Published:Updated:

விளையும் விலையும்! - சந்தைக்கு வழிகாட்டும் தொடர் - 9

விளையும் விலையும்! - சந்தைக்கு வழிகாட்டும் தொடர் - 9
பிரீமியம் ஸ்டோரி
விளையும் விலையும்! - சந்தைக்கு வழிகாட்டும் தொடர் - 9

விவசாயத்தை அழிக்க வரும் புதிய பூதம்!சந்தைஅனந்து - தொகுப்பு: க.சரவணன்

விளையும் விலையும்! - சந்தைக்கு வழிகாட்டும் தொடர் - 9

விவசாயத்தை அழிக்க வரும் புதிய பூதம்!சந்தைஅனந்து - தொகுப்பு: க.சரவணன்

Published:Updated:
விளையும் விலையும்! - சந்தைக்கு வழிகாட்டும் தொடர் - 9
பிரீமியம் ஸ்டோரி
விளையும் விலையும்! - சந்தைக்கு வழிகாட்டும் தொடர் - 9

வெகுஜன சந்தைக்குப் பின்னால் இருக்கும் அரசியல், வெற்றிகரமான இயற்கை விவசாயச் சந்தைகள் மற்றும் மாற்றுச் சந்தைக்கான வாய்ப்புகள் குறித்து அலசும் தொடர் இது...

விவசாயிகளுக்கு எந்தவித மானியமும் கொடுக்காமல் அவர்கள் விளைவிக்கும் பொருள்களை அடிமாட்டு விலைக்குத்தான் விற்பனை செய்ய வேண்டும் என்று கட்டளையிட்டால், விவசாயிகளின் நிலை என்னவாகும் வளரும் நாடுகளுக்கு அப்படியொரு இக்கட்டான சூழ்நிலையை உருவாக்கி, வளர்ந்த நாடுகளுக்கு ஆதரவாகச் செயல்பட்டுக் கொண்டிருக்கிறது உலக வர்த்தக நிறுவனம்.

வளரும் நாடுகளில் உள்நாட்டு வேளாண் மானியத்தைக் குறைப்பது; வளர்ந்த நாடுகளில் வழங்கப்படும் மானியங்களைக் கண்டுகொள்ளாமல் இருப்பது; இறக்குமதி வரிகளைத் தளர்த்திப் பன்னாட்டு நிறுவனங்களுக்குத் தங்கு தடையற்ற உலக வர்த்தகத்தை உருவாக்க முயல்வது... போன்ற உலக வர்த்தக நிறுவனத்தின் செயல்பாடுகளால் வளரும் நாடுகள் மற்றும் மூன்றாம் உலக நாடுகளின் வேளாண் பொருளாதாரம் தொடர்ந்து பாதிப்புக்குள்ளாகி வருகிறது.

விளையும் விலையும்! - சந்தைக்கு வழிகாட்டும் தொடர் - 9

இந்தியா போன்ற நாடுகளின் பெரும் சந்தை, பன்னாட்டு நிறுவனங்களுக்குத் தேவைப்படுகிறது. விதையில் தொடங்கி விற்பனை வரை வேளாண் சந்தையைக் கைப்பற்ற அமெரிக்க-ஐரோப்பிய நாடுகளைச் சார்ந்த பன்னாட்டு நிறுவனங்களுக்குப் பாதை அமைத்துத் தருவதுதான் உலக வர்த்தக நிறுவனத்தின் மறைமுகத்திட்டம். அதனால் பாதிக்கப்படப்போவது நமது வாழ்வாதாரம்தான்.

ஒட்டுமொத்த விகடனுக்கும் ஒரே ஷார்ட்கட்!

விளையும் விலையும்! - சந்தைக்கு வழிகாட்டும் தொடர் - 9


உலக வர்த்தக நிறுவனத்தின், மானியங்கள் மற்றும் மானிய மீறல்களை அளவிடும் ஒப்பந்தம் (SCM-Agreement on subsidies and Countervailing Measures), வர்த்தகம் சார்ந்த அறிவுசார் சொத்துரிமை ஒப்பந்தம் (TRIPS-Agreement on Trade-Related Aspects of Intellectual Property Rights), வர்த்தகம் சார்ந்த முதலீட்டை அளவிடும் ஒப்பந்தம் (TRIMS-Agreement on Trade-Related Investment Measures), வேளாண்மை மீதான ஒப்பந்தம் (AOA-Agreement on Agriculture) போன்ற பல ஒப்பந்தங்களால்... ‘மட்டற்ற வளர்ச்சி’, ‘உலகமயமாக்கல்’, ‘சுதந்தர வர்த்தகம்’ என்று கனவுகள் விற்கப்பட்டன. ஆனால், நம் போன்ற வளரும் நாடுகளுக்குக் கிடைத்ததென்னவோ வறுமை, வேலையின்மை, சுரண்டல், உழைப்போருக்கு உரிமை இன்மை, நியாய விலையின்மை, சம்பளமின்மை... போன்றவைதான். உலக வர்த்த நிறுவனத்தின் ஒப்பந்தங்களை மீறினால் பெரும் அபராதம், நடவடிக்கை எனப் பின்விளைவுகளைச் சந்திக்க நேரிடும் சூழல் நிலவுகிறது. சமீபகால உதாரணமாக ஒன்றைச் சொல்லலாம். இந்தியாவில், ‘ஜவஹர்லால் நேரு தேசியச் சூரிய ஒளித் திட்ட’த்தில் உள்நாட்டு நிறுவனங்களுக்கு மட்டுமே வாய்ப்பளிக்கப்பட்டதை எதிர்த்து உலக வர்த்தக நிறுவனத்தில் அமெரிக்கா வழக்கு தொடர்ந்தது. அதில், அமெரிக்காவுக்குச் சார்பாகத் தீர்ப்பும் வழங்கப்பட்டுள்ளது. அதே நேரத்தில் சூரிய ஒளி மின்சாரம் தயாரிக்கும் அமெரிக்க நாட்டு நிறுவனங்களுக்கு அமெரிக்க அரசு கொடுக்கும் மானியம் பற்றி எந்தச் சர்ச்சையும் கிளம்பவில்லை. மானியம் கிடைப்பதால் அந்த நிறுவனங்கள் இந்தியாவில் குறைந்த விலைக்குச் சோலார் பேனல்களை விற்க முடிகிறது. இதனால் பாதிக்கப்படுவது நம் உள்ளூர் உற்பத்தியாளர்கள்தான்.

கடந்த ஆண்டு செப்டம்பர் மாதத்தில் மத்திய அரசு கோதுமைக்கான இறக்குமதி வரியை 25% இருந்து 10 % குறைத்தது. டிசம்பர் மாதம் முற்றிலும் வரியை நீக்கியது. இதனால், உள்நாட்டில் கோதுமை கொள்முதல் விலை சரிந்தது. இப்படித்தான் பருப்புகளுக்கும் பருத்திக்கும் சென்ற ஆண்டு பெரும் அடி விழுந்தது. இப்படிச் சமபலம் அற்றவர்களை மோதவிட்டு வேடிக்கை பார்க்கிறது உலக வர்த்தக நிறுவனம். ஒப்பந்தத்தில் கையொப்பமிட்டிருக்கும் வளரும் நாடுகளும் மூன்றாம் உலக நாடுகளும் அவற்றை மீற முடியாமல் தவிக்கின்றன.

விளையும் விலையும்! - சந்தைக்கு வழிகாட்டும் தொடர் - 9

1986-ம் ஆண்டிலிருந்து 1994-ம் ஆண்டு வரை நடந்த ‘உருகுவே பேச்சுவார்த்தை’களின் முடிவாக உருவாக்கப்பட்ட ஒப்பந்தங்களில் ஒன்றுதான் ‘வேளாண்மைக்கான ஒப்பந்தம்’ (Agreement on Agriculture). அது உருவாக்கப்பட்ட போது, மேலை நாடுகளுக்கே அதிக நன்மை கிடைக்கும் வகையில் வடிவமைக்கப்பட்டது. உதாரணத்துக்கு, உலக நாடுகள் வேளாண் மானியங்களை ஒரு குறிப்பிட்ட கால இடைவெளியில் குறிப்பிட்ட சதவிகித அளவுக்குக் குறைக்க ஒப்புக் கொண்டதைக் கூறலாம். அதற்குப்பிறகு ஒப்புக் கொள்ளப்பட்ட அளவே மானியமாகத் தொடரும். இதனால், அதிக மானியம் பெற்று வந்த வளர்ந்த நாடுகளைச் சேர்ந்த விவசாயிகளுக்கு எந்த இழப்புமில்லை. வளரும் நாடுகளைச் சேர்ந்த விவசாயிகளுக்குத்தான் பாதிப்பு. அதனால், வளர்ந்த நாடுகள் தங்களின் விளை பொருள்களைக் குறைந்த விலை வைத்து, வளரும் நாடுகளின் சந்தையில் கொண்டு வந்து குவிக்கின்றனர்.

விளையும் விலையும்! - சந்தைக்கு வழிகாட்டும் தொடர் - 9


உலக வர்த்தக நிறுவனத்தின் ஒப்பந்தங்களால் நமது உணவு பாதுகாப்புச் சட்டம், சமூக நலத் திட்டங்கள், விவசாய மானியங்கள், விவசாயிகளுக்கு அளிக்கும் கொள்முதல் விலை... என அனைத்தையும் தொலைக்க வேண்டிய சூழலுக்கு நாம் தள்ளப்பட்டுள்ளோம். அண்மைப் பொருளாதாரத்தையும் வாழ்வாதாரத்தையும் காக்கும் வழிகளை விட்டுவிட்டு, எங்கிருந்தோ இயங்கும் பெரும் வணிக நிறுவனங்களின் வாயிலாக உணவு கொண்டு வருவதை எப்படி ஒத்துக்கொள்ள முடியும்?.

இந்தச் சூழலில், ஒரு பூதம் போதாதென்று நம்மை ஒரேயடியாகக் காலி செய்ய, அடுத்த பெரும் பூதம் ஒன்று கிளம்பியுள்ளது.  ‘மண்டலப் பொருளாதாரப் புரிந்துணர்வு ஒப்பந்தம்’ (RCEP-Regional Comprehensive Economic Partnership) தான் அந்தப் புதிய பூதம். ஆசியன் கூட்டமைப்பில் உள்ள 10 நாடுகள் மற்றும் இந்தியா, சீனா, நியூசிலாந்து, ஆஸ்திரேலியா, ஜப்பான், கொரியா ஆகிய நாடுகள் சேர்ந்து உருவாக்க முயலும் புரிந்துணர்வு ஒப்பந்தமே ஆர்.சி.இ.பி. இதில் பகாசுரப் பன்னாட்டு நிறுவனங்களுக்குச் சாதகமான பல ஷரத்துகள் உள்ளன. இது செயல்பாட்டுக்கு வருமானால், அந்த நிறுவனங்கள் முன்பைவிட வலுவுடன் மற்ற நாடுகள் மீது சர்வதேச அரங்கில் வழக்கு தொடர முடியும். ஆனால், அந்த நிறுவனங்கள் ஒப்பந்தங்களை மீறிச் செயல்பட்டாலோ, தவறான பொருள்களைச் சந்தைப்ப டுத்தினாலோ தண்டனைஇல்லை.
வரும் ஜூலை 24-ம் தேதியன்று இதைப்பற்றி விவாதிக்க இந்தியா, சீனா, ஆஸ்திரேலியா உள்பட 16 நாடுகளைச் சார்ந்த 700 அதிகாரிகள் தெலங்கானா மாநிலம், ஹைதராபாத் மாநகரத்தில் சேர இருக்கிறார்கள். இந்த 16 நாடுகளுக்கிடையில் வர்த்தகத்தில் உள்ள 90% பொருள்கள் மற்றும் சேவைகளுக்கான இறக்குமதி வரிகளை இந்தியா விலக்கிக் கொள்ள வேண்டும் எனப் பெரும்பாலான நாடுகள் விரும்புகின்றன. ஆனால், அப்படி நடந்தால் சீனா தன் பொருள்களையும் சேவையையும் கொண்டு இந்தியச் சந்தையைக் கைப்பற்றும் அபாயமுள்ளது. அதேபோல, நியூசிலாந்து மற்றும் ஆஸ்திரேலிய நாடுகளில் உற்பத்தி செய்யப்படும் ஏ-2 பாலுக்குப் பெரிய சந்தை நிறுவப்படும் அபாயமும் உள்ளது. இந்த ஒப்பந்தம் நிறைவேற்றப்பட்டால், நமது உள்ளூர் உற்பத்தியாளர்கள் மற்றும் விவசாயிகளின் நிலை என்னவாகும் என்பது குறித்துச் சொல்லித் தெரிய வேண்டியதில்லை.

விளையும் விலையும்! - சந்தைக்கு வழிகாட்டும் தொடர் - 9

இந்த ஒப்பந்தம் நிறைவேற்றப்பட்டால் விவசாயப் பொருளாதாரத்துக்குப் பெரிய அடி விழும் என வல்லுநர்கள் எச்சரிக்கிறார்கள். இந்த ஒப்பந்தத்தின் மூலம் அரசே நமது நிலங்களைப் பன்னாட்டு நிறுவனங்களுக்குத் தாரை வார்க்கக்கூடிய சூழல் உருவாகும். வீரிய விதைகளும் மரபணு மாற்றம் செய்யப்பட்ட விதைகளும் நம் மீது திணிக்கப்படும். விதைகள் மற்றும் பூச்சிக்கொல்லிகளின் விலை அதிகரிக்கும். பன்னாட்டு நிறுவனங்கள் தயாரிக்கும் ரசாயன உரங்கள் முன்னிறுத்தப்படும். இதோடு சிறு வணிகம் பெரிதாகப் பாதிக்கப்படும்.

இந்த ஒப்பந்தத்தால் நமக்கென்ன பாதிப்பு என நகரவாசிகள் பேசாமல் இருந்துவிட முடியாது. ஏனெனில், இந்த ஒப்பந்தம் அனைத்துத் தரப்பினரையுமே பாதிப்புக்குள்ளாக்கும். நமது நாட்டின் விவசாயம், அண்மைப் பொருளாதாரம், ஊரக வாழ்வாதாரங்கள், நுகர்வோர், நல்ல சந்தைகள் என அனைத்துத் தரப்புக்கும் ஊறு விளையும்.

இதுபோன்ற ஜனநாயக விரோதமான ஒப்பந்தங்களின் கொடிய விளைவுகளைப் பற்றிப் பொதுத்தளங்களில் விவாதிக்க வேண்டும். ஊடகங்கள் இதுகுறித்து எழுத வேண்டும். பிரதமருக்கும் வர்த்தக அமைச்சருக்கும் ஆட்சேபனைகளைத் தெரிவிக்க வேண்டும். விவசாயத் தலைவர்களும், விவசாயச் சங்கங்களும், வணிகர் சங்கங்களும் போராட்டத்தில் இறங்க வேண்டும். நம் மாநில அரசு இதற்கு எதிர்ப்பு தெரிவிக்கும் வகையில், நாம் அழுத்தம் கொடுக்க வேண்டும். அப்போதுதான், இதுபோன்ற கேடுகளிலிருந்து நம்மை நாமே பாதுகாத்துக் கொள்ள முடியும். ஏற்கெனவே ஆர்.சி.ஏ.பி ஒப்பந்தத்தை எதிர்த்து மத்திய அரசுக்குக் கேரள மாநில அரசு கடிதம் எழுதியுள்ளது குறிப்பிடத்தக்கது.
   
- விரிவடையும்