Published:Updated:

பசுமை போட்ட விதை!

பசுமை போட்ட விதை!
பிரீமியம் ஸ்டோரி
பசுமை போட்ட விதை!

பசுமை போட்ட விதை!

பசுமை போட்ட விதை!

பசுமை போட்ட விதை!

Published:Updated:
பசுமை போட்ட விதை!
பிரீமியம் ஸ்டோரி
பசுமை போட்ட விதை!

னைவருக்கும் பசுமை வணக்கம்!

‘ஜீரோபட்ஜெட்’ என்கிற இயற்கை வேளாண்மை தொழில்நுட்பம், தமிழக விவசாயிகளிடையே இன்று பிரபலம். இதற்கான விதை, பத்து ஆண்டுகளுக்கு முன் பசுமை விகடன் மூலமாக விதைக்கப்பட்டது. அந்தத் தொழில்நுட்பம், தற்போது செழித்தோங்கிக்கொண்டிருப்பதைப் பார்க்கும்போது பெருமிதம் பொங்குகிறது.

ஜீரோபட்ஜெட் தொழில்நுட்பத்தின் பிதாமகன் வேளாண் வித்தகர் சுபாஷ் பாலேக்கர். மஹாராஷ்ட்ரா மாநிலத்தைச் சேர்ந்த இவர், ஒரு துறவிபோல நாடு முழுவதும் சுற்றி, சுழன்று இந்தத் தொழில்நுட்பத்தை விவசாயிகளுக்குக் கற்றுக்கொடுப்பவர். தென்னகத்தில் கர்நாடக மாநிலம் வரை மட்டுமே அறிமுகமாகியிருந்த இவரை, தமிழ்நாட்டு மண்ணுக்கு அழைத்து வந்து ‘ஜீரோபட்ஜெட்’ வித்தையை, நம் விவசாயிகளுக்குக் கற்றுக்கொடுக்கும் ஏற்பாட்டைச் செய்தது பசுமை விகடன்.

பத்து ஆண்டுகளுக்கு முன்... இதற்காக நடத்தப்பட்ட பயிற்சி வகுப்புகளில் பங்குகொண்டவர்கள், இன்று பலருக்கும் பயிற்சிக் கொடுக்கும் முன்னோடி விவசாயிகளாக உயர்ந்துள்ளனர். இப்படி முன்னத்தி ஏர்களாக இருந்துவரும் விவசாயிகளைப் பசுமை விகடன் இதழில் தொடர்ந்து பதிவு செய்துவருகிறோம்.

பருவமழை பொய்த்துப்போன சூழ்நிலையிலும், பாலேக்கரின் தொழில்நுட்ப முறையில் சாகுபடி செய்யும் விவசாயிகளுக்கு நல்ல விளைச்சல் கிடைத்துவருகிறது. வறட்சியிலும்கூட வளமான மகசூல் கொடுக்கும் இந்தத் தொழில்நுட்பத்துக்குப் பெருமை சேர்க்கும் விதமாக, இந்த இதழ்... ஜீரோபட்ஜெட் சிறப்பிதழாக உங்கள் கைகளில் தவழ்கிறது!

- ஆசிரியர்