Published:Updated:

உறுதிப்படுத்த வேண்டும்!

உறுதிப்படுத்த வேண்டும்!
பிரீமியம் ஸ்டோரி
News
உறுதிப்படுத்த வேண்டும்!

உறுதிப்படுத்த வேண்டும்!

அனைவருக்கும் பசுமை வணக்கம்!

அண்மையில் தமிழக மின்சாரத் துறை மானியக்கோரிக்கையின்போது, இரண்டு முக்கியமான அறிவிப்புகளை அத்துறையின் அமைச்சர் வெளியிட்டுள்ளார்.

தமிழகம் முழுவதும் ஆயிரம் விவசாயிகள் பயன்பெறும் வகையில் 5, 7.5, 10 ஆகிய குதிரைத் திறன் கொண்ட சூரிய மின்சக்தி நீர்ப்பம்புகள் திட்டம் செயல்படுத்தப்படவுள்ளது. இந்தத் திட்டத்தின்படி விவசாயிகளின் பங்களிப்பாக, மொத்தத் தொகையில் 10% செலுத்தினால் போதும் என அறிவிக்கப்பட்டுள்ளது. ஆனால், ஆயிரம் விவசாயிகள் மட்டும் பயன்பெறும் வகையில் அறிவிக்கப்பட்டுள்ள இந்தத் திட்டம், ‘யானைப் பசிக்குச் சோளப் பொரி’ போலத்தான் உள்ளது.

அடுத்து, தற்போது விவசாய மின் இணைப்புப்பெற காத்திருப்புப் பட்டியலில் உள்ளவர்கள் பயன்பெறும் வகையில், விரைவு (தட்கல்) மின்னிணைப்பு வழங்கல் திட்டம் அறிமுகப்படுத்தப்பட உள்ளது. குதிரைத் திறனுக்குத் தக்கபடி மின் மோட்டார்களுக்கு ரூ.2.50 லட்சம் முதல் ரூ.3 லட்சம் வரை ஒருமுறை கட்டணம் செலுத்தும் 10,000 விண்ணப்பதாரர்களுக்கு 6 மாத காலத்துக்குள் இலவச விவசாய மின் இணைப்பு வழங்கப்படும் என்றும் அறிவிக்கப்பட்டுள்ளது.

ஏற்கெனவே, விவசாயத்துக்கான இலவச மின்சார இணைப்பு பெறுவதற்காக விண்ணப்பித்தவர்கள், முன் வைப்புத்தொகை அடிப்படையில் விவசாயத்துக்கான இலவச மின்சார இணைப்பு பெறுவதற்காக 50 ஆயிரம் ரூபாய் வரை டெபாசிட் செய்தவர்கள் எனப் பெரிய கூட்டமே ஆண்டுக்கணக்கில் காத்துக்கிடக்கிறார்கள்.

இந்நிலையில் லட்சங்களைக் கொடுத்தால் உடனடி மின்சாரம் என்ற அறிவிப்பு, அந்த விவசாயிகளுக்கெல்லாம் பாதகமாகவே அமையும்.

ஏற்கெனவே பதிவு செய்திருக்கும் விவசாயிகளுக்கு முன்னுரிமை எந்த வகையிலும் பாதிக்கப்படாது என்பதை அரசு உறுதிப்படுத்த வேண்டும்.

- ஆசிரியர்