Published:Updated:

வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6

வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6
பிரீமியம் ஸ்டோரி
வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6

சின்னச் சின்ன நுண்ணுயிர்கள் பெரிய பெரிய லாபம்!இடுபொருள்முனைவர் அ.உதயகுமார் தொகுப்பு: ரா.கு.கனல்அரசு

வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6

சின்னச் சின்ன நுண்ணுயிர்கள் பெரிய பெரிய லாபம்!இடுபொருள்முனைவர் அ.உதயகுமார் தொகுப்பு: ரா.கு.கனல்அரசு

Published:Updated:
வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6
பிரீமியம் ஸ்டோரி
வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6

ந்த உலகம், மனிதர்களுக்கு மட்டுமானதல்ல; கண்ணுக்குத் தெரியாத நுண்ணுயிர்கள் உள்பட கோடிக்கணக்கான உயிர்களுக்கும் உறைவிடம். நாம்தான், உலகை ஆட்டி வைத்துக் கொண்டி ருக்கிறோம் என எண்ணிக் கொண்டிருக்கிறான் மனிதன். ஆனால், உண்மையில் உலகை ஆட்டிவைப்பவை பூச்சிகளும், கண்ணுக்குத் தெரியாத நுண்ணுயிர்களும்தாம்.

வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6

நுண்ணுயிர்கள் என்றாலே மனிதனுக்கு எதிரானவை என்ற பொதுவான எண்ணம் உண்டு. உண்மையில் அப்படியில்லை. தனது அனைத்து படைப்பிலும் இரண்டு வாசல்களை வைத்தே இருக்கிறது, இயற்கை.

ஒரு வாசல் அடைத்தால், இன்னொருவாசல் திறக்கும். அதன்படி, தீமை செய்யும் நுண்ணுயிர்களைக் கட்டுப்படுத்த, சில நன்மை செய்யும் நுண்ணுயிர்களையும் படைத்துள்ளது. அப்படிப்பட்ட நுண்ணுயிர்களைப் பற்றிய புரிதலே இந்தத் தொடர்.

ஒரு சென்ட் நிலத்தில் ஆண்டுக்கு 80 டன் தொழுவுரம் தயாரிக்கும் முறை பற்றிக் கடந்த இதழில் பார்த்தோம். அதன்படி தயாரித்த இயற்கை உரத்தை நிலக்கடலை, சூரியகாந்தி, எள் போன்ற பயிர்களுக்கும், காய்கறி பயிர்களுக்கும் ஏக்கருக்கு 5 டன் அளவு பயன்படுத்தலாம். வாழை, கரும்பு போன்ற ஆண்டுப் பயிர்களுக்கு ஏக்கருக்கு 10 டன் அளவு இட வேண்டும்.

இயற்கை உரத்தை நிலத்தில் தூவி, உழவு செய்த பிறகே விதைக்க வேண்டும். இந்த உரத்தை இடுவதால், மண்ணில் அங்ககப் பொருள்களின் அளவு அதிகரிக்கிறது. நுண்ணுயிர்களும் அதிகளவில் பெருகி, கரிமப்பொருள்கள் அதிகரிக்கின்றன. மண்ணின் நீர் பிடிப்புத்தன்மை மேம்படும். தற்போதைய வறட்சிக்குப் பல காரணங்கள் சொல்லப்பட்டாலும், மண்ணில் அங்ககப்பொருள்களின் அளவு குறைந்ததும் ஒரு முக்கியமான காரணமாகும். அங்ககப் பொருள்கள் அதிகளவில் இருக்கும் மண்ணில், நீர் ஆவியாகும் வேகம் குறைவாக இருக்கும். ரசாயனம் பயன்படுத்தும் நிலங்கள் அதிவிரைவாக வறண்டுவிடும். ஆனால், இயற்கை இடுபொருள்கள் பயன்படுத்தும் நிலங்கள் விரைவில் வறண்டு போவதில்லை. இதற்கு, மண்ணில் உள்ள இந்த அங்ககப் பொருள்கள்தான் காரணம்.

மண் வறண்டு போகாமல் ஈரத்தன்மையுடன் இருப்பதால் பல்வேறு வகையான நுண்ணுயிர்கள் உருவாகி நிலத்தை வளமாக்குகின்றன. ஆக, இவை அனைத்துக்கும் அடிப்படையாக இருப்பது, நாம் மண்ணில் இடும் இயற்கை உரங்கள்தாம்.

ஒட்டுமொத்த விகடனுக்கும் ஒரே ஷார்ட்கட்!

வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6

தற்போது கடுமையான வறட்சி நிலவுகிறது. இந்தக் காலகட்டத்தில் பயிரையும், மண்ணிலுள்ள உயிர்களையும் காப்பாற்ற வேண்டியது, அவசியமானது. அதற்குப் பெரிதும் உதவியாக இருப்பவை, மூடாக்குகள். காய்ந்த இலைதழைகள், விவசாயக் கழிவுகள் ஆகியவற்றைப் பயிர்களைச் சுற்றி மூடாக்காக அமைக்கலாம். சில பகுதிகளில் இயந்திரத்தில் அறுவடை செய்யும்போது கிடைக்கும் வைக்கோலை மாட்டுக்குப் பயன்படுத்தாமல் வயலில் தீ வைத்து எரிக்கிறார்கள். அது முற்றிலும் தவறான செயல். இதுபோன்ற வைக்கோலை நிலத்தில் மூடாக்காகப் பயன்படுத்தலாம்.

பயிர் வளர்ச்சிக்காக நாம் மண்ணில் இடும் இடுபொருள்கள் மற்றும் மண்ணில் இயற்கையாகவே உள்ள சத்துகள் ஆகியவற்றைச் செடிகள் நேரடியாக எடுப்பதில்லை. செடிகள் சுலபமாக எடுக்கும் வகையில் சத்துகளை இளக்கிக் கொடுக்கும் பணியை நுண்ணுயிர்கள்தாம் செய்கின்றன. மண்ணுக்குள் நுண்ணுயிர்கள் இல்லாவிட்டால் நீங்கள் மூட்டை மூட்டையாக உரங்களைக் கொட்டினாலும், அதனால் பயிர்களுக்கு எந்தப் பயனும் கிடைக்காது என்ற உண்மையைத் தெரிந்துகொண்டால்தான் நுண்ணுயிர்களின் அவசியத்தை உணரமுடியும்.

பூச்சிகளில், நன்மை செய்யும் பூச்சிகள், தீமை செய்யும் பூச்சிகள் இருப்பதுபோலவே, நுண்ணுயிர்களிலும் நன்மை செய்யும் நுண்ணுயிர்கள், தீமை செய்யும் நுண்ணுயிர்கள் இருக்கின்றன.

உதாரணமாக அசோஸ்பைரில்லம், ரைசோபியம் போன்றவை காற்றில் இருக்கும் தழைச்சத்தை உறிஞ்சி, மண்ணில் நிலைநிறுத்தும் பணியைச் செய்து வருகின்றன. இந்த நுண்ணுயிர்கள், ஒரு ஏக்கர் நிலத்தில் 10 கிலோ முதல் 30 கிலோ அளவிலான தழைச்சத்தை நிலைநிறுத்துகின்றன. பாஸ்போ பாக்டீரியாவானது குப்பை உரங்கள், மண் ஆகியவற்றில் உள்ள பாஸ்பரஸ் சத்துகளைச் பயிர்கள் சுலபமாக எடுக்கும் வடிவத்துக்கு மாற்றும் பணியைச் செய்து வருகின்றன. 
இதேபோலத்தான் சாம்பல் சத்து, சல்பர் என ஒவ்வொரு சத்தையும் செடிகள் எடுப்பதற்குப் பல்வேறு வகையான நுண்ணுயிர்கள், சம்பளமே இல்லாமல் வேலை செய்துகொண்டு இருக்கின்றன. நல்லவர்கள் அதிகமாக அதிகமாக, தீமை செய்பவர்களின் எண்ணிக்கை குறையும் அல்லவா? அதுபோலத்தான் பாக்டீரியாக்களும். நன்மை செய்யும் பாக்டீரியாக்களின் அளவு மண்ணில் அதிகரிக்கும்போது, தீமை செய்யும் பாக்டீரியாக்களின் எண்ணிக்கை குறையும்.

வறட்சிக்கு ஏற்ற மூடாக்கு... கைகொடுக்கும் உயிர் உரங்கள்! - உதவிக்கு வரும் உயிரியல் - 6

ஒரு காலத்தில் குறிப்பிட்ட சில பயிர்களை மட்டுமே வேர் அழுகல் நோய் தாக்கும். சமீபகாலமாக அனைத்து வகையான பயிர்களும் வேர் அழுகல் நோயால் பாதிக்கப்படுகின்றன. நன்மை செய்யும் பாக்டீரியாக்கள் மண்ணில் குறைந்து போனதுதான் இதற்கு முக்கியக் காரணம். தொடர்ச்சியான ரசாயன உரங்களின் பயன்பாட்டால் மண்ணில் அங்ககப் பொருள்களின் அளவு குறைந்துவிட்டது. அதனால், நன்மை செய்யும் பாக்டீரியாக்கள் எண்ணிக்கை குறைந்து, தீமை செய்யும் பாக்டீரியாக்கள் அதிகளவில் பெருகிவிட்டன என்பதை நமக்கு அடையாளம் காட்டுகிறது, வேர் அழுகல் நோய். தற்போது, நன்மை செய்யும் பாக்டீரியாக்களை மண்ணில் அதிகப்படுத்த வேண்டிய கட்டாயத்தில் இருக்கிறோம். இவற்றை மண்ணில் பெருக்கும் பணியை அசோஸ்பைரில்லம், ரைசோபியம், பாஸ்போ பாக்டீரியா, சிலிக்கான் மொபிலைசர் போன்ற உயிர் உரங்கள் செய்கின்றன.

இந்த உயிர் உரங்கள் தற்போது வேளாண்மை மையங்கள், உரக்கடைகளில் தாராளமாகக் கிடைக்கின்றன. ஒவ்வொரு உயிர் உரம் பற்றியும், அதன் செயல்பாடுகள் பற்றியும் விரிவாக அடுத்த இதழில் பார்க்கலாம்.

- பரவும்

செறிவூட்டப்பட்ட இ.எம் திரவத்தைத் தாய்த் திரவமாக பயன்படுத்தலாமா?

செறிவூட்டப்பட்ட இ.எம் தயாரிக்கும் முறை குறித்து, முன்பே விளக்கமாகக் கூறியிருக்கிறேன். ஒரு லிட்டர் தாய்த் திரவத்திலிருந்து 100 லிட்டர் செறிவூட்டப்பட்ட இ.எம் தயாரிக்கலாம் எனத் தெரிவித்து இருக்கிறேன். அதுகுறித்து என்னிடம் பேசிய விவசாயி ஒருவர், ‘ஒரு லிட்டர் தாய்த் திரவத்திலிருந்து 20 லிட்டர் செறிவூட்டப்பட்ட இ.எம் தயாரித்து, அந்த 20 லிட்டர் இ.எம்மை தாய்த் திரவமாகப் பயன்படுத்தி, மீண்டும் செறிவூட்டப்பட்ட இ.எம் தயாரிக்கலாம் என்கிறார்களே அது சரியா?’ எனக் கேட்டார். இந்தச் சந்தேகம் பெரும்பாலானோருக்கு இருக்கிறது.

இ.எம் தாய்த் திரவம் என்பது உறக்க நிலையில் இருக்கும் பாக்டீரியா. அதை ஒரு முறை திறந்து, செறிவூட்டப்பட்ட இ.எம் தயாரிக்கும்போது அதன் உறக்க நிலை கலைந்து விடுகிறது. இப்படித் தயாரிக்கப்பட்ட செறிவூட்டப்பட்ட இ.எம்மை தாய்த் திரவமாகப் பயன்படுத்தினால், அதன் செயல்பாடு முழுமையாக இருக்காது. அதனால்தான், ஒருமுறை வாங்கும் தாய்த் திரவத்திலிருந்து 20 லிட்டர் செறிவூட்டப்பட்ட இ.எம் தயாரிப்பதைவிட, 100 லிட்டர் தயாரித்துக்கொண்டால், செலவு குறையும். செறிவூட்டப்பட்ட இ.எம்மை தாய்த் திரவமாகப் பயன்படுத்தினால், கண்டிப்பாக முழுமையான பலன் கிடைக்காது.