‘தண்டோரா’ பகுதியில் இடம்பெறும் நிகழ்ச்சிகளில் கடைசி நேர மாறுதல்கள் ஏற்படலாம். எனவே, சம்பந்தப்பட்ட நிறுவனங்கள், அமைப்புகள் ஆகியவற்றிடம் நிகழ்ச்சி குறித்த தகவல்களைத் தொலைபேசி அல்லது செல்போன் வாயிலாக, முன்கூட்டியே உறுதிசெய்த பின், பயண ஏற்பாடுகளைச் செய்யவும். 

- ஆசிரியர்

இலவசப் பயிற்சிகள்
 
தேனீ வளர்ப்பு

ஈரோடு மாவட்டம், கோபிசெட்டிப்பாளையம், மைராடா வேளாண் அறிவியல் நிலையத்தில் மே 24-ம் தேதி, ‘சிப்பி மற்றும் பால்காளான் தொழில்நுட்பங்கள்’, 25-ம் தேதி ‘தேனீ வளர்ப்பு மற்றும் மதிப்புக்கூட்டும் தொழில்நுட்பங்கள்’, 26-ம் தேதி ‘இயற்கை விவசாயத்தில் புதிய தொழில்நுட்பங்கள்’ ஆகிய பயிற்சிகள் நடைபெற உள்ளன. முன்பதிவு அவசியம்.

தொடர்புக்கு, தொலைபேசி: 04285 241626.

கறவை மாடு வளர்ப்பு

மதுரை மாவட்டம், திருப்பரங்குன்றம் கால்நடை பல்கலைக்கழகப் பயிற்சி மற்றும் ஆராய்ச்சி மையத்தில் மே 17-ம் தேதி ‘நாட்டுக்கோழி வளர்ப்பு’, 18-ம் தேதி ‘கறவை மாடு வளர்ப்பு’, 24-ம் தேதி ‘ஆடு வளர்ப்பு’ ஆகிய பயிற்சிகள் நடைபெற உள்ளன. முன்பதிவு அவசியம்.

தொடர்புக்கு, தொலைபேசி: 0452 2483903.

நாட்டுக்கோழி வளர்ப்பு

சேலம் கால்நடை பல்கலைக்கழகப் பயிற்சி மற்றும் ஆராய்ச்சி மையத்தில் மே 16-ம் தேதி ‘நாட்டுக்கோழி வளர்ப்புப் பயிற்சி’ நடைபெற உள்ளது. முன்பதிவு அவசியம்.

தொடர்புக்கு, தொலைபேசி: 0427 2410408.

ஆடு வளர்ப்பு

புதுக்கோட்டை, இந்தியன் ஓவர்சீஸ் வங்கியின் கிராமப்புற சுய வேலைவாய்ப்புப் பயிற்சி மையத்தில் மே 15-ம் தேதி முதல் 25ம் தேதி வரை ‘ஆடு வளர்ப்பு மற்றும் மண்புழு உரம் தயாரிப்பு’ பயிற்சி நடைபெற உள்ளது. இப்பயிற்சிக்கு விண்ணப்பிக்கக் கடைசி நாள் மே 15-ம் தேதியாகும்.

தொடர்புக்கு, செல்போன்: 70109 57772.

பஞ்சகவ்யா தயாரிப்பு

சிவகங்கை மாவட்டம், பிள்ளையார்பட்டி, பஞ்சாப் நேஷனல் வங்கியின் உழவர் பயிற்சி மையத்தில், மே 16-ம் தேதி ‘பஞ்சகவ்யா தாயாரிப்பு’, 18-ம் தேதி ‘பூச்சிவிரட்டி தயாரித்தல்’, 24-ம் தேதி ‘மருந்தில்லா மருத்துவம்’, 25-ம் தேதி ‘கறவை மாடு வளர்ப்பு’, 30-ம் தேதி ‘ஒருங்கிணைந்த கால்நடைப் பண்ணைகள் அமைத்தல்’ ஆகிய பயிற்சிகள் நடைபெற உள்ளன.

தொடர்புக்கு, செல்போன்: 77088 20505, 94885 75716.

ஜப்பானிய காடை வளர்ப்பு

கடலூர், கால்நடை மருத்துவ அறிவியல் பல்கலைக்கழகப் பயிற்சி மற்றும் ஆராய்ச்சி மையத்தில் மே 16-ம் தேதி ‘கறவை மாடு வளர்ப்பு’, 30-ம் தேதி ‘ஜப்பானிய காடை வளர்ப்பு’ ஆகிய பயிற்சிகள் நடைபெற உள்ளன. முன்பதிவு அவசியம்.

தொடர்புக்கு, தொலைபேசி: 04142 290249.

அலங்கார மீன் வளர்ப்பு

நாமக்கல், வேளாண் அறிவியல் மையத்தில் மே 16-ம் தேதி ‘கரும்பில் பூச்சி நோய் மேலாண்மை’, 23-ம் தேதி, ‘வெள்ளாடு வளர்ப்பு’, 29-ம் தேதி ‘அலங்கார மீன் வளர்ப்பு’, 30-ம் தேதி ‘எண்ணெய்வித்துப் பயிர்களில் ஒருங்கிணைந்த ஊட்டச்சத்து மேலாண்மை’ ஆகிய பயிற்சிகள் நடைபெற உள்ளன.

தொடர்புக்கு, தொலைபேசி: 04286 266345.

கட்டணப் பயிற்சிகள்

வெள்ளாடு வளர்ப்பு

அரியலூர் மாவட்டம், சோழன்மாதேவியில் உள்ள கிரீடு வேளாண் அறிவியல் மையத்தில் மே 22-ம் தேதி, ‘வேலி தாண்டா வெள்ளாடு வளர்ப்பு’ பயிற்சி நடைபெற உள்ளது. முன்பதிவு செய்துகொள்ளவும். பயிற்சிக் கட்டணம்: ரூ100.

தொடர்புக்கு, செல்போன்: 96559 26547, 96292 46586.

அங்கக உரம் தயாரிப்பு

கன்னியாகுமரி மாவட்டம், விவேகானந்த கேந்திரம், இயற்கை வள அபிவிருத்தித் திட்டத்தில் மே 27-ம் தேதி ‘தேனீ வளர்ப்பு’, ஜூன் 3-ம் தேதி ‘அங்கக உரம் தயாரித்தல்’ ஆகிய பயிற்சிகள் நடைபெற உள்ளன. பயிற்சிக் கட்டணம் ரூ100. முன்பதிவு அவசியம்.

தொடர்புக்கு, தொலைபேசி: 04652 246296.

நிலத்தடி நீர் மேலாண்மை

திருநெல்வேலி மாவட்டம், மாறாந்தையிலுள்ள வேதாத்திரி வனத்தில், திருநெல் வாழ்வியல் மையம் மற்றும் வேதாத்திரி வனம் ஆகியவை இணைந்து மே 16-ம் தேதி, ‘நிலத்தடியில் நீர்ப் பெருக்கும் நீர் மேலாண்மை’ பயிற்சி நடைபெற உள்ளது. மதிய உணவு வழங்கப்படும். முன்பதிவு அவசியம். பயிற்சிக் கட்டணம் ரூ150.

தொடர்புக்கு, செல்போன்: 95517 26956, 90801 44423

அறிவிப்பு

‘தண்டோரா’ பகுதியில் இடம்பெறும் நிகழ்ச்சிகளில் பங்கேற்கும் விவசாயிகள், நிகழ்ச்சிகள் குறித்த நிறைகுறைகளை உடனுக்குடன் தெரிவிக்க 044 66802927 என்ற எண்ணில் தொடர்புகொள்ளுங்கள். அங்கே கணினிக் குரல் வழிகாட்டும். அதற்கேற்ப 3 நிமிடங்களுக்குள், உங்கள் கருத்தைப் பதிவுசெய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த 3 நிமிடங்கள் முழுக்க முழுக்க உங்களுக்கே! அவசியமென்றால், நாங்களே உங்களைத் தொடர்புகொண்டு, மேலும் விவரங்களைப் பெற்றுக்கொள்வோம்.