Published:Updated:

“எங்களால் மாணவர்களுக்கு பாடம்தான் நடத்த முடியும்”

“எங்களால் மாணவர்களுக்கு பாடம்தான் நடத்த முடியும்”
பிரீமியம் ஸ்டோரி
News
“எங்களால் மாணவர்களுக்கு பாடம்தான் நடத்த முடியும்”

வேளாண் பல்கலைக்கழகத் துணைவேந்தர் கவலை!கூட்டம்த.ஜெயகுமார் - படங்கள்: சி.சுரேஷ்குமார்

‘பயோவெர்சிட்டி இன்டர்நேஷனல்’ மற்றும் ‘கிரீன் காஸ் பவுண்டேஷன்’ ஆகிய அமைப்புகள் இணைந்து கடந்த ஜுலை 30-ம் தேதி, காஞ்சிபுரம் மாவட்டம், மதுராந்தகம் அடுத்த மொறப்பாக்கம் கிராமத்தில் சுற்று வட்டார விவசாயிகளை ஒருங்கிணைத்து ‘விதைகளின் தேவை’ என்ற தலைப்பில் ஒரு கருத்தரங்கை நடத்தின.  

“எங்களால் மாணவர்களுக்கு பாடம்தான் நடத்த முடியும்”

கருத்தரங்கில் பேசிய தமிழ்நாடு வேளாண் பல்கலைக்கழகத் துணைவேந்தர் முனைவர். கே.ராமசாமி, “அந்தக்காலத்தில் வயலில் விளைந்தவையெல்லாம் வீட்டுக்குத்தான் செல்லும். வீட்டிலிருக்கும் பெண்கள்தான், பாங்கோடு பட்டறைபோட்டு விதைகளைச் சேமித்து வைப்பார்கள். தேவைப்படும்போது எடுத்துப் பயன்படுத்துவார்கள். ஆனால், இப்போது மழை பெய்தவுடன் விதை வாங்க உரக்கடைக்குத்தான் விவசாயிகள் செல்கிறார்கள். கடைக்காரர் கொடுக்கும் விதையைத்தான் வாங்கி வந்து விதைக்கிறார்கள். இந்த நிலை மாற வேண்டும். விவசாயிகளே விதைகளைச் சேமித்து வைக்க வேண்டியது அவசியம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
“எங்களால் மாணவர்களுக்கு பாடம்தான் நடத்த முடியும்”



இன்றைக்கு உழவுத் தொழில் என்ன நிலையிலிருக்கிறது என்பது அனைவருக்கும் தெரியும். வயலிலேயே விளைஞ்சதை வித்துட்டு வெறுங்கையோடு விவசாயி வீட்டுக்குப் போகிறார். இதற்குக் காரணமாக எல்லோரும் பல்கலைக்கழகத்தைக் கைநீட்டுகிறார்கள். ஆனால், செய்யவேண்டியதெல்லாம் விவசாயிகள்தான். எங்களால் மாணவர்களுக்குப் பாடம் சொல்லிக்கொடுத்து அவர்களை வெளியில் அனுப்ப முடியும் அவ்வளவுதான்’’ என்றார் கவலையுடன்.

தொடர்ந்து பேசிய பயோ வெர்சிட்டி இன்டர்நேஷனல் அமைப்பின் இந்தியப் பிரதிநிதி டாக்டர் கிருஷ்ணகுமார், “இப்போது நிறைய பேர் விவசாயத்தைவிட்டு வெளியேறிக்கொண்டே இருக்கிறார்கள். தண்ணீர் இல்லை, மண் வளம் குறைந்துவிட்டது, விளைவிக்கும் பொருளுக்குச் சரியான விலை இல்லை, பருவமழையும் கிடைப்பதில்லை என்று விவசாயம் குறைந்து வருவதற்குக் காரணங்களைச் சொல்லிக் கொண்டே போகலாம். இந்தமாதிரிப் பிரச்னைகள் அந்தக் காலத்திலும் இருக்கத்தான் செய்தன. ஆனால், அவற்றைக் கண்டு பயப்படாமல் எதிர்கொண்டனர் நம் முன்னோர். மண்புழு, தேனீ, பட்டாம்பூச்சிகள், பறவைகள், விலங்குகள் என எல்லாவற்றுக்கும் வாழ்வளித்ததால்தான் தொடர்ந்து அவர்களால் விவசாயத்தில் இருக்க முடிந்தது.

இந்தப் பன்முகத்தன்மைதான் விவசாயத்தை நிலைநிறுத்தும். விவசாயத்தில் விவசாயிகளைத் தொடர்ந்து நிலைநிறுத்துவதற்கான வேலைகளைத்தான் எங்கள் அமைப்பின் மூலம் செய்து வருகிறோம்.

ஏற்கெனவே மத்தியப் பிரதேசம், ராஜஸ்தான், காஷ்மீர் போன்ற மாநிலங்களில் எங்கள் திட்டங்களைச் செயல்படுத்தி வருகிறோம். தென்னிந்தியாவில் தற்போதுதான் ஆரம்பித்திருக்கிறோம்” என்றார். நிகழ்ச்சியில் ‘நெல்’ ஜெயராமன் உள்ளிட்ட முன்னோடி விவசாயிகளும் அரசு அலுவலர்களும் கலந்துகொண்டனர்.