Published:Updated:

விதை... விழி, எழு... எம் அரசே!

விதை...  விழி, எழு... எம் அரசே!
பிரீமியம் ஸ்டோரி
விதை... விழி, எழு... எம் அரசே!

விதை... விழி, எழு... எம் அரசே!

விதை... விழி, எழு... எம் அரசே!

விதை... விழி, எழு... எம் அரசே!

Published:Updated:
விதை...  விழி, எழு... எம் அரசே!
பிரீமியம் ஸ்டோரி
விதை... விழி, எழு... எம் அரசே!

அனைவருக்கும் பசுமை வணக்கம்!

‘ஆடிப்பட்டம் தேடி விதை’ என்பது முதுமொழி. இதை மனதில்வைத்தே ஆடி மாதம் பிறப்பதற்கு முன்னதாகத் தமிழ்நாட்டில் ‘பாரம்பர்ய விதைத் திருவிழா’க்கள் களைகட்டிக்கொண்டிருக்கின்றன சில ஆண்டுகளாக! இவை, நல் உணவை நேசிக்கும் ஒவ்வொரு ஜீவனும் பெருமையுடன் போற்ற வேண்டிய நிகழ்வுகளே!

நம் முன்னோர் காலத்தில் மாப்பிள்ளைச் சம்பா, மடுமுழுங்கி, குடவாழை, கவுனி, ஆத்தூர் கிச்சிலிச் சம்பா... என ஆயிரக்கணக்கான நெல் ரகங்களும் நூற்றுக்கணக்கான காய்கறி ரகங்களும் புழக்கத்தில் இருந்தன.

‘பசுமைப் புரட்சி’ எனும் மாயாவியை இந்திய மண்ணில் இறக்கிவிட்ட பிறகுதான், மகத்தான விதைகளெல்லாம் விவசாயிகளின் கைகளிலிருந்து காணாமல்போக ஆரம்பித்தது. கிட்டத்தட்ட பாரம்பர்ய விதைகளே இல்லை எனும் நிலை உருவாகிய சூழலில்தான்... மகத்துவம்மிக்க அந்த விதைகளை மீட்டெடுக்கும் முயற்சியாக, பாரம்பர்ய விதைத் திருவிழாக்கள் நடத்தப்படுகின்றன.

ஆந்திரா, கேரளா, கர்நாடகம் போன்ற அண்டை மாநிலங்களில் இப்படிப்பட்ட விதைப் புரட்சி நடந்திருந்தால், அந்த மாநில அரசுகளே கோடி கோடியாகப் பணத்தை ஒதுக்கி விதைத் திருவிழாக்களை நடத்தியிருக்கும். ஆனால், தமிழ்நாட்டில் தன்னார்வ அமைப்பினரும் முன்னோடி இயற்கை விவசாயிகளும்தான் முன்னெடுத்து நடத்திக்கொண்டிருக்கின்றனர்.

இத்தகைய திருவிழாக்கள் மாநிலத் தலைநகரில் நடந்தாலும் சரி, கடைக்கோடி கிராமத்தில் நடந்தாலும் சரி, கூட்டம் அலைமோதுவது மட்டும் வாடிக்கையாக உள்ளது. இது தமிழ்நாட்டில் இயற்கை விவசாயம் வேகமாகப் பரவி வருகிறது என்பதற்கான முரசறிவிப்பே! இதைக் கேட்டாவது தமிழக அரசு விழித்துக்கொண்டு, பாரம்பர்ய விதைப் பாதுகாவலர்களுக்கும் விதை வங்கிகளுக்கும் பக்கபலமாக இருக்க முன்வர வேண்டும்!

- ஆசிரியர்