Published:Updated:

பூச்சிகளுக்கு வேட்டுவைக்கும் பூஞ்சணங்கள்! - உதவிக்கு வரும் உயிரியல் - 9

பூச்சிகளுக்கு வேட்டுவைக்கும் பூஞ்சணங்கள்! - உதவிக்கு வரும் உயிரியல் - 9
பிரீமியம் ஸ்டோரி
பூச்சிகளுக்கு வேட்டுவைக்கும் பூஞ்சணங்கள்! - உதவிக்கு வரும் உயிரியல் - 9

சின்னச் சின்ன நுண்ணுயிர்கள் பெரிய பெரிய லாபம்! இடுபொருள் முனைவர் அ.உதயகுமார் - தொகுப்பு: ரா.கு.கனல்அரசு - படம்: சி.சுரேஷ் பாபு

பூச்சிகளுக்கு வேட்டுவைக்கும் பூஞ்சணங்கள்! - உதவிக்கு வரும் உயிரியல் - 9

சின்னச் சின்ன நுண்ணுயிர்கள் பெரிய பெரிய லாபம்! இடுபொருள் முனைவர் அ.உதயகுமார் - தொகுப்பு: ரா.கு.கனல்அரசு - படம்: சி.சுரேஷ் பாபு

Published:Updated:
பூச்சிகளுக்கு வேட்டுவைக்கும் பூஞ்சணங்கள்! - உதவிக்கு வரும் உயிரியல் - 9
பிரீமியம் ஸ்டோரி
பூச்சிகளுக்கு வேட்டுவைக்கும் பூஞ்சணங்கள்! - உதவிக்கு வரும் உயிரியல் - 9

ந்த உலகம், மனிதர்களுக்கு மட்டுமானதல்ல; கண்ணுக்குத் தெரியாத நுண்ணுயிர்கள் உள்பட கோடிக்கணக்கான உயிர்களுக்கும் உறைவிடம்.

நாம்தான், உலகை ஆட்டிவைத்துக் கொண்டிருக்கிறோம் என எண்ணிக்கொண்டிருக்கிறான் மனிதன். ஆனால், உண்மையில் உலகை ஆட்டிவைப்பவை பூச்சிகளும், கண்ணுக்குத் தெரியாத நுண்ணுயிர்களும்தாம். நுண்ணுயிர்கள் என்றாலே மனிதனுக்கு எதிரானவை என்ற பொதுவான எண்ணம் உண்டு. உண்மையில் அப்படியில்லை. தனது அனைத்து படைப்பிலும் இரண்டு வாசல்களை வைத்தே இருக்கிறது, இயற்கை. ஒரு வாசல் அடைத்தால், இன்னொரு வாசல் திறக்கும். அதன்படி, தீமை செய்யும் நுண்ணுயிர்களைக் கட்டுப்படுத்த, சில நன்மை செய்யும் நுண்ணுயிர்களையும் படைத்துள்ளது. அப்படிப்பட்ட நுண்ணுயிர்களைப் பற்றிப் புரிய வைப்பதே இந்தத் தொடரின் நோக்கம்.

பூச்சிகளுக்கு வேட்டுவைக்கும் பூஞ்சணங்கள்! - உதவிக்கு வரும் உயிரியல் - 9

மண்ணை வளமாக்கும் நுண்ணுயிர்கள், நோய்க் காரணிகளை அழிக்கும் நுண்ணுயிர்கள் ஆகியவை பற்றிப் பார்த்து வருகிறோம். அந்த வரிசையில், பூச்சித் தாக்குதலிலிருந்து பயிர்களைக் காக்கக்கூடிய சில நுண்ணுயிர்கள் பற்றி இப்போது பார்க்கலாம்.

பொதுவாக, ரசாயனப் பூச்சிக்கொல்லியைத் தெளிக்கும்போது, சூழலுக்குக் கேடு ஏற்படுவதுடன், விளைபொருளும் நஞ்சாகிறது. ரசாயனப் பூச்சிக்கொல்லிகளின் தாக்குதலைத் தொடர்ந்து எதிர்கொள்ளும் பூச்சிகள், அந்தப் பூச்சிக்கொல்லிகளுக்கு எதிரான ஆற்றலை வளர்த்துக்கொள்கின்றன. இதனால், வீரியமான பூச்சிக்கொல்லிகளைப் பயன்படுத்த வேண்டிய கட்டாயத்துக்கு ஆளாகிறார்கள், விவசாயிகள். ஆனாலும், முழுமையான பலன் கிடைப்பதில்லை. பயிர்களைத் தாக்கும் பூச்சிகளை அழிப்பதற்காக இயற்கை, சில பூச்சிகளை உருவாக்கியிருக்கிறது. நன்மை செய்யும் பூச்சிகள் என அழைக்கப்படும் அந்தப் பூச்சிகளுக்கான உணவே பயிர்களுக்குத் தீமை செய்யும் பூச்சிகள்தான். இயற்கையின் இந்த ஏற்பாட்டை நாம் இன்னமும் முழுமையாகப் புரிந்து கொள்ளவில்லை என்றுதான் சொல்ல வேண்டும். பயிர்களிலுள்ள பூச்சிகளை உடனடியாக அழிக்க வேண்டும் என்ற எண்ணத்தில், பரிந்துரைக்கப்பட்ட அளவையும் தாண்டி, பூச்சிக்கொல்லிகளைப் பயன்படுத்துகிறோம். இதனால், தீமை செய்யும் பூச்சிகள் இறக்கிறதோ இல்லையோ, ஏராளமான நன்மை செய்யும் பூச்சிகள் அழிந்துவிடுகின்றன.

நன்மை செய்யும் பூச்சிகள் இறக்காமலும், சூழலுக்குக் கேடுவராமலும், விளைபொருள் விஷமாகாமலும் இருக்க மாற்று வழி இருக்கிறது. பயிர்களைப் பாதுகாத்து, பூச்சிகளை அழிக்கும் சில நுண்ணுயிர்கள் இருக்கின்றன. இவற்றைப் பயன்படுத்திச் சூழலுக்குக் கேடு நேராமல் பூச்சிகளைக் கட்டுப்படுத்தலாம்.

ஒட்டுமொத்த விகடனுக்கும் ஒரே ஷார்ட்கட்!

பூச்சிகளுக்கு வேட்டுவைக்கும் பூஞ்சணங்கள்! - உதவிக்கு வரும் உயிரியல் - 9


மெட்டாரைசியம் அனிசோபிலியே (Metarhizium Anisopliae):  இது, வண்டுகளை அழிப்பதில் முக்கியப் பங்காற்றுகிறது. பச்சைப் பூஞ்சணம் எனவும் அழைக்கப்படுகிற இது, தண்டுத்துளைப்பான், வைரமுதுகுப்பூச்சி, காண்டாமிருக வண்டு ஆகியவற்றைக் கட்டுப்படுத்தும். மாட்டுப்பண்ணை, கோழிப்பண்ணைகளில் உள்ள ஈக்களைக் கட்டுப்படுத்தவும் இதைப் பயன்படுத்தலாம். வேர்ப் பூச்சிகள், தத்துப்பூச்சிகள், கருவண்டு, வெள்ளை ஈக்கள்; கொடிவகைப் பயிர்களைத் தாக்கும் வண்டுகள் ஆகியவற்றைக் கட்டுப்படுத்தும் பணியையும் செய்கிறது.

இதன் மூலம் காண்டாமிருக வண்டை, அதன் புழுப்பருவத்திலேயே கட்டுப்படுத்தலாம்.எருக்குழிகளிலிருந்து இந்த வண்டு வளர்கிறது. எருக்குழிகளில் கடப்பாறையால் குழியெடுத்து, இந்தப் பூஞ்சணத்தை, ஒரு லிட்டர் தண்ணீருக்கு 5 கிராம் என்ற அளவில் கலந்து ஊற்ற வேண்டும். இந்தப் பூஞ்சணம் வண்டுகள் மற்றும் பூச்சிகளின் தோல் மீது படர்ந்து, வளர்ந்து உள்ளே ஊடுருவிச் செல்லும். பூச்சிகளின் உடம்பில் இருக்கும் திரவத்தை, இந்தப் பூஞ்சணம் மெள்ள மெள்ள உறிஞ்சத் தொடங்கும். இதனால் பூச்சிகள், வண்டுகள் ஒருவித தள்ளாட்டத்துடன் வாழ்ந்து, ஒரு கட்டத்தில் இறந்துவிடும்.

இந்தப் பூஞ்சணம் தானியங்கள், பயறுவகைப் பயிர்கள், காய்கறிப் பயிர்கள், பழப்பயிர்கள், பருத்தி போன்றவற்றைத் தாக்கும் பூச்சிகளைக் கட்டுப்படுத்தும் தன்மைகொண்டது. இதை ஏக்கருக்கு ஒரு கிலோ வீதம் எடுத்துக்கொண்டு, 200 லிட்டர் தண்ணீரில் கலந்து தெளிக்கலாம். மண்ணில் இடுவதாக இருந்தால், ஏக்கருக்கு ஒரு கிலோ மெட்டாரைசியம் பூஞ்சணத்துடன், 50 கிலோ தொழுவுரத்தைக் கலந்து நிலத்தில் தூவலாம். மாதம் ஒருமுறை இந்தப் பூஞ்சணத்தைத் தெளித்துவந்தால், மேலே சொன்ன பெரும்பாலான பூச்சிகள், வண்டுகள் பாதிப்பிலிருந்து பயிர்களைப் பாதுகாக்கலாம்.

வெர்ட்டிசீலியம் லெக்கானி (Verticillium Lecanii): இந்தப் பூஞ்சணம் வெள்ளை ஈ, மாவுப்பூச்சி, செதில்பூச்சி, தத்துப்பூச்சி போன்ற சாறு உறிஞ்சும் பூச்சிகளின் இனப்பெருக்கத்தைக் கட்டுப்படுத்துகிறது. காய்கறிகள், பூக்கள், பப்பாளி போன்ற பயிர்களில் இதைப் பயன்படுத்தலாம். ஏக்கருக்கு ஒரு கிலோ வெர்ட்டிசீலியம் பூஞ்சணத்தை 200 லிட்டர் தண்ணீரில் கலந்து தெளிக்கலாம். சொட்டுநீர்ப் பாசனம் மூலமாகக் கொடுக்க நினைப்பவர்கள், ஒரு லிட்டர் தண்ணீருக்கு 5 கிராம் என்ற அளவில் கலந்து கொடுக்கலாம். சொட்டுநீரில் கொடுக்கும்போது கரைசலை நன்றாகக் கரைத்து, வடிகட்டிக் கொடுக்க வேண்டும்.

பெவேரியா பேசியானா (Beauveria Bassiana): பயிர்களுக்குக் கெடுதல் செய்யும் பூச்சிகளில் நோயை உண்டாக்கி, அழிக்கும் திறன் வாய்ந்தது, இந்த நுண்ணுயிர். இதை அனைத்துவகையான பயிர்களுக்கும் பயன்படுத்தலாம். கரும்பில் தண்டுத் துளைப்பான், வாழையில் தண்டுகூன்வண்டு, கிழங்கு கூன்வண்டு ஆகியவற்றை அழிக்கிறது. நெற்பயிரைத் தாக்கும் புகையான், பச்சைத் தத்துப்பூச்சி, இலைச்சுருட்டுப்புழு ஆகியவற்றைக் கட்டுப்படுத்தும். தக்காளியைத் தாக்கும் பழத்துளைப்பான்; பருத்தி, மிளகாய், நிலக்கடலை, சூரியகாந்தி, கனகாம்பரம் போன்ற பயிர்களைத் தாக்கும் பச்சைப்புழு, புரோடீனியாப்புழு; தென்னையைத் தாக்கும் காண்டாமிருக வண்டு, சிவப்பு கூன்வண்டு போன்றவற்றுக்கு எதிராக இது செயல்படும்.

கத்திரி, தக்காளி, அவரை,  பீன்ஸ், வெண்டை போன்ற பயிர்களைத் தாக்கும் காய்ப்புழுக்களையும் இது கட்டுப்படுத்தும். குறிப்பாக, பெவேரியா பேசியானா பயிர்களின் இலையைத் தின்னும் புழுக்களுக்கு எதிராகச் செயல்படுகிறது. இதை ஏக்கருக்கு ஒரு கிலோ என்ற அளவில் பயன்படுத்த வேண்டும். பதினைந்து நாள்களுக்கு ஒருமுறை அல்லது இரண்டு முறை பயன்படுத்தலாம்.

இன்னும் சில பூச்சிகளை அழிக்கும் திறன் பெற்றுள்ள நுண்ணுயிர்கள் பற்றி அடுத்த இதழில்...

- பரவும்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism