Published:Updated:

பிறந்த நாள் பரிசாக ஆடு... களிப்பில் ஆழ்ந்த கவிஞர்!

பிறந்த நாள் பரிசாக ஆடு...  களிப்பில் ஆழ்ந்த கவிஞர்!
பிரீமியம் ஸ்டோரி
பிறந்த நாள் பரிசாக ஆடு... களிப்பில் ஆழ்ந்த கவிஞர்!

நாட்டு நடப்பு கு.ராமகிருஷ்ணன்

பிறந்த நாள் பரிசாக ஆடு... களிப்பில் ஆழ்ந்த கவிஞர்!

நாட்டு நடப்பு கு.ராமகிருஷ்ணன்

Published:Updated:
பிறந்த நாள் பரிசாக ஆடு...  களிப்பில் ஆழ்ந்த கவிஞர்!
பிரீமியம் ஸ்டோரி
பிறந்த நாள் பரிசாக ஆடு... களிப்பில் ஆழ்ந்த கவிஞர்!

ம் மூதாதையர்கள் திருமணம் உள்ளிட்ட விழாக்களின்போது ஆடு, மாடு போன்ற கால்நடைகளைச் சீதனமாகவும் அன்பளிப்பாகவும் கொடுக்கும் பழக்கத்தைக் கடைப்பிடித்து வந்தனர். அதற்காக கால்நடைகளையும் வளர்த்து வந்தனர். காலப்போக்கில்  மறைந்துவிட்டாலும், இன்னமும் பல கிராமங்களில் தாய்மாமன் சீராகக் கிடா ஆடு கொடுக்கும் பழக்கம் இருக்கிறது. இப்பழக்கத்தை நினைவுபடுத்தும் விதமாக, கவிஞர் வைரமுத்துவின் பிறந்தநாளன்று அவருக்கு வெள்ளாடு ஒன்றைப் பரிசாக வழங்கி அசத்தியிருக்கிறார் வைரமுத்துவின் நண்பர் செழியன்.

பிறந்த நாள் பரிசாக ஆடு...  களிப்பில் ஆழ்ந்த கவிஞர்!

கடந்த ஜூலை 13-ம் தேதி கொடைக்கானல் மலையடிவாரக் கிராமமான கெங்குவார்பட்டியில் உள்ள ‘கவிஞர் தோட்டம்’ எனும் வைரமுத்துவுக்குச் சொந்தமான தோட்டத்தில் அவரது பிறந்த நாள் விழா கொண்டாடப்பட்டது. புத்தகம், மலர் மாலை... எனப் பலரும் விதவிதமான பரிசுகளைக் கொடுத்துக்கொண்டிருந்த வேளையில் தஞ்சாவூரைச் சேர்ந்த செழியன், அவருக்கு வித்தியாசமாக வெள்ளாடு ஒன்றைப் பரிசாக வழங்கினார்.

இதைக் கொஞ்சமும் எதிர் பார்க்காத வைரமுத்து ஆச்சர்யத்துடன் அந்த வெள்ளாட்டைப் பெற்றுக்  கொண்டார்.

செழியன் வைரமுத்துவின் குடும்ப நண்பர். வெற்றித் தமிழர் பேரவையின் துணைப் பொதுச்செயலாளராகவும் இருக்கிறார். இதுகுறித்துப் பேசிய செழியன், “கவிஞருக்குக் கால்நடைகள்மேல பாசம் அதிகம். நாவல்கள், சினிமா பாடல்கள்ல ஆடு மாடுகளைப் பற்றிக் குறிப்பிட்டு எழுதியிருக்கார். இருபத்தொன்பது வருஷமா கவிஞரோட பிறந்தநாள் அன்னிக்கு நேர்ல போய் அவரை வாழ்த்திட்டிருக்கேன்.

இந்த வருஷம் வித்தியாசமான பிறந்த நாள் பரிசு கொடுக்கலாம்னு முடிவு பண்ணி வெள்ளாட்டைக் கொடுத்தேன். அதை வாங்கிகிட்டுக் கவிஞர் ரொம்பச் சந்தோசப்பட்டு ‘இதை நானே வளர்க்குறேன்’னு சொல்லியிருக்கார்” என்ற செழியன் நிறைவாக,

“இதைக் கேள்விப்பட்டு நிறைய பேர் எனக்குப் போன் பண்ணி பாராட்டுனாங்க. இப்படி நாட்டு ஆடுகளையும் நாட்டு மாடுகளையும் பரிசாகக் கொடுக்குறதைப் பழக்கமாக்கிக்கிட்டா, அந்த இனங்களையும் காப்பாத்த முடியும். நாம உயிரா நேசிக்கிறவங்களுக்கு உயிருள்ள ஒரு ஜீவனைப் பரிசாகக் கொடுக்குறதுல அலாதி ஆனந்தம்தான்” என்றார் நெகிழ்ச்சியாக.

ஒட்டுமொத்த விகடனுக்கும் ஒரே ஷார்ட்கட்!