Published:Updated:

குறுவை சிறப்புத் தொகுப்புத் திட்டம்... பலனளிக்குமா விவசாயிகளுக்கு?

குறுவை சிறப்புத் தொகுப்புத் திட்டம்...  பலனளிக்குமா விவசாயிகளுக்கு?
பிரீமியம் ஸ்டோரி
குறுவை சிறப்புத் தொகுப்புத் திட்டம்... பலனளிக்குமா விவசாயிகளுக்கு?

அலசல் கு.ராமகிருஷ்ணன் - படம்: க.தனசேகரன்

குறுவை சிறப்புத் தொகுப்புத் திட்டம்... பலனளிக்குமா விவசாயிகளுக்கு?

அலசல் கு.ராமகிருஷ்ணன் - படம்: க.தனசேகரன்

Published:Updated:
குறுவை சிறப்புத் தொகுப்புத் திட்டம்...  பலனளிக்குமா விவசாயிகளுக்கு?
பிரீமியம் ஸ்டோரி
குறுவை சிறப்புத் தொகுப்புத் திட்டம்... பலனளிக்குமா விவசாயிகளுக்கு?

ந்த ஆண்டும்  மேட்டூர் அணையிலிருந்து குறுவைச் சாகுபடிக்குத் தண்ணீர் திறக்க முடியவில்லை. இதனால் நிலத்தடி நீரைப் பயன்படுத்திக் குறுவைச் சாகுபடி செய்யும் விவசாயிகளுக்காக 56 கோடியே 92 லட்சம் ரூபாய் நிதி ஒதுக்கி ‘குறுவை சிறப்புத் தொகுப்புத் திட்டத்தை’ அறிவித்துள்ளார் தமிழக முதல்வர் எடப்பாடி பழனிசாமி.

இத்திட்டம் குறித்து டெல்டா பகுதி விவசாயச் சங்கப் பிரதிநிகள் பகிர்ந்துகொண்ட கருத்துகள் இங்கே...

குறுவை சிறப்புத் தொகுப்புத் திட்டம்...  பலனளிக்குமா விவசாயிகளுக்கு?

இளங்கீரன், காவிரி டெல்டா பாசன விவசாயச் சங்கங்களின் கூட்டமைப்பின் தலைவர்: “இது ஆக்கபூர்வமான திட்டமல்ல. காவிரி நீரைப் பெற்றுத் தர முடியாத தமிழக முதல்வர் எடப்பாடி பழனிசாமி கண்துடைப்புக்காகவே இந்தத் திட்டத்தை அறிவித்துள்ளார். இதனால் ஆளுங்கட்சிக்காரர்களும் ஒரு சில விவசாயச் சங்கத் தலைவர்களும்தான் பலன் அடைவார்கள். உண்மையான விவசாயிகளுக்குப் பலன் கிடைக்காது. மக்கள் வரிப்பணம்தான் விரயம் ஆகும். இந்தப் பணத்தைக் கொண்டு தடுப்பணைகள் கட்டலாம். ஏரி, குளங்களை உருவாக்கலாம். சமுதாயப் போர்வெல்கள் அமைத்து, அந்தந்தப் பகுதிகளில் உள்ள ஆயிரக்கணக்கான சிறு குறு விவசாயிகளுக்குப் பாசன வசதி செய்து கொடுக்கலாம். தமிழக ஆட்சியாளர்களுக்கு விவசாயிகள் நலனில் உண்மையான அக்கறை இருந்தால் நீண்டகாலத் தீர்வுக்கான திட்டங்களில் கவனம் செலுத்துவார்கள். ஆந்திர அரசு 2,600 கோடி ரூபாய் செலவில் கால்வாய்களை வெட்டி, முதன்மையான ஆறுகளுடன் இணைக்கும் பணிகளைத் துரிதமாகச் செய்து வருகிறது. இதனால் மழைக் காலங்களில் வெள்ளநீரை முழுமையாக விவசாயிகள் பயன்படுத்த முடியும். தமிழக அரசும் அதுபோல ஆக்கபூர்வமான திட்டங்களை நிறைவேற்ற வேண்டும்.”

‘புலியூர்’ நாகராஜன், தமிழ் மாநில காங்கிரஸ் விவசாயிகள் அணிச் செயலாளர்: “இந்தத் திட்டத்தின் கீழ் பசுந்தாள் விதைகள் கொடுப்பது வரவேற்கத்தக்கது. ஆனால், இதன் மூலம் அனைத்து விவசாயிகளுக்கும் பலன் கிடைக்குமா என்பது சந்தேகம்தான். நேர்மையான முறையில் இத்திட்டத்தைச் செயல்படுத்த வேண்டும்.

குறுவை சிறப்புத் தொகுப்புத் திட்டம்...  பலனளிக்குமா விவசாயிகளுக்கு?

இத்திட்டத்தின் கீழ் மும்முனை மின்சாரம் 12 மணி நேரம் வழங்கப்படும் என அறிவிக்கப்பட்டுள்ளது. தமிழகத்தில் கிட்டத்தட்ட மூன்று லட்சம் விவசாயிகள் இலவச மின் இணைப்புக்காகவும் சுயநிதி திட்ட மின் இணைப்புக்காகவும் ஆண்டுக்கணக்கில் காத்துக்கிடக்கிறார்கள். அவர்களுக்கு மின் இணைப்பு கிடைக்க வழிவகை செய்ய வேண்டியது அவசியமான பணி. மின் இணைப்பே இல்லாமல் 12 மணி நேரம் மும்முனை மின்சாரம் வழங்கி என்ன பயன்? விவசாயிகளுக்கு முழுமையான பலன் கொடுக்காத குறுவைத் தொகுப்புத் திட்டத்துக்குச் செலவு செய்யும் நிதியை விவசாய மின் இணைப்புத் திட்டங்களுக்குப் பயன்படுத்தலாம்.”

சுகுமாறன், தஞ்சை மாவட்டக் காவிரி விவசாயிகள் பாதுகாப்பு சங்கத் துணைச் செயலாளர்: “டெல்டா மாவட்டங்களில் ஒரு லட்சத்து 32 ஆயிரம் ஏக்கர் நிலத்தில் பயறு வகைச் சாகுபடி மேற்கொள்ளப்படவுள்ளது.  விதை மற்றும் உரத்துக்காக ஏக்கருக்கு 1,600 ரூபாய் வழங்கப்படும் என்று அறிவிக்கப்பட்டுள்ளது. காவிரி டெல்டா மாவட்டங்களில் தற்போதைய பருவத்தில் பயறு சாகுபடி செய்ய முடியாது. இப்பகுதி விவசாயிகளிடம் கருத்து கேட்காமல், ஏசி ரூமில் உட்கார்ந்து கொண்டு அதிகாரிகளும் அமைச்சர்களுமே பேசி, இதுபோன்ற வெற்றுத்திட்டங்களை அறிவிப்பது தொடர்ந்துகொண்டே இருக்கிறது. போர்வெல் மூலம் குறுவைச் சாகுபடி செய்யும் விவசாயிகளுக்கு இயந்திர நடவு, உயிர் உரங்கள், நுண்ணூட்ட உரங்களுக்கு மானியம் வழங்கப்படும் என இத்திட்டத்தில் அறிவிக்கப்பட்டுள்ளது. ஆனால், மின் இணைப்பு அட்டை வைத்திருக்கும் விவசாயிகளுக்கு மட்டும்தான் இந்தச் சலுகைகள் வழங்கப்படுகின்றன. டீசல் மோட்டார் வைத்திருக்கும் போர்வெல் விவசாயிகள் இந்தச் சலுகைகளைப் பெற முடியாது. காவிரி டெல்டா மாவட்டங்களில் பெரும்பான்மையாக உள்ள சிறு, குறு விவசாயிகளுக்கு, இத்திட்டத்தால் பலன் இல்லை என்பதுதான் உண்மை” என்றார் வேதனையுடன்.