Published:Updated:

இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14

இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14
பிரீமியம் ஸ்டோரி
இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14

சின்னச் சின்ன நுண்ணுயிர்கள் பெரிய பெரிய லாபம்!இடுபொருள்முனைவர் அ.உதயகுமார் - தொகுப்பு: ரா.கு.கனல்அரசு

இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14

சின்னச் சின்ன நுண்ணுயிர்கள் பெரிய பெரிய லாபம்!இடுபொருள்முனைவர் அ.உதயகுமார் - தொகுப்பு: ரா.கு.கனல்அரசு

Published:Updated:
இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14
பிரீமியம் ஸ்டோரி
இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14

ந்த உலகம், மனிதர்களுக்கு மட்டுமானதல்ல; கண்ணுக்குத் தெரியாத நுண்ணுயிர்கள் உள்படக் கோடிக்கணக்கான உயிர்களுக்கும் உறைவிடம். நாங்கள் தான், உலகை ஆட்டி வைத்துக்கொண்டிருக்கிறோம் என எண்ணிக்கொண்டிருக்கிறான் மனிதன். ஆனால், உண்மையில் உலகை ஆட்டிவைப்பவை பூச்சிகளும் கண்ணுக்குத் தெரியாத நுண்ணுயிர்களும்தாம். நுண்ணுயிர்கள் என்றாலே மனிதனுக்கு எதிரானவை என்ற பொதுவான எண்ணம் உண்டு.

உண்மையில் அப்படியில்லை. தன்னுடைய அனைத்துப் படைப்பிலும் இரண்டு வாசல்களை வைத்தே இருக்கிறது இயற்கை. ஒரு வாசலை அடைத்தால், இன்னொரு வாசலைத் திறக்கும். அதன்படி, தீமை செய்யும் நுண்ணுயிர்களைக் கட்டுப்படுத்த, சில நன்மை செய்யும் நுண்ணுயிர்களையும் படைத்துள்ளது. அப்படிப்பட்ட நுண்ணுயிர்களைப் பற்றிய புரிதலே இந்தத் தொடர்.   

இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14

இயற்கை விவசாயம் மற்றும் சுற்றுச்சூழல் பாதுகாப்பில் இ.எம் (Effective Micro Organisms) ஆற்றும் அற்புதமான பணிகளைப் பார்த்திருக்கிறோம். தொடர்ந்து இ.எம் பயன்படுத்திச் சில பயிர் வளர்ச்சி ஊக்கிகள், பூச்சிவிரட்டிகள் ஆகியவற்றைத் தயாரிக்கும் முறைகளைப் பார்ப்போம்.

இ.எம்-5

இ.எம் உள்ளிட்ட ஐந்து விதமான பொருள்களுடன் தயாரிக்கப்படும் இந்த ‘இ.எம்-5’ அருமையான பூச்சிவிரட்டியாகப் பயன்படுகிறது. மூலிகைப் பூச்சிவிரட்டி தயாரிக்க இலை தழைகளைத் தேடி அலைய முடியாது எனக் கவலைப்படுபவர்களுக்கான வரப்பிரசாதம்தான் இ.எம்-5 பூச்சிவிரட்டி.

100 மில்லி இ.எம் தாய்த் திரவம், 100 மில்லி மொலாசஸ் அல்லது வெல்லக் கரைசல், 100 மில்லி ஸ்பிரிட் அல்லது விஸ்கி, 100 கிராம் இயற்கை வினிகர், 600 மில்லி குளோரின் கலக்காத தண்ணீர் ஆகிய ஐந்து பொருள்கள்தான் இ.எம்-5 தயாரிப்பதற்கான மூலப்பொருள்கள்.

சுத்தமான பாட்டிலில் தண்ணீரை ஊற்றி, அடுத்ததாக ஸ்பிரிட்டை ஊற்ற வேண்டும். மூன்றாவதாக வினிகர், நான்காவதாக வெல்லக் கரைசல், ஐந்தாவதாக இ.எம் என வரிசையாக ஊற்றி நன்றாகக் குலுக்கி, காற்று புகாதவாறு பாட்டிலை மூடி வைக்க வேண்டும். தினமும் ஒருமுறை பாட்டிலைத் திறந்து, மூடி வைக்க வேண்டும். இப்படிச் செய்துவந்தால் 5 முதல் 7 நாள்களில் வீரியமான இ.எம்-5 பூச்சிவிரட்டி தயாராகிவிடும்.

ஒட்டுமொத்த விகடனுக்கும் ஒரே ஷார்ட்கட்!

இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14



இது மிகவும் வீரியமானது என்பதால், ஒரு லிட்டர் தண்ணீருக்கு ஒரு மில்லி என்ற அளவுக்குத்தான் பயன்படுத்த வேண்டும். அதிகமாகப் பயன்படுத்தினால் பயிர் கருகிவிடும். இதைத் தெளித்துச் சாறு உறிஞ்சும் பூச்சிகளைக் கட்டுப்படுத்தலாம். பூச்சிகள் அதிகம் தென்பட்டால், வாரம் ஒருமுறை தெளிக்கலாம். இந்தக் கரைசலைத் தயாரித்ததிலிருந்து 90 நாள்கள் வரை வைத்திருந்துப் பயன்படுத்தலாம்.

இ.எம் இலை நொதிக்கரைசல் 

இது சிறந்த பயிர்வளர்ச்சி ஊக்கி. ஊட்டச்சத்து டானிக்காகச் செயல்படும். நிலத்திலுள்ள களைகள், இலைகள் ஆகியவற்றைப் பயன்படுத்தி இதைத் தயாரிக்கலாம். காலை வேளையில் நிலத்திலுள்ள களைச்செடிகள், இலைகள் ஆகியவற்றைப் பறித்து வைத்துக்கொள்ள வேண்டும். 25 லிட்டர் பிளாஸ்டிக் கேனில் 15 கிலோ அளவு இலை தழைகளைப் போட்டு, அதில் 100 மில்லி இ.எம் தாய்த் திரவம், 100 மில்லி வெல்லக் கரைசல் ஆகியவற்றை ஊற்றி, இலைகள் மூழ்கும் வரை தண்ணீர் சேர்க்க வேண்டும்.

பிறகு காற்று புகாதவாறு மூடி வைத்து, தினமும் ஒருமுறை திறந்து மூட வேண்டும். ஏழு நாள்கள் இப்படி வைத்திருந்தால், இலைகள் நொதித்துக் கரைசல் தயாராகிவிடும். ஊறுகாய் போன்று நல்ல வாசனை இருக்கும். இதை வடிகட்டி மூன்று மாதங்கள் வரை சேமித்து வைக்கலாம். இந்தக் கரைசலை ஒரு லிட்டர் தண்ணீருக்கு ஒரு மில்லி என்ற அளவில் கலந்து பயிர்களுக்கு இலைவழி ஊட்டமாகத் தெளிக்கலாம்.

இ.எம் பொக்காஷி

இதுவும் பயிருக்குச் சிறந்த ஊட்டம் அளிக்கக் கூடியது. இதைக் காற்றில்லா முறை, காற்றோட்டமான முறை என இரண்டு முறைகளில் தயாரிக்கலாம். ஆனால், காற்றோட்டமில்லாத முறையில் தயாரிக்கப்படும் பொக்காஷிதான் சிறப்பான பலனைக் கொடுக்கும். 25 கிலோ தவிடு, 25 கிலோ நெல் சாம்பல், 25 கிலோ பிண்ணாக்கு, 25 கிலோ சுத்தமான கோழி எரு ஆகியவற்றை எடுத்துக்கொள்ள வேண்டும். தவிட்டுக்குப் பதிலாகச் சோளமாவு, கோதுமை மாவு ஆகியவற்றையும் பயன்படுத்தலாம். வேப்பம்பிண்ணாக்கு தவிர வேறு எந்தப் பிண்ணாக்கை வேண்டுமானாலும் பயன்படுத்திக் கொள்ளலாம். அதேபோலக் கோழி எருவுக்குப் பதிலாக மாட்டு எருவையும் பயன்படுத்திக் கொள்ளலாம்.   

இயற்கை பூச்சி விரட்டி ‘இ.எம்-5’ - உதவிக்கு வரும் உயிரியல் - 14

ஒரு வாளியில் 5 லிட்டர் தண்ணீர் ஊற்றி, அதில் 100 மில்லி இ.எம் தாய்த் திரவம், 250 மில்லி வெல்லக் கரைசல் ஆகியவற்றைச் சேர்த்துக் கலக்கி, கரைசல் தயாரித்து வைத்துக்கொள்ள வேண்டும்.

தவிடு, சாம்பல், பிண்ணாக்கு, எரு ஆகிய நான்கையும் ஒன்றாகச் சேர்த்து, மேற்சொன்ன கரைசலைக் கொஞ்சம் கொஞ்சமாகச் சேர்த்துப் பிட்டுப் பதம் வரும் வரை பிசைய வேண்டும். கையில் எடுத்து உருண்டையாக உருட்டினால் உடையக் கூடாது. இதுதான் பக்குவம். இந்தப் பதம் வந்த பிறகு, உருண்டைகளை ஒரு டிரம்மில் போட்டுக் காற்று புகாமல் மூடி வைக்க வேண்டும். தரையில் பரப்பி ‘தார்பாலின் ஷீட்’ கொண்டும் மூடி வைக்கலாம். தினமும் ஒருமுறை திறந்து மூடி வர வேண்டும். இப்படிச் செய்து வந்தால், ஏழு நாள்களில் பொக்காஷி தயாராகிவிடும்.

நல்ல பழ வாசனை அடிப்பதை வைத்து, பொக்காஷி தயாராகிவிட்டதைத் தெரிந்துகொள்ளலாம். இதை ஒரு ஏக்கருக்கு 5 கிலோ என்ற அளவில் பயன்படுத்தலாம். 100 கிலோ தொழுவுரத்தில் 5 கிலோ பொக்காஷியைக் கலந்தும் தூவிவிடலாம். பொக்காஷி தயாரிப்பின்போது எருவைச் சேர்க்காமல் தயாரித்தால் அதை மாட்டுத் தீவனமாகவும் பயன்படுத்தலாம்.

- பரவும்

இ.எம் கெட்டுப் போனதை எப்படித் தெரிந்து கொள்வது?

பொ
துவாக இ.எம் மற்றும் இ.எம்-5, பொக்காஷி ஆகிய அனைத்துமே நல்ல வாசனையைக் கொண்டிருந்தால் மட்டுமே பயன்படுத்த வேண்டும்.

நாம் தயாரிக்கும்போதும், நல்ல வாசனை வந்தால்தான் சரியான முறையில் தயாரிக்கப்பட்டிருக்கிறது என்று அர்த்தம். கெட்ட வாசனை வந்தால் அவற்றைப் பயன்படுத்தக் கூடாது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism