Published:Updated:

நோக்கம் நிறைவேறட்டும்!

நோக்கம் நிறைவேறட்டும்!
பிரீமியம் ஸ்டோரி
நோக்கம் நிறைவேறட்டும்!

நோக்கம் நிறைவேறட்டும்!

நோக்கம் நிறைவேறட்டும்!

நோக்கம் நிறைவேறட்டும்!

Published:Updated:
நோக்கம் நிறைவேறட்டும்!
பிரீமியம் ஸ்டோரி
நோக்கம் நிறைவேறட்டும்!

அனைவருக்கும் பசுமை வணக்கம்!

‘‘தமிழகத்திலுள்ள ஆறு, ஏரி, குளம் மற்றும் குட்டைகளில் இதுவரை அகற்றப்படாமல் உள்ள வண்டல் மண் மற்றும் சவுடு மண்ணை அந்தந்தப் பகுதியிலுள்ள உள்ளூர் விவசாயிகளே இலவசமாக எடுத்துக்கொள்ளலாம்.’’

- அண்மையில் இப்படி ஓர் ஆணையைத் தமிழக அரசு வெளியிட்டுள்ளது. காலத்தினால் வந்த நல்ல அறிவிப்பாகவே இதைக் கருதலாம்.

வண்டல் மண் எடுப்பதால், ஒரே கல்லில் பல மாங்காய்கள் அடிக்க முடியும். ஏரி, குளங்கள் தூர்வாரப்படுவதால் நிறைய மழைநீர்ச் சேகரமாகும்; விவசாயத் தேவை பூர்த்தியாகும்; நிலத்தடி நீரும் உயரும்; உயிரினங்களின் நீர்த்தேவையும் நிறைவடையும். இதோடு விவசாய நிலங்களுக்குச் சத்தான வண்டல் மண் கிடைப்பதால் விளைச்சலும் பெருகும்.

இதுபோன்ற காரணங்களால்தான் ஆயிரம் ஆண்டுகளுக்கு முன்பே ‘ஏரி வாரியம்’ என்ற பெயரில் நீர்மேலாண்மையைக் கையில் எடுத்த நம் முன்னோர், குடிமராமத்து முறையில் வீட்டுக்கு ஒருவர் பராமரிப்புப் பணியில் ஈடுபட்டு வந்தனர். இடைப்பட்ட காலத்தில் நீர்நிலைகளின் மீதான உள்ளூர் மக்களின் உரிமையை அரசு பறித்துக்கொள்ளவே, வண்டல் மண் அள்ளப்படாமல் நீர்நிலைகள் தூர்ந்துபோயின. இதுபோதாதென, வளர்ச்சிப்பணி என்கிற பெயரில் அரசு அலுவலகங்கள், நீதிமன்றங்கள், தொழிற்சாலைகள், கல்லூரிகள், மருத்துவமனைகள் எனப் பலவும் நீர்நிலைகளிலேயே எழுப்பப்படுகின்றன. மிச்சம், மீதியுள்ள நீர்நிலைகளையாவது காப்பாற்ற வேண்டியது காலத்தின் கட்டாயம் என்கிற சூழலில்தான், வண்டல் மண் அள்ளுவதற்கான உத்தரவு வந்திருக்கிறது. அதேசமயம், இதிலும் மணல் மற்றும் மண் கொள்ளையர்கள் புகுந்து, நீர்நிலைகள் மொத்தத்தையும் விழுங்கக்கூடிய ஆபத்துக் காத்திருக்கிறது. உள்ளூர் மக்கள் மற்றும் விவசாயிகள் அடங்கிய குழுக்களின் கண்காணிப்போடு இப்பணியை நடத்துவதற்கு அரசு முன்வந்தால், அரசாணையின் நோக்கம் நிச்சயமாக நிறைவேறும் என்பதே மக்களின் எதிர்பார்ப்பு!

- ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism