Published:Updated:

இங்கிலாந்து காய்கறிப் போட்டி!

இங்கிலாந்து காய்கறிப் போட்டி!
பிரீமியம் ஸ்டோரி
News
இங்கிலாந்து காய்கறிப் போட்டி!

6 கிலோ வெங்காயம்... 66 கிலோ முட்டைக்கோஸ்...நாட்டு நடப்புஎஸ்.சந்திரமௌலி

ங்கிலாந்து நாட்டில் நூறு ஆண்டுகளுக்குமேல் இயங்கிவரும் ‘வடக்கு இங்கிலாந்து தோட்டக்கலைச் சங்கம்’, வடக்கு யாக்ஷயரில் ஒவ்வொர் ஆண்டும் இரண்டு மலர்க் கண்காட்சிகளை நடத்தி வருகிறது. ஏப்ரல் மாத இறுதியில் ‘வசந்தகால மலர்க் கண்காட்சி’யும், செப்டம்பர் மாத மத்தியில் ‘குளிர்கால மலர்க் கண்காட்சி’யும் நடத்திவருகிறது. 

இங்கிலாந்து காய்கறிப் போட்டி!

இந்த மலர்க் கண்காட்சிகளில் நாடு முழுவதிலுமிருந்து தோட்டக்கலை ஆர்வலர்கள், நர்சரி நிறுவனத்தினர், தோட்ட வடிவமைப்பு நிறுவனத்தினர், விவசாயிகள் என ஏராளமானோர் பங்கேற்பார்கள். இங்கிலாந்து மற்றும் ஐரோப்பிய நாடுகளிலிருந்து ஒரு லட்சத்துக்கும் மேற்பட்டோர் பார்வையாளர்களாக இந்தக் கண்காட்சிக்கு வருகை தருவார்கள்.

1983-ம் ஆண்டிலிருந்து மலர்க் கண்காட்சியில் பல்வேறு போட்டிகள் நடத்தப்பட்டு வருகின்றன. அவற்றுள் பார்வையாளர்களை அதிகம் கவர்வது, காய்கறிப் போட்டிதான். மிக அதிக எடை, அதிக நீளம் என்ற இரண்டு பிரிவுகளில் பரங்கிக்காய், முட்டைக்கோஸ், உருளைக்கிழங்கு, கேரட், வெள்ளரி, பீன்ஸ் போன்ற 13 வகையான காய்கறிகளுக்குப் போட்டிகள் நடப்பது வழக்கம்.

இந்த ஆண்டுக்கான போட்டியில் ஏராளமான விவசாயிகள் ஆர்வத்துடன் கலந்துகொண்டனர்.

அதில் 6.65 கிலோ எடையில் மிகப்பெரிய வெங்காயத்தை உற்பத்தி செய்த பீட்டர் கிளாஸ்புரூக்; 66.8 கிலோ எடையில்  முட்டைக்கோஸ் உற்பத்தி செய்த ஐயன் நீல்; 2.5 கிலோ எடையில் தக்காளியை உற்பத்தி செய்த கிரிஃபின்; 310.7 கிலோ அளவில் பரங்கிக்காயை உற்பத்திசெய்த ரிச்சர்டு மான் மற்றும் 32.5 அங்குல நீளத்தில் மிக நீளமான பீன்ஸ் உற்பத்தி செய்த கே டெர்ஹாம் ஆகியோருக்குப் பரிசுகள் வழங்கப்பட்டன.

ஜோ ஆதெர்டன் என்ற விவசாயி 2.610 கிலோ அளவிலான உருளைக்கிழங்கு, 3.960 கிலோ அளவிலான கேரட், 16.810 கிலோ அளவிலான பீட்ரூட் ஆகியவற்றை உற்பத்திசெய்து மூன்று பரிசுகளை வென்றிருக்கிறார். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz