல்துரை.நாகராஜன்.

Published:Updated:
கால்நடைகளுக்கு வரவேற்பு... இயற்கை விவசாயத்துக்கு கைவிரிப்பு!
பிரீமியம் ஸ்டோரி
கால்நடைகளுக்கு வரவேற்பு... இயற்கை விவசாயத்துக்கு கைவிரிப்பு!

டந்த மார்ச் 16-ம் தேதி தமிழக அரசின் 2017-18-ம் ஆண்டுக்கான நிதிநிலை அறிக்கை சட்டசபையில் அறிவிக்கப்பட்டது. அதில் விவசாயம் சார்பாக வெளியிடப்பட்ட அறிக்கைகள் அவற்றுக்கான நிதி ஒதுக்கீடுகள் குறித்து சில விவசாயிகளின் கருத்துகள் இங்கே... 

கு.நல்லசாமி,  ஒருங்கிணைப்பாளர்,  தமிழ்நாடு கள் இயக்கம்:

“பொதுவாக பட்ஜெட்டில் இலவசங்களையும் மானியங்களையும் அறிவித்து விட்டு விவசாயிகளைக் கடனாளியாகத்தான் ஆக்குகிறார்கள். 

கால்நடைகளுக்கு வரவேற்பு... இயற்கை விவசாயத்துக்கு கைவிரிப்பு!

தவிர, அறிவிக்கப்படும் திட்டங்கள் எதுவும் கடைநிலை விவசாயிகளின் கைகளுக்கு முழுமையாகப் போய்ச் சேர்வதில்லை. பட்ஜெட் அறிவிப்பதற்குச் சில வாரங்களுக்கு முன் தமிழகத்தில் டீசல், பெட்ரோலுக்கு விதிக்கப்பட்ட வரியால் விலை ஏறியுள்ளது. ஆனால், பட்ஜெட்டை ‘வரியில்லாத பட்ஜெட்’ என்று சொல்லி ஏமாற்றுகிறார்கள்.

ஒரு பானை சோற்றுக்கு ஒரு சோறு பதம் என்பதுபோல பட்ஜெட்டைப் பற்றிச் சொல்ல இது ஒன்றே போதும். திட்டங்களை அறிவித்து விட்டு, அதை அடைய வழி சொல்லாமல் விட்டுவிட்டது இந்தப் பட்ஜெட். மொத்தத்தில் ஏமாற்றமளிக்கக்கூடிய பட்ஜெட்தான் இது.”
 
காங்கேயம் கால்நடை ஆராய்ச்சி மைய இயக்குநர் கார்த்திகேய சிவசேனாபதி:


“முதலில் இரண்டு விஷயங்களை இந்தப் பட்ஜெட்டில் அறிவித்ததற்காக வரவேற்கிறோம். முதலாவது அத்திக்கடவு-அவினாசித் திட்டம், இரண்டாவது, கால்நடைகளைப் பாதுகாக்க அதிக நிதி ஒதுக்கீடு மற்றும் பாரம்பர்ய மாடுகளைப் பராமரிப்பதற்குப் புதிய திட்டம்.

இந்த அத்திக்கடவு-அவினாசித் திட்டம், பல ஆண்டுகளாக மக்கள் எதிர்பார்க்கும் திட்டம். இப்போது அரசே அறிவித்திருப்பது மகிழ்ச்சி தருகிறது. 

ஒட்டுமொத்த விகடனுக்கும் ஒரே ஷார்ட்கட்!

கால்நடைகளுக்கு வரவேற்பு... இயற்கை விவசாயத்துக்கு கைவிரிப்பு!

பாரம்பர்ய கால் நடைகளுக்காக என்ன திட்டம் செயல்படுத்தப்படப் போகிறது என்பதை அறிவிக்க வில்லை. அதைத் தெளிவாக அறிவித்திருக்க வேண்டும். அதோடு, தமிழ்நாட்டில் உள்ள அரசு கால்நடைப் பண்ணைகளில் பாரம்பர்ய கால்நடைகளைப் பெருக்கத் தேவையான வழிமுறையையும் அரசு மேற்கொள்ள வேண்டும். திட்டங்களை அறிவித்ததோடு நின்றுவிடாமல், செயல்படுத்த வேண்டும்.”

ஐக்கிய விவசாயிகள் சங்கத்தலைவர் சி.வையாபுரி:

“மொத்தத்தில் இதைச் சிறுபிள்ளைத்தனமான பட்ஜெட் என்றுதான் சொல்ல வேண்டும். இந்தப் பட்ஜெட்டால் விவசாயிகளுக்கு எந்த நன்மையும் இல்லை.

இயற்கை விவசாயத்தை ஊக்குவிப்பதற்கான அறிவிப்பு இல்லை. ஒவ்வொரு பகுதிக்கும், பயிர்வாரியான விவசாய முறைதான், தமிழ்நாட்டுக்கு ஏற்றது. ஆனால், அரசுக்கு அது குறித்த அக்கறை இருப்பதாகத் தெரியவில்லை. மாநில அரசு சிறு, குறு விவசாயிகளைப் பற்றிக் கவலைப்படுவதேயில்லை.”

பட்ஜெட்டில் அறிவிக்கப்பட்டுள்ள திட்டங்கள் 

• விவசாயம் மற்றும் இதர பயன்பாட்டுக்கான மின்சார மானியத்துக்கு 8,538 கோடி ரூபாய் ஒதுக்கப்பட்டுள்ளது.

• பண்ணை இயந்திரமயமாக்கலுக்கு 100 கோடி ரூபாய் ஒதுக்கப்பட்டுள்ளது. அதில் 30 கோடி ரூபாய் வேளாண் இயந்திரங்கள் வாங்க மானியமாகத் தரப்படும். வேளாண் இயந்திரங்களை வாடகைக்கு வழங்குவதற்காக 590 கூடுதல் மையங்கள் அமைக்கப்படவுள்ளன.

• தலா 100 விவசாயிகளைக் கொண்ட புதிய 1,000 உழவர் உற்பத்தியாளர் குழுக்களைத் தொடங்க 100 கோடி ரூபாய் ஒதுக்கப்பட்டுள்ளது. இத்திட்டத்தின் கீழ், வரும் ஐந்து ஆண்டுகளில் 40 லட்சம்  விவசாயிகள் ஒருங்கிணைக்கப்படுவர். அதற்கேற்ப, இத்திட்டத்துக்கான ஒதுக்கீடு படிப்படியாக அதிகரிக்கப்படும்.

• நீர்வள, நிலவளத் திட்டத்துக்காக 3,042 கோடி ரூபாய் ஒதுக்கப்பட்டுள்ளது.

• வேளாண் துறைக்கு 1,680.73 கோடி ரூபாய் ஒதுக்கப்பட்டுள்ளது.

• நீர்வளத் துறைக்கு 4,791 கோடி ரூபாய் ஒதுக்கப்பட்டுள்ளது.

• கூட்டுறவு வங்கிகள் மூலம் பயிர்க் கடன் வழங்குவதற்காக 7,000 கோடி ரூபாய் ஒதுக்கப்பட்டுள்ளது.

• கால்நடைப் பராமரிப்புத்துறைக்கு 1,161 கோடி ரூபாய் ஒதுக்கப்பட்டுள்ளது.

• பால் வளத்துறைக்கு 130 கோடி ரூபாய் ஒதுக்கப்பட்டுள்ளது.

• 2017-2018-ம் ஆண்டில் கோழிப்பண்ணை வளர்ச்சித் திட்டத்துக்கும் தீவன உற்பத்தித் திட்டத்துக்கும் தலா 25 கோடி ரூபாய் ஒதுக்கப்பட்டுள்ளது.

• 2017-2018-ம் ஆண்டில், கரும்பு மற்றும் தோட்டக்கலைப் பயிர்களுக்குச் சொட்டுநீர்ப் பாசனம் அமைக்க 369 கோடி ரூபாய் ஒதுக்கப்பட்டுள்ளது.

• நெல் கொள்முதலுக்கு மத்திய அரசு நிர்ணயித்துள்ள குறைந்தபட்ச ஆதரவு விலையைவிட கூடுதலாக ஊக்கத்தொகை வழங்க 200 கோடி ரூபாய் ஒதுக்கப்பட்டுள்ளது.

• தோட்டக்கலைப் பயிர்களின் பரப்பளவை தற்போதுள்ள 34 லட்சம் ஏக்கர் என்ற அளவிலிருந்து 2017-2018-ம் ஆண்டில் 39 லட்சம் ஏக்கராக உயர்த்த நடவடிக்கை எடுக்கப்படும்.

• 2017-2018-ம் ஆண்டுக்கான பயிர்க் காப்பீட்டுக் கட்டண மானியத்துக்காக 522.70 கோடி ரூபாய் ஒதுக்கப்பட்டுள்ளது.

• விதை உற்பத்திக்காக 50 கோடி ரூபாய் ஒதுக்கப்பட்டுள்ளது.

• 2017-2018-ம் ஆண்டில் ஏழைப் பெண்களுக்கு 12 ஆயிரம் கறவைப் பசுக்கள் வழங்கப்படும். ஒரு லட்சத்து ஐம்பதாயிரம் ஏழைக் குடும்பங்களுக்கு 6 லட்சம் வெள்ளாடுகள் வழங்க
182 கோடி ரூபாய் ஒதுக்கப்பட்டுள்ளது.

• 2017-2018ம் ஆண்டில், 25 கால்நடை கிளை மையங்களைக் கால்நடை மருந்தகங்களாகவும், வட்டத் தலைமையகங்களில் உள்ள ஐந்து கால்நடை மருந்தகங்களைக் கால்நடை மருத்துவமனைகளாகவும் தரம் உயர்த்துவதுடன், 25 புதிய கால்நடை கிளை மையங்களும் அமைக்கப்படும்.

• காங்கேயம், பர்கூர் மற்றும் உம்பளச்சேரி ஆகிய நாட்டு மாடுகளைப் பாதுகாக்கக் கூடுதல் நிதி ஒதுக்கப்படும்.

• மதுரையில் 40 கோடி ரூபாய் செலவில், பால் பதப்படுத்தும் நிலையம் புதிதாகத் தொடங்கப்படும்.

• வரும் நிதியாண்டில் 100 லட்சம் டன் உணவு தானிய உற்பத்தி செய்ய இலக்கு நிர்ணயிக்கப்பட்டுள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism