Published:Updated:

தேசிய அளவில் போராட்டம்... அய்யாக்கண்ணு அதிரடி!

தேசிய அளவில் போராட்டம்... அய்யாக்கண்ணு அதிரடி!
பிரீமியம் ஸ்டோரி
தேசிய அளவில் போராட்டம்... அய்யாக்கண்ணு அதிரடி!

நாட்டுநடப்புத.ஜெயகுமார்

தேசிய அளவில் போராட்டம்... அய்யாக்கண்ணு அதிரடி!

நாட்டுநடப்புத.ஜெயகுமார்

Published:Updated:
தேசிய அளவில் போராட்டம்... அய்யாக்கண்ணு அதிரடி!
பிரீமியம் ஸ்டோரி
தேசிய அளவில் போராட்டம்... அய்யாக்கண்ணு அதிரடி!

றட்சி நிவாரணம், விவசாயிகளின் வங்கிக் கடன் தள்ளுபடி போன்ற கோரிக்கைகளை வலியுறுத்தி டெல்லியில் போராட்டம் நடத்தி வந்தார், தென்னிந்திய நதிகள் இணைப்புச் சங்கத்தலைவர் அய்யாக்கண்ணு. 41 நாள்களாகப் போராட்டம் நடத்தி வந்த நிலையில், அய்யாக்கண்ணுவைத் தமிழக முதல்வர் எடப்பாடி பழனிசாமி, சந்தித்ததைத் தொடர்ந்து போராட்டத்தைக் கைவிட்டார், அய்யாக்கண்ணு.

தொடர்ந்து விவசாயிகளுக்கு ஆதரவாகத் தமிழகத்தில் கடந்த ஏப்ரல் 25-ம் தேதி வேலைநிறுத்தப் போராட்டம், கடையடைப்புப் போராட்டங்கள் நடைபெற்றன. தாமாகவே முன்வந்து பொதுமக்களும் வணிகர்களும் இந்தப் போராட்டத்துக்கு ஆதரவு கொடுத்தனர். ஆனாலும், மத்திய அரசோ, மாநில அரசோ இதுவரை விவசாயிகளுக்கு ஆதரவாக எந்தவொரு அறிவிப்பையும் வெளியிடவில்லை. அதற்குப் பின் நடந்த ஒரே விஷயம், தமிழ்நாட்டில் விவசாயிகள் தற்கொலை இல்லையென்று உச்ச நீதிமன்றத்தில் தமிழக அரசு தெரிவித்ததுதான்.

தேசிய அளவில் போராட்டம்... அய்யாக்கண்ணு அதிரடி!

பல்வேறு சூழல்களுக்கு இடையிலும், விவசாயிகளுக்கு ஆதரவாக அறிவிப்புகள் வெளியாகும் என்று காத்திருந்தார், அய்யாக்கண்ணு. ஆனால், அரசுகளிடமிருந்து அறிவிப்புகள் ஏதும் வரவில்லை. இந்நிலையில், கடந்த மே 9-ம் தேதி, முதல்வர் பழனிசாமியை, அய்யாக்கண்ணு தலைமையில் சில விவசாயப் பிரதிநிதிகள் சந்தித்தனர்.

ஒட்டுமொத்த விகடனுக்கும் ஒரே ஷார்ட்கட்!

அதுகுறித்துப் பேசிய அய்யாக்கண்ணு, “தமிழகம் வறட்சியால் பாதிக்கப்பட்டுள்ள நிலையில் தேசிய மயமாக்கப்பட்ட வங்கிகள், கடன் வசூல் செய்வதை நிறுத்த வேண்டும். 60 வயதுக்கு மேற்பட்ட விவசாயிகளுக்கு ஓய்வூதியம், கரும்பு விவசாயிகளுக்கு வழங்க வேண்டிய நிலுவைத் தொகையை உடனடியாக வழங்க வேண்டும். விவசாயக் கடன்களைத் தள்ளுபடி செய்ய வேண்டும் போன்ற கோரிக்கைகளை முதல்வரிடம் தெரிவித்தோம்.

அனைத்தையும் பொறுமையாகக் கேட்ட முதல்வர், ‘என் அப்பா விவசாயி. என் மாமனார் விவசாயி. எங்கள் குடும்பமே விவசாயம்தான். அதனால், விவசாயிகளுக்கு ஆதரவாக நல்ல பல திட்டங்களைக் கொண்டு வருவேன். தற்போது நிதிப்பற்றாக்குறை இருந்து வருகிறது. அதனால் ஒன்றும் செய்வதற்கில்லை’ என்றார்.

தேசிய அளவில் போராட்டம்... அய்யாக்கண்ணு அதிரடி!

நான் அவரிடம் ‘டெல்லியில் மீண்டும் போராட்டம் நடத்த திட்டமிட்டிருக்கிறோம்’ என்றேன். அதற்கு ஒரு புன்னகையை மட்டும் உதிர்த்தார். கலைந்து செல்லும்போது ‘மே 18-ம் தேதி தலைமைச் செயலகத்தில் வந்து பாருங்கள்’ என்றார்.

டெல்லியில் மே 21-ம் தேதி பல மாநிலங்களைச் சேர்ந்த விவசாயச் சங்கப் பிரதிநிதிகளுடன் பேச இருக்கிறேன். அதைத் தொடர்ந்து மீண்டும் வலுவாக எங்கள் போராட்டத்தைத் தொடங்க இருக்கிறோம். தற்போதிருக்கும் சூழ்நிலையில் விவசாயிகளின் கடனைத் தள்ளுபடி செய்ய, மத்திய அரசினால் மட்டுமே முடியும். அதனால்தான் மத்திய அரசை நோக்கி போராட்டம் நடத்துகிறோம். எங்களுடைய போராட்டம் தமிழக விவசாயிகளுக்கு மட்டுமில்லை. ஒட்டுமொத்த இந்திய விவசாயிகளுக்கானது” என்றார்.

இம்முறையாவது மத்திய அரசு நடவடிக்கை எடுக்குமா... 


விவசாயிகளை வற்புறுத்தி கடன் வசூலிக்கக் கூடாது...

அய்யாக்கண்ணு முதல்வரைச் சந்தித்துப்பேசிய பிறகு, கடந்த மே 11-ம் தேதி, கூட்டுறவு வங்கிகள் விவசாயிகளின் கடன் தொகையை வற்புறுத்தி வசூலிக்கக் கூடாது என்று அரசு அறிவித்துள்ளது. இது தொடர்பாகக் கூட்டுறவு சங்கப் பதிவாளர் ஞானசேகரன் வெளியிட்டுள்ள அறிக்கையில், “விவசாயிகள் வறட்சியால் பாதிக்கப்பட்டுள்ளனர். அதனால், கூட்டுறவு வங்கிகளில் விவசாயிகள் பெற்றுள்ள கடன்களைச் செலுத்தும் தவணை தவறியிருந்தால், அவற்றை வற்புறுத்தி வசூலிக்கச் சட்ட ரீதியான நடவடிக்கைகள் எதையும் மேற்கொள்ளக் கூடாது. விவசாயிகளின் தவணை தவறிய கடனைத் திரும்பச் செலுத்த வேண்டும் என்று கூட்டுறவு வங்கிகள், சட்ட ரீதியாக நோட்டீஸ் அனுப்பக்கூடாது.

மேலும், கூட்டுறவு வங்கிகளில் விவசாயிகளுக்கு அளிக்கும் கடன் உதவிகளில் கட்டுப்பாடுகளை விதிக்கக்கூடாது. தகுதியுள்ள விவசாயிகளுக்கு விவசாயக் கடன்களைத் தொடர்ந்து வழங்க வேண்டும். குறுகிய காலப் பயிர்க்கடனைக் கூட்டுறவு வங்கிகள், மத்திய காலக் கடனாக மாற்ற வேண்டும். விவசாயிகளின் வங்கிக் கடன் வசூலிப்பது குறித்து மறு உத்தரவு வரும்வரை கூட்டுறவு வங்கிகள் விவசாயிகளுக்கு நோட்டீஸ் அனுப்பக் கூடாது” என்று தெரிவிக்கப்பட்டுள்ளது.

“பாடம் புகட்டுவோம்”

மே, 18-ம் தேதி முதல்வரைச் சந்திக்க தலைமைச் செயலகம் சென்றார் அய்யாக்கண்ணு, இதுகுறித்து அவர் பேசியபோது, “முதல்வர் பழனிசாமி ஊட்டி மலர்க் கண்காட்சியைத் தொடங்கி வைப்பதற்காக சென்றதால், கூடுதல் நிதித்துறைச் செயலாளரைச் சந்திக்க நேரம் கேட்டோம். அவர் 2 மணி நேரம் காக்க வைத்துவிட்டு பேசாமல் சென்றுவிட்டார். பிறகு வருவாய்த்துறை, வேளாண்மைத் துறைச் செயலாளர்களைச் சந்தித்து கோரிக்கைகளைத் தெரிவித்துவிட்டு வந்தோம். விவசாயிகளின் அவலங்களைக் கண்டும் காணாமல் இருக்கும் இந்த அரசுகளுக்குப் பாடம் புகட்டுவோம்” என்றார் ஆவேசமாக.

“ஒத்தி வைத்திருக்கிறோம்”

இதையடுத்து மே, 21-ம் தேதி டெல்லியில் பல்வேறு மாநில விவசாய சங்கங்களின் ஆலோசனை கூட்டம் அய்யகாக்கண்ணு தலைமையில் நடைபெற்றது. இதுகுறித்து பேசிய அய்யாக்கண்ணு, “விவசாய கடன் தள்ளுபடி, நதிகள் இணைப்பு, 60 வயதுக்கு மேற்பட்ட விவசாயிகளுக்கு ஓய்வூதியம், காவிரி மேலாண்மை வாரியம் உள்ளிட்ட  கோரிக்கைகளை முன்வைத்து தேசிய அளவில் பெரிய போராட்டமாக நடத்த இருக்கிறோம். இந்தியளவில் விவசாயிகளின் பிரச்னை ஒரேமாதிரியாகத்தான் உள்ளது. இதற்காக  தென்னிந்திய, வடஇந்திய, வடகிழக்கு இந்திய விவசாய சங்கப் பிரதிநிதிகளுடன் பேச்சு வார்த்தை நடத்தினோம். இந்த கூட்டத்தில் எடுத்த முடிவின்படி ஜூன் 9-ம் தேதி டெல்லியில் மீண்டும் ஆலோசனை கூட்டம் நடத்தி, போராட்டம் எப்போது என அறிவிக்க இருக்கிறோம். தற்போதைக்கு போராட்டத்தை ஒத்தி வைத்திருக்கிறோம்” என்றார். 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism