Published:Updated:

அம்மா உயிர் உரம்... ரூ 5 கோடியில் சோலார் விளக்குப் பொறி...

அம்மா உயிர் உரம்... ரூ 5 கோடியில் சோலார் விளக்குப் பொறி...
பிரீமியம் ஸ்டோரி
அம்மா உயிர் உரம்... ரூ 5 கோடியில் சோலார் விளக்குப் பொறி...

வேளாண் மானியக் கோரிக்கையில் அறிவிப்பு மழை!அறிவிப்புத.ஜெயகுமார்

அம்மா உயிர் உரம்... ரூ 5 கோடியில் சோலார் விளக்குப் பொறி...

வேளாண் மானியக் கோரிக்கையில் அறிவிப்பு மழை!அறிவிப்புத.ஜெயகுமார்

Published:Updated:
அம்மா உயிர் உரம்... ரூ 5 கோடியில் சோலார் விளக்குப் பொறி...
பிரீமியம் ஸ்டோரி
அம்மா உயிர் உரம்... ரூ 5 கோடியில் சோலார் விளக்குப் பொறி...

விவசாயக் கடன் தள்ளுபடி, காவிரியின் குறுக்கே அணை கட்டும் கர்நாடக மாநிலம், கதிராமங்கலம் எரிவாயு பிரச்னை, நெடுவாசல் என்று விவசாயப் பிரச்னைகள் மேலோங்கி இருக்கும் சூழலில், கடந்த ஜூலை 5-ம் தேதி வேளாண் மானியக் கோரிக்கை சட்டசபையில் நடந்தேறியது. அப்போது வேளாண்துறை அமைச்சர் ரா.துரைக்கண்ணு மானியக் கோரிக்கையின்போது சில திட்டங்களை அறிவித்தார். அவர் அறிவித்த திட்டங்களில் முக்கியமானவை இங்கே தொகுக்கப்பட்டுள்ளன.

* இயற்கை வேளாண்மைத் தொழில்நுட்பத்தை விவசாயிகள் பயன்படுத்த வேண்டும் என்ற நோக்கில் 2014-15-ம் ஆண்டுகளில் ‘திரவ உயிர்உரத் திட்டம்’ அறிவிக்கப்பட்டது. அதன்படி ஆண்டுதோறும் 6 லட்சம் லிட்டர் திரவ உயிர்உரம் உற்பத்தி செய்யப்படுகிறது. அதேபோன்று 3 ஆயிரம் மெட்ரிக் டன் உயிர் உரமும் துறைமூலம் விநியோகிக்கப்பட்டு வருகிறது. இத்திட்டம், இனி ‘அம்மா உயிர்உரம்’ என்ற பெயரில் தொடர்ந்து செயல்படுத்தப்படும்.

* நஞ்சில்லா வேளாண்மையின் ஒருபகுதியாகப் பயிர்ச் சாகுபடியில் தீமை செய்யும் பூச்சிகளைக் கவர்ந்து அழிக்கும் வகையில், சூரியசக்தியில் இயங்கும் விளக்குப் பொறிகள் அறிமுகப்படுத்தப்படவுள்ளன. இத்திட்டத்தின்கீழ் 25 ஆயிரம் விளக்குப் பொறிகள் 5 கோடி ரூபாய் செலவில் விவசாயிகளுக்கு வழங்கப்படும். 

அம்மா உயிர் உரம்... ரூ 5 கோடியில் சோலார் விளக்குப் பொறி...

* தமிழ்நாட்டில் 22 அரசு தென்னை நாற்றுப் பண்ணைகள் மூலம் தரமான கன்றுகள் உற்பத்தி செய்து, விவசாயிகளுக்கு வழங்கப்பட்டு வருகின்றன. இந்தப் பண்ணைகளின் உள்கட்டமைப்பு வசதிகளை மேம்படுத்த 1.80 கோடி ஒதுக்கப்பட்டுள்ளது.

* தென்னை மரங்களில் கருந்தலைப்புழு தாக்குதலால் தென்னைச் சாகுபடி பெரியளவில் பாதிப்புக்குள்ளாகிறது. இதற்காகத் தமிழகம் முழுவதும் 18 இடங்களில் தென்னை ஒட்டுண்ணி வளர்ப்பு மையங்கள் செயல்பட்டு வருகின்றன. தற்போது, 2017-18-ம் ஆண்டில் கிருஷ்ணகிரி மாவட்டத்தில் 34 லட்சம் ரூபாய் செலவில் புதிய ஒட்டுண்ணி வளர்ப்பு மையம் அமைக்கப்படும்.

ஒட்டுமொத்த விகடனுக்கும் ஒரே ஷார்ட்கட்!

அம்மா உயிர் உரம்... ரூ 5 கோடியில் சோலார் விளக்குப் பொறி...


* அரசுத் தோட்டக்கலைப் பண்ணைகளைச் செயல்விளக்கப் பண்ணைகளாக மாற்றுவதுடன், இனத் தூய்மையுள்ள தரமான நடவுபொருள்களை உற்பத்தி செய்ய 2017-18-ம் ஆண்டுகளில் ஐந்து அரசுத் தோட்டக்கலைப் பண்ணைகள் 2 கோடியே 67 லட்சம் ரூபாய் செலவில் வலுப்படுத்தப்படும்.

* ஒழுங்குமுறை விற்பனைக் கூடங்களில் விவசாயிகளுக்கு வழங்கப்படும் பொருளீட்டுக் கடன் 2 லட்சம் ரூபாயாக உள்ளது. இனி,

* 3 லட்சம் ரூபாயாக உயர்த்தி வழங்கப்படும். இதேபோன்று வியாபாரிகளுக்கு வழங்கப்படும் பொருளீட்டுக் கடன் 1 லட்சத்திலிருந்து 2 லட்சம் ரூபாயாக உயர்த்தப்படும். ஒழுங்குமுறை விற்பனைக்கூடங்களில் இருப்பு வைக்கப்படும் பொருள்களின் கால அவகாசம் 3 மாதத்திலிருந்து 6 மாதங்களாகவும் உயர்த்தப்படும்.

* விவசாயிகளுக்கும் தொழில் முனைவோர்களுக்குமான வேளாண் சந்தை நிலவரங்கள் மின்னணு நூலகம், தொடுதிரை அமைப்புகள் மூலம் வழங்கப்பட்டு வருகின்றன. கரூர், கிருஷ்ணகிரி, கன்னியாகுமரி, மதுரை, தேனி, திண்டுக்கல், திருச்சி, புதுக்கோட்டை மற்றும் கோயம்புத்தூர் மாவட்ட விவசாயிகள் பயன்பெறும் வகையில் 9 மின்னணு கற்பிக்கும் மையங்கள் 7 கோடியே 34 லட்சம் ரூபாய் செலவில் அமைக்கப்படும்.

* கடலூர் மாவட்டத்தில் உள்ள சேத்தியாத்தோப்பு, ஶ்ரீமுஷ்ணம் ஒழுங்குமுறை விற்பனைக் கூடங்கள் 6.10 ரூபாய் கோடி மதிப்பில் வலுப்படுத்தப்படும். 

அம்மா உயிர் உரம்... ரூ 5 கோடியில் சோலார் விளக்குப் பொறி...

* தமிழகத்தில் உணவுப்பொருள்களைப் பரிசோதனை செய்து வழங்க 30 அக்மார்க் ஆய்வகங்கள் செயல்பட்டு வருகின்றன. இந்த அக்மார்க் ஆய்வகங்களை நவீனப்படுத்த 2017-18-ம் ஆண்டில் 30 அக்மார்க் ஆய்வகங்களுக்கும் அதிநவீன ஆய்வக உபகரணங்கள் 1 கோடியே 20 லட்சம் ரூபாய் மதிப்பீட்டில் வாங்கப்படும்.

* தக்காளியை மதிப்புக்கூட்டி விற்பதற்கும் பதப்படுத்தி விற்பதற்கும் ஏற்றவாறு, நவீன வாகனங்கள் வாங்க 2 கோடி ரூபாய் வழங்கப்படும். இதன் மூலம், கோயம்புத்தூர் மாவட்டத்தில் நாச்சிபாளையம், கிணத்துக்கடவு, கிருஷ்ணகிரி மாவட்டத்தில் ராயக்கோட்டை, பாலக்கோடு மற்றும் சூளகிரி பகுதிகளில் விவசாயிகளின் விளைநிலங்களுக்கு அருகிலேயே இந்த வாகனங்களைக் கொண்டுசென்று, பதப்படுத்தி மதிப்புக்கூட்டும் பொருள்களைத் தயாரிக்க வழிவகை செய்யப்படும்.

* தமிழகத்தில் 42 உழவர் உற்பத்தியாளர் நிறுவனங்கள் செயல்பட்டு வருகின்றன. நடப்பாண்டில் திருவள்ளூர், காஞ்சிபுரம் மாவட்டங்களில் நிலக்கடலை, திருநெல்வேலி மாவட்டத்தில் வாழை மற்றும் தேங்காய், நீலகிரி மாவட்டத்தில் தேயிலை, கன்னியாகுமரி மாவட்டத்தில் வாழை, கரூர் மாவட்டத்தில் சிறுதானியங்கள், ஈரோடு மற்றும் கோவை மாவட்டங்களில் காய்கறிகள், திருப்பூர் மாவட்டத்தில் அங்ககக் காய்கறிகள், வேலூர் மாவட்டத்தில் பயறு வகை மற்றும் காய்கறிகள் எனப் பத்து உழவர் உற்பத்தியாளர் நிறுவனங்களை உருவாக்கிட 4 கோடியே 32 லட்சம் ரூபாய் நிதி செலவிடப்படும்.

* சூரிய உலர்விப்பான்களை விவசாயிகளிடையே பிரபலப்படுத்த 2017-18-ம் ஆண்டில் தஞ்சாவூர் மாவட்டத்தில் பள்ளத்தூர் மற்றும் திருச்சிற்றம்பலம் கிராமத் தென்னை விவசாயிகள் பயன்பெறும் வகையில் 2 சூரிய உலர்விப்பான்கள் வழங்கப்பட உள்ளன. இதேமாதிரி, மஞ்சள் அதிகம் சாகுபடி செய்யப்படும் ஈரோடு மாவட்ட விவசாயிகள் பயன்பெறும் வகையில் கருமாண்டிசெல்லிபாளையம் ஒழுங்குமுறை விற்பனைக் கூடத்தில் 2 சூரிய உலர்விப்பான்களும் மொத்தம் 24 லட்சம் ரூபாய் மதிப்பில் அமைக்கப்படும்.

  * வேளாண் விளைபொருட்களைப் பண்ணையிலேயே மதிப்புக்கூட்டி விற்பனை செய்து நல்ல லாபம் ஈட்ட 2017-18-ம் ஆண்டில் அறுவடைக்குப்பின் செய்நேர்த்திக்கான மேலாண்மை இயந்திரங்கள் மானியத்தில் வழங்கப்படும். விவசாயிகள், சுய உதவிக்குழுக்கள், விவசாய உபயோகிப்பாளர் குழுக்கள், விவசாயக் கூட்டுறவுச் சங்கங்கள், வேளாண் உற்பத்தியாளர் அமைப்புகள் மற்றும் தொழில் முனைவோர்கள் இதில் பயன்பெறலாம். இதற்காக 2 கோடி ரூபாய் ஒதுக்கப்படும். 

அம்மா உயிர் உரம்... ரூ 5 கோடியில் சோலார் விளக்குப் பொறி...

* வேளாண்மைப் பொறியியல் துறைக்கு 54 லட்சம் ரூபாய் மதிப்பில் கணினியுடன் கூடிய நிலத்தடி நீர் ஆய்வுக் கருவிகள் வாங்கப்படும்.

* கோயம்புத்தூர், மதுரை மற்றும் கிள்ளிகுளம் வேளாண் கல்லூரி வளாகங்களில் 5 கோடியே 30 லட்சம் ரூபாய் மதிப்பில் நீரில் கரையும் உர உற்பத்தி மையங்கள் அமைக்கப்படும்.

* ஊட்டச்சத்துகள் நிறைந்ததும், பூச்சி மற்றும் நோய் எதிர்ப்புத்திறன் கொண்டதும், கால நிலை மாறுபாடுகளைத் தாங்கி வளரக்கூடியதுமான சன்னமான நெல் ரகங்கள் உருவாக்கும் திட்டத்துக்கு 2 கோடியே 46 லட்சம் ரூபாய் தமிழ்நாடு வேளாண்மைப் பல்கலைக் கழகத்துக்கு வழங்கப்படும்.

* விவசாயிகளின் தேவைக்கேற்ப வீரிய ஒட்டு ரகங்களை உற்பத்திசெய்து வழங்கவும், வியாபார ரீதியாக ஒட்டுச் செடிகளை உற்பத்தி செய்வதற்கான பயிற்சியைத் தொழில் முனைவோர்களுக்குத் தரவும் தமிழ்நாடு வேளாண்மைப் பல்கலைக்கழகம் மூலம் 2 கோடியே 78 லட்சம் ரூபாய் மதிப்பீட்டில் புதிய திட்டம் ஒன்று செயல்படுத்தப்படும்.

* அங்கக இடுபொருள்கள், உயிர் பூச்சிக்கொல்லி மற்றும் நுண்ணுயிர் இடுபொருள்களின் தர நிர்ணயம் செய்யும் முன்னோடித் திட்டத்துக்கு 1 கோடியே 17 லட்சம் ரூபாய் ஒதுக்கப்படும்.

* மாநிலம் முழுவதும் 33 விதைப் பரிசோதனை நிலையங்கள் இயங்கி வருகின்றன. இப்பரிசோதனை நிலையங்களில் விதைப்பரிசோதனை முடிவுகளைத் துல்லியமாகவும், விரைவாகவும் வழங்கிடும்பொருட்டு 2017-18-ம் ஆண்டில் ஒரு கோடி ரூபாய் மதிப்பில் அனைத்து விதைப் பரிசோதனை நிலையங்களுக்கும் நவீன ஆய்வுக் கருவிகளும் உபகரணங்களும் வாங்கப்படும்.