Published:Updated:

காவிரிப் பிரச்னை... அழிச்சாட்டியம் செய்யும் மத்திய அரசு!

காவிரிப் பிரச்னை... அழிச்சாட்டியம் செய்யும் மத்திய அரசு!
பிரீமியம் ஸ்டோரி
News
காவிரிப் பிரச்னை... அழிச்சாட்டியம் செய்யும் மத்திய அரசு!

பிரச்னைகு.ராமகிருஷ்ணன்

ச்ச நீதிமன்றத்தில் நீண்ட நாள்களாக நடைபெற்று வரும் காவிரி நதிநீர் தொடர்பான வழக்கு, கடந்த செப்டம்பர் 19-ம் தேதி விசாரணைக்கு வந்தது. அப்போது, “காவிரி மேலாண்மை வாரியம் அமைக்க உத்தரவிட்டு 6 ஆண்டுகள் ஆகியும் ஏன் இன்னும் அமைக்கவில்லை” எனக் கேட்டு மத்திய அரசுக்கு நீதிபதிகள் கண்டனம் தெரிவித்தார்கள்.  

காவிரிப் பிரச்னை... அழிச்சாட்டியம் செய்யும் மத்திய அரசு!

இதற்கு பதில் அளித்த மத்திய அரசின் வழக்கறிஞர், “காவிரி மேலாண்மை வாரியம் அமைப்பது தொடர்பாக நாடாளுமன்றத்தில் விவாதித்து முடிவு எடுக்கப்படும். இதில் மத்திய அரசுக்கு உச்ச நீதிமன்றம் உத்தரவிட முடியாது. நடுவர் மன்றத்தின் தீர்ப்பைத் திருத்தும் அதிகாரம் நாடாளுமன்றத்துக்குத் தான் உள்ளது” எனத் தெரிவித்துள்ளார். மத்திய அரசு இப்படிப் பதில் சொல்லியிருப்பதற்கு தமிழ்நாட்டில் கடுமையான எதிர்ப்புக் கிளம்பியுள்ளது.

இதுகுறித்து நம்மிடம் பேசிய தென்னிந்திய நதிகள் இணைப்பு விவசாயிகள் சங்கத்தின் தலைவர் அய்யாக்கண்ணு, “மத்திய அரசு அராஜகமான வாதம் செய்துள்ளது. இது இந்திய அரசியலமைப்புச் சட்டத்துக்கு எதிரானது. காவிரி மேலாண்மை வாரியம் அமைக்கத் தொடர்ந்து மறுத்து வருகிறது மத்திய அரசு. தற்போது இதற்கு வெளிப்படையாகவே எதிர்ப்புத் தெரிவித்துள்ளது. இதன்மூலம் காவிரி விவகாரத்தில் மத்திய அரசு தமிழ்நாட்டுக்குத் துரோகம் இழைத்து வருவது வெட்ட வெளிச்சமாகி விட்டது. காவிரி மேலாண்மை வாரியம் அமைத்தால் மட்டும்தான் தமிழ்நாட்டுக்கு உரிய தண்ணீரைப்பெற முடியும்.

‘நர்மதை நடுவர் மன்ற’ தீர்ப்பு வெளியான மூன்றே வாரத்தில் அதற்கான மேலாண்மை வாரியம் அமைக்கப்பட்டது. ‘கிருஷ்ணா மேலாண்மை வாரியம்’ 6 மாதங்களில் அமைக்கப்பட்டது. ஆனால், காவிரி மேலாண்மை வாரியம் அமைக்க மத்திய அரசுக்கு மனம் வரவில்லை.

1892-ம் ஆண்டில் போடப்பட்ட ஒப்பந்தத்தில் கர்நாடகா, ‘காவிரி நீரைப் பயன்படுத்தி 90 ஆயிரம் ஏக்கர் நிலத்தில் மட்டும்தான் சாகுபடி செய்ய வேண்டும்’ எனச் சொல்லப்பட்டது. 1924-ம் ஆண்டு போடப்பட்ட ஒப்பந்தத்தில் சாகுபடிப் பரப்பு 5 லட்சத்து 90 ஆயிரம் ஏக்கர் என்று அதிகரிக்கப்பட்டது. காவிரி நடுவர் மன்ற இறுதித்தீர்ப்பில் 19 லட்சம் ஏக்கர் என்ற அளவில் அதிகரிக்கப்பட்டது.  

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
காவிரிப் பிரச்னை... அழிச்சாட்டியம் செய்யும் மத்திய அரசு!

இதைத்தவிர, கர்நாடக அரசு சட்டவிரோதமாகச் சிறு அணைகள், ஏரிகள், கால்வாய்களை உருவாக்கி, 40 லட்சம் ஏக்கர் பரப்பில் சாகுபடி செய்து வருகிறது. அந்த 40 லட்சம் ஏக்கர் பரப்பில் வெறும் 5 லட்சம் ஏக்கர் பரப்பு மட்டும்தான் வறட்சிப் பகுதி. அதைப் பெரிதாகப் பூதாகரப்படுத்தித் தமிழ்நாட்டுக்கு உரிய தண்ணீரைத் தராமல் ஏமாற்றி வருகிறது கர்நாடக அரசு. தட்டிக் கேட்க வேண்டிய மத்திய அரசும் கர்நாடகாவுக்குச் சாதகமாக நடந்து வருவதுதான் வேதனை” என்றார்.

காவிரி உரிமை மீட்புக்குழு ஒருங்கிணைப்பாளரும் தமிழ்த் தேசியப் பேரியக்கத்தின் தலைவருமான பெ.மணியரசன், “தமிழ்நாட்டுக்கு மாதந்தோறும் தண்ணீர் திறந்துவிட முடியாது. ஆண்டுக்கு ஒருமுறை மட்டும் தண்ணீர் திறந்துவிட உத்தரவிட வேண்டும் எனவும் அந்தத் தண்ணீரின் அளவையும் குறைக்க வேண்டும் எனவும் கர்நாடக வழக்கறிஞர் பாலி நாரிமன், உச்ச நீதிமன்றத்தில் தெரிவித்துள்ளார்.

கர்நாடக அரசின் அடாவடித்தனத்துக்கு ஆதரவாக மத்திய அரசின் வழக்கறிஞர் ரஞ்சித்குமாரும் செயல்படுகிறார். நடுவர்மன்ற இறுதித்தீர்ப்பை நாடாளுமன்றம் ஏற்றுக் கொண்டால்தான், அது செயல்பாட்டுக்கு வரும் எனவும் அதில் திருத்தங்கள், நீக்கங்கள், சேர்க்கைகள் செய்துகொள்ள நாடாளுமன்றத்துக்கு அதிகாரமிருக்கிறது எனவும் கருத்துத் தெரிவித்துள்ளார் ரஞ்சித்குமார். நடுநிலையோடு செயல்பட வேண்டிய நரேந்திரமோடி அரசு, தமிழ்நாட்டுக்கு உரிய நீதியைத் தட்டிப் பறிக்கிறது.

மாநிலங்களுக்கிடையேயான தண்ணீர்த் தகராறு குறித்த சட்டத்தின்படி அமைக்கப்பட்ட நடுவர் மன்ற இறுதித் தீர்ப்பு, மத்திய அரசின் அரசிதழில் வெளியிடப்பட்டுவிட்டால், அது உச்ச நீதிமன்றத்துக்கு நிகரான அதிகாரம் பெற்று விடுகிறது. உச்ச நீதிமன்றத் தீர்ப்பை நாடாளுமன்றத்தில் வைத்து விவாதித்து மாற்றங்கள் செய்ய முடியுமா? அப்படிச் செய்தால் அது அரசியலமைப்புச் சட்டத்துக்கு எதிரானது. அதேபோல்தான் நடுவர் மன்றத் தீர்ப்பும்.

தமிழ்நாட்டின் விவசாயத்தைக் குழிதோண்டிப் புதைத்துவிட்டு மீத்தேன், ஹைட்ரோ கார்பன் போன்ற திட்டங்களை நிறைவேற்றுவதன்மூலம், தமிழ்நாட்டு நிலங்களைப் பன்னாட்டு நிறுவனங்களுக்குத் தாரை வார்க்கத் துடிக்கிறது மத்திய அரசு” என்றார் காட்டமாக.

இதற்கு தமிழக அரசு என்ன நடவடிக்கை எடுக்கப்போகிறது என்பதைப் பொறுத்திருந்துதான் பார்க்க வேண்டும்.