Published:Updated:

29 டன் குப்பை... கடற்கரையில் அகற்றம்!

29 டன் குப்பை... கடற்கரையில் அகற்றம்!
பிரீமியம் ஸ்டோரி
News
29 டன் குப்பை... கடற்கரையில் அகற்றம்!

நாட்டு நடப்புஞா.சுதாகர் - படங்கள்: தே.அசோக்குமார்

பூமியின் நிலப்பரப்புக் கழிவுகளால் மாசுபட்டுக் கிடப்பதுபோல, உலகம் முழுவதும் கடல்நீரும் மாசுபட்டுக் கிடக்கிறது. ஆனால், கடல் மாசு குறித்துப்  பெரும்பாலானோர் அறிந்திருப்பதேயில்லை. இந்நிலையில் கடல் மாசுபாடு குறித்து விழிப்பு உணர்வு ஏற்படுத்துவதற்காகவும் கடலில் சேரும் குப்பைகளைக் குறைப்பதற்காகவும் ஆண்டுதோறும் ‘சர்வதேசக் கடற்கரைத் தூய்மை தினம்’ கொண்டாடப்பட்டு வருகிறது.  

29 டன் குப்பை... கடற்கரையில் அகற்றம்!

இந்த ஆண்டு கடந்த செப்டம்பர் 16-ம் தேதி உலகம் முழுவதும் தன்னார்வலர்களும் கடலியல் ஆர்வலர்களும் கடற்கரை மற்றும் நீர்நிலைகளின் கரைகளிலிருக்கும் குப்பைகளை அகற்றும் பணிகளில் ஈடுபட்டனர். கடல் தொடர்பான பணிகள் மற்றும் ஆராய்ச்சிகளில் ஈடுபட்டுவரும் ‘ஓஷன் கன்சர்வன்ஸி’ மற்றும் ‘இந்தியன் மரிடைம் ஃபவுண்டேஷன்’ ஆகிய அமைப்புகள் இணைந்து தென்னிந்தியாவில் குப்பைகளை அகற்றும் பணிகளை மேற்கொண்டன. இதற்கு ‘பசுமை விகடன்’ ஊடக ஆதரவு வழங்கியிருந்தது.  

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
29 டன் குப்பை... கடற்கரையில் அகற்றம்!

தமிழ்நாடு, கேரளா, ஆந்திரா, கர்நாடகா, கோவா மற்றும் புதுச்சேரி ஆகிய மாநிலங்களில் இந்தத் தூய்மைப் பணிகள் நடைபெற்றன. துவக்கவிழா நிகழ்வு சென்னை, எலியட்ஸ் கடற்கரையில் நடைபெற்றது. மைலாப்பூர் தொகுதிச் சட்டமன்ற உறுப்பினரும் முன்னாள் டி.ஜி.பி-யுமான நடராஜன், திரைப்பட நடிகை சுஹாசினி, இந்தியக் கடற்படையில் பணியாற்றி ஓய்வு பெற்றிருக்கும் ‘அட்மிரல்’ சீனிவாசன், ராஜன் வீர் மற்றும் ‘கேப்டன்’ கிருஷ்ணமூர்த்தி ஆகியோர் துவக்க விழா நிகழ்வில் கலந்துகொண்டனர்.

நிகழ்வில் பேசிய கிருஷ்ணமூர்த்தி, “நம்முடைய நீர்நிலைகளுக்கு மிகப் பெரும் அச்சுறுத்தலாகக் குப்பைகள் இருந்து வருகின்றன.  

29 டன் குப்பை... கடற்கரையில் அகற்றம்!

குப்பைகளில் வெறும் 29 சதவிகிதம்தான் மறுசுழற்சி செய்யப்படுகின்றன. மற்றவை முறையாகக் கையாளப்படுவதில்லை. ஆண்டுதோறும் டன் கணக்கில் குப்பைகள் கடலில் கலப்பதால், கடல்வாழ் உயிரினங்கள் பாதிக்கப்படுவது மட்டுமன்றி, கடலின் சூழலும் கெடுகிறது. பிளாஸ்டிக் குப்பைகளால் மட்டுமே ஆண்டுதோறும் லட்சக்கணக்கான கடல் பறவைகள் உயிரிழக்கின்றன” என்றார் வேதனையோடு.  தொடர்ந்து சிறப்புரையாற்றிய நடராஜன், “சென்னையில் ஒவ்வொரு நாளும் சுமார் 3,000 டன் அளவுக்குக் குப்பைகள் சேர்கின்றன. பெரும்பாலான மக்கள், குப்பைத் தொட்டிகளைப் பயன்படுத்துவதே இல்லை.  அதனால்தான் குப்பைகளைக் கையாள்வதில் சிரமங்கள் ஏற்படுகின்றன.

என்னுடைய தொகுதியிலும், குப்பை மிகப்பெரிய பிரச்னையாக இருந்து வருகிறது. மக்களுக்குக் குப்பைகளைக் கையாள்வது குறித்து விழிப்பு உணர்வு அவசியம் தேவை. அதனால், இப்பணியைத் தொடர்ந்து முன்னெடுக்க வேண்டுமென கேட்டுக் கொள்கிறேன்” என்றார்.

மொத்தம் 43 இடங்களில் 278 கிலோமீட்டர் தூரத்துக்கு நடைபெற்ற இந்தத் தூய்மைப் பணியில் மொத்தம் 29 டன் குப்பைகள் அப்புறப்படுத்தப்பட்டன. இதில் 47 சதவிகிதக் குப்பைகள் பிளாஸ்டிக் குப்பைகள் என்பது குறிப்பிடத்தக்கது.