Published:Updated:

‘‘நான் விவசாயம் படிக்கப் போறேன்’’ - மாடித்தோட்ட மாணவனின் ஆசை!

‘‘நான்  விவசாயம் படிக்கப் போறேன்’’ - மாடித்தோட்ட மாணவனின் ஆசை!
பிரீமியம் ஸ்டோரி
News
‘‘நான் விவசாயம் படிக்கப் போறேன்’’ - மாடித்தோட்ட மாணவனின் ஆசை!

வீட்டுத்தோட்டம்துரை.நாகராஜன் - படம்: மீ.நிவேதன்

ற்போது பல பள்ளிகளில் வீட்டுத்தோட்டம் குறித்து விழிப்பு உணர்வை ஏற்படுத்தி வருவதால், வீட்டுத்தோட்டம் அமைக்கும் பழக்கம் மாணவர்களிடையே பெருகிவருகிறது. அந்த வகையில் மாடித்தோட்டத்தில் காய்கறிகள் உற்பத்தி செய்துவருகிறார் ஒன்பதாம் வகுப்பு மாணவர் சிவா அண்ணாமலை.

சென்னை, கிழக்கு கடற்கரை  சாலையில் உள்ள அக்கரை பகுதியிலிருக்கிறது சிவா அண்ணாமலையின் வீடு. ஒரு மாலை வேளையில் பள்ளியிலிருந்து வீடு திரும்பிய சிவா அண்ணாமலையைச் சந்தித்தோம்.

‘‘நான்  விவசாயம் படிக்கப் போறேன்’’ - மாடித்தோட்ட மாணவனின் ஆசை!

“எனக்குச் சின்ன வயசுல இருந்தே வீட்டுத்தோட்டம் போடுறதுல அதிக ஆர்வம். முதல்ல நாங்க இருந்த வீட்டுல 30 பைகள்ல மாடித்தோட்டம் அமைச்சிருந்தோம். அப்போ தக்காளி, மிளகாய், கத்தரிக்காய், அரைக்கீரை, கொத்தமல்லி  போட்டிருந்தோம். இந்த வீட்டுக்கு வந்து மூணு மாசம் ஆகுது. இங்கேயும் மாடித்தோட்டம் அமைச்சிருக்கேன். அதில்லாம வீட்டைச் சுத்தி இருக்கிற காலி இடங்கள்ல கீரைகளை வளர்த்திட்டிருக்கேன்.

எனக்குக் கிடைக்கிற ஓய்வு நேரத்தை மாடித்தோட்டத்துலதான் செலவழிப்பேன். காலையில் எந்திரிச்சவுடன் செடிகளைத்தான் வந்து பார்ப்பேன். இங்க விளையுற கீரைகளை ஆர்கானிக் கடைகளுக்கு விற்பனை செய்றேன். பெரும்பாலும் பூச்சிகள் வர்றது இல்லை. தக்காளில ஒரு தடவை பூச்சி வந்தப்போ பஞ்சகவ்யா தெளிச்சேன். அதுக்கப்புறம் பூச்சிகள் வரல” என்ற சிவா அண்ணாமலை தனது செடிகளைக் காட்டிக்கொண்டே பேசினார்.

“செம்மண்ணோட மாட்டு எரு கலந்து அதைத் தொட்டிகள், பைகள்ல நிரப்பிச் செடிகளை வளர்க்கிறேன். காய்கறி வகைகளுக்கு ஓர் அடி உயரம் வரை மண் இருக்கணும்.  கீரைகளுக்கு அரை அடி உயரத்துக்கு மண் இருந்தாலே போதுமானது. கீரைகளை மண்தரையில் வளர்க்கிறது நல்லது. இயற்கை உரமாவே இருந்தாலும் அளவுக்கதிகமா செடிகளுக்குக் கொடுக்கக்கூடாது. அதேமாதிரி தண்ணியும் அளவாத்தான் கொடுக்கணும். மண்லயே எல்லா நுண்ணுயிர்களும் இருக்கு. அதைப் பயிர்கள் பயன்படுத்திக்கிறதுக்கு உதவுறதுதான் நம்மோட வேலை.

எங்க வீட்டுக் கழிவு நீரை வெச்சே தக்காளி, அரைக்கீரை, தண்டுக்கீரை, பூசணிக்காய்னு வளர்க்கிறேன். வீட்டுக்குப் போக மீதி இருக்கிறதைத்தான் விற்பனை செய்றேன். என் நண்பர்கள் எல்லாம் இன்ஜினீயர், டாக்டர் ஆகணும்னு சொல்வாங்க. ஆனா, நான் விவசாயம் படிக்கிறதுலதான் ஆர்வமா இருக்கேன்” என்றார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz