Published:Updated:

‘‘அக்ரிகல்ச்சர் மூலம் அம்பானிபோல ஆக முடியும்!’’

‘‘அக்ரிகல்ச்சர் மூலம்  அம்பானிபோல ஆக முடியும்!’’
பிரீமியம் ஸ்டோரி
‘‘அக்ரிகல்ச்சர் மூலம் அம்பானிபோல ஆக முடியும்!’’

திட்டம்ஆறுச்சாமி

‘‘அக்ரிகல்ச்சர் மூலம் அம்பானிபோல ஆக முடியும்!’’

திட்டம்ஆறுச்சாமி

Published:Updated:
‘‘அக்ரிகல்ச்சர் மூலம்  அம்பானிபோல ஆக முடியும்!’’
பிரீமியம் ஸ்டோரி
‘‘அக்ரிகல்ச்சர் மூலம் அம்பானிபோல ஆக முடியும்!’’

தேசிய வேளாண்மை மற்றும் ஊரக வளர்ச்சி வங்கி (National Bank for Agriculture and Rural Development-NABARD) என அழைக்கப்படும் நபார்டு வங்கியின் தமிழ்நாடு மற்றும் புதுச்சேரிக்கான மண்டல அலுவலகம் சென்னையில் செயல்பட்டு வருகிறது. அண்மையில் மண்டல முதன்மைப் பொது மேலாளர் நாகூர் அலி ஜின்னா, தலைமையில் பத்திரிகையாளர் சந்திப்பு நடைபெற்றது. அப்போது பேசிய நாகூர்அலி ஜின்னா, “விவசாயப் பிரச்னைகளுக்குத் தீர்வு காண்பதிலும், விவசாயிகளின் வருவாயைப் பெருக்க உதவுவதிலுமே நபார்டு, தீவிர கவனம் செலுத்தி வருகிறது. தமிழ்நாட்டில் மூன்று முக்கியப் பிரச்னைகள் உள்ளன.

‘‘அக்ரிகல்ச்சர் மூலம்  அம்பானிபோல ஆக முடியும்!’’

1. நீர்

2. விளைபொருள்களுக்கு உரிய விலை 

3. நிதி ஆதாரம். இந்த மூன்று பிரச்னைகளும் தீர்ந்துவிட்டால் விவசாயிகள் வாழ்வில் எந்நாளும் புன்னகை ஏற்படும்.

தமிழ்நாட்டில் தாமிரபரணியைத் தவிர, வேறு ஜீவ நதிகள் கிடையாது. தமிழ்நாடு 95% நீர் நிலை ஆதாரங்களையும், 85% நிலத்தடி நீரையும் பயன்படுத்தும் நிரந்தரமான தண்ணீர்த் தட்டுப்பாடு கொண்ட மாநிலமாகும். விவசாயிகளுக்கு, தங்கள் விளை பொருள்களுக்கு லாபகரமான விலை கிடைப்பதில்லை; விவசாயப் பொருள்களின் விற்பனை விலையில் மிகக் குறைவாக 35% மட்டுமே விவசாயிகளுக்குக் கிடைக்கிறது.

மேலும், வங்கிகள் வழங்கும் மொத்த கடன் அளவில் நீண்டகால முதலீட்டு கடன்களின் அளவு 14% மட்டுமே (தேசிய சராசரி 24%) வழங்கப்பட்டு வருகின்றன. காலநிலை மாறுபாடுகள் காரணமாக, விவசாய உற்பத்தி கடுமையாகப் பாதிக்கப்படுகிறது. இப்பிரச்னைக்குத் தீர்வு காணும் வகையில் ‘ஊரக உள்கட்டமைப்பு மேம்பாட்டு நிதி’யின் மூலமாகத் தமிழ்நாடு அரசுக்கு, நபார்டு உதவ முன்வந்துள்ளது. இதன்படி, ஏரிகளைப் புனரமைக்கவும் குடிமராமத்துப் பணிகளுக்காகவும் ஆண்டுக்கு ரூ.500 கோடி நிதி உதவி வழங்கவிருக்கிறது.

ஒட்டுமொத்த விகடனுக்கும் ஒரே ஷார்ட்கட்!

‘‘அக்ரிகல்ச்சர் மூலம்  அம்பானிபோல ஆக முடியும்!’’

தமிழ்நாடு அரசுடன் இணைந்து, விவசாயப் பொருள்கள் விற்பனைக் கூடங்களை நவீனப்படுத்தவும், மின்னணு வர்த்தகத்தை அறிமுகப்படுத்தவும், பிற நவீன உள்கட்டமைப்பு வசதிகளை ஏற்படுத்தவும், அவற்றைத் தேசிய விவசாயச் சந்தையுடன் இணைப்பதற்கும் செயல்பட்டு வருகிறது. இதனால், விவசாயிகளின் விளைபொருள்களுக்கு நல்ல விலை கிடைக்கும்.

‘‘அக்ரிகல்ச்சர் மூலம்  அம்பானிபோல ஆக முடியும்!’’


விவசாயிகளை உரிமையாளர்களாகக் கொண்ட, உழவர் உற்பத்தி நிறுவனங்களை உருவாக்க நபார்டு கைகொடுக்கிறது. இதனால், விவசாயிகளுக்கு விவசாய இடுபொருள்களின் செலவு குறைவு, பொதுவான கட்டமைப்பு வசதிகளை ஏற்படுத்துதல், நல்ல விலை எனப் பல நன்மைகள் கிடைக்கின்றன.

தற்போது, தமிழ்நாட்டில் 170 உழவர் உற்பத்தி நிறுவனங்கள் இயங்கி வருகின்றன. இவற்றில் 35 நிறுவனங்கள், விவசாயிகளின் வருவாயை இருமடங்காக்கும் வகையில் மற்றவர்களுக்கு முன்மாதிரியாகச் செயல்பட்டு வருகின்றன என்பது குறிப்பிடத்தக்கது.  இதனால், தமிழ்நாட்டில் உள்ள விவசாயிகள் அக்ரிகல்ச்சர் மூலம் அம்பானி போல ஆக முடியும் என்பதை நிரூபித்து வருகிறார்கள். திண்டுக்கல் மாவட்டம், கன்னிவாடியில் உள்ள விவசாயிகள், குஜராத் மாநிலத்தில் உள்ள அமுல் பால் பண்ணையைப்போல, பால் உற்பத்தியில் வேகமாக வளர்ந்து வருகிறார்கள்.

இப்படிப்பட்ட விவசாயிகளைப் பார்க்கும்போது, விவசாயத்தை லாபகரமாக செய்ய முடியும் என்ற நம்பிக்கை உருவாகிறது. விவசாயத்தை திறன்பட செய்து, மற்ற மாநிலங்களுக்கு முன்னோடியாகவும் நம் விவசாயிகள் திகழ்ந்து வருகிறார்கள்.

‘‘அக்ரிகல்ச்சர் மூலம்  அம்பானிபோல ஆக முடியும்!’’

அடுத்து நபார்டு, சுய உதவிக் குழுக்களை வங்கிகளோடு இணைக்கும் திட்டத்தைப் பெரியளவில் செயல்படுத்தி வருவதுடன், சுய உதவிக் குழுக்களை மின்னணு மயமாக்கும் திட்டத்தையும் புதுச்சேரியில் வெற்றிகரமாகச் செயல்படுத்தி வருகிறது.

கடந்த 2016-17-ம் ஆண்டில், தமிழ்நாடு மற்றும் புதுச்சேரிக்கு 13,792 கோடி ரூபாய் நிதியுதவி வழங்கப்பட்டுள்ளது. இதில் 4,451 கோடி ரூபாய் வங்கிகளுக்கு வழங்கப்பட்ட நீண்ட கால மறு நிதியாகும். ரூ.3,723 கோடி கூட்டுறவு மற்றும் வட்டார ஊரக வங்கிகளுக்கான உற்பத்திக் கடனுதவி ஆகும். ரூ.1,850 கோடி மாநில அரசுக்கு உள்கட்டமைப்பு வசதி மேம்பாட்டுக்கு வழங்கப்பட்டுள்ளது.  தமிழ்நாட்டில் இயங்கிவரும் கூட்டுறவு மற்றும் வட்டார ஊரக வங்கிகளின் நிதி நிலை மற்றும் செயல்பாடு ஆரோக்கியமாக உள்ளது. அவை லாபகரமாக இயங்கி வருகின்றன.

‘‘அக்ரிகல்ச்சர் மூலம்  அம்பானிபோல ஆக முடியும்!’’



நீர் வளத்தைப் பெருக்க நபார்டு தனது நீர்ச்செறிவுப் பகுதி மேம்பாட்டு நிதியிலிருந்து 11.92 கோடி ரூபாயை மானிய உதவியாக வழங்கியுள்ளது. மேலும், வா டெக் வாபாக், செயின்ட் கோபைன் இந்தியா, டைட்டன் போன்ற நிறுவனங்கள் தங்கள் ‘நிறுவன சமூகப் பொறுப்புணர்வு’ (Corporate Social Responsibility) அடிப்படையில் நபார்டுடன் கை கோத்துச் செயல்பட்டு வருகின்றன.

நாப்கான்ஸ் என்ற நபார்டு கன்சல்டன்சி சேவை நிறுவனம் மாநில நலனுக்குரிய பல்வேறு திட்டங்களுக்கு ஆலோசனை வழங்கி வருகிறது. பெண்களுக்கான பிரத்யேக நிதி நிறுவனம், மலைத்தோட்டப் பயிர் பண்ணையை நவீனப்படுத்துதல், விவசாயச் சந்தை தொடர்பான திட்டங்கள் ஆகியவை இதில் அடங்கும்’’ என்றவர்,

‘‘நீர்தான் விவசாயத்துக்கு ஆதாரம். நாட்டுக்கும் வீட்டுக்கும் பட்ஜெட் போட்டு செலவு செய்வதுபோல, நீருக்கும் பட்ஜெட் போட்டுப் பயன்படுத்த வேண்டும். இதுகுறித்து வல்லுநர்களிடம் பேசி, விவசாயிகளுக்குப் பயனுள்ள நுட்பங்களைக் கொண்டு செல்லவும் இதற்காக நீர் சம்பந்தமான கருத்தரங்கு நடத்தவும் திட்டமிட்டுள்ளோம். இயற்கை விவசாயத்தின் மூலம் நல்ல விளைச்சலை எடுக்க முடியும் எனத் தமிழ்நாட்டு விவசாயிகள் சாதித்துக்காட்டி வருகிறார்கள். முன்னோடி விவசாயிகளைக் கொண்டு இயற்கை விவசாயத்தை, விவசாயிகளிடம் சென்று சேர்க்கும் பணிக்கும் முக்கியத்துவம் கொடுத்து வருகிறோம்’’ என்றார் உற்சாகமாக.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism