Published:Updated:

கடன் மறுசீரமைப்பு... விவசாயிகளுக்குப் பலன் தருமா?

கடன் மறுசீரமைப்பு... விவசாயிகளுக்குப் பலன் தருமா?
பிரீமியம் ஸ்டோரி
கடன் மறுசீரமைப்பு... விவசாயிகளுக்குப் பலன் தருமா?

பிரச்னைக.சரவணன்

கடன் மறுசீரமைப்பு... விவசாயிகளுக்குப் பலன் தருமா?

பிரச்னைக.சரவணன்

Published:Updated:
கடன் மறுசீரமைப்பு... விவசாயிகளுக்குப் பலன் தருமா?
பிரீமியம் ஸ்டோரி
கடன் மறுசீரமைப்பு... விவசாயிகளுக்குப் பலன் தருமா?

2016-ம் ஆண்டிலிருந்து கடுமையான வறட்சியில் சிக்கித் தவித்துக்கொண்டிருக்கிறது தமிழ்நாடு. இது கிட்டத்தட்ட 140 ஆண்டுகளுக்குப்பிறகு ஏற்பட்டுள்ள வறட்சி என்கிறார்கள் சுற்றுச்சூழல் ஆய்வாளர்கள். இந்த வறட்சி நூற்றுக்கணக்கான விவசாயிகளைக் காவு வாங்கியிருக்கிறது. மாண்டுபோன விவசாயிகள் அத்தனை பேருமே வங்கிகள் மற்றும் தனியார் நிறுவனங்களிடம் கடன் வாங்கி விவசாயம் மேற்கொண்டவர்கள்.

கடன் கொடுத்த வங்கிகள் மற்றும் தனியார் நிறுவனங்கள் கடனைக்கேட்டு நெருக்கடி கொடுக்க ஆரம்பிக்கவும் செய்வதறியாது தற்கொலை முடிவைத்தேடியிருக்கிறார்கள் விவசாயிகள்.  இத்தகைய கொடூர விளைவுகள் ஏற்பட்ட பிறகும் கடனைக்கேட்டு விவசாயிகளை மிரட்டுவதை வங்கிகள் நிறுத்தியபாடில்லை. ‘கடன் வாங்கிய விவசாயிகளுக்கு நெருக்கடி கொடுக்கக் கூடாது’ என ரிசர்வ் வங்கி தெளிவாக வழிகாட்டியிருந்தாலும், அவற்றை நடைமுறைப் படுத்துவதில் பல்வேறு குழப்பங்கள் உள்ளன.

கடன் மறுசீரமைப்பு... விவசாயிகளுக்குப் பலன் தருமா?

2015-ம் ஆண்டு வட இந்தியாவில் தென்மேற்குப் பருவமழை பொய்த்துப் போனதைத் தொடர்ந்து பெரும்பாலான மாநிலங்களில் கடுமையான வறட்சி நிலவியது. இதைத் தொடர்ந்து அகில இந்திய அமைப்பான ‘ஸ்வராஜ் அபியான்’ (சுயாட்சி இயக்கம்), வறட்சியால் பாதிக்கப்பட்ட 12 மாநிலங்களில் அந்தந்த மாநில அரசுகள் நிவாரணத் திட்டங்களை அறிவிக்க வேண்டும் என்று சம்பந்தப்பட்ட மாநில அரசுகள்மீதும் மத்திய அரசின்மீதும் உச்ச நீதிமன்றத்தில் வழக்குத் தொடர்ந்தது.  இந்த வழக்கில் ஏற்கெனவே நடைமுறையில் உள்ள சட்டங்களையும் திட்டங்களையும் ஆய்வு செய்த உச்ச நீதிமன்றம்... 2016-ம் ஆண்டு மே மாதம் தேசிய உணவுப் பாதுகாப்புச் சட்டம், மகாத்மா காந்தி தேசிய ஊரக வேலைவாய்ப்புத் திட்டம், பேரிடர் மேலாண்மைச் சட்டம் மற்றும் வறட்சி நிலவும் பகுதிகளுக்கான பிற நிவாரணங்கள் போன்ற பல்வேறு தலைப்புகளில் வரலாற்றுச் சிறப்புமிக்க தீர்ப்பை வழங்கியது. வழக்கின் முக்கியத்துவம் கருதித் தொடர் ஆய்வு செய்யும் வகையில் வழக்கைத் தொடர்ந்து நடத்தவும் நீதிமன்றம் முடிவு செய்தது.

ஆனால், சம்பந்தப்பட்ட மாநில அரசுகள் நீதிமன்றத்தின் தீர்ப்புக்குச் செவிசாய்க்காததால், மாநில அரசுகள்மீது நீதிமன்ற அவமதிப்பு வழக்கைத் தொடர்ந்தது ஸ்வராஜ் அபியான். இவ்வழக்கில் உணவுப் பாதுகாப்பு, வாழ்வாதாரம், நிவாரணம் எனப் பல்வேறு விஷயங்களை ஆராய்ந்த உச்ச நீதிமன்றம், இயற்கைப் பேரிடரால் பாதிக்கப்பட்ட பகுதிகளில் செயல்படுத்தப்படும் விவசாயக் கடன் சம்பந்தப்பட்ட மத்திய ரிசர்வ் வங்கி மற்றும் நபார்டு வங்கி ஆகியவற்றின் சுற்றறிக்கைகளை நடை முறைப்படுத்தச் சொல்லி உத்தரவிட்டது.

இதைத் தொடர்ந்து,  கடந்த ஜூலை 1, 2016-லும் அண்மையில் ஜூலை 3, 2017-லும் மண்டல ஊரக வங்கிகள் (RRB) தவிர்த்து ரிசர்வ்  வங்கியின் அட்டவணையில் உள்ள அனைத்து (தனியார் வங்கிகள், சிறுகடன் வங்கிகள் உள்பட) வணிக வங்கிகளையும் கட்டுப்படுத்தும் ‘இயற்கைப் பேரிடரால் பாதிக்கப்பட்ட பகுதிகளுக்கான நிவாரண நடவடிக்கைகள்’ என்ற வழிகாட்டு நெறிமுறைகளை வெளியிட்டது. அதைச் சம்பந்தப்பட்ட அனைத்து வங்கிகளின் தலைமை நிர்வாகிகளுக்கும் (Chairman/MD/CEO) அனுப்பியுள்ளது. ‘இயற்கைப் பேரிடரால் பாதிக்கப்பட்ட பகுதிகளுக்கான நிவாரண நடவடிக்கைகள்’ என்ற வழிகாட்டு நெறிமுறைகளை ரிசர்வ் வங்கி வெளியிட்டுள்ளது.

கடன் மறுசீரமைப்பு... விவசாயிகளுக்குப் பலன் தருமா?

ஜனவரி 10, 2017 அன்று தமிழகம் வறட்சியால் பாதிக்கப்பட்ட மாநிலமாக அதிகாரபூர்வமாக அறிவிக்கப்பட்ட நிலையில், இந்த நிவாரண நடவடிக்கைகளை மேற்கொள்ளுமாறு, தமிழக வங்கிகளுக்கும் ரிசர்வ் வங்கி ஏற்கெனவே அறிவுறுத்தியுள்ளதுஇதேபோல, இயற்கைப் பேரிடரால் பாதிக்கப்பட்ட பகுதிகளிலுள்ள கூட்டுறவு வங்கிகள் மற்றும் மண்டல ஊரக வங்கிகள் ஆகியவற்றைக் கட்டுப்படுத்தும் நபார்டு வங்கியும் அதன் கட்டுப்பாட்டில் உள்ள வங்கிகளுக்கு வழிகாட்டும் நெறிமுறைகளை அறிவுறுத்தியுள்ளது.

அதிகாரபூர்வமாக வறட்சிப்பகுதி என அறிவிக்கப்பட்ட மூன்று மாதங்களுக்குள் கடன் காலத்தை நீட்டிக்கும் நிவாரண நடவடிக்கைகளை வங்கிகள் முடித்துவிட வேண்டும் என்பதால் தமிழகத்தில் கடந்த ஏப்ரல் 10-ம் தேதியோடு கடன் மறுசீரமைப்பு கெடு முடிவடைந்துவிட்டது. ஆனால்,  மார்ச் 31-ம் தேதி வரை தமிழகத்தின் 17 மாவட்டங்களில் உள்ள விவசாயிகளுக்கு மட்டும்தான் பயிரிழப்பு குறித்த சான்றிதழ்கள் வழங்கப்பட்டிருந்தன. அதனால், கடன் மறுசீரமைப்புக்கான காலக்கெடுவை ஜூலை 10-ம் தேதி வரை நீட்டித்துள்ளது, மத்திய ரிசர்வ் வங்கி. ஆனாலும், இதுவரை விவசாயிகளுக்குச் சாதகமாக எந்தச் சீரமைப்பும் மேற்கொள்ளப்படவில்லை என்பது வேதனையான விஷயம்.

இந்நிலையில் “இவ்விஷயத்தில் தமிழக அரசு உடனடியாகத் தலையிட்டு, இன்னமும் காலக்கெடுவை நீட்டித்துத் தருமாறு மத்திய ரிசர்வ் வங்கியிடம் கோரிக்கை வைக்க வேண்டும். அதோடு விவசாயிகளும் வங்கி அதிகாரிகளும் முழுமையாகத் தெரிந்து கொள்ளும்வகையில் ரிசர்வ் வங்கியின் வழிகாட்டுதல்களைப் பரப்புரை செய்ய வேண்டும். பயிர் இழப்புச் சான்றிதழ் வழங்கும் பணியைத் துரிதப்படுத்தி விவசாயிகள் கடன் மறு சீரமைப்பில் நிவாரணம் பெற உதவ வேண்டும். வறட்சிக் காலத்தில் வங்கிகள் வசூலித்த தொகையை மீண்டும் விவசாயிகளுக்குப் பெற்றுத்தர ஏற்பாடு செய்ய வேண்டும். ஏலம் விடப்பட்ட நகைகள் மீண்டும் உரிய விவசாயிகளுக்குக் கிடைக்க ஏற்பாடு செய்ய வேண்டும்” என்பவைதான் தமிழக விவசாயிகளின் கோரிக்கைகளாக உள்ளன.

சிறுகச் சிறுகச் செத்துக் கொண்டிருக்கும் தமிழக விவசாயிகளின் வயிற்றில் தமிழக அரசு பால்வார்க்கும் என்று நம்பிக்கையுடன் காத்திருப்போம்.    

மத்திய ரிசர்வ் வங்கியின் வழிகாட்டு நெறிமுறைகளின் முக்கிய அம்சங்கள்

 குறுகிய கால உற்பத்திக் கடனில் (பயிர்க்கடன்) அடிப்படைக் கடன் தொகை மற்றும் வட்டித்தொகை இரண்டையும் சேர்த்து நீண்ட காலக்கடனாக மாற்ற வேண்டும். 33% முதல் 50% வரை பயிரிழப்பு இருந்தால் பாதிப்புக்குள்ளான ஆண்டையும் சேர்த்து அதிகபட்சம் இரண்டு ஆண்டுகளுக்கும்; 50% அளவுக்குமேல் பயிரிழப்பு இருந்தால் அதிகபட்சம் ஐந்து ஆண்டுகளுக்கும் கடன் காலம் நீட்டிக்கப்பட வேண்டும். கடன் காலத்தை நீட்டிப்பதற்காகச் சொத்து ஆவணங்கள் மற்றும் ஜாமீன் கேட்கக் கூடாது.

 எந்த வகைக் கடன் மறுசீரமைப்பிலும் குறைந்தபட்சம் ஓர் ஆண்டு வரை, அதாவது பாதிக்கப்பட்ட ஆண்டில் எந்த வகையிலும் கடனையோ வட்டியையோ வசூலிக்கக் கூடாது.

 நீண்டகால விவசாயக் கடனாக இருக்கும் பட்சத்தில் பயிரிழப்பு ஏற்பட்டுள்ளதா அல்லது நிலங்களுக்கும் உபகரணங்களுக்கும் பாதிப்பு ஏற்பட்டுள்ளதா என்பதைக் கண்டறிய வேண்டும். பாதிப்பின் அளவைப் பொறுத்து ஓர் ஆண்டு முதல் ஐந்து ஆண்டுகள் வரை கடன் காலத்தை நீட்டிக்க வேண்டும். கடந்த காலங்களில் நீண்டகாலக் கடன்களை வேண்டுமென்றே கட்டாமல் விட்ட விவசாயிகளுக்கு இந்தக் கடன் மறுசீரமைப்புப் பொருந்தாது.

 எந்த வகைக் கடனாக இருந்தாலும் பாதிக்கப்பட்ட காலகட்டத்தில் தண்டனை வட்டி விதிப்பதோ கூட்டுவட்டி விதிப்பதோ கூடாது. ஏற்கனவே இப்படி வசூலித்திருந்தால் அப்பணத்தைச் சம்பந்தப்பட்டவர்களுக்குத் திரும்பத்தந்துவிட வேண்டும்.

 கடன் மறுசீரமைப்புகளுக்குப்பிறகு வேளாண் மற்றும் வேளாண் சார்ந்த தொழில்களுக்குப் புதிய நீண்டகாலக் கடன்களை வழங்க வேண்டும்.

மத்திய ரிசர்வ் வங்கியின் வழிகாட்டு நெறிமுறைகளின் முக்கிய அம்சங்கள்

 குறுகிய கால உற்பத்திக் கடனில் (பயிர்க்கடன்) அடிப்படைக் கடன் தொகை மற்றும் வட்டித்தொகை இரண்டையும் சேர்த்து நீண்ட காலக்கடனாக மாற்ற வேண்டும். 33% முதல் 50% வரை பயிரிழப்பு இருந்தால் பாதிப்புக்குள்ளான ஆண்டையும் சேர்த்து அதிகபட்சம் இரண்டு ஆண்டுகளுக்கும்; 50% அளவுக்குமேல் பயிரிழப்பு இருந்தால் அதிகபட்சம் ஐந்து ஆண்டுகளுக்கும் கடன் காலம் நீட்டிக்கப்பட வேண்டும். கடன் காலத்தை நீட்டிப்பதற்காகச் சொத்து ஆவணங்கள் மற்றும் ஜாமீன் கேட்கக் கூடாது.

 எந்த வகைக் கடன் மறுசீரமைப்பிலும் குறைந்தபட்சம் ஓர் ஆண்டு வரை, அதாவது பாதிக்கப்பட்ட ஆண்டில் எந்த வகையிலும் கடனையோ வட்டியையோ வசூலிக்கக் கூடாது.

 நீண்டகால விவசாயக் கடனாக இருக்கும் பட்சத்தில் பயிரிழப்பு ஏற்பட்டுள்ளதா அல்லது நிலங்களுக்கும் உபகரணங்களுக்கும் பாதிப்பு ஏற்பட்டுள்ளதா என்பதைக் கண்டறிய வேண்டும். பாதிப்பின் அளவைப் பொறுத்து ஓர் ஆண்டு முதல் ஐந்து ஆண்டுகள் வரை கடன் காலத்தை நீட்டிக்க வேண்டும். கடந்த காலங்களில் நீண்டகாலக் கடன்களை வேண்டுமென்றே கட்டாமல் விட்ட விவசாயிகளுக்கு இந்தக் கடன் மறுசீரமைப்புப் பொருந்தாது.

 எந்த வகைக் கடனாக இருந்தாலும் பாதிக்கப்பட்ட காலகட்டத்தில் தண்டனை வட்டி விதிப்பதோ கூட்டுவட்டி விதிப்பதோ கூடாது. ஏற்கனவே இப்படி வசூலித்திருந்தால் அப்பணத்தைச் சம்பந்தப்பட்டவர்களுக்குத் திரும்பத்தந்துவிட வேண்டும்.

 கடன் மறுசீரமைப்புகளுக்குப்பிறகு வேளாண் மற்றும் வேளாண் சார்ந்த தொழில்களுக்குப் புதிய நீண்டகாலக் கடன்களை வழங்க வேண்டும்.

தமிழகத்துக்கும் நிவாரணம் வேண்டும்

நடப்பு ஆண்டு ஏப்ரல் 17-ம் தேதி அன்று, தமிழ்நாடு மாநிலத்தையும் வழக்கில் இணைத்து, ‘தமிழ்நாட்டுக்கும் நிவாரணத் திட்டங்கள் அறிவிக்க வேண்டும்’ என உச்ச நீதிமன்றத்திடம் முறையிட்டது ஸ்வராஜ் அபியான். அதற்காக, ஸ்வராஜ் அபியான் அமைப்பின் தலைவர் பேராசிரியர் யோகேந்திர யாதவ் தலைமையில் ஒரு குழுவினர் தமிழகத்தில் வறட்சியால் பாதிக்கப்பட்ட பகுதிகளை நேரடியாக ஆய்வு செய்துள்ளனர்.

ரிசர்வ் வங்கி வெளியிட்டுள்ள வழிகாட்டு நெறிமுறைகளைப் பற்றி தெரிந்துகொள்ள பின்வரும்  இணையதள இணைப்புக்குச் செல்லவும்.

https://rbidocs.rbi.org.in/rdocs/notification/PDFs/55MD0A0C769D62074BCEAEC6F40FD8356870.PDF

அணாவாரிச் சான்றிதழ்!

பேச்சு வழக்கில், ‘அன்னவாரிச் சான்றிதழ்’ என்றழைக்கப்படும் அணாவாரிச் சான்றிதழ், பொதுவாக பயிரிழப்பு குறித்த அரசின் அறிக்கையாகும். சில மாநிலங்களில் ‘பைசாவாரி’ என்றும் ‘கிர்தாவாரி’ என்றும் அழைக்கப்படும் அணாவாரிச் சான்றிதழ், ஒரு குறிப்பிட்ட மாவட்டத்தில் பாதிப்புக்குள்ளான பயிர்கள், ஏற்பட்ட பயிரிழப்பின் சதவீதம் ஆகியவற்றைப் பற்றி அதிகாரபூர்வமான தகவல்களைத் தருகிறது. சில மாநிலங்களில் பயிர்களை அறுவடை செய்து பார்த்தும் சில மாநிலங்களில் பயிர்களை நேரடியாகப் பார்வையிட்டும் இழப்பின் மதிப்பு கணக்கிடப்படுகிறது. பொதுவாக 33% அல்லது அதற்குமேல் பயிரிழப்பு இருந்தால் மட்டுமே பல்வேறு நிவாரணங்களை விவசாயிகள் பெறமுடியும். அதுவும் குறிப்பிட்ட மாவட்ட நிர்வாகம் அணாவாரிச் சான்றிதழை வெளியிட்டிருந்தால்தான் விவசாயிகள் நிவாரணத்திற்காக வங்கிகளை அணுக முடியும்.

‘‘தெரியாது எனச் சொல்வது சரியில்லை!”

மாநில அளவிலான வங்கிகள் குழுவில் இடம்பெற்றுள்ள வங்கி மேலாளர் ஒருவரிடம் இந்தப் பிரச்னை குறித்துப்பேசினோம். “அணாவாரிச் சான்றிதழை 31.03.2017 வரை 17 மாவட்டங்கள் மட்டுமே வழங்கியிருந்தன. அதனால்தான் ரிசர்வ் வங்கியின் காலக்கெடுவை 10.07.2017 வரை நீட்டித்தது. ஆனால், எப்போதோ அனைத்து மாவட்டங்களிலும் அணாவாரிச் சான்றிதழ்கள் வழங்கப்பட்டுவிட்டன. அணாவாரிச் சான்றிதழ் வழங்கியபிறகு, பாதிக்கப்பட்ட விவசாயிகள் சம்பந்தப்பட்ட வங்கிகளுக்குச் சென்று கடன் மறுசீரமைப்பிற்கான வழிமுறைகளைப் பின்பற்ற வேண்டும். கடன் மறுசீரமைப்பிற்குக் கடைசி நாள் 10.07.2017 தான். தவிர அனைத்து மாவட்ட முன்னோடி வங்கிகளுக்கும், ரிசர்வ் வங்கி வழிகாட்டுதல் அனுப்பப்பட்டுள்ளது. எனவே, அவர்களுக்குத் தெரியாது எனச் சொல்வது சரியில்லை” என்றார்.